قررت اشتري كفرات بالون مع جنوط هلل بس بسالكم وش افضل نوع للبالون الموتر بترول ربع 91

[فلقه]

قررت اشتري كفرات بالون مع جنوط هلل بس بسالكم وش افضل نوع للبالون الموتر بترول ربع 91

في ناس قالو لي خذ حجم 900
وفي ابو جمل وانتشت من كثرهن ولاادري وش اشري:(
وفي انواع كثيره اناا ابي البالون اللي مايجيك حجمه كبير:D
لن الكبير بلشه بيخرب شكل السياره
وثاني شي عندي سوال هل له مضار سمعت انه سريع سريع مع الخط ينفجر :eek:
والسوال الاخير بكم اسعارهن
بليز اللي عنده صور للبالون بالحجم ينزله هنا عشان استفيد اناا ويستفيد غيري:)

[العتيبي 88]

ياغالي باترول خذ له بالون 900 8 غاط وخذ للك ماكسس اهو يعني اشوا الموجود من ناحية السعر .. الجديد 520 ريال .. واتوقع ماعاد فيه بالسوق الا فيتنامي واهو حلووو ماشفنا منه شي ولله الحمد .. انا مركبه من رمضان على باترول والحمد لله ... اما من ناحية السلخ .. الله يستر لاكن قليل ماتنسلخ لانها نايلون ..

[فلقه]

ياغالي باترول خذ له بالون 900 8 غاط وخذ للك ماكسس اهو يعني اشوا الموجود من ناحية السعر .. الجديد 520 ريال .. واتوقع ماعاد فيه بالسوق الا فيتنامي واهو حلووو ماشفنا منه شي ولله الحمد .. انا مركبه من رمضان على باترول والحمد لله ... اما من ناحية السلخ .. الله يستر لاكن قليل ماتنسلخ لانها نايلون ..
المشكله كيف اعرف ان هذي 900غاط
لو فيه صور:(

[RW7..ALBDAWA]

واللـه ونا اخوك اسستخر قبل لاتركب البآلون ركب شيآهين اريح وافضل

البآلون اسآل مجرب والله رجه ان تكرره الموتر كل 7 شهور بيطلع لك عيب بالموتر

[ابوسند9]

اخوي
زي ما قال اخونا روح اذا منت راعي وعر وجلد وردميات ما انصحك فيها
واذا ملزم على البالون شف اي نوع بس اهرب من الماكسس رجه ويسلخ لانه كان كويس اول

[ابونبيل]

خذ بالون سيام تاير اائمن لو انسلخ عليك
و900 تلقاه مكتوب ع الكفر

[التعـ King ـديل]

ابعد عن السيام تاير ويرزقك رب العالمين .. انا الان مركب سيام ولولا الحسافه والبيع بخساره ولا كان بعتهن وركبت الماكسس .. بالنسبه لك ركب الماكسس بتلاقي مكتوب على الكفر 900 والغاط 8 بتلاقي مكتوبه بعد
وبالنسبه للانسلاخ خذها مني ميزه البالون ماينفجر ولا يتصلخ مثل الكفر العادي

[ابوسند9]

http://www.mekshat.com/vb/showthread.php? (http://www.mekshat.com/vb/showthread.php)
t=461780&page=2
اخوي كنج ارجو انك ما تمدح الماكسس لحد حتى الوكيل يعدل وضع الكفرات يارجال اقسم لك بالله انه تسلخ واعرف كم واحد سلخ وهو جديد ويمكن صدفه معك ومع بعض الاعضاء ما شافو منها شي لكن بيننا الايام وراح تذكر كلامي سواء رجه قويه او تشقق مع الوسط او انسلاخ

[فلقه]

الموت يازويان اللي يقول ماكس اللي يقول شي ثاني
اللي يقول تنفجر واللي يقول ماتنفجر ابك حنا وين نولي

[الدبل الثقيل]

اخي الكريم
وجهة نظري لاتركب كفرات بالون على جيب 91 ترا تطيح لك العزم وترج الموتر
صحيح انها منظر لكن ضررها اكثر من نفعها

[عزالصديق]

امسك راسك يجيك 100 طبيب هاذا يقول هج وهاذا يقول انصحك فيهن والله ظاعت الطاسه ههههههههه

[التعـ King ـديل]

ابو سند انا ركبت طقم ماكسس قبل سنه ثم بعد فتره بعته وركبت طقم جديد ماكسس ولا احلا منه والحين مركب سيام تاير الله لايردها انواع القلق والثقل .. وقلتها قبل لولا الحسوفه على قيمتها ولا كان ابيعها واطق ماكسس

[فهد بن مشبب العاصمي]

هلابك ياخوي ،، الصراحة اني جربت اغلب البوالين وبعطيك نصيحتي من خلال التجربه ،، جربت ماكسس زينه بس كنها صواطير وهي اردى الزين وتشطب دعستها بسرعها وتتمسح بسرعه ،، وجربت هيرو طقمين صراحة انها أفضل نوع لولا انه بعضها وهو جديد تلقى فيه شقوق دار مادار على النقشه لكن ماتضر ،، وجربت مالون وهي على موتري الان ممتاز زي الهيرو تقريبا ،، ونسيت اقولك الهيرو والمالون عريضه واثقل شوي لكنها ممتازه بالبر وتحملها اكثر من الماكسس ،،

وبوجهة نظري ان البالون افضلها : هيرو ومالون

[فلقه]

مدري وش اقول

[شحرور الدهنا]

جنوط هلل مع كفرات دنلوب حجريه ابو لبنه شكل غير طبيعي وتحمل ورساوه وكفر محل ثقه نم علييه


مع احترامي للشباب البالون استخدامه مؤقت وممل

[البواردي5]

افشل كفر هو الماكسس البالون. عن تجربه

عليك بالمالون

[سلكي نت]

انا تعقدت من البالون
ما ضبط معي غيرت الشركة وغيرت الجنوط
وسويت ميزان ارضي والرجة لا تنتهي صح تخف لكن لا تزل موجودة

[العناد3178]

كيف اعرف ان هذا مالون وين مكتوب على كفر البالون الماكسس
ارجو الافاده

[وزن بلوف]

اللي ركب على الباترول هانكوك نقشه شياهين
نصيحه لك ركبه ولن تندم 

[ابو ماجد vtc]

انا ركبت الماكسس الفيتنامي وليتني ما ركبته كل ثلاثه ايام ازيد الهواء لانه يهرب من عند الجنط والمشكله ان الشباب محذريني من الفيتنامي وباقي فيه نصف العمر ان شاء الله اخر الشهر بركب السيام يحبي له لأني مجربه

[مافيه]

اخوي بنصحك نصيحة اخو انا ماجربت البالون وما اقدر احكم عليها لاكن من كلام كل الناس انها تسبب رجه وبعض الناس واجهتهم مشاكل مايعلمها الا الله ((وشلك بعوار الراس والبديل موجود))

ركب لك دنلوب نقشة شاهين
وافضل مقاس 245 او 235 ما اتذكر مقاس العرض بالظبط في 85 اذا كنت تبيه للباترول ((بس تراهن مهنا هاك الزود عرض البوالين ارفع واعرض منهن بواجد)) واغلب اهل الباترول القديم يركبونها عشان منضرها مقبول على الموتر اكثر من الجديد

او عليك بالحجريات

واهم شي استخر ربك