تكفون استفسار يااهل الجيوب النيسان الربع

[أبو ممد و ح]

تنصحوني في الربع النيسان ك أستخدام انا والله ماعرف فيه شي ابيه بران وخطوط

وهل تانكي الماء يجي تحت او ماله محل

[فلقه]

مثلك وربي اني محتار

[sgl2002]

خذها من مجرب

جربت كثيير جيوب والله ما مر على موتر بقوته وامش ولاتخاف لامن تعليق ولا هلاش ولا انقلاب بعد حفظ الله

من غير الراحه في الخط

وقيادته سلسة خصوصا يعجبك في الردميات

وعليه دفرنس اتوقع ممكن يسحب تريله

وشفني بشتري شاص تويوتا ومع ذلك ما بقدر ابيعه

ولا بتقدره الا اذا جاء حزة الصدق

لكن لازم تاخذ نظيف وتحافظ على صيانته الدورية ومابتشوف شر
وتذكر كلامي

[حطاب الشمال]

اخذ باترول ولا تشاور احد خاصه اذا كنت صاحب طلعات للبر ولاراح تندم بس يكون نظيف والله يرزقك

[أبو ممد و ح]

طيب تانكي الماء يجي تحت له مكان زين وحق تقريبآ كم لتر

[علاوي المكاوي]

الله يعطيكم العافية مافيه جديد بالوكالة وكم سعره

[sgl2002]

^^^
لاتاخذ وكالة لان سعره قريب ١٠٠ الف
انزل الحراج وبتحصل حاجات مامشت وسعرها مناسب
وكذلك افضل عند البيع

[راعي المجهم]

نصيحة لا تأخذ ألا كلبريتر من موديل 2003 وتحت

مشاكله أقل من البخاخات

لان البخاخ دائمأ يتعطل كتاوت طرنمبة البنزين

كذلك طرنمبة البنزين كهربا تخرب بسرعة

,

[مواسي الطعوس]

البخاخ افضل بمرااااااااااااااااحل. الكتاوت لو خرب كل 4سنوات رخيص وحطه بالدرج .

[sgl2002]

الكتاوت تم تفاديه بتصنيع نوع اخر لونه اخضر

والطرمبة مايخربها الا تصفير التانكي


والكلبريتر انشط من البخاخ في الخط

[فهد بن مشبب العاصمي]

اخوي الموتر خفيف صراحة في البر وراسي لكن البنزين الموت والتفكك هذي عذاريبه ،، ولازم تشيك على الكلبريتر لأنه يقطع ويتفتف على الريحه لاجاه غبار او تراب ،،

انا كان معي هايلكس 99 والقرقعه مااسمعها مع اني ماأداريه

ومن يوم شريت الربع لي حول سنتين تبلد احساسي مع القرقعه مع اني اغير ربلاته دايم ومساعداته زينه وياياته ،، لكن اللي كرهني فيه هالعذروبين ،، وعسى الله ييسر ونشتري تويوتا

[sgl2002]

^^^ القرقعه في اكثر الجيوب
لكن الناس حطت براسها النيسان انه يقرقع

مع اني جربت تويوتا ونيسان وكلها تقرقع مع الجلد

[فهد بن مشبب العاصمي]

^^^ القرقعه في اكثر الجيوب
لكن الناس حطت براسها النيسان انه يقرقع

مع اني جربت تويوتا ونيسان وكلها تقرقع مع الجلد
وانا اخوك انا اشوف اللي عندي فيه ناس عندهم نيسان وناس تويوتا ،، والفرق واضح بالتفكك والقرقعه ،، وانا الموتر له معي فترة ولاني قايل شيء ماجربته لكن ممكن موترك جديد لكن ربي يبارك لك

[مواسي الطعوس]

هناك امور كثيره يغفل عنها منها :

1/ اذا اشتريت الموتر وكاله ((تقدر تحكم))

2/ يمكن موترك جايه جلد وبر لو تشوف قيادة من قبلك ماشريته .

3/ الباترول يشتريه ناس ((ماتهدي في البر )) وماتقدر تقود غيره في البر كقيادته ...والسبب رساوته .والكل يعرف هذا ....ولو تحاول تقود غيره مثله انقلبت ولن تقدر .

4/ جربناه وجربنا غيره هو احسن مرات .

[أبو ممد و ح]

ربي يعطيكم الف الف الف الف عافيه على تفاعلكم

بس ماجاوبتوني تانكي الماء يجي تحت ولا مايجي

[مواسي الطعوس]

يجي تحت بس صغير يكون مابين 45 الى 50 لتر .

++ الان عندك الوطني ((داخل))وانواع المقاسات وخفيف اذا ما تحتاجه نزله ويكفيك اللي تحت .

[المحمادي1]

السلام عليكم..
بصراحه سيارة روعه في البر متعه في سواقته ماشالله . بس عيبه القرقعه ولا احد يقولك يمكن الي قبلك جالده ولا شي أنا الحمدلله فاكه وكاله ٢٠٠٩ وعندي أف جي ٢٠٠٨ ماشي ١٦٠ الف ماشالله مافيه قرقعة الباترول الي ماشي ١٣ الف فقط وفي الخط الاف جي أرسى وفي البر الاف جي أريح بالمطبات والبنزين اوفر اشتريت الباترول قلت ابيع الاف جي وأخذ سياره صغيره للعائله ولا قدرت أبيعه لأني أخذت سيارة اخوي صغيره يوم واحد وشفت الفرق. ولا قدرت ابيع لانهم في الاخير عينين في راس واحد كلها سيارات ماشالله طيبه بدون اي تحيز ×

[انفاس الصباح]

خذ باترول ربع , ولا تفكر في البيع أبدا , لأني جربت أكثر من ثلاث ربوع نيسان , وكلها ولله الحمد ما فيه قرقعة ملفته مثلها مثل السيارات الأخرى , سوى الشكل القديم 97 وتحت جربت اثنين منهم كان فيهم قرقعة مع المطبات والحفر ولكن اذا استوى على الخط تنتهي القرقعة , اشتريت 98 و2001 و2003 واستخدمت 2000 لعدة شهور وفي الفتره نفسها كان مع أحد الإخوان جيب لكزس 2005 وبدون مجاملة كان الباترول ال2001 أفضل منه من ناحية القرقعة الكزس لا يكتفي بالأصوات فقط بل يضيف لها اهتزاز دعاسات البنزين والفرامل حتى يخيل اليك أنك تقود سيارة في موديل الثمانينات مع العلم أن الكزس كان سليم من الحوادث بينما الباترول ال2001 سبق وأن حصل له حادث في المقدمة... يعلم الله لا أقول هذا الكلام جزافا وإنما عن تجربه وبعد امتلاكي عدة سيارات دفع رباعي منها الباثفايندر من نيسان , والانفنتي شبيه الباث , والانفنتي شبيه الأرمادا , والسلفرادو من الشفر , والربع التويوتا ولكن موديل قديم , والإفجي 2009.. والأفلانش الشكل الجديد , فما وجدت شيئ يرضيني من هذه السيارات سواء في البر أو في السفر ـ باستثناء الانفنتي شبيه الأرمادا في السفر لم أركب مثله الى اليوم ـ الا الباترول , مع العلم أنني لا امتلك باترول الآن وإن كنت ندمت على بيعه ندامة الكسعي كما قال المتنبي:
ندمة ندامة الكسعي لما ....غدت مني مطلقة نوار
(وبالنسبة للتانكي فكان مع أحد الاخوان ربع نيسان ومركب له تانكي سعة 90 لتر أسفل السيارة وكان منظره جميل وغير بارز البروز المشوه.)
ولا زال البحث جار عن باترول سلق..عسى الله أن يكتب لنا ولك وللاخوان ما فيه خيري الدنيا والاخرة..واعتذر عن الاطالة....

[انفاس الصباح]

وإن كنت ندمت على بيعه ندامة الكسعي كما قال المتنبي:

ندمة ندامة الكسعي لما ....غدت مني مطلقة نوار
[/QUOTE]

تصحيح القائل هو الفرزدق وليس المتنبي كما كتبت , ولم أتمكن من التعديل الاّ الآن..

[المنيعي1]

السلام عليكم..
بصراحه سيارة روعه في البر متعه في سواقته ماشالله . بس عيبه القرقعه ولا احد يقولك يمكن الي قبلك جالده ولا شي أنا الحمدلله فاكه وكاله ٢٠٠٩ وعندي أف جي ٢٠٠٨ ماشي ١٦٠ الف ماشالله مافيه قرقعة الباترول الي ماشي ١٣ الف فقط وفي الخط الاف جي أرسى وفي البر الاف جي أريح بالمطبات والبنزين اوفر اشتريت الباترول قلت ابيع الاف جي وأخذ سياره صغيره للعائله ولا قدرت أبيعه لأني أخذت سيارة اخوي صغيره يوم واحد وشفت الفرق. ولا قدرت ابيع لانهم في الاخير عينين في راس واحد كلها سيارات ماشالله طيبه بدون اي تحيز ×
الله يهديك يالمحمادي
تقارن الباترول بالـ الاف جي وشجاب الحصان للجحش
الباترول الربع لحاله مع عيوبه. صحيح فيه قرقعة في الباب الخلفي ولكن الرساوة مأعتقد فيه جيب أرسى منه .

[المحمادي1]

والله يالمنيعي أنا أتكلم عن تجربة السيارتين الباترول الربع السياحي في الخط الهواء يلعب في حسبته ولكن انتظر اغير كفرات بلده يمكن يكون فيه فرق... وفي البر الاف جي ثابت ما يطامر ومع كل هذا أنا اميل للباترول اكثر يقولون الحب أعمى ايش نسوي×