كفرات جديدة غريبه عجيبه ادخل وشف العجب

[مافيه]

بسم الله الرحمن الرحيم

لسلام عليكم ورحمة الله وبركاته

اليوم لقيت لي مقاطع غريبه صراحه وشكلها جيل جديد من الكفرات طبعا باليوتيوب

من مميزاتها بدون هواء + افضل تماسك في المنعطفات و الفرامل من الكفرات العاديه الي بالهوا سواء تيوبلس او شنبر

عموما اتمنا من الي يقدر يفيدنا في هاذي الكفرات ويجيب لنا معلومات عنها مايقصر معنا واكون له شاكر لان اخوكم في الله لغتة الانقليزيه 0

وتفضلو بعض المقاطع عنها


شرح عن النوع الكفرات المقصود

v_mj0URDboE

شرح بسيط عن نوع مشابه لها واتوقع انه الجيل الاول


OGvRnij2zoE



وهاذا مقطع وهي على جيب همر ((الصدق جازت لي شكلها تنفع للشعبان بس مدري وش وضعها في النفود))


4jYcX_D09ig


وهاذا مقطع لراعي دوج يجربها في احد فياضهم وشكلها اجوديه


Pja6vKnEV4E


وهاذا نفس الفكره للمعدات الثقيله


ri_2bUGYvqQ


ياليت احد يعطينا معلومات وافيه عنها ياجماعة الخير

[باترول 1987]

كفر نوعيه كويسه بس لاهنت نبغاك تسوي استطلاع عن قيمتها في السوق هل يعتقدون الاعضاء سعرها ياتي رخيص ام غالي

مشكور

[جمس_454_97]

هذي من شركة ميشلان وبدون هواء قريت عنها ولاكن كل عاده بالسعوديه مايجينا الشي الجديد

[NOYEB]

يبدو انها خفيفة بالمطبات والحفر ..لاكنها غير عملية.
شكرا

[ابوالفهد]

لين صارت صينيه بتجينا

[رحّال 9]

لو هي عندنا ماخذتها

عشان لي جيت ادخل النفود ما تنسم يعني مالها طعم هههه

يعطيك العافيه .

رحّال 9

[أبو هشام راشد]

ما أتوقع يمكنك السرعة عليها وشكل بيجي عليها صوت

[Magellan]

شيء جميل بالحيل
بس راح نفقد العذر بعض الاحيان للصبح اذا قلت للمدير تأخرت عشان الكفر مبنشر:D

[- النشمي -]

لين صارت صينيه بتجينا




ههههههههههههههههههههههههههههههه


الله يسعدك


صدق من سمانا صومال الخليج :D

[مافيه]

كفر نوعيه كويسه بس لاهنت نبغاك تسوي استطلاع عن قيمتها في السوق هل يعتقدون الاعضاء سعرها ياتي رخيص ام غالي

مشكور
حياك يا الغالي
والله يا الغالي اللغة عندي 0 ولا كان جبت علومها كامله الي اعرفه انها من مشلان و الضاهر انه نوع تجريبي لانه ممكن يكون فيها بعض المشاكل واولها الفتحات على جنب الكفر مكشوفه واتوقع انها بتسبب صوت مع السرعه


هذي من شركة ميشلان وبدون هواء قريت عنها ولاكن كل عاده بالسعوديه مايجينا الشي الجديد
انا اشهد انك صادق ويعطيك العافيه

لاكن مهوب شرط اتوقع تقدر تطلبها من الوكيل او حتى من النت لاكن بيكلف عليك الشحن واتوقع انها اثقل من الكفرات العاديه


يبدو انها خفيفة بالمطبات والحفر ..لاكنها غير عملية.
شكرا

حياك الله
هي تجي ونجربها بعدها نحكم عليها ماينفع الحكم من اول نضرة ((وانا اتوقع انها عملية لاكن ماتنفع للسرعات العاليه ووزنها اثقل من الكفرات العاديه وهاذا توقع))


لين صارت صينيه بتجينا

انا اشهد ان كلامك على متمه وصدقت في كل كلمه
لاكن بعد حنا ذابحنا الطمع نبي الزين و الزين غالي وربعك التجار يجيبون الشين ويبعونك بقيمة مقاربه للزين لاكن للأسف مافيه توعيه ومافيه حمايه خلها على ربك لانطلع من الموضوع الاساسي


لو هي عندنا ماخذتها

عشان لي جيت ادخل النفود ما تنسم يعني مالها طعم هههه

يعطيك العافيه .

رحّال 9

حياك الله وعسى الله يوسع صدرك بالعافيه
هقوتك بس تنفع للنفود ((انا ماهقيت انها بتمشي الا اذا كنت بتشب على موترك))


ما أتوقع يمكنك السرعة عليها وشكل بيجي عليها صوت

حياك الله لاكن في المقطع سياره صغيره واتوقع انها ممتازه


شيء جميل بالحيل

بس راح نفقد العذر بعض الاحيان للصبح اذا قلت للمدير تأخرت عشان الكفر مبنشر:D

حياك الله شكل مديرك معذبته الكفرات ((في الخطة المليونية القادمة بيصرفون بدل كفر وبدل نعل وانت بكرامه و القراء))



وانا يا جماعة الخير كاتب الموضوع وحاط المقاطع لاكن ماعندي اي خلفيه عنها ولغتي الانقليزية تعبانه وصعب علي البحث عنها او استخراج معلومات عنها

واتوقع اي واحد فاهم في اللغة ماراح يصعب يطلع بعض المعومات عنها الله لايهينة ياليت ينور الموضوع برد منه وفيه بعض المعلومات عنها واكون له من الشاكرين

[.أبوعبدالرحمن]

هذي أشوفها عندنا على الشياول الصغيرة

مثل إللي في المقاطع


لكن في السيارة ما قد شفتها وفي اعتقادي أنها ما راح تكون عملية

و راح يكون لها صوت عالي بسبب الفتحات إللي على الجنب إلا

إذا سكروها والله أعلم

[مهندس مكشات]

يعطيك العافية على النقل

[رسيس نجد]

مشكور على الموضوع

[ابوهلا1]

راحو فيها البناشر
معد فيه رقع ورفع ولستك وتيوب
يعزلون

[ابوناصرالحربي]

ماقصرت على الموضوع الرائع

يعني ماعاد فيه بنشر بالحره ياأبو محمد

[صاحب مبدا]

زين للصحراء الجبلية بلحيللللل ليت تجي عندناااء

[WWS]

شيء جميل بالحيل
بس راح نفقد العذر بعض الاحيان للصبح اذا قلت للمدير تأخرت عشان الكفر مبنشر:D

خخخخخخخ
الله يقطع إبليسك يـآ آبؤ علي
:good2::good2::good2:


هين حليؤه هآلكفرآت لكن ؤ آلله من آلثقل بهـآ
ؤآآآآؤ
:(:(

[مافيه]

هذي أشوفها عندنا على الشياول الصغيرة

مثل إللي في المقاطع


لكن في السيارة ما قد شفتها وفي اعتقادي أنها ما راح تكون عملية

و راح يكون لها صوت عالي بسبب الفتحات إللي على الجنب إلا

إذا سكروها والله أعلم

حياك الله يابو عبدالرحمن

كل شي وله حل والله العالم حلها فتحات تسمح بخروج الهواء من جانب واحد ((وهو الخارجي)) و الجانب الثاني انشاء الله ماعليه خوف ومامنه صوت زايد و التجربه خير برهان بس خلها تجينا

وهاذي والله العالم انها تجريبيه لين ربك يفرجها ويحلون المشاكل الي فيها


يعطيك العافية على النقل

حياك الله
يا الغالي الموضوع مانقل هاذا من مجهودي الشخصي ((النقل للمقاطع من اليوتيوب فقط))


مشكور على الموضوع

حياك الله وزين ان الموضوع جازلك


راحو فيها البناشر
معد فيه رقع ورفع ولستك وتيوب
يعزلون

حياك الله
ولاتخاف على البناشر رزقهم بيجيهم العالم يتطور ويدور كل جديد الا ربعك يدور كل قديم هالحين حقين الجيوب عندنا طايحين بجنوط الشنبر الي على الشاص و الربع يركبونها على الاند ((مدري وش حببهم فيها هي الحين على موتري وادور الفكه منها))


ماقصرت على الموضوع الرائع

يعني ماعاد فيه بنشر بالحره ياأبو محمد


الله يحييك


زين للصحراء الجبلية بلحيللللل ليت تجي عندناااء

ان شاء الله انها بتجي لاكن تصبر شوي اتوقع مثل ماقلت انها تجريبيه في الوقت الحالي واول مايحلون المشاكل الي فيها بتنزل في الاسواق العالميه



خخخخخخخ
الله يقطع إبليسك يـآ آبؤ علي
:good2::good2::good2:


هين حليؤه هآلكفرآت لكن ؤ آلله من آلثقل بهـآ
ؤآآآآؤ
:(:(


حياك الله

وصدقت شكلها ثقيله بالحيل ((بس ربعك يدورون الثقل ماعقب البالون و الحجريات ال8 غاط ويشرونها باسعار فلكيه خلها على ربك))



الا ياجماعة الخير انا عورني بطني ابي اعرف وشلون تثبت على الجنط ((هقوتكم تلحم فيه ولا وش نضامها )) وهقوتي ان لها جنوط خاصه فيها

[قناص الصباخ]

الكفر العادي ظغط الهواء يمسك الكفر مع الجنط فاما الي بالمقطع الكفر يجي مع الجنط ولو تلاحظ المقطع كلها نفس الجنط يعني مافيه فكه الغلاء وراك وراك

[قرناس حايم]

ماقصرت على الموضوع الرائع

يعني ماعاد فيه بنشر بالحره ياأبو محمد

ملينا من ابو يمن صارو اكثر من الشعب


مشكور على الموضوع الرائع

[مواسي الطعوس]

مايصلح لنا لاسباب منها :

1/ الشباب اللي يوقفون سياراتهم في الشوارع وينزلون الهواء كذا مايقدرون .

2/ الشباب لازم يكتبون على الكفر باللون الابيض وهذا صعب .

3/ اقولها لا لا ...الا الا ....حنا في التجمعات في البر ((نشخ / نطير الشراب))ولكم الكرامه ونختفي وراء الكفر ..لكن هذا ((ستر عنز)) مكشوف .

[الفوازي الحربي]

مايصلح لنا لاسباب منها :

1/ الشباب اللي يوقفون سياراتهم في الشوارع وينزلون الهواء كذا مايقدرون .

2/ الشباب لازم يكتبون على الكفر باللون الابيض وهذا صعب .

3/ اقولها لا لا ...الا الا ....حنا في التجمعات في البر ((نشخ / نطير الشراب))ولكم الكرامه ونختفي وراء الكفر ..لكن هذا ((ستر عنز)) مكشوف .
ههههههههههههههههههههههه والله اعظيم صدق ستار عنز\\\\\\ تسلم اخوي ع المجهود

[مافيه]

اخوي مواسي حياك

ابد من ناحية الشباب ياخذون الي يريحهم
ومن ناحية الستر ابد جل همه انت ركب الطقم ومني لك طقم تلبيسة للكفر ولا ابخليك انت تختار الي تبي واذا ماجازلك شي رهمت لك ساتر

[ماون ماركز]

أعتقد لم تصنْع على النطاق التجاري حتى الأن .. تجارب فقط

كذلك لا تنسى الجنط .. أنك رايح تغيره كامل

لأن جنطها صغير ويجي معها مصبوب كامل ..

تحياتي

[كموص]

مجردفكرة ممكن حصولها , اللي شفناه بسيارة الدوج والكفرات المخرقة تسير على حجار بيضاء ورمادية نوعا ما هشة وتتكسر ... ولكن عندنا يا أخوان حجار سودة بازلتية وقرانيتية صلبة ... لو دخل واحد في هادي الأخراق وانزنق (الزنقة) اللي هي ... حتخللي السيارة تتنطط على السفلت وأنت معها الين توصل عند واحد أبو يمن علشان يخلصك من الحجر اللي (زنقة زنقة) .
أعتقد الفديو الأول ميشلان ممكن يكون الأفضل عندنا ... وكمان لشباب التفحيط , لكن شباب التطعيس والرمال ما عندي فكرة للتغريز من عدمه ... وهذ واقع تحت التجربة أولا وأخيرا...