استفسار عن مكينة الشاص 2011 و2012

[xozxo]

امل من الاخوة الاكارم من لدية خبرة افادتي هل تم تغيير مكينة الشاص موديل 2011 مثل مكينة الاف جي موديل2011 بحيث صارت اقوي او انه تم تغييرها في موديل2012 او انها كما هي لم تتغير

[راعي المجهم]

أفضل مكينة صنعتها تويوتا هي مكينة 1fz من موديل 92 إلى موديل 2009

من موديل 92 إلى 99 نزلت كلبريتر ويعتمد عليها بعد الله سبحانه

في الأماكن النائية ماتغدر بصاحبها ابد من ناحية العطل المفاجئ

من موديل 2000 إلى 2009 نزلت بخاخ طرنمبة بنزين كهرباء

تتعطل فجأة أما البخاخات أو طرنمبة البنزين أو كتاوت الطرنمبة مشاكله كهربائية

مكينة الجيوب من موديل 2009 وناااااااازل مكينة رأس واحد

بطئية في الخط قوية في العزم في الطلوع والرمال

من 2010 وطالع مكينة fj راسين بخاخ طرنمبة كهرب

سريعة في الخط المستوي ضعيفه في العزم في الطلوع المرتفعات والرمال

[هبوب الشمااال]

السلام عليكمم
معليش اخوي راعي المجهم اول مره اسمع ان مكينه موديل٢٠٠٠الى٢٠٠٩انه تتعطل فجاه وبعدين انا معي شاصً٢٠٠٦ ماعمره قالت معي شي وذا بغيت تكلم بشي تاكد وشكرا

[راعي المجهم]

اخي هبوب الشمال انا جربتها وجربوها شباب في القصيم

وجربوها ناس تعطلت عليهم في الرملة الربع الخالي وورشة الصمعاني في القصيم متخصص جيوب

بلسانه يقول أفضل الجيوب التويوتا الكبلريتر من موديل 99 وتحت صبووووورة ويعتمد عليها بعد الله

حتى سيارات التطعيس والتزويد والمطامر كلها كلبريترات

وفيه انواع منها كلبريتر هولي

وكلبريتر ايدل بروك

وكلبريتر الدايمون

وشوف منديات تطعيس وراح تشوف بلاوي ومشاكل الجيوب البخاخات

[الحائر111]

نعم القديم افضل وفي التحمل كمان

[مواسي الطعوس]

القديمه افضل . وتتحمل التعديل وتستجيب للتعديل (تطلع قويه)

*واحد من الشباب راعي تطعيس عدل الجديده (هوائيات)مااستفاد ....ركب ((سوبر شارج)) ولانفع معها .....رجع ركب 4500 .

[sgl2002]

الكلبريتر افضل لانه لايعتمد على حساسات ولاكمبيوتر
لكن صرفه عالي

والبخاخ مشكلته كمبيوتر وحساسات ومثل ماقال اخوي راعي المجهم تتعطل فجأة
لكن غالب الياباني مايغدر بك زي الامريكي

[xozxo]

أفضل مكينة صنعتها تويوتا هي مكينة 1fz من موديل 92 إلى موديل 2009

من موديل 92 إلى 99 نزلت كلبريتر ويعتمد عليها بعد الله سبحانه

في الأماكن النائية ماتغدر بصاحبها ابد من ناحية العطل المفاجئ

من موديل 2000 إلى 2009 نزلت بخاخ طرنمبة بنزين كهرباء

تتعطل فجأة أما البخاخات أو طرنمبة البنزين أو كتاوت الطرنمبة مشاكله كهربائية

مكينة الجيوب من موديل 2009 وناااااااازل مكينة رأس واحد

بطئية في الخط قوية في العزم في الطلوع والرمال

من 2010 وطالع مكينة fj راسين بخاخ طرنمبة كهرب

سريعة في الخط المستوي ضعيفه في العزم في الطلوع المرتفعات والرمال

مشكور اخي راعي المجهم على هذه المعلومات القيمه ولكن سوالي F J تم تغيير المكينه في 2011 بواحدة اقوي من 2010 بعدد عشرين حصان فهل الشاص تم علية نفس التعديل

[xozxo]

السلام عليكمم
معليش اخوي راعي المجهم اول مره اسمع ان مكينه موديل٢٠٠٠الى٢٠٠٩انه تتعطل فجاه وبعدين انا معي شاصً٢٠٠٦ ماعمره قالت معي شي وذا بغيت تكلم بشي تاكد وشكرا

اخي هبوب الشمال الله يبارك لك بموترك وصحتك بس ارفق علينا ومهما اختلفت وجه النظر نضل اخوه الله يحفظك ويطول عمرك على تقوي وايمان

[xozxo]

القديمه افضل . وتتحمل التعديل وتستجيب للتعديل (تطلع قويه)

*واحد من الشباب راعي تطعيس عدل الجديده (هوائيات)مااستفاد ....ركب ((سوبر شارج)) ولانفع معها .....رجع ركب 4500 .
اوافقك الراي القديم افضل من ناحية التحمل وذلك لقله التعقيدات الاكترونية فيه

[البريمي2011]

السلام عليكم ورحمه الله وبركاته

كيف حالكم ياخوان

ياجماعه انا معي جيب بريمي 2011

وماشاء الله عليه والله لابر ولاخط بس اللي عيبه في البر انه لازم تكون رجلك حاره عليه :)
يعني ماتخليه لين يرتخي واذا جيت تبي تتله واهو قد عزمه بارد مهوب معطيك جوك وهذا سبب الدعسه الكهربائيه :(
بس ذا رجلك حاره معه وشاد حيله عز الله بتعينلك موتر
وبخصوص اخوي اللي يقول مابه عزم في البر انا احمله 50 كيس
وينشش مع روس الزباير الموتر من سواقه ياخيك
وشكرا :D

[ابونبيل]

ياخي في ناس عدوة التطور كلشي قديم زين نظام شيبان صدقني لو تصنع له 2012 بمواصفات 1990 يقولك لا 1990 احسن

انا اقول محركات الشاص في تقدم وانا عن نفسي مجرب 9 ومجرب 10 بالتراب كلها واحد الفرق ان دعسة 9 اقوا بفرق بسيط بنمره 2 لاكن الجديد افضل بالخطوط المكينه مريحه

[xozxo]

لم نحصل على جواب المكينه حقت 2010 هي نفسها حقت 2011 ولا تغيرت زي FJ رحم الله ولديكم جميعا

[محمدالعريني]

السلام عليكم ورحمة الله

اخوي مكينة الشاص والربع هي من الجيل الاول لفئة ال 4.0 لتر 228حصان بعدها نزل على البرادو2010 وفوق فقط بفارق كبير في الاحصنه حتى شكل المكينه اختلف نسبيا فلتر الزيت صار تحت
والافجي تغيرت مثل ماذكرت احصنته فقط لكن المكينه نفس الشكل
لكن الشاص على وضعه اقل احصنه ماتغير
http://www.toyota.com.sa/specs.asp?model_id=18

واي استفسار انا حاظر

[ابومناحي]

مالك لوا
تختلف الاف جي 268 حصان والشاص 228 حصان لموديلات 2012

[xozxo]

مشكور اخوي محمد الله يجزاك عني كل خير . ابو مناحي امل التمعن بقرائة رد اخونا محمد فهو موافق لما قلت وفقك الله لما يحب ويرضا. مع شكري للجميع من قرا او علق جمعني الله واياهم في جنة النعيم