استشارة يا أهل الوانيت الدفع الرباعي عساكم للجنة [الأرشيف]

مشاهدة النسخة كاملة : استشارة يا أهل الوانيت الدفع الرباعي عساكم للجنة

خادم الإسلام

23/03/2006, 10:41 PM

السلام عليكم ورحمة الله وبركاته

السلام عليكم ورحمة الله وبركاته

إخواني جايتني قريشات بأمر الله تعالى عما قريب فما تشيرون علي بـ هايلكس غمارتين دفع رباعي أو غمارتين آي سوزو وما تشيرون بنزين أو ديزل وما الفرق بين ال آي سوزو والتويوتا .

وجزاكم الله خير .

محب النياق

24/03/2006, 02:29 AM

ددسن ياباني اصلي.............................................. .....

شبح الصحراء

24/03/2006, 12:32 PM

خذ هايلوكس بس من موديل 2005 ونازل ولا تاخذ الهايلوكس التايلاندية ، والسيزو زين بس الله يعينك على الديزل ، والددسن ممتازة ويابانية اصيلة بنت اصايل بس مرتبتها الخلفية ضيقة شوي ، كل طراز له مميزاته وعيوبه وارشح الددسن ان كنت تدور جديد من الوكالة .

قسوره2006

24/03/2006, 01:09 PM

السلام عليكم ورحمة الله وبركاتة

هلا فيك وحياك اخوي (( خاد الاسلام ))

اسأل مجرب ولا تسأل طبيب

الأ فضل بنسبه لي وحسب رغبت كثير من المكاشيت واهل الدفع الرباعي الونيت وله شعبيه

( 1 ) - الهايلوكس

المميزات ( قوي + يتحمل الصعوبات والحموله + قطع غياره متوفر وبسعر مناسب واغلب القطع نفس العادي + رفيع يساعدك على المغامره بثقه + صرفيت الوقود معقوله جدا يمشيك مابين 350 حتى 450 على حسب السواق وعلى حسب رجلك هذا بنسبه للبنزين اما الديزل لم اجربه
(( عيوبه )) بنسبه لي لم اجد فيه عيب + وبعظ من الناس تشتكي من كثر رفعه وانا اتوقع ان رفعه ميزه لابد من وجودها

( 2 ) - الددسن نيسان

مميزاته (( مراتب مفصله مريح المركب الامامي + مريح المطب + صرفية الوقود معقولة مثل صرفيت الهلي تقريبا + رساوته في الخط افظل واكثر رساوه من الهلي + قطع غياره سهله ومتوفهر
عيوبه (( سريع التفكك + ويصرف وقود مستقبلا وهذا عيب في اكثر النيسان حسب اجماع الناس المجرب + ظيق في المركب الخلفي

( 3 ) - اسوزو ( الديزل )

مميزاته (( مطبه مريح + رساوه على الخطوط + مراتب مريحت ومفصلة + صرفيته توفيريه + قوته تفي بالغرظ المطلوب + يتحمل الحمول الثقيله + يتحمل الظغط العالي من المشوار +

(( عيوبه )) قطع غياره غاليه مقارنه بالنيسان والتويوتا + صيانة مكلفه + صوته مزعج + العادم كربونه عالي مستقبلا بعد استعمال مابين سنتين الى اربع سنوات
السعر غالي في المشراء + رخيص في الوقود + غالي في القطع

>> (( ملاحظة )) <<
اذا انت ناوي تشري اسوزو خذ مكينة (( 3000 )) لا تاخذ (( 2500 )) ابد تراها ضعيفه عزمها ردي

>>>>> اسأل مجرب ولا تسأل طبيب <<<<<

ارجو ان اكون افدتك

وشكرا اخي

خادم الإسلام

24/03/2006, 02:20 PM

الله يجزاكم خير ويرفع قدركم
وشكر خاض لأخي / قسورة 2006 شراح وافي وبارك الله فيك

بو خليفه

24/03/2006, 10:18 PM

المشرورة
اشتر ونيت غمارتين دفع رباعي دبل ديزل
و الأفضل إيسوزو لأنه ياباني و قوة العزم 300 حصان
يعنى أقوى من الهايلكس و الددسن و لاتنسى الإيسوزو هو الأفضل في الرمل بسبب قوة العزم و ياباني
أم الهايكس فهي تايلندية و إذا لم ترغب للإيسوزو فأشتر ددسن دفع رباعي ديزل

غضنفر

24/03/2006, 10:36 PM

بو خليفة
من الي قالك ان قوة السوزو 300 حصان
يمكنه 30 حصان بس ماخذيت بالك

دسم الشوارب

24/03/2006, 10:57 PM

تعال انت وياه
اخوي بوخليفه تقول الايسوزو ياباني :confused:
واحدهذاك اليوم يقول انه تايلندي
ياليت تعطونا الخبر اليقين مانبي تخمينات ياجماعه ارجوكم

شبح الصحراء

24/03/2006, 11:05 PM

الددسن ياباني اصلي هذا اللي انا متأكد منه .

ملاعب الريح

24/03/2006, 11:21 PM

السلام عليكم ورحمة الله وبركاته

اللي انا متأكد منه إن (صنعة اليابان سعيد من شراه):good:

وبعدين من قال إن الهايلكس 2006 تايلندي عشانه مكتوب (made tailnd) قلتو تايلندي هو ياباني وقطع يابانيه بس المصنع بتايلند ارخص لهم يعني جانب إقتصادي لا أقل ولا أكثر

ولا أحد يناقشني:D في التايوتا لأنه يمشي في دمي لو يطلعون سيكل 3 عجلات ومكتوب عليه TOYOTA احبه على طول

يعني حاله ميؤوس منها في مواتر غير التايوت

بيت محرف

الجمس والنيسان والفرت الاخرق
كله مع التايوت خاق وخقيا

شبح الصحراء

25/03/2006, 01:31 PM

ليش التعصب يا ابو سيف انا مثلك احب التويوتا بس ماني متعصب ، الهايلوكس الجديدة للأسف ليست اصلية ولكن تايلاندية ، والصناعة التايلاندية معروف انها تجارية فاشلة واسأل اصحاب قطع الغيار يسبون القطع التايلاندية لأنها ماهي اصلية ، بس الددسن أصلية وصناعتها ياباني أصلي 100% .
وبعدين تدري ليش تويوتا نقلت صناعة بعض سياراتها لخارج اليابان؟؟
انا اقولك علشان تهرب من شروط الجودة والسلامة القاسية اللي فرضتها الأنظمة الحكومية اليابانية ، فشروط الجودة والسلامة في تايلاندا بسيطة وغير معقدة ، ونفس الشي للكامري الأسترالية ، والدليل على ذلك ان الكامري 2002 اغلى من 2003 لأن الأولة يابانية أصلية والثانية صناعة استرالية .
للأسف تويوتا الحين تبحث عن المكسب السريع على حساب الجودة وذلك بنقل صناعة بعض سياراتها لدول ثانية! .

دسم الشوارب

25/03/2006, 07:21 PM

بس ناجاوبتو على سؤالي

الايسوزو ياباني ولا تايلندي

المطلق

25/03/2006, 07:34 PM

أنصحك بجيب كايرون ديزل

قوة ونشاط وفخامة وسعة المقصورة ومناسب لجميع الأجواء والأماكن وليس غالي السعر ولا تتعداه

قسوره2006

26/03/2006, 12:43 AM

السلام عليكم ورحمة الله وبركاتة

اخوي (( دسم الشوارب )) سؤالك عن الدمكس (( اسوزو ))

من موديل 2003 وانت نا زل ياباني اصل وفصل ومن 2004 وانت طالع ياباني تجميع وصنع بعض القطع (( تايلند )) خذ العلم من مجرب جربت 2003 و 2005 وبالنسبه للي يقول قوته 3000 الف حصان غلطان هذه قوت المكينه الديزل كانت (( 2.5 )) اي 2500 الان طلت بحجم وقوة 3000 الاف

وصدقت اخي (( شبح الصحراء )) النسيان ياباني 100 % بس اخوي شبح ارسلت لك على الخاص استفسارت وطلب

ولم يتم الرد علي عساء المانع خير والا اخطيت عليك ارجو المعذره اخي

وبنسبه للهلي حتى 2005 ياباني وبعد هذا الموديل على الدنيا السلام

اخي (( بو خليفة )) اذ انت نفسك بالديزل وترغب الديزل

لا تاخذ ددسن نيسان

خذ (( اسوزو ديماكس )) دفرنسيم وزي ما نصحت لك وكل الزملاء خذ مكينه (( 3000 ))

وشكرا

ابومرتاح

26/03/2006, 08:01 AM

سؤال يا شباب الله يحفظكم.......ما حد جرب الفورد رينجر ديزل غمارتين او المازدا الغمارتين ديزل .....انا شفتها كثير مع الناس وكثير من الشركات يستخدمونه ومحركاته يابانية (مازدا) وفي نفس الوقت رخيص (الفل كامل ) ما يوصل 60000 ريال واللي بدون جنوط 54000 ريال جديد وشكله مقارب لشكل الددسن ......انا من باب الفضول سألت شباب يستعملونه من سنتين تقريبا في الشركات ويقولون انه كويس ولا يتطلب صيانة بشكل كبير لا كن حبيت اطرح الموضوع بالمنتدى للاخذ براي من جربه او يعرف احد استخدمه ويعرف عيوبه ومميزاته.

ابومرتاح

28/03/2006, 08:47 AM

يا شباب تكفون اذا حد له تجربه مع الفورد يقول لنا عنها لأن قريب لي ناوي يشري وودي اشور عليه اذا يصلح او لا .....

شبح الصحراء

28/03/2006, 06:42 PM

وصدقت اخي (( شبح الصحراء )) النسيان ياباني 100 % بس اخوي شبح ارسلت لك على الخاص استفسارت وطلب

ولم يتم الرد علي عساء المانع خير والا اخطيت عليك ارجو المعذره اخي

وشكرا

هلا أخوي قسوره اعذرني والله ما انتبهت للرسايل الخاصة ، بالعادة اذا جتني رسالة خاصة تطلع لي نافذة تنبيهية ولكن الغريبة انه جتني ثلاث رسايل على الخاص وما طلعت لي نوافذ تنبيهية :confused: ويمكن المشكلة من المنتدى ، الحين انا قريت الرسايل الخاصة اللي ارسلتها وانا تحت خدمتك بأي حاجة تطلبها :) .

المهنـدس

28/03/2006, 07:09 PM

اخوي شبح الصحراء.. انا ما اعرفك لكن ربي يشهد من كتاباتك بهالمنتدى عزيتك بس خذلتني في نقطه الهايلكس 2006 و شركه تويوتا وبحثها عن الربح السريع!!
بالنسبه لمدحك للهايلكس 2005 وعلى فكره تراها تجوز لي ومقتنع فيها 100%.. انا اقولك ولا تزعل مني بهالكلمه "القرد في عين امه غزال"..
اللي جرب 2006 وانا منهم مدحوه في قوته وصرفيته للبنزين اقل من الاول واجد (التانكي يمشي 550-600) والراحه فيه ما فيها كلام تحلف انك راكب سيدان مب هايلكس والرساوه ممتازه.. وانا للحين ما شفت فيها اي عيب غير ان الناس كارهتها لانهم ما تعودو عليه..نفس السيناريو حق كل تغييره في الموديل (98,وبعدها 2002,والحين 2006)كلها سبوها قبل يعرفون خيرها من شرها وتغير الكلام عقب..

وبالنسبه لتايلند المصنع هناك والايدي العامله توفر عليهم كثييييييير .. وتويوتا ماهي شركه اي كلام!! شركه عملاقه بل من اكبر عمالقه شركات تصنيع السيارات .. ويستحيل شركه زي هذي بنت اسمها على مدى سنين طويله تغير سياستها الى سياسه الربح السريع وتهمل الجوده.. وتهدم تعب السنين اللي راحت. انا اشوف ان كلامك غير منطقي.

وجهه نظري بالموضوع مع احترامي لكل وجهات النظر.... والاختلاف بالرأي لا يفسد للود قضيه..

تحياتي لكم جميعا...اخوكم المهنـــــــدس

شبح الصحراء

28/03/2006, 07:23 PM

في الحقيقة يا المهندس يمكن اني بالغت شوي في انتقاد الهايلوكس الجديدة واعتقد انه عندك نقطة حول سياسة تويوتا لأنها فعلاً بنت نجاحها على السمعة الجيدة والجودة ويستحيل انها تضحي بتعب السنين من اجل الربح السريع لأنه اصلاً تويوتا أكثر الشركات ربحاً في العالم وما ينقصها ربح أصلاً ...
وعلى العموم الشكل الجديد يحتاج انه يبرهن نفسه علشان الناس تنجذب له من جديد وله ميزة مهمة هو الراحة والفخامة المفقودة في الهايلوكس الأشكال القديمة .

قسوره2006

28/03/2006, 07:54 PM

السلام عليكم ورحمة الله وبركاته

اخي يامن قال عن الهلي 2005 (( القرد في عين امه غزال ))

انت غلطان والف غلطان من مدح الهايلوكس 2005 الدفرنسين فقط (( شبح الصحراء )) لا

والف لا كل من جربه اثناء عليه خير وكلام اخي (( شبح الصحراء )) صحيح موديل 2006

جديد ولم يأخذ الوقت الكافي لأثبات جدارته وبودي اسألك سؤال لاني اجهل ذلك (( قلت ان التانكي

يقطع 550 الى 600 )) كم لتر يأخذ اي كم ريال تقريبا هل التانكي كبير ام صغير

ولا تنسى ان صداماته فيبر واكثر الاكسسوارت المركبه به كبس انا افظل الهلي الدفرنسين من

الصفر حتى موديل 2001 وارغب المديلات الجديده لانها بخاخ حتى 2005 ولكن

2006 ابشر بتفكك مستقبل والمثل يقول (( يا ما با لـعـيـن شـفــنـا ه *** با لـعـقـل عرفـنـا ه ))

سياره اكثرها فيبر صدامات فيبر والشمعه والسكن والاشاره كلها قطعه وحده ماتعني هذه الصناعه انظر

للمستقبل تعرف المقصود حتى الحديد جدا خفيف وتفقد ذلك بنفسك والمس وجرب وحلل تقنيت الهلي

الجديد 2006 بهذا الشكل طبيعي تساعد على قلت صرفيت الوقود وخفت السياه والمساعده في السرعه

والكلام بعد اسنين تعرف وترى وتثبت لك التجارب وش الهلي 2006 وش الموديلات القديمه

وشكرا اخي (( المهندس ))

اقول اتمنا ان يثبت الهلي الجديد 2006 جدارته

وافيدك انا صناعت (( تويوتا )) تسير مسار الانحدار

ليست كصناعتها القديمه وكل تقنيه جديده للاسف لليست للتطور وللافضل بل لكثر الخرابات والطلب

على القطع المخزنه في المستودعات وهذه حركه تجاريه ومعرف المقصد منها ونظر للمديلات القديمه

وانظر لمبيعات القطع والصيانه ولان انظر للجديد واستهلاكه في القطع والصيانه والله يخلف بس

لماذا لم يحصل ذلك في السيارة ذات الصنع الماني واليابانية (( هوندا )) (( ومتسبيشي ))

لو الجديد في خير ما طاح 12000 الف الى 15000 الف انظر للهلي موديل 2005 فل كامل
Glx بنزين بكم سعره ما بين 66500 الى 70000 وموديل 2006 Glx لا وبعد ديزل

تدري كم 57500 كم الفرق وانا ليه اخترت الديزل لانه غالي وشيك بمعنا الكلمه والسوق والساحه

تجيبك على استفساراتك واسألتك ما هو ارغب موديل 2005 ام 2006

والسلام عليكم

وشكرا لك اخي وجميع الزملاء

المهنـدس

29/03/2006, 01:05 AM

اخوي قسوره2006..ولا يهونون الربع...لو قريت الكلام اللي كتبته في مشاركتي زين كان عرفت اني معجب بالهايلكس الـ2005 واللي يقول انها مهيب زينه هذا يغالط نفسه.. انا اقصد واخوي شبح الصحراء فهم قصدي ان الجديد 2006 فيها مميزات غير الهايلوكسات اللي قبل كلها وذكرتها .. والناس معلنين الحرب قبل يشوفون خيره من شره لمجرد كونه تايلندي!! .. اما بالنسبه للبنزين تانكي الجديد 76 لتر "هذا الدفرنسين" وقس على ذلك

اما موضوع السعر وفرق الاول عن القديم قلت ان التصنيع انتقل لتايلند لتقليل تكلفه انتاج السياره "شغل اليد,والمصنع" طبيعي يكون السعر اقل لاكن فرق السعر ما يعني ان الجديد اقل متانه وجوده لان موضوع صناعه السيارات له معايير و standards ثابته ما يقدرون يتجاوزونها لاي سبب من الاسباب.. وتويوتا شركه تخاف على سمعتها لانها بدونها ولا شي..وموضوع ان تويوتا في انحدار هالكلام غير صحيح والدليل انها عام 2006 تغلبت على منافسها الامريكي "جنرال موتورز" رغم قدم وضخامة هالشركه "رقم واحد عالميا".

<O:p
وموضوع ان القصد من تطور التقنيه نهب فلوس العالم وتشغيل مبيعات قطع الغيار .. والله مدري وش اقولك "ياحبني لك بس" لو كلامك صحيح (انا ما اقول غلط) بس خلينا نحسبها .. هل الهايلكس الـ2001 او 2005 اسوأ من موديل 80 او 79 لانه مافيه اكوام الحديد اللي تمدحها!! او لان الهايلكس الاثري مافيه كلبسات وبلاستيك ؟ التقنيه تطور وتصحيح للمفاهيم القديمه اللي ممكن ما تكون غلط بس فيه احسن منها واثبتت هالكلام التجارب والدليل الهايلكس الـ2005 اللي تدافع عنها بشراسه احسن من القديمه ايام السبعينات والثمانينات.

<O:p
عموما لا تزعلون مني يا شباب وتراها وجهه نظر لا اكثر ولا أقل.. واختلاف الرأي لا يفسد للود قضيه.

تقبلو تحياتي اخوكم .. المهنــــــــدس

ابومرتاح

03/04/2006, 11:03 AM

محتري السيل

03/04/2006, 01:28 PM

خذ لك ددسن ياباني أصلي 4x4

قوي ومتماسك ومنظر وثبات على الخط

المهنـدس

03/04/2006, 04:44 PM

ابو مرتاح...
انا ما جربت ولا واحد منهن (لا الفورد رينجر ولا المازدا) ولا اقول فيها شي.. بس وانا اخوك انا لو كنت مكانك وفي بالي موتر ديزل..حتى لو رفعت السعر اللي محدده انت شوي كان اخذ الايسوزو دي ماكس لاني اشهد لهم في الديزل ما بعدهم .. والخيار الثاني في نظري الهايلكس الديزل الجديد وفيه ميزه المكينه تيربو... خذ وحده منهن وريح راسك قطع الغيار متوفره جديد وتشليح وكل الورش يشتغلونه .. ولا تاخذ موتر مستنكر وتتوهق فيه بعد سنه ولا سنتين.. فكر لقدام يا بعدي لا تفكر والموتر جديد لانه بتطلع مشاكلهن بعدين.

هذا رأيي وانت الحكم بالنهايه..

طارق الحربي

03/04/2006, 07:07 PM

نيشان نجد

03/04/2006, 09:17 PM

تبغى نصيحة أخوك إذا كنت تبغى بانزين خذلك هايلكس ماشاء الله قوه وعزم

وإذا كنت تبغى ديزل خذلك سوزو ما يحتاج ماشاء الله عزمه طيب ولا دخان ويجيب الطبلون ومرغوب في السوق طبعا أنا أتكلم إذا كنت تبغى دبل
أما إذاكنت تبغى دفرنس خذلك هايلكس بانزين . والله أعلم
وأنا معي سوزو دفرنسين مشاء الله مايحتاج

طير الفورد

17/07/2006, 02:59 AM

احد عند فكرة عن تزين الفورد

طير الفورد

17/07/2006, 03:01 AM

اميلي ss_953 @hotmail.com اي مشكلة لدي حلها في جميع الفورد:good:

بو خليفه

17/07/2006, 08:17 AM

الإيسوزو 300 نيوتن المقصود قوة العزم و هذا متوفر سعة المحرك 3000 ديزل تيربو
امأ من ناحية الصناعة فأنا متأكد التويوتا والميتسوبيشي تايلندي

طير الفورد

18/07/2006, 07:13 AM

اسلام عليكم عند فورد موديل 98 كرون فكتوريا الون رصاصي تكفون بكم تسيمونه نطيف من داخل و مكيس كل شي اوكي المكينه والقير والدفرنش تكفون اعطوني سعر .:cool: اوكي:good:

طير الفورد

18/07/2006, 07:16 AM

http://www.mekshat.com/pix/upload/images18/mk31127_bugatti-eb110-389.jpg

وش مصدق حاله يعيش ياربع

طير الفورد

18/07/2006, 07:41 AM

http://www.mekshat.com/pix/upload/images18/mk31127_brabus-sl73-322.jpgراح فيها الصبي

طير الفورد

18/07/2006, 07:42 AM

http://www.mekshat.com/pix/upload/images18/mk31127_brabus-sl73-322.jpghttp://www.mekshat.com/pix/upload/images18/mk31127_brabus-sl73-322.jpg
http://www.mekshat.com/pix/upload/images18/mk31127_brabus-sl73-322.jpg

الدرندس

19/07/2006, 03:57 PM

سلام يا صاحبي تبغى الكلام الي ملحه فيه ولايهونون الربع :no2:

غير الهايلكس 2005 دفرنسين

:no2: لا تدور واسال مجرب:no2:

طير الفورد

19/07/2006, 11:05 PM

سلام عليكم احد عنه اي فكرة عن تزين السيارة السيارة فورد لون رصاصي