استفسار للسياحه في اندونيسيا .....!

[فتى الشيحيه]

السسسلاآم عليييكم ...




حبيت اسأل كم تكلف السياحه لاندونيسيا للشخص الواحد شامله الطياران والسكن والترفيه ؟؟







وشششششكرا

[تطعيس]

هلا بالجار شف وانا اخوك تعتمد على تذكره الطيران اولا والباقي على حسب مزانيتك يعني الفنادق تحصل شي 150 ريال وانت طالع الى ال1000 ريال اما الجبل الصراحه ان اسعاره ارتفعت 3 اضعاف وغير اذا تبي تروح ل بالي-اذا كنت تبي تسافر شباب غير انك تروح مع عائله الشباب ارخص وريح بال

[الزويكي1]

زي ماقال اخوي تطعيش الشباب افضل لان العائله تشيل الهم

اما بالنسبه لتكلفه انا بعطيك الاسعااار الي اعرفها من الاف للياء
ان
بالنسبه لسكن في الجبل على حسب الغرف فله فيها غرفتين وكل غرفه فيها سريران بـ400000 الف روبيه

وفله فيها 4 غرف وكل غرفه فيها سريران بـ750000 الف روبيه

اما بالنسبه لسواق يوميت السواق بـ400000 الف روبيه من الصباح الى المساء الساعه 8

اما بالنسبه للغنم وانت بكرامه بـ400000 الف روبيه

وطبعاا المعلبات غاليه بكل مكان دبل لازم تاخذ معلبات من منطقتك بالنسبه لنا تقضينا بـ500 ريال معلبات فول وجبنه وحلاوه وزيتون و و و و و و و و ....... الخ

اما بالنسبه لتذاكر كل يوم بسعر وعلى حسب شركه الطيران


بالنسبه لنا رحنا بطيران الإمارات سعر التذكره بـ2150 ريال لشخص الواحد

وحنا 6 اشخااص وكل واحد من غير فلوس التذكره 1500 لشخص من غير فلوسه الخاصه

التكلفه لشخص الواحد 3650 لشخص الواحد وفتره الرحله 10 ايام

واولا واهم شي التنظيم لرحله لازم جدول


واتمنى لك رحله سعيدهـ


واي استفسار انا حااضر حااضر بكل شي لاتستحي اخوك الصغير

[ابوو عبدالله]

ما قصرو الاخوان
لكن انصحك هج عن الخطوط السعوديه غاليه وقلق
روق على باقي الخطوط ودور اللي يناسبك
وبالتوفيق

[جمس_454_97]

ابا كبر سلام اندنوسي
انا سافرت لندنوسيا اكثر من 13 مررره
وكل سنه اجيها الاسعار تختلف عن السنه الي فاتت
لاكن اعرف لهم ماجي الاماكن الي فيها سعوديين
كنا ناخذ التيس 200 الف ربيه مايعادل 80 ريال
وكنا ناخذ فله فيها خمس غرف بشكرو ب250 الف
السواق ناخذه وعليه البانزين بـ350 الف ربيه
الحين طيرو الاسعار وكلها بسباب الي يطلع ولا يعرف الاسعار وياخذ اي سواق باي سعر واي فله وباي سعر
انا صرت اذا طلعت اطلع الى سكا بومي وهي مدينة الحب حلوووه وفيه افضل منها مدينة باقندران وهي فضيييييعه قمة بالروعه ومعنى اسمها مدينة الغزالان
هذي المدينه التي لن انساء جمال الطبيعه فيها فوق الخيال يوجد فيها جوين جو الجبل وجو بالي واغلب السياح فيها اوربيين ولم اجد عربي وهذا افضل مافي الموضوع والتيوس قيمتها الى الان 200 الف
اخذنا غرف في ارقى فندق على البحر بقيمة 150 الف ربيه وتمشيتنا بالدبابات استأجرنها بـ50 الف ربيه
بالنهار نطلع للجبال فوق للانهر وبالليل نجلس على البحر وكنا مجموعه شباب عددنا يتجاوز 7 اشخاص
واحلى مافي هذي المدينه بالصباح لمن تصحي تجد الغزالن يمرون من عندك وبدون خوف حاولت اصيد واحد قالو لي انتبه ترى يسجنونك وغارمه خياليه ممتوع صيدها وفيه حيوانات غريبه بداخل هذه الجزيره والله ماعرفها اول مره اشوفها وطيور غريبه
واخذنا سفينه تمشينا بالبحر قيمة السفينه 250 الف ربيه
وهذي الجزيره تتميز بكثرة اللولو الطبيعي ولاكن ليس باللولو الدرجه الاولى ولاكن يعتبر الدرجه الثالثه
واخذت من قلائد اللولو بأسعار بسيطه من 20 الى 80 الف ربيه للحبه
على حسب اللولو وحجمه وكميته الموجوده بالقلائد
ولاكن لا تنفع الا مجموعه كبيره لانك مااراح تقابل عربي تسولف معاه واغلبهم مايعرفون عربي يعني لازم معاك السواق يكون عارف عربي او اذا كنت تعرف انقليزي بتقدر تتعرف على الاورببيين بس انتبه لا تقول انك من السعوديه قل من دبي
خويي بلبل انقليزي تعرف على واحد قالنا انه ايرلندي وصار خوينا يدلس عندنا ويطلع معانا وجاب اخوياه يجلسون معانا لمن نسهر على البحر بالليل وسئل خويي قال من وين انتم قاله من السعوديه وعلى طول سحب نفسه منا وكلم اخوياه وكلهم انحاشو قلت لهذي الدرجه حنا نخوف ههههههههههههه
بالاخير اذا شفناه اوربي قلنا له دبي ولا ليبيا ولا اي دوله عربيه اخرى
بس مانصحك ترووووح لها عوائل اندنوسيا ماتنفع عوائل
عليك بــ ماليزيا هذي افضل منطقه للعوائل حسب ماسمعت وعلى فكره قليل العوائل في اندنوسيا اغلبهم الشباب
واذا استاجرت بالجبل بالليل بيزعجونك كل واحد مطول على المسجل والي بحاله غير طبيعيه نصيحه لا تسافر ومعاك عوائل

[جمس_454_97]

اخوي الغالي بالنسبه لتكلفه لشخص الواحد على حسب طلباتك انت تقدر تاخذ فندق باليوم بـ 50 الف وتقدر تاخذ فندق بـ مليون ربيه
ماحد يقدر يحدد السعر الا انت,,,,
تكلفك باليوم تقريباً حد وسطي 800 ريال باليوم وتزيد على حسب طلبك
انا انصحك اول ماتجي المطار فيه مكتب كاها تستاجر من عندهم فندق اريدوتا سمنقي ممتاز وخدماته ممتازه قيمته باليوم حسب معلوماتي القديمه مليون ربيه حدود 500 ريال باليوم تجلس في جاكرتا ثلاث ايام تمر الدنيا فنتاسي بتعجبك وتتمشاء بالاسواق وبعدها تاخذ جوله على الجبل وباندونق وباقندران حاول ماتطول بمدينه مده طويله حاول قدر الامكان رؤية اكثر المدن والمناظر الطبيعيه
والله فيه سواق عندنا رهيب ويعرف عربي زين وسعره 400 الف لاكن ضيعت رقمه بالشريحه الاندنوسيه
وعلى فكره كل مايزيد عدد اخوياك كل ماتقل تكاليف الرحله
يعني اجار السياره 400 الف وانتم 6
تطلع على كل واحد منكم باليوم 60 الف ربيه مايعادل 25 ريال باليوم على كل واحد

[جمس_454_97]

بالنسبه للخطوط انصحكم يا اخوان بالخطوط القطريه وبعدها الاماراتيه وبعدها الاتحاد
وانا افضل الاماراتيه خدماتها حلوه وطياراتهم ممتازه
اما بالنسبه للخطوط السعوديه غاليه ولا فيها خدمات هج عنها يرزقك الله
وفيه من اخوياي جربو القطريه يمدحونها مررررره وانا والله ماجربتها وناوي ان شاء الله ماسافر الا على القطريه حتى لو كانت اغلى
وفيه نقطع ثانيه مهمه احجز قبل سفرك بمده طويله ينزل سعر التذكره كل مازادة المده ينزل سعر التذكره لو بس تحجز وارخص مكتب المؤيد اسعاره ارخص من باقي المكاتب موجود على طريق الدائري
واي استفسار لك او للأخوان الي ناوين السفر الى بلاد الاندومي انا مستعد

[فتى الشيحيه]

يعطيكم العافيه جميعاً :good:

[أبورمح]

السلام عليكم
لو تكرمت ابي استفسر ولا عليك امر
انا مسافر اندونيسيا بعد اسبوع باذن الله انا وابن عمي
وتو ماسوينا شي ولا حجزنا نظرا لكثرة الاشغال
ايش رايك مع العلم بأن المده خمس ايام نظرا لكثرة الاشغال كما ذكرت سابقا
افدني جزيت خيرا
شكرا لك
اخوك ابورمح