المساعد الشخصي الرقمي

مشاهدة النسخة كاملة : باركولي يا أخوان شريت جيب ربع نيسان موديل 2000 نظييييييييييف


راعي المجهم
23/12/2011, 08:10 PM
السلام عليكم ورحمة الله وبركاته

نسأل الله العلي العظيم أن يبارك في ما أعطانا وياكم

ويكفينا شر من فيه شر

حبيت أستشيركم في سيارة بخصوص بعض الشياء

شريت جيب نيسان ربع أبيض موديل 2000

ماشاء الله تبارك الله بقيمة 55 الف ريال أمس

شلد بلد نظيف جداً جداً بودي ومحركات وبطن الموتر جديد

حتى كنداسته ماشاء الله تبارك الله تلمع جديدة

من مبيعات شركة الكهرباء الموتر ماجاه سافي ولا خطوط

طويلة تحت المظلة داخل الشركة أغلب وقته حسب كلام

قريبي الي شغال في الشركة وهو الي وصاني عليه

وأشتريته عن طريقة

ولكن فيه مشكلة تفتفه بسيطة وهو واقف !!!!

وإذا مشيت عادي يمشي بدون تقطيع ويصفق طبلونه

والحرارة إذا وقفت تجي بين الخطين الربع وخط c

وإذا مشيت تنزل للخط الأسفل !!!!!

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,

أستفساراتي هي

هل سعره مناسب أم غالي ؟

ماهو سبب التفتفه وهو واقف ؟

وضع الحرارة هل هو طبيعي أم هناك مشكلة ؟

وهل هناك أشياء يلزم أغيرها أو انتبه لها ؟

والله يجزانا وياكم كل خير
راعي طرفه
23/12/2011, 08:21 PM
تبي الصراحه غالي كم ماشي الموتر ؟
HAS5SAN
23/12/2011, 08:27 PM
أستفساراتي هي



هل سعره مناسب أم غالي ؟


ماهو سبب التفتفه وهو واقف ؟


وضع الحرارة هل هو طبيعي أم هناك مشكلة ؟


وهل هناك أشياء يلزم أغيرها أو انتبه لها ؟


والله يجزانا وياكم كل خير



الله يعطيك خيره ويكفيك شره
سعره غاااااااااااااااااالي
لكن العذر انه نظيف حسب كلامك
سو له تصفية وحاول تغير صفاية البنزين
والبواجي ويمكن الاسلاك حقها
أشياء كثيرة لكن ماراح تكلفك واجد
الحرارة طبيعيه
راعي المجهم
23/12/2011, 08:30 PM
تبي الصراحه غالي كم ماشي الموتر ؟

الموتر الله يسلمك ماشي 160 الف كيلو فقط

لكن منظره وشكله تقول 2009 من نظافته

بس قبل أشريه لفيت المعارض خواته ماشيات فوق 300 الف كيلو

وفيها طقوق ورشوش ومحركاتها تعبانه مافي أقل من 45 الف ريال !!!! أبداً
راعي المجهم
23/12/2011, 08:32 PM
الله يعطيك خيره ويكفيك شره
سعره غاااااااااااااااااالي
لكن العذر انه نظيف حسب كلامك
سو له تصفية وحاول تغير صفاية البنزين
والبواجي ويمكن الاسلاك حقها
أشياء كثيرة لكن ماراح تكلفك واجد
الحرارة طبيعيه



من ناحية نظيف وانا خوك فهو نظييييييف ماشاء الله تبارك الله

ناس يقولون هذا سعره وناس تقول زايد عليك بـ 5000 ريال !!!

لكن ماجاوبتوني على الأستفسارات ياشباب
يريور عيمان
23/12/2011, 08:36 PM
الموتر اتوقع كربيتر
المهم اللي عليك فعله هي التصفية الشاملة
تغير فلتر البترول
تغير البواجي و الاسلاك و تشوف الكويل و الديلكو اذا موزون و يشتغل بكفاءة
تنظف الكربيتر
و مبروك عليك الباترول انا اشهد انه موتر
راعي المجهم
23/12/2011, 08:48 PM
والحرارة هل هي طبيعية ؟؟؟
ابومناحي
23/12/2011, 10:25 PM
مبروك وتكسره بالعافيه
راعي المجهم
23/12/2011, 10:32 PM
فيهة حاجة نسيت أذكرها الموتر أحياناً وأنا ماشي

يرمي الشكمان حقه صوت واضح !!!!
دورانجو
23/12/2011, 10:33 PM
قبل لا تشري انشد عن السعر واعرف اذا غالي او رخيص

اما اذا شريت
وانت قانع وطربان بالي شريته
لاتنشد احد لانه اما ينغصك و يلومك ولا يجاملك وفي كل الاحوال مالك وشريت فيه ما يقنعك ويسرك
والله يبارك لك في حالك ومالك وعمرك

وان شاء الله انها سياره مباركه
ونقول اللهم نسألك من خيرها وخير ماجبلتها عليه ونعوذ بك من شرها وشر ماجبلتها عليه
اللهم اجعلها مقدم خير وبركة على اخينا
وجنبه بها ومنها كل شر يارب العالمين
راعي المجهم
23/12/2011, 10:47 PM
الحمد لله على كل حال

لكن ابي رد على الاستفسارات

من واحد مجرب نيسان من غير قصور في من رد

والف شكر
عاشق الموطن
23/12/2011, 10:55 PM
الله يرزقك ويبارك لك
بالنسبه لاسعارها ماعندي خلفيه عنها لاكن دايما خذها قاعده في حياتك دام انك سالت ودرت بالمعارض وشفت السوق واقتنعت بهذه السلعه وانها نظيفه فما تفرق معك ال5000 اذا انت مستخدم


وبالنسبه لتفتفه والصوت شيك على البواجي واسلاك البواجي والصفايه
ولاتتردد ...والله يطعمك من خيره ان شاء الله
أبو أسامة
23/12/2011, 11:02 PM
أول شيء مبروك
ثاني شيء بخصوص الأستفسار الأخير هو أن البواجي في موترك منتهيه أو مكربنه ولا تحرق البنزين بشكل كامل وعندما يصل البنزين للكنداسه ينفجر بسبب حرارة الكنداسه ......
شمالات نجد
23/12/2011, 11:13 PM
الف مبروك

الله يعطيك خيره ويكفيك شره

لا تنشد عن السعر انت مقتنع في الموتر خلاص انتهينا بعض الاحيان الواحد وده يفرق عشر آلاف ولايلقط له موتر مكسر كل يوم يوديه الورشه

الموهم..

من البديهي يوم انك شريت الموتر وناوي تستخدمه انه تمشي عليه من الصدام للصدام ولا تقصر عليه بشي

وعندك كم حاجه انت تقرر وش تحتاج منها:-

اصلاح كربليتر+ صفاية البانزين

طقم سيور + تنظيف تماتيك المروحه

بواجي + طقم اسلاك بواجي+ شاكوك الديلكو

فلتر هوا + وزن كربليتر ووزن ديلكو

غسيل مكينه داخلي + تغيير الزيت والسيفون

تشييك على زيوت الموتر ومشاحمه الناقص تزيده

تغيير موية الاديتر وغسيله + مويه خضرا

طبعاً الفحمات والكفرات مثل غيرها على حسب وضعها وانت ابخص

وفقك الله والجميع

سلام
مقلع الرمث
23/12/2011, 11:17 PM
اخوي كانك من اهل الرياض

رح للصناعيه القديمه واسأل عن ورشه النيليل سوداني اسمه عوض

رجال لعبته النيسان وخاصه الباترول ورجال يخاف الله وقديم بالشغلات هذي

ويعلمك وش يبي تصفيه ولا غيره بالتوفيق
مع نفسك
23/12/2011, 11:20 PM
الله يعطيك خيره ويكفيك شره
اما من ناحيه سعره والله غالي
sgl2002
23/12/2011, 11:21 PM
شف ياخوي انا معي اخو موترك وحافظه مسمار مسمار وكذلك الاسعار وخذ العلم مني

١- سو تصفية كاملة ولاتلعب في الكلبريتر خله
٢- غير الموية الرديتر اصلية جالون واحد تويوتا+ ماء مقطر تعبي فيه باقي الرديتر
٣- لاتعدل في كهربته بيلعب فيك
٤- ركب فرارات
٥- الحرارة اذا نزلت c فمعناه البلف مفكوك ويحتاج بلف
٦- غير الخراطيش وكنسل الهيتر افضل
٧- بالنسبة للسعر لو قبل سنتين بقول غالي بس الحين السعر هذا ماتقدر تتربح من وراه وهو يسوى ٥٠ مايتعداها لكن دامك مستخدم عايدي بس بتتربح ماعاد وراه
راعي المجهم
23/12/2011, 11:22 PM
الف شكر لكم ياشباب راح اغير بواجي واسلاك وصفاية وفلاتر هواء
fahd_shamary
23/12/2011, 11:30 PM
مبروك وماتقشر
أبو هشام راشد
23/12/2011, 11:32 PM
الله يعطيك من خيره ويكف عنك شره

يمكن التفتفة من طول الوقوف ( نظف صفاية البنزين ، افحص اسلاك البواجي ، افحص واحد من البواجي ان كانت تعبانه فغيرها لا تحرص على التغيير ما دام السيارة ما بعد مشت معك عشان ما تخسر عليها

وبالتوفيق
ابوسند9
23/12/2011, 11:32 PM
الله يبارك لك فيه
وبالنسبه للسعر لو بتسئل الناس كان ما اشتريت وسعره اشوف انه مناسب على نظافته والنظيف سعره فيه
وبا النسبه لتفتفه شيك على ليات الهواء لايكون فيها شقوق او تنسيم وكذالك خرطوش القربه الواصل من الفلتر الى المكينه
وبا النسبه للرمي او الصوات شيك على الكندسه ممكن يكون فيها خرم صغير وغالبا يكون منها
راعي المجهم
24/12/2011, 12:27 AM
الشكر للجميع
حطاب الشمال
24/12/2011, 12:27 AM
الله يعطيك خيره ولاتسمع في هذا وهذا
hezam
24/12/2011, 04:21 AM
ماشاء الله تبارك الله
الف الف مبروك
لو تنزل صورته