شاشة الكميرا انكسرت وش السواااااااااااااااااات

[برقاوي]

السلام عليكم مساكم الله بالخير يا شباب

أنا عندي كميرا من النوع هذا
http://www.geniusnet.com.tw/product/camera/pic/g512.jpg


لكن هالأيام طاحت وتشطبت الشاشة تشطيب خفيف وصارت بيضاء كله وانعمت الشاشة

صارت الكميرا تشتغل ولا فيها خلاف لكن الشاشة بيضاء

فالله يعافيكم وشلون أصلحها ؟؟؟؟
أرسلتها للوكالة قالوا ما عندنا قطع غيار :confused::confused::confused::confused:
الله يخلف وكالة ما عندهم قطع غيار لكن خلها على الله

فما تعرفون لي محل يصلح الشاشة سواء بالرياض ولا القصيم وجزاكم الله خير ..........ولا تصيفون.:rolleyes::rolleyes::rolleyes:

[سراوي]

السلام عليكم ورحمه الله

الله يعوضك اخوي بهالكمره ماهنا وكيل ولا بطيخ


وش السواااااااااااااااااات= مالعمل


وتشطبت الشاشة تشطيب خفيف = كسور بسيطه بشكل طولي

ولا فيها خلاف = تعمل بحاله جيده

ولا تصيفون = ارجو الرد بسرعه فانا في عجله من امري

تراااااااااااااي امزح :D اخوي برقاوي كلنا اولاد علي


اخوك سراوي

[شبح الصحراء]

الله يخلف عليك ويجعلها آخر الخساير ، بس تدري عاد انها خيرة كسرتها لأن شركة جينيوس تعبانة وصورها سيئة وحسافة يروح تعبك وتصويرك على صور سيئة وجودتها تعبانة والحين وانا اخوك مالك الا تدور على كاميرة محترمة ما تتحسف تصور فيها ، بس لا تنسى تشتري غطى للكاميرة الجديدة علشان تحافظ عليها .

[عليان الليل]

الشكوى لله والله يعوض عليك ..
وهذي مشكلة الشركات الغير معروفه ,,
اخوي سراوي مشرفه وينه عن مغيظة
هذي له سالفه طريفه ,,
الوالد الله يحفظه راكب معي (معيدين بالقصيم ) ويقول لي خل نبترم ( نتشمى )
خل اوريك قصور اجدادك واهلك وبيوتهم ..
قلت وين تبي نروح قال رح لمشرفة قلت وينه قال عند مغيظة
قلت يابيي ماعرفت هذي علشان اعرف ذيك.

تحياتي

[برقاوي]

الله يجزاكم خير
ومشكور أخوي سراوي على الترجمة ......
تصلح مترجم للهجة القصمان .....




وعسى الله يعوضني خيررررررررررررررر .......