المساعد الشخصي الرقمي

مشاهدة النسخة كاملة : شكر لكل من شارك بموضوعي (بخصوص البطاريه الاضافيه)


محمدالعريني
24/12/2011, 09:50 PM
السلام عليكم ورحمة الله وبركاته

اشكر كل من شارك بمشوره ونصيحه ومقارنه وتجربه وتم التوصل الى الافضل بفضل الله سبحانه وتعالى ثم بفضل ارشادكم

وهذا ماتوصلت اليه اليوم ولله الحمد



تم الذهاب اليوم الى ورشتين الاولى هي الدفع الرباعي بام الحمام واكتشفت انه استغلالي ال ابعد درجه ويمكنه الاغلى على مستوى الرياض ولا يعرف يشتغل قال لازم تجيب بطاريتين جديده مافيه محل في الباترول بركب بطاريتين صغار محل الاساسيه وبيقص وبخربط
وثانيا بيركب دقمه تايوانيه تكلفتها بسيطه على ما اعتقد واجمالي التكلفه 2400 ريال لجميع ماذكرته من نجهيزات في اول الموضوع

وبعدها اتجهت الى ورشة ابو شهد (الصبي) ونعم الرجل اخلاق وانسان ناصح واسعاره جدا معقوله وفاهم الشغله
جميع التجهيزات المذكوره مع العلم نوع البطاريه من الانواع الجيده
وزياده على ذلك اعطاني خيارين بطاريه اضافيه بنظام الدقمه 600ريال وبنظام المنظم الخياااالي 900 ريال الصراحه المنظم فيه مزايا ممتازه جدا وافضل من الدقمه بمراحل
الشاهد تكلفة العمل كامل مع المنظم 1850 ريال وبنظام الدقمه 1550 يعني الفرق بينه وبين سوافي 450 ريال لصالح الصبي ومحول كهرب افضل من سوافي بمراحل
وتم حجز موعد عند ورشة الصبي علما ان مدة العمل يوم كامل

اشكر كل من تفضل وتكرم بمشوره واعطاء وجهة نظر واقول بيض الله وجيهكم ياقروم مكشات
يمك دروبي
24/12/2011, 11:07 PM
وين موقع ورشة ابو شهد الله لا يهينك اخوي محمد
محمدالعريني
25/12/2011, 01:17 PM
وين موقع ورشة ابو شهد الله لا يهينك اخوي محمد

تم الرد على الخاص
حسن الشمالي
25/12/2011, 01:20 PM
الله يوفقك لما فيه الصالح...

لكن الورشة الاولى هي سوافي ولا الدفع الرباعي؟
محمدالعريني
25/12/2011, 01:33 PM
امين الله يجزاك خير يالغالي

الورشه اللي اللي رحت لها في اول الامر سوافي واكتشفت ان ماهنا جوده والسعر حار بالحيل
ثم رحت للدفع الرباعي هذا استغلالي بمعنى الكلمه
واخير اتفقت مع ورشة الصبي
FORD1969
25/12/2011, 02:33 PM
وين ورشة الصبي في أي صناعيه ياليت تعطينا الوصف مالك الا الأجر

الله يكفينا شر الاستغلال
محمدالعريني
25/12/2011, 02:51 PM
هلا بك يالغالي

الوصف الرياض الدايري الشرقي وانت متجه جنوب بيجيك مخرج 15 ادخل معه يمين وخلك في الخدمه بيجيك اشاره شارع 40 لف معها يمين امش شوي بيجيك مغسله وداخلها ورشه شف لوحه مكتوب عليها مركزالصبي
هذا هو
واي استفسار حاظرين يالغالي
أبوهشام2
25/12/2011, 03:22 PM
أحسنت الإختيار
بإذن الله ما راح تندم

بالتوفيق
جول قميري
25/12/2011, 03:26 PM
والله ونعم با أبو شهد اشهد بالله انه رجل طيب ونصوح..
ابوسامي 2011
25/12/2011, 03:49 PM
جزاك الله خير على النصيحه
ابو تركي9
25/12/2011, 05:12 PM
السلام عليكم
الله يعطيك من خيرها ويكفيك شرها
بس وش ركبت البطاريه لحالها والا معها شي مثل لنبات افياش
مواسي الطعوس
25/12/2011, 05:16 PM
ليه ماركبت ((اوبتيما)) تتحمل اي اضافات وتعيش 6سنوات عادي .بقيمه 1100ريال ....وتصير التجربه عندك تعطينا اي ملاحظه .
محمدالعريني
25/12/2011, 06:29 PM
ليه ماركبت ((اوبتيما)) تتحمل اي اضافات وتعيش 6سنوات عادي .بقيمه 1100ريال ....وتصير التجربه عندك تعطينا اي ملاحظه .

والله وانا اخوك الاوبتيما الفارق مبالغ فيه لازم افرق حدود 700 ريال عشان اوبتيما
محمدالعريني
25/12/2011, 06:30 PM
السلام عليكم
الله يعطيك من خيرها ويكفيك شرها
بس وش ركبت البطاريه لحالها والا معها شي مثل لنبات افياش



بطاريه وتسليك كنود و5 لمبات جانبياه وكبوت وشنطه وسلك ثلاجه وولاعه اضافيه
راعي الطلعات
25/12/2011, 10:12 PM
لا تنسانا من الصور لا هنت

فعلاً هالورشتين اسعارهم ارتفعت زود عن المعقول مع اني كنت متأل في الدفع الرباعي خير

بالتوفيق
هويدي
25/12/2011, 10:16 PM
موفق يالغالي بس ليتك تكتب السعر التفصيلي

مثل تركيب البطاريه يكلف كذا والبطاريه بكذا

على خبري الاسعار قبل ثلاث سنوات سوافي مع الدقمه والبطاريه بـ 800 الدفع الرباعي بـ 1200
محمدالعريني
25/12/2011, 10:36 PM
لا تنسانا من الصور لا هنت

فعلاً هالورشتين اسعارهم ارتفعت زود عن المعقول مع اني كنت متأل في الدفع الرباعي خير

بالتوفيق

وزود على ذلك تحس انهم اول من اكتشف القنبله الذريه ولا فيه غيرهم يشتغل يعني يكلمك وهو رازن خشمه

ولا تنسى ورشة الصبي مايحتكر عليك بطاريه ( مثل سوافي ) لك الخيار اي نوع يقدر يركبه في الحيز المتسع في الكبوت الى 75 امبير اما سوافي بطاريه من عنده و 55 امبير فقط للباترول يتعذر بضيق المساحه والمحول حقهم تعبان
حسب ما سمعت
محمدالعريني
25/12/2011, 10:44 PM
موفق يالغالي بس ليتك تكتب السعر التفصيلي

مثل تركيب البطاريه يكلف كذا والبطاريه بكذا

على خبري الاسعار قبل ثلاث سنوات سوافي مع الدقمه والبطاريه بـ 800 الدفع الرباعي بـ 1200
جزاك الله خير اخوي
وبالنسبه للتفصيل عطاني خيارين بخصوص البطاريه بمنظم او دقمه مثل ماوضحت في اول الموضوع
وانا اخترت منظم صراحه اعجبتني مميزاته وقلت لابغيت تشتغل اشتغل صح ومره وحده وريح راسك
وانا بقسم شرح تفاصيل واسعارالشغل الى قسمين (بطاريه ومحول) ثم (تمديدات ولمبات)
مع تسعيرات وفروقات ثم النتيجه النهائيه
التكلفه هي كالتالي

بطاريه مع االقاعده والمنظم 900 ريال
توضيح اذا بغيتها مثل سوافي دقمه 600 ريال مع العلم سوافي يشتغلها ب 800 ريال
محول جوده عاليه 600 واط مع الافياش 400 ريال عند سوافي 500 ريال

الان نحسب الفارق الصبي في تركيب البطاريه ارخص من سوافي ب 200 ريال مع فارق الجوده
وفي المحول ارخص ب 100 ريال ايضا مع فارق الجوده

ومبلغ 550 ريال قسمها على (التمديدات واللمبات) لاني ما سجلت تفاصيلها
[/COLOR]
تمديد سلك 6 ملي للثلاجه عند سوافي 140 ريال
تمديد كنود كامل مع القاعده عند سوافي 160 ريال
اضافه فيش ولاعه داخلي عند سوافي60 ريال
لمبتين في الكبوت عند سوافي 120 ريال
لمبه في الشنطه عند سوافي 80 ريال
لمبتين على قواعد اريل يمين ويسار عند سوافي 180 ريال

مع العلم شف المقارنه تحت مجموع شغل سوافي للتمديدات واللمبات 740 بفارق 190 ريال+ عن الصبي



نجي لاجمالي الفرق بين الورشتين (للبطاريه والمحول) + التسليكات واللمبات) = سوافي اغلى ب 490 ريال مع ردائة الشغل والسمعه الشينه )
رساله لصاحب ورشة سوافي باي حق تاخذ هذا الفارق الكبير

وسلامتك يالغالي
ابو انس111
25/12/2011, 10:53 PM
لوتكرمت ...
وش مزايا المنظم على الدقمه ؟