أفضل أنواع القهوة والشاهي لديك !؟! ادخل وعطنا رأيك [الأرشيف]

المطلق

25/03/2006, 07:24 PM

بسم الله الرحمن الرحيم

السلام عليكم ورحمة الله وبركاته

مما لا يخفى على الجميع أن القهوة والشاهي من أساسيات الطلعة

ودايم الواحد يبحث عن أفضل أنواعها علشان الربع يستانسون عليها وتلقاهم دايم ينتظرون قهوتك وشاهيك يكيفون عليها

لذلك كل واحد يكتب أفضل أنواع القهوة والشاهي اللي جربها ويشرحلنا الطريقة المفضلة لديه إذا ما عليه كلافة

وأنا أفضل

القهوة الخولاني تطبخ على النار نص ساعة وتحط ملعقة صغبرة هيل وتحطها بالزمزمية أو الدلة وأتقهوى

بالنسبة للشاهي شاهي الكبوس تخلي الماء إلى أن يفوح وتحط السكر وتخليه يقلب بعها تحط النعناع وتخليه يقلب 5 دقايق وتحط الشاهي وخليه يخدر على راحته واشرب إلى أن تقول (بس)

ونحتري آراء الجميع

الجوزلي

25/03/2006, 07:50 PM

أفضل أنواع الشاي عندي هو أبو جبل

ابو زهره

26/03/2006, 07:55 AM

في الحقيقه افضل شاي عندي وباالنسبه لي

شاهي لبتون التلقيمه
في ناس تحب ابوفتله
وفي ناس تحب التلقيمه
رغم ذالك تي كما تيه
لكن مايصلح ابوفتله ياجماعه في الخرجات
مافي احسن من التلقيمه
طبعن يكون معك علبه وحاط فيها شاهي لبتون
واذا خرجت الخلاء او البران تجمع لك كم عود من الحطب وتشب نارك
وتحط برادك سلمك الله وتتقهواه
وعلى فكره تره شاهي لبتون عليه علامت الجوده
وطالع في اي شاي ماتحصل عليه غير الانتها والانتاج والماركه
لكن شاهي لبتون لابديل للطعم واوصي بشاهي لبتون
هههههههههههههه
اشكركم

العريق

26/03/2006, 11:28 AM

والله انا افضل شاي ربيع و طبعا حليب ابو قوس و حزات شاي لبتون

MOOM

26/03/2006, 12:04 PM

انا افضل القهوة الخولاني وشاي رد ليبل الاحمر

سحاب1111

26/03/2006, 12:45 PM

مشكور اخوي على الموضوع
والله انك فتحت باب كبير . قل ليش
لان كل واحد فل غالب له طريقة .
ومشكور

هاوي خلا

26/03/2006, 01:14 PM

بالنسبة للقهوة فهناك قهوة قديمة كانت تستعمل من قبل الأولين وهي أم حبال تجي كنها مخدة مربوطه بحبال وتجي بخيشه عشره كيلو واسمها ريحانه .
أما الشاهي الفلة التلقيمه ما في غير أبو جبل وأن حصل أبو جبل صندوق أو علبه حديد أحسن من الكرتون .
أما الأكياس ما فيه غير أبو كبوس يخليك تدوس .

ابوفهد225

26/03/2006, 02:32 PM

ابعطيك رائيي بالشاهي وجرب

ابوجبل والبريق عدن الهندي

اذا قلب السكر طلع البريق عن الضو او القز

وخله يركد الماء وحط الشاهي (ابو جبل) وخله يخدر بعيد عن الضو يعني لا تخليه يطبخ

من ثلاث دقايق الى خمس واشرب اذا مافرقته عن المطبوخ تراي مااعرف

جبل خزة

26/03/2006, 06:10 PM

أنا أرى أن شاي أبو جبل لا يعلى عليه .:good:
والقهوة أفضلها القهوة الخولانية اليمنية وبس . :good2:
لكن يا أخوان وش رايكم في الهيل ، وشهو الاجود والاميز ؟

بيت الدرجه

27/03/2006, 05:44 AM

غريبه مافيه احد منكم تطرق للقهوه الهرري وارد الحبشــه

مع العلم والغريب أن جميـع من يشرب من نوعيـة هالقهوه يتفاجأ بها

طبعا انا من أهل القصيم وغالبيتهم يستخدمون الهرري وبعضهم لقمتي

لكن الهرري لاتعلى عليها وارد الحبشـه بشرط ان تكون الحمســه ثقيلـه وليست خضراء كما يستخدمها البعض

هذا بالنسبـه للقهوه وهو من وجهه نظري ونظر جميـع من لم يشربها او يذق طعمها من قبل

اما الشـاهي والله درنا كثير وجربنا كثير وانا من النـاس أللي اتفنن بصراحه بالشـاهي ولي مزاجي فيـه

لاأعتقـد انه فيه غير ربيع تلقيمـة

البركة

28/03/2006, 12:54 PM

افضل انواع الشاهي ابو جبل وشاهي ربيع ولاتدور غيرهن
اما الطريقة فاذا طبخ السكر طلع البريق من النار ثمن حط الورق وخله يخدر سبع الى عشر دقائق بس قبل هذا لازم الواحد يصير عارف وزنة البريق من سكر وشاهي
ثمن لاتسألن عن الطعم لأني ابدوووووووووخ
اما القهوة فانا استعملت الهرري ولقمتي واهم شي بالقهوة تصير حمسته مستوية وثقيلة وتطبخ من عشر الى خمس عشرة دقيقة اما الهيل انا افضل القهوة بدون هيل او ان الهيل يكون خفيف يعني بهار مثل ماقال الشاعر .
واهم شيء الواحد يحافظ على البريق والدلة لأنهن اي شي ياثر عليهن
وطبعا بالنهاية كل واحد وله مزاج وكيف مختلف عن الثاني .

بدون مقدمات

29/03/2006, 05:41 PM

احسن قهوه الخولاني
واحسن شاهي ابو جبل للتلقيمه و(تنجل )للكيس

خيال الشقرا

30/03/2006, 01:32 AM

السلام
اقول ما احد سمع بالقهوه الاندونيسيه او القهو الجامايكيه
هذا القهوه الصحيحه وبس
(((لاهل الرياض شوق المحل بكارفور اللي بغرناطه محل قهوه روح وشوف القهوه علي اصولها ))))
----------------------------
الشاهي التلقيمه ابو جبل وبس

روح البداوه

30/03/2006, 02:00 AM

افضل شاي ربيع العلبة الحديد

والقهوه هراري باشنفر

ولاغيره

وحيد الدرب

30/03/2006, 09:23 AM

بصراحة انا جربت القهوة الخولاني والبريه ولكن ماضبطت معي وعدنا الى معشوقتنا(هرري) وارد الخير ... احب الحمسة المتوسطة مائلة للسمرة نوعاً ما واتركها تطبخ لمدة 10-12 دقيقة ثم اضع الهيل والعويدي واتركها تقلب قلبين ثم ابعدها عن النار لمدة خمس دقائق وبعد ذلك اصبها بالدلة باستخدام مصفاة وقرب القدوع ولاتنس تسمي .....اما يخص الشاهي فلم يعجبني الا نوعين الاول(لورد) بحيث بعد مايغلي الماء والسكر تضع الشاي وتتركه لمدة عشر دقائق ثم حرك الحبال عدة مرات حى يتشبع بالشاهي ثم تقهو .والثاني (الضيافة على شكل فتات يسميه البعض(كثح)) وافضله بالبر بشرط بعد التلقيمه تتركه لمدة عشر دقائق حول النار(ليس بالبعيد ولا بالقريب)على ماقالوا يورح النار..وبالهناء والعافيه

ذيب حضن

01/04/2006, 09:57 PM

شاي ربيع
القهوة هرري او لقمتي والعلم عند الحمس

أبوأحمد98

01/04/2006, 10:56 PM

القهوه (هرري)
الشاهي(ربيع تلقيمه)

الدبل الثقيل

02/04/2006, 07:22 AM

البن هرري وارد الشرهان او باشنفر والهيل هندي جامبو وارد بافرط ... والشاهي أبوجبل تلقيمه خادر على السمر ولا يغلى......... الا ياخوان قهوة ام حبال وين تلقى بالرياض الرجاء توصيف دقيق لأني من خارج الرياض.. وجزاكم الله خير

الرقيبه

02/04/2006, 02:10 PM

السلام عليكم ورحمة اللة وبركاتة

كل له كيفه اللي تعود عليه ولا عنده استعداد يغيره ولو للاحسن لان اموره مضبوطه مع هالكيف ولا هو في حاجة

انة يكيف اكثر من كذا ............................

بالنسبة لي القهوه بريه حمسه تــامــــه...اما الشاهي فهو اكسبرس الربيع ((تلقيمه))..........

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟

عاشق العرمه

02/04/2006, 02:52 PM

افضل انواع الشاي عندي الوزه (تلقيمه)

قليقلان

02/04/2006, 03:11 PM

افاااااااااااااااااااا وينكم عن القطمه اليمني جربوها وشوفوا الفرق
وبالنسبه للشاي عليك بالكبوس والربيع تلقيمه

واش رايك ياراعي الموضوع تقلبها تصويت وتشوف ردود الاخوان وتاخذ منها افضل نوع قهوه وافضل نوع شاي بناءا على عدد الردود وتعلنها كنتيجه نهائيه

جراب

02/04/2006, 03:56 PM

السلام عليكم ورحمة الله وبركاته

الاخوة الاعزاء أسعد الله مسائكم بكل خير

أما موضوع القهوة فتأتي بالمرتبة الاولى قهوة هرري
أما موضوع الشاهي فهو شاي ربيع بالمرتبة الاولى ومن ثم شاهي ممتاز

جعل الله مجالسكم عامرة بالخير والجود ,,,

جمران

02/04/2006, 06:15 PM

أخي جراب شكراً على الموضوع يالغالي
وبالنسبة للقهوة ..القهوة النبرية ..(أم حبال)
وارد المستنير هي من أإفضل الموجود
وهي المرغوبة لدي..
والشاهي مافي أفضل من هالقوطي
http://www.mekshat.com/pix/upload/images15/mk498_dsc0289511111.jpg
بس لاتشره تراه جاه من البطانيج لين داخ :D

تحية لك

الدبل الثقيل

03/04/2006, 12:37 AM

الاخ جمران وين نلقى النبريه وارد المستنير بالرياض او القصيم .. تكفى وصف مفصل لاني من الغربيه.. وجزاك الله خير..

جراب

03/04/2006, 08:51 AM

الاخ جمران سلمك الله
السلام عليكم ورحمة الله وبركاته تحية طيبة وبعد :

أشكر لك مرورك الكريم لهذا الموضوع وإضافتك النيرة .

بالنسبة للقهوة النبرية أين تجدها لانها شبة معدومة والتجار يحرصون على إستيراد القهوة البرية وهرري وباشنفر ,,, أما بالنسبة لشاهي ربيع وش خليت وفيت وكفيت لهذة النوعية .

إستفسار بسيط أخي جمران أين أجد القهوة النبرية ..... علماً أنني أسكن بمدينة عنيزة .

ولك خالص الشكر والتقدير ,,,,

abo nakwa

03/04/2006, 12:30 PM

البن الامريكي الغامق يسمونة خليجي هذا لراعي الكيف واما الشاي فعلى الشرط شاي العلمين من شركة سنترمان فهو تلقيمة ولا يعمل حموظة وعلى الشرط زين بالحيل واما مزاجي انا بالذات فهو شاي اخظر صيني ابو علبة زرقاء بخمسة درهم

قليقلان

03/04/2006, 06:52 PM

يارجال بالنسبه لام حبال هذي هي ماليه اسواق الثقبه 10كغ ب120 ريال وعند كل محل يبيع القهوه تحصلها مزبره

من قال انها شبه معدومه؟؟؟؟؟؟!!!!!!!

جمران

03/04/2006, 07:13 PM

أولا أقدم إعتذاري وأسفي لصاحب الموضوع

:heart: المطلق :heart:

حيث ضننت أن صاحب الموضوع هو جراب فالعذر والسموحة

منه ويأمر بالي يبي بس لايشره علينا

فمثلي يخطي ومثله يصفح

===============

حياك يالغالي جراب هلا والله ومرحبا

بالنسبة للنبرية (أم حبال متوفرة)

بجميع المحلات ومحلات الناصر بقرطبة والريان

موجودة وإلا عند البدراني بالسوق

ولكن وارد المستنير فهي موجودة

ببريدة بسوق الجردة بالشارع الخلفي

لشارع الأجهزة من شرق (لاأعرف اسم المحل)

يمكن الأخوان من بريدة يفيدونا أكثر

حياك يالغالي وأنا بالخدمة

جراب

04/04/2006, 10:54 AM

الاخ الغالي " جمران " وفقك الله

تحية طيبة أخي الكريم وأشكر لك تفضلك بالرد على التساؤلات حول مكان بيع القهوة وتسلم يمينك من كل شر .

تقبل خالص التحية والتقدير ,,,

المطلق

04/04/2006, 01:35 PM

أشكر في الحقيقة جميع من شارك في هذا الموضوع أو حتى قرأه

بالنسبة لك يا أخي قليقلان فرأيك نعم الرأي وأحاول أجمع آراء الإخوان

وعل فكرة ترى أول ما أردت أن أكتب الموضوع أردت أن أجعل تصويت لكن لم أعرف ما يحبه الأعضاء

أخي جمران

عذرك مقبول ومثل هذي الأغلاط معروف إن اللي كتبها ما كان يقصد

أكرر شكر لجميع من شارك ومن سيشارك

ابوســــــعود

04/04/2006, 06:01 PM

الشاهي ابو جبل او ريد ليبل او الربيع والقهوه الي تقعدالراس الخولنيه

مرقاب الشرق

06/04/2006, 11:47 PM

الشاي (ربيع تلقيمه )
القهوة الهرري واهم شي الحمسه فوق الوسط شوي

مجدولينا

06/04/2006, 11:59 PM

بالنسبه للقهوه خولاني يمني (((بري)))

الشاهي طبعا ابو جبل

وطريقة اخونا ابو فهد225 في تزيين الشاهي شيييييييييييي دكتور ما شاء الله عليه

عليم العطش

07/04/2006, 12:44 PM

احسن انواع الشاي الربيع تلقيمه
مع ان فيه شاهي انجليزي علبته حديد اسمه (توننجيز) عليه خدره ماهيب صاحيه.
اما القهوه جربت انواع منها الهرري لكنها ثقيله وتسوي لي حموضه
وجربت الخولانيه هي احسن نوع بس ماتلقي الطيبه دايم وعلشان يطلع طعمها لازم تقطع اكثر من ثلث ساعه علشان اذا صبيتها بالفنجال
تشوف خضارها صابغ بالفنجال ولاهيب حكمه(يعني ثقيله)
وجربت الربه القطماء ذات الحبه الدائريه خفيفه على الكبد ولاتحتاج الى حمس واجد علشان يطلع طعمها وخطرها على النياه اي تكون شقراء وليست غامقه وتحتاج الى تتركها تقطع اكثر من 25دقيقه وقبل تزلها اتركها تركد لمده دقيقه ولكن بها عيب هي انه يكون بها حبوب سوداء وبنيه اللون يجب تنقى قبل حمسها لانها هذه الحبوب تخرب كل القهوه وتدمرها يعني 10 كيلو قهوه بعد التنقه يصفي لك 9كيلو تقريبا .
انا اغسل القهوه قبل ان احمسها بالبيت قد يكون الامر غريب ولكن اذا رايت ما يخرج منها من سواد بالماء لن تشربها الا ان تغسلها وبعد الغسل والغسل السريع بالماء العادي والفرك باليد والمشخله حتى يصفي الماء .اثناء عمليه الغسل يطفو بعض الحبوب الفاسده
يجب اخراجها ونشرها على خيشه جافه نظيفه بمكان ظليل دون التعرض للشمس واكرر دون التعرض للشمس لانها دمار القهوه
يعني سو مثلي حطها بالمقلط وشغل المروحه وصك البيبان عن الورعان لمده 12ساعه واحمسها على كيفك .
هذا من واقع تجربه
ملاحظه الهيل نكهه وليس طعم كما يعتقد الكثير والطعم اذا كان مطحون جديد افضل من المطحون مسبقا.
وهذا سر طعم القهوه .

قرب دلالك من الصالي وحظبها" "واقصر بماها تراني خاوي راسي
واحرص عليها من الشعله ولاهبها " " والزل خله على الترتاب بقياسي
فنجالها رايب بلسان شاربها" " في مجلس مابد به خطو الانجاسي

الشاعر مرزوق الحارثي

اسف على الاطاله
لاعدمتكم
تحياتي
علم العطش

نسناس ليل

07/04/2006, 12:55 PM

افضل انواع الشاهي بنسبه لي

ربيع تلقيمه و شاهي (ممتاز) من عمان وشاهي ( كبوس ) من اليمني

أما القهوة اللي تسند راسك وتنقع بالدمااااااااااااااااااااااااااغ قهوة (خولاانيه )من اليمين

ملاحظة على شاهي التلقيمه المفروض قبل تحط الشاهي بالبريق لازم تغسله في صفايه او مشخل صغير وتصب عليه ماء فاتر لأن الشاهي فيه شوائب واتربه

فتى الحوطه

07/04/2006, 02:13 PM

والله انا افضل القهوه البريه
والشاهي اللي لايعلى عليه ربيع اكسبركس
هذولي الكيف

خيال الغلبا

07/04/2006, 02:27 PM

بالنسبة للشاهي
كان يوجد سابقا في بعض اسواق الرياض ليبتون ذواب ...يذوب ولايبقى له اثر ...تلقيمه
روعة ولكن للأسف انقرض من الوجود ولو حصلته اشتريته بالذهب

واما القهوة فالبرية وبس ....

@الزيرسالم@

07/04/2006, 02:45 PM

والله الشاهي الزين والكيف اللي الى منك شربته ما عاد تدري وينك فيه واللي يمسكك خط لين ما عاد تدري وين وصلت . (بس على حسب اللي يحكره؟)الربيع تلقيمه على الضو واقحن على كيفك بالهناء والشفاء

ضلع الرقيبه

07/04/2006, 04:25 PM

http://www.mekshat.com/pix/upload/images15/mk16349_974558610651956961.gif
يقول الشاعر:

تستاهل الفنجال لامال ضله**في دلة يعبا لها خمسة انواع

وهي الانواع يعني 1-القهوه الحب وافضلها البريه وتجي حمستها

شهبا ولاهيب حرقه ثم الهرريه طبعأكل ناس وحمسهم لها ((وفي

روايه عن رحاله اجنبي قال في القهوه انها في شبه الجزيره العربيه

من اقصى الجنوب تكون القهوه خفيفه وليست قاتمة السواد ثم بعدها

تتدرج في السواد حتى تصل الى اقصى الشمال فتصبح سوداء جداً

مثل القهوه التركيه المعروفه))

2-هيل 3-عويدي(مسمار) 4-شنه (وهي عشبه توضع في

القهوه 5- الزعفران

وتفضلوا تستاهلون انتم الفنجال وفيها كل الانواع الخمسه http://up.c-ar.net/06/04/7279.jpg

واما الشاهي ومادراك ما الشاهي فلهو كلام طويل لا يعد ولا

يحصى ولكن هناك توضيح بسيط عني انا خاصه ((اذا كان

الشاهي تلقيمه ربيع وخادر وياليت يسوى على رمث يكون اسمه

**شاهي **

اما اذاكان ليبتون او نوع من انواع العلااقي الميدليه اللى عندي

مايسمى الا **شاي** ماتحس انه شاهي وتمخمخ عليه من قلب

يقول الشاعر:

الشاهي المنتاز لعيون طهماز**لعيون من بيديه يقشى الجريدي

ورد عله شاعر الثاني معه وقال:

الشاهي المنتاز مايعبا على قاز**يعبا على جمراً مغنه بعيدي

*معنى (يعبا)يعني يصلح

واحسن شاهي عندي ربيع تلقيمه كايف وروعه

و فيه ربيع التلقيمه الذهبي روعه من جد

والسلام ختام.

وهاذي بياله منه
http://up.c-ar.net/06/04/ba80.jpg

رجاح

08/04/2006, 05:45 PM

القهوه الخولاني .

والشاهي ربيع تلقيمة . ولا ابو جبل .

وبس .

ولولا اختلاف الامزجة لبارت السلع .

نمر بن حثلين

08/04/2006, 08:51 PM

ربيع فيه مراره ويقطع بسرعه

ما مثل كبوس

الطعس الذهبي

10/04/2006, 11:44 PM

الشاي الاحمر ربيع اكسبرس والشاي الاخضر الوزة

اما القعوة القهوه الغامقة حقت القصمان

راعي المعناء

12/04/2006, 11:32 AM

السلام عليكم ورحة الله وبركاته وبعد:
الشاي المفضل لدي الربيع الذهبي تلقيمه
وطريقت إعداده بالنسبة لي كالتالي :
بعد ما يغلي الماء على المجمار نبعد الأبريق عن النار ونضع السكر ثم أحركه بالملعقه وبعد مايذوب السكر بالماء نضع التلقيمه وحطه عند النار طبعا يكون بعيد إشوي الأبريق عن النار بس حق التدفئه وشوي ثم تعال ذق الشاي وبالعافيه ;)

tiger_shark

12/04/2006, 11:55 AM

بالنسبة للشاهي فالربيع و أبو جبل, لكن عشان ما يعقد و يمرر صب على التلقيمة ماء حار على صفاية صغيرة و لقمها بعد ما يفوح الماء والسكر و خله يخدر و تقهوا.
فيه نقطة مهمة انك ما تغسل أي ابريق تطبخ فيه شاهي بالصابون أو الفيري لأنه يغير طعمها, اشطفها بالماء وبس و كل ما طبخت الشاهي بذا الأبريق بيطلع أزين من الي قبلها, وبالعافية

هاوي خلا

12/04/2006, 12:22 PM

الأخ الدبل الثقيل والأخ جمران وجميع الأخوة الأفاضل ، لي تعقيب على قهوة أم حبال وتراي أول واحد كتب عنها في الموضوع هذا((يا حظي أول واحد)) المهم مالكم بالطويل أم حبال هذي هندية وتجي عدة أنواع منها ما يكتب عليه بأسود وأخرى بأحمر وأخرى بلون وردي أو زهري وأسمها ريحانه و التاجر اللي يستوردها ((الوكيل)) هو الحصين ويوجد في الرياض تلقاه هالحين بالمباني الجديدة اللي عند قصر الحكم والمعيقلية تجهم من غرب الركن الغربي الجنوبي تلقى حقين القهوة والهيل والعطارين هناك أسأل عن الحصين تلقى شايب متزكرت وش حليله يبيع الظاهر يطلع العشره كيلو (10) بـ(75) ريال ما أدري بالضبط لأني أخذ منه بالقطم الكبار اللي القطمة تجي خمس أكياس يعني خمسين كيلو ((والله لو أني ابقهوي جيش )) .
ولكم تحياتي / أخوكم / هاوي خلا

جلاد الصحراء

12/04/2006, 12:52 PM

انا مع نمر ابن حثلين ما مثل كبوس والعلم على طريقة التصليح

realman2005

12/04/2006, 01:01 PM

الشاي ايرل قري الانجليزي
القهوه ...الخولانية

راعي الكيف

12/04/2006, 03:23 PM

طبعا الشاهي اما كبوس وخصوصا اذا صرت بالبيت وعقب المغرب .... ياسلام
او ابو جبل لاكشت مع الربع ... كيافه مامثلها ابد

اما القهوة ... وما ادراك ما القهوة ... فالوالدة عسى الله يرزقني برها ... تحمس ذيك القهوة ثم تدقها دق موزون ... وتتكز لك هاك الهيل اللي مامثله لاهوب اللي كثير يحرق حلقك شوي منه عشان التنكيه .. واحيانا مانحط الهيل ... ولا ادري وش هي ولا من وين جايبتها ... بس الشاهد انها اطلق قهوة اشربها في حياتي - اذكرو الله عليها - هههههههه ... تقاوم ستار باكس بجودتها هههههه ... ومن اراد التجربة .. فحياه الله

hands_down

13/04/2006, 01:09 AM

القهوة كلن ومزاجه
اوما الشاهي فهذي اول مشاركة لي وخلوني اتفلسف فيه :
شاهي تلقيمة مافيه احسن من توننقز الاحمر ولازم تراعي ثلاث حاجات الاولى الموية يعني مثلا لا تستخدم موية نستلة لانها مالحة , شف لك اصفى انواع الموية
الثانية اغسل الشاهي بمويه بارده على خفيف
الثالثة نوع الابريق والافضل برايي ستيل اصلي
طريقة الاعداد انت ومزاجك لكن تذكر ان غلي الشاهي ثواني بس
* اللي عنده مكينة كوفي بفلتر ورقي ياليته يجرب يسوي فيها شاهي ويقول لنا رايه......شاهي صافي يخليك تمخمخ

نمر بن حثلين

13/04/2006, 01:56 PM

استغرب من الاخوان الي يحبون شاهي ابو عطره

جربت ليبتون ايرل جراي وتكرم النعمه عجزت اكمل البياله
مافيه طعم للشاهي وكن الواحد يشرب من جرة عطر :confused:

المطلق

14/04/2006, 02:02 PM

إحصائية ردود الأعضاء

القهوة

الهرري : 10 أصوات

الخولاني : 9 أصوات

أم حبال : 5 أصــوات

لقمتي : صوتين

البرية : صوت

الإندنوسية : صوت

البن الإمريكي : صوت

الشاهي

ربيع : 18 صوت

أبو جبل : 12 صوت

الكبوس : 7 أصوات

اكسبرس : 3 أصوات

توننجيز 3 أصوات

الوزة : صوتين

ممتاز : صوتين

ليبتون : صوت

ردليبل الأحمر : صوت

تنجل : صوت

لورد: صوت

الضيافة : صوت

العلمين : صوت

الأخضر الصيني : صوت

=====================

أشكر في الحقيقة كل من دلى بدلوه في هذا الموضوع وأفادوا الإخوة الأعضاء والزوار بآرئهم

=====================

أدعوا جميع ملم يشارك في هذا الموضوع أن يتحفنا برأيه

=====================

أسأل الله لنا ولكم التوفيق

مســـــــــــك الحجاز

15/04/2006, 03:12 PM

السلام عليكم اشكركم على موضوعكم المهم 1-افضل انواع القهوة الهرري طريقته 1-تعبي الدله ماء واذا فاح الماء تحط البن الذي يكفي الدله ثم تطبخ لمدة نصف ساعة
لكي تطلع قهوة تبيض الوجة ثم تطلعها وتتركها لمدة 5دقائق خارج النار ثم تضع الهيل في الدلة وتصب القهوة عليةثمن صب الفنجال وعلوم رجال راح تدعيلي وراح يستانسون ربعك ...وشكرا
2-افضل انواع الشاي هو شاي الربيع الورق وشكرا

&~عز الخوي~&

15/04/2006, 06:05 PM

السلام عليكم
أما أنا فرأيي هو كما يأتي:
القهوه :هي البريه وهي نوعان: 1)الخولانيه 2)القطما (المبرومه)
وكثر أستدلال الشعراءبهذا النوع من القهوه كما قال الشاعر مرير الحبيل العتيبي:
وبرية شريت على الشرط وخيار ************ شريتها يوم اليماني جلبها
************************************************** ************
أما الشاي: فبرأيي أن الربيع إذا كان مسوى على نار وببراد معدن فلا يضاهيه شاااااااااااااااااااااااااااااااي في العالم
ودمتم 17/3/1427

عبدالله الدوسري

16/04/2006, 11:59 PM

جربت القهوة الخولانية ووالهرري الحبشية
ووجدت أن الهرري أفضل من الخولانية

أما الشاهي
فجربت الكثير
ومع أني منيب راعي شاهي لكن عندي شاهي أعجبني وطلبته من برا
وهو شاهي إنجليزي أصلي
اسمه: PG
طعمه يدخل في المخ على طووووول
ما شفته في محلات الرياض أو السوبرماركت أبدًا
رحت كم سوبر ماركت.. من هايبر بنده إلى بقالة أبو سعد اللي جنب بيتنا ومالقيته
طبعًا أنا طالبه من برّا...
وهذي صورته
http://www.mekshat.com/pix/upload/images16/mk566_england_tea.jpg

راعي العالياء

17/04/2006, 05:07 AM

افضل انواع الشاهي عندي ربيع تلقيمه والقهوه البريه هرري

المطلق

23/04/2006, 10:15 PM

أشكر الإخوة المشاركين بردودهم في هذا الموضوع

وأطلب من الأخ ((ضلع الرقيبة)) أن يشرح لنا طريقة صنع القهوة التي ذكرتها

وأطلب من جميع الزوار مشاركتنا في الموضوع لتعم الفايدة وتزيد

الدبوس

23/04/2006, 10:53 PM

فيه ناس يمدحون شيء وما جربو غيره

لكن بشكل عام أقول أن الكيف معادلة عبارة عن الآتي :
القهوة

القهوة + الحمسه + طريقة التصليح + التبهيره (هيل - عويدي) + النار = تلقى لك راسين مرصصه

لاتنس تغسل القهوة أياً كانت في مشخل وتنشرها وتفردها في الشمس في صحن قبل حمسها

الشاهي

شاهي + أبريق غضار وارد الجبر أصلي (غير مكسور)+ سكر عدل + نار هاديه = تشوف الشمس في الليل

أما أنا فأفضل من القهوة (البرية) بعد تجربة جميع الأنواع ، ومن الشاي (أبو جبل) بعد تجربة جميع الأنواع ولاحظو ورقة شاي أبو جبل نظيفة وطويلة أما باقي الشاي فهو حتات الشاي كسر صغيرة وغبار
والكركديه (الضيافة أكياس)

والله يعظم أجركم في بقية القهاوي والشواهي والكركديهات

http://www.mekshat.com/pix/upload/sign/images/mk26824.gif

خالد ابووليد

13/06/2006, 12:56 PM

معلومه مفيده ام احسن شاهي فهو موجود علي طريق الملك فهد في كارفور جمب عمارة الخطوط السعوديه يوجد محل مايبيع الا شاهي قطفه اولى بس شوي غالي

أبوسرحان

14/06/2006, 04:08 AM

السلام عليكم ورحمه الله وبركاته

يالله انك تحيي الجميع
موضوع راءع وتجاوب أكثر من رائع
وأنا أقول تعددت الآراء والكيف واحد
لكن والله اني استغرب من اللي يقولون شاي الليبتون ( الله يديم النعمة ) لكن أحترم آرائهم وعلى راسي
حنا عندنا بالكويت بالنسبة للقهوة
أفضل نوع هو البرية اليمنية ثم تجي ميسور نيباري
والشاي خوذوا العلم من واحد راعي كيف
رد ليبل ( الفل ) يعني مو الورق لا اللي يجي حبه مفلول

أخوكم السرحي

http://www.9q9q.org/index.php?image=kz9a91EBbE9

kaaaatm

05/07/2006, 09:12 AM

أنا أفضل شاهي ربيع اللي يجي في علبة حديد

واما القهوه فيهي القهوة الخولانية البرية لكن خلها 20 دقيقة على نار هادئه

الليث الابيض

05/07/2006, 10:47 PM

وعليكم السلام ورحمة الله وبركاته

شف يالغالي بالنسبة للقهوه انا استعمل القهوه اليمينيه ممتازه جدا جدا
وثاني شي انا عندي خلطه جدا ممتازه للشاي وهي افضل بكثر من اليبتون وطقته وجربوها وانشاء الله بتدعوه لي
الخلطه وهي انك تجيب لك شاي الوزه وشاي الربيع طبعا الورق واخلطهن معا بعضهن البعض انزين
واذا جيت تسوي الشاهي حط المويه الحاره بالبريق الي تبي تسوي فيه الشاي خل الماء يحمى الى ان يقلب واذا قلب حط عليه سكرا عاد انت ومقدارك يالغالي واذا قلبت المويه مع السكر حط ياهيل او زعفران وخله يقلب بعد واذا قلب حط المقدار حق الشاي وشووووف وانشاء الله بتدعون لي

وتقبلوا خالص تحياتي والشكر كل الشكر لأخونا الي طرح الموضوع واشكره

السلام عليكم

عمون

05/07/2006, 11:20 PM

احسن شاي عندنا بالاردن شاي الغزلاين الفرط
وبعده افضل شاي الفزلاين ابو فتلة
============================
القهوة قهوة عدن
مع الهيل
========================

من نجد

08/08/2006, 04:08 AM

شاي(((((((( أبوجبل ، أبوجبل ))))))))))))))))

الرهدن

08/08/2006, 05:55 AM

السلام عليكم /

الشاي00 ممتاز العماني ولايجي إلا ميداليات00
معلومة عن القهوة00
كل مازاد حمس القهوة ( التحميص )قلت كمية الكافيين وقلت حموضتها ويعطيها النكهة العالية والغنية00
وكلما قللت من حمس وتحميص القهوة زادت كمية الكافيين وزادت حموضتها وقلت نكهتها (وهذي بالذات اللي محمية سبد شيباننا)

*

عابد

08/08/2006, 12:41 PM

السلام عليكم ورحمة الله وبركاته

القهوة هرري باشنفر او الخير
الهيل يوجد نوع هندي يبيعه توفيق المبارك في الدمام الخمسة كيلو بمئتين ريال
الشاي الأحمر ربيع اكسبرس للتلقيمة او الأكياس
الشاي الأخضر فيه نوع صيني الكيلو بخمسين يبيعه محل في الثقبة اسم وادي النحل أو ما تدخل من شارع مكة أو اشارة تلف يسار المحل في الزاوية اللي على اليسار وراعيه واحد لحية غانمة شروى من يقرأ هالموضوع وحتى العامل اليمني اللي فيه رجال طيب ونصوح.

dark

08/08/2006, 01:36 PM

القهوه الهرري المحموسه ولونها بني غامق
والشاهي ابو وزه افضل شاهي ونكهته فيه

راعي الطلعات

08/08/2006, 01:55 PM

احسن قهوه قهوة الكيسالي عليه صورة الحرمه نسيت اسمها صراحه
وبنسبه لشاهي استعمل شاي لبتن ابو فله مو ابو اكياس واحط معه زعفران ايراني اصفر وذق الطعم

Goldsniper

13/08/2006, 01:02 PM

ماشاء الله عليكم

على العموم

أنا أفضل البن الهررى

والهيل الهندى من كارلا

وشاهى الربيع الذهبى

ابوعبدالإلة

14/08/2006, 03:58 AM

القهوة طبعا هرري باشنفر لا مثيل
والشاهي إلي ماشرب الشاهي الكيني ماشرب شاهي والبدييل (ابو جبل وبس )

ابوعبدالإلة

14/08/2006, 04:09 AM

http://www.mekshat.com/pix/upload/images18/mk31982_good.jpg

طهماز الخيل

15/08/2006, 02:50 AM

- الســـلام عليكم

- ياشباب بالنسبــــــــــه للقهوه فهى اليمنيــــــه ثم تجيك الهـــــــــــــررى بالمرتبه الثانيه باشنفر.
- أما الشــــاى وما أدراك مالشــــاى فعلى الخـــبير سقطت فهـــو شاى ليبتــــون نوعية ريـــد ليبل هــــو الشاى الصح ثم يأتيك
شاى بوكبوس جيد جدا وهناك شاى هندى يأتى بصندوق خشب أسمه 3 تسعات وورق عجيب جدا يوجد بسوق الكويت
- وبالنسبه لليبتون فهو ليس كما كان بالسابق فهو الآن لايســــوى تفييحة المـــاى بتاعته ووالله أنه خســــــــــاره .

ابو شكاع

15/08/2006, 03:30 AM

مشاركات جميلة
تعرفنا على أنواع جديدة من القهوة ...
بالنسبة لي
القهوة هرري ...وبحكم أننا ماجربنا الأنواع الأخرى مثل أم حبال والخولانية .... فأحكامنا قاصرة بحدود ماشربنا
الهيل ...الأمريكي رقم واحد ..عاد وش اسمه ما أدري بس أنا أطلب أغلى نوع وعندي أنه هو الأفضل :D
الشاهي ...ربيع إكسبريس ...طبعا أكياس ...

تمنيت لو بعد تطرقتوا للشاهي الأخضر .... بالنسبة لي بالشاهي الأخضر ...twinings بالنعناع ... جربته قبل تقريبا شهر ونصف ... ومن بعدها تركت غيره هو انجليزي وسعره 24 ريال 100 كيس

تبقى الخرمة للقهوة أمر مهم .. يعني مثلا تروح لك مشوار بعيد وتجهد نفسك ...تلاقي انك تكون خرمان للقهوة ...وتبي تطيب في راسك وتجوز لك

ونفس الشي بالنسبة للشاهي

وسلامتك

منزلي الصمان

15/08/2006, 11:31 PM

أحسن قهوة ( المطرية ) يمنية عند ابو يمن في محطة العتش.

الشاهي ربيع ( تلقيمة ) وبس .

المنصف

16/08/2006, 11:39 AM

أحسن شاهي تويننجز بدون عطره موجود منه أكياس عبوة 100 كيس بس سعره 23 ريال

jaber280

30/08/2006, 07:44 PM

صراحة موضوع جميل
وانا مستغرب جدا جدا ممن يمدحون شاي ليبتون والله بالنسبة لي مستحيل أكمل كاسه واحده منه لأن طعمه يكون كأنا مسوى بماي البحر تقول مخبوط واستغرب ممن يستسيغه مع احترامي لذوقه وأما أفضل شاي فإن كان على الفحم فشاي الربيع الفلة ولا تدور غيره وإذا ماحصلت الربيع عندك الوزة من بعده وأما إن كان الشاي سيوضع في المطارة فعليك بالربيع اكسبرس أو رد ليبل فله ناعم أو شاي العروسة كيني . . . . وشكرا

عود رمث

30/08/2006, 09:34 PM

السلام عليكم

الصراحة إذا صار الشاهي والقهوة محكورات فهن زينات بلا شك

وعلى دوخة الراس إذا اصملنه من أي نوع صارن وبدون تحديد

لأن فيه ناس كثار ما ميزو بين القهوة الهرري أو اليمانية أوقهوة الشعير وأظن إني منهم :cool:

وصدقوني إنه قليل اللي يميز

بس إذا جت بوقتها وصحّـت الراس واعدلته فهي قهوة الكيف اللي أدت الغرض

هذا باختصار وسلامتكم

مدمن الشاهي

31/08/2006, 01:26 AM

هالموضوع انا اللي باكسبه :D :D ..........والميدان يا حميدان

القهوة ريحانه وبس
والهيل الهندي ( لاصحاب الخرمات :good: )
الشاهي ابو جبل لكنه منتالي خرب مهوب مثل الاول :no: :no:
اما الخيط ابطيحكم بشاهي بتروقون عليه هو شاهي انقليزي اسمه (twinings)
تلقونه بالتميمي قرطاسته حمراء
ذوقوه وردولي تكفون خل اشوف انا صدز مدمن ولا كلام نواعم ;) :j .......... (متأكد تبي تدعولي )
وطبعا ما فيه مثل التلقيمه :D :D
ومشكوررررين على الموضوع اللي اتاحلنا نبدي ارآنا .....
مشكور اخوي

عاشق المجمعه

31/08/2006, 01:59 AM

موضوع حلو انا الصراحه ما ني راعي قهوه الا برا الديره وعلى الضو اما الشاهي ما اصبر عنه يوميا خاصة بعد نومة الظهر ما احس اني صحيت الين اطقطق لي براد وشاهي ابو جبل هو دواي و الا الليبتون لو اشرب برميل ما يسرني وسلامتكم:p

جربوع داعس

31/08/2006, 05:46 AM

بصراحه افضل انواع القهوه عندي الهرري ويجي منها انواع بس اطلب انت هرري درجه اولى لونها بني غامق ام البني الفاتح لاتاخذها وسعرها ب170 ريال
<<<اسال مجرب ولاتسال طبيب:good:
اما بالنسبه للشاي فافضل شاي ليبتون سيلاني تلقيمه ياخي يخليك تمخمخ:rolleyes:
او شاي عدني تلقيمه ورقه صغير ومدور مثل الحبه السوداء
واشكرك اخوي على طرحك الموضوع المفيد :good:

مهاجر11

31/08/2006, 06:09 AM

والله بالنسبه للقهوه ( القطماء)
والشاهي ابو جبل

ودي السدر

31/08/2006, 06:43 AM

الشاهي الطيب شاهي اسمه شمشيري في صندوق خشب
اللي يعرفه يدلني عليه لاني لقيته فالمزرعه ولا ادري من جايبه
والي عنده منه ان اشتري الصندوق ب200

ابوفواز

31/08/2006, 10:01 PM

موضوع جداً جميل
بنسبه لي افضل قهوة هي الهرري
اما بنسبه لشاهي فهوا ابوجبل بياله منه تعدل الراس
ويعطيكم العاقبه

محب الغيم

31/08/2006, 10:16 PM

الموضوع ما شاء الله من مواضيع زمان ...

عموماً يبدو أن خبرتكم ومشاركاتكم تجعل الواحد يقرأ الموضوع بدون مشاركة ...

-------------------------------------------------------------

لكن بالنسبة لي غير ( ليبتون ) ما أكيف أبداً ...

وبالنسبة للقهوة ما ني من كييفتها ، لكن يجي لي حزات أمسح دلة لوحدي حتى لو ما أدري وش نوع البن ، أهم شي يكون مزاجي صافي !!

اخو صالحة

03/09/2006, 06:20 PM

الشــــــــاهي ربيع تلقيمه
القهـــــــوة الهررياهم شي ماتون ناعمه ...

جربت قهوة نواة التمر وماجزت لي

ريان الشمال

04/09/2006, 02:57 PM

:j قهوة بن هرري وارد من اليمن والتحضير بنفس تحضيرك يابوالشباب
اما الشاهي حلى البر شاهي الربيع ولا اطلق منه

ــــــــــــــــــــــــــــــــــــــــــــــــــ ــــــــــــــ
الــــــــــــــريانـــــــــــــي :alarm: :cool:

بواردي الدلم

04/09/2006, 04:01 PM

<HR style="COLOR: #cccc99" SIZE=1> 

قهوة بن هرري الخيشه الخضرى بنفس تحضيرك يابوالشباب
اما الشاهي حلى البر شاهي الربيع ولا اطلق منه
الــــــــــــــريانـــــــــــــي
الحقيقه ماخليت شي يالرياني لاكن ابو جبل جاله وطر

امبارك

04/09/2006, 04:13 PM

السلام عليكم ورحمة الله وبركاته،،،

في رأيي المتواضع.. أن القهوة اليمنية الخولانية مع الهيل الهندي أبوغزالين.. مبهرة بدلة بغدادية.. ومصعطة بشوين قرنفل و(بقصة) زعفران.. مع إبريق شاهي معدن اصلي.. مخدرن به شاهي أبو جبل أو ربيع تلقيمة.. أحسن ما يطلبه راعي الكيف.

تحياتي

مباري السويس

05/09/2006, 07:38 AM

والله افضل انواع القهوه عند القهوه الهنديه واسمها (فرحانه) جربوها ياخوان وبتدعون لي انشاء الله تراها مربعه وتجي في خيشه لونها بني ومربوطه بحبل احمر قيمتها تبدا من ال 90 ريال وتصل في بعض الاحيان الى 120 ريال
اما الشاهي فهو الربيع العادي التلقيمه..........

المكحل/ابو

05/09/2006, 08:39 AM

طريقتي بالقهوة:
تكون القهوة هرري
حمستها شقراء وليست سوداء ولا خضراء .
حط الملقمة على النار حتى يفوح الماء ثم حط فنجال ونصف قهوة وتكون بجنب النار حتى تقلب لمدة سبع دقائت
بعدها ابعدها عن النار قليلا حتى تصفي شوي ولمدة دقيقتين فقط .
جب الدلة ضع فية ملعقة هيل مع عودين زعفران . ثم اسكب القهوة من الملقمة على الدلة بعدها حط الدلة تقلب مرة واحدة لكي تاخذ طعم الهيل . ثم اشرب خمسة فناجيل او سبعة تكون وتر افضل لك.
طريقة الشاي.
طبعا افضل الشاي ابو جبل.
ولكن احذر ترى ان كنت منتب عارف الوزنية مضبوطة يكون مر .
الطريقة :
خل البريق العدني الهندي على النار حتى يفوح ثم ضع السكر حسب مقدارك بعد قلب السكر قلبتين خل الشاي بيدك ثم ضع الشاي وهو يقلب وانت رافعة عن النار ثم ضعة ليخدر على راحتة واشرب لمين تقول بس انطحلت من الشاي.
والمثل يقول ( عليك باول الدلة واخر البريق )

العاني

05/09/2006, 09:18 AM

السلام عليكم

ياشباب بالسبه للأنواع هذي كل واحد ومزاجه فتجد من لايشرب الشاي الا ليبتون علاق ؟؟؟؟؟؟؟؟؟؟؟؟؟؟

وبعض الناس لايشربه الا اذا كان تلقيمه

واما بالنسبه لي انا فالقهوه الخولانيه اليمنيه وكذلك الهرري اذا كانت حمستها ثقيله شوي تفتح مسارات بالمخ

اما الشاهي فهو شاهي (محمود) من الامارات هذا رقم واحد مافيه كلام وجربت جميع انواع الشاهي ولاحصلت مثله

وبعده ابو وزة

ابوطارق

08/09/2006, 09:28 PM

تحياتي:-
القهوه هرري باشنفر وتكون الحمسه للقهوه اشقر غامق
اما الشاي فهو لبتن تلقيمه ولا يطبخ الشاي يصب عليه الماء المغلي ويترك خمسه دقائق
وبالعافيه اللي تعافيكم

googl11

08/05/2007, 04:09 AM

هرري وبس وبعدين الرايقين ضايعين عن الشاهي وبعيدين كل البعد والظاهر انكم تشربون نشاره خشب مصبوغه باختصار ما عندنا شاهي بالخليج كله
فيه انواع من الشاهي كثيره مثل تسميات النخل
رحت لسيرلنكا لشغل والله اقردن وجلست 7 شهور وتعرفون حبرش يكلمكم في كلومبو حول سي ستريت سوق خاص بالشاهي وتسويقه لانحاء العالم واتضح الافضل يذهب لغيرنا ومنطقتنا من اردى الانواع ياردله على قولتهم شاهي عمال يعني عطهم اردى التمر يرضونبه والسكري صدره لاسيادنا
لا اروح فيها علي العموم تراي خبير شواهي
لقيت شاهي من قوته ماتقدر تشربه لازم تكسره بحليب والا تحمل اذا كانك راعي سك متعود عليه
والا المستشفاء لو انك اكل حاشي ومحلي بالزوريه بعد اه وينك ياحربش بسوق الشاهي وش سويت ياحربش بسوق الشاهي شكلي ابفتح محل حربش للشواهي ولا بعد عندهم بجميع النكهات الي تتخيلها او ما تتخيلها ابدابدابد وطبعا هذولي التجار الصغار مهب السوق الي ذكرته وتراكم ما ذقتو الشاهي معليش لاتزعلون

googl11

08/05/2007, 04:14 AM

افضل حمسه بالدنيا اروح لمحلات يقاله مقلا فلان ومقلا علان يحمصون الفصفص بطريقه قديمه ( بالرمل ) بس اخليه يحط رمل جديد والحمسه على عيني لاقلت بس يعني بس قدامك كل شي مكشوف وطبيعي وصحي وبدون تلذيع اطراف حبات القهوه بالحراق حمسه وحده على قولتهم

googl11

08/05/2007, 04:16 AM

به واحد اسمه الاصقه بالبكيريه رح وذق شاهيه تراه حبوب فوق اللازم

بواردي الدلم

08/05/2007, 12:59 PM

الله يهديك يا قوقل 11
حنا نتقهوى خشب افا عليك بس
المشكله انهم يحمسون لك بتراب
وصالح لك كيفهم
لاتزعل مني بس لاتغلط على الاخوان

mater

10/05/2007, 01:24 AM

القهوه باشفر

والشاي اهم شئ الموية تكون مفلترة
وافضل شاهي شاي ام حسن

ابوشامه

11/05/2007, 02:17 PM

عاشق سدير

11/05/2007, 03:16 PM

بالنسبة لي القهوة هرري باشنفر والهيل الامريكي
والشاهي أبو جبل وربيع للتلقيمة ... أما اذا حدتني الظروف على الاكياس ففي المرتبة الاولى الكبوس والثانية لبتون ولورد

راع الهوى

11/05/2007, 10:42 PM

أبو جبل وبس للشاهي....والقهوة هرري...هذا أحسن شي...

اشهب الزلفي

16/05/2007, 10:03 PM

الشاهي ماعقب ابو جبل ولا(ايرل جري)الأنكليزي ابو عطره اخلط شوي منه مع ابو جبل
وفيه شاهي قديم تنك وغطاه سنه اسمه شاهي شاكر من افضل انواع الشاهي يمكن تلقاه بالبطحا عند حقين الجمله
والقهوه انا افضل البريه اليمنيه مع مسمار ولا يقربها هيل.

براق الجنوب

16/05/2007, 10:33 PM

والله القهوه ياخواني بن هرري||والشاي ربيع تلقيمه

بواردي الدلم

16/05/2007, 10:37 PM

ابو جبل وعفشك والجبل
شــــــــــــــــــور

هولوكس2005

18/05/2007, 03:55 AM

يشباب ابو جبل يخدر يغدي ببسي فيه اطيب منه

شاهي اسمه سنتر مان ممتااااااااااز والله راح تدعولي جربوبه
ويجي تلقيمه وأكياس

وهذا ارقام الموزعين لأنه مو متوفير بأسواق
http://www.mekshat.com/pix/upload/images36/mk33816_image(034).jpg

الطايف7323809
مكه5590546
المدينه المنوره8241877
جده6477187
الرياض4117076
خميس مشيط 2224612

ولدالعم

18/05/2007, 10:56 AM

القهوه هرري باشنفر
وشاهي كيني

برعوص

18/05/2007, 02:40 PM

القهوة ( البرية ) القطماء أما الهيل فهو ريحانة
الشاهي ( الربيع )

المتهني

18/05/2007, 03:04 PM

والله افضل شاهي عندي التلقيمة من شاي الربيع اذا حطيت الماء والسكر وخليتهن يفوحن ابعد البريق عن النار لين يركد ثمن حط الشاي وخله مقاس وان حصل تزود على السكر شوي يعني يصير حالي شوي فلا مانع وبعدين خله مثل ما قالوا الشباب من خمس الى سبع دقائق واشرب ليييييييييييييييييين ترتخي....

كهلان

19/05/2007, 09:27 PM

افضل قهوة خولانبه
وافضل شاى ابوجبل صندوق خشب القديم

مزيون بيرق

19/05/2007, 10:20 PM

افضل شاي ربيع العلبة الحديد

والقهوه هراري باشنفر

ولاغيره

كلام اخووووووي روح البداوه على العين والراس انا اشهد انه جابها:good: :good: :good: :good:
وتقبل مروري

أبوعمار

19/05/2007, 11:54 PM

انا عندي افضل شاهي الي هو شاهي الربيع الي يجي علبته حديد والقهوه القهوه الخولانيه

مغيب نجوم

07/07/2007, 08:25 PM

قصيدة الشاعر الكبير محمد القاضي في وصف القهوه

يامن لقلب كل ما التم الاشـــــــــفاق ....... من عام الاول به دواكـــــــــيك وخفوق
كنه مع الدلال يجلب بالاســــــــواق ....... وعامين عند معزل الوسط مــــــا سوق
يجاهد جنود في وساهيج الاطــراق ....... ويكشف اسرار كتـــــــــــــمها بصندوق
ليا عن لي تذكار الاحباب واشتـاق ....... بالي وطاف بـــــــخاطري طاري الشوق
دنيت لك من غالي البن مـــــــــالاق ....... بالكف ناقــــــــــيها عن العذف منسوق
احمس ثلاث يانديمي عـــــلى سوق ....... ريحه على جمر الغضى يفضح الـسوق
واياك والنيه وبالك والاحــــــــــراق ....... واصح تصير بحـــــــمسة البن مطفوق
ليا اصفر لونه ثم بشت بالاعــــراق ....... وغدت كمــــا الياقوت يطري لها الموق
وعطست بريح فاخر فاضح فــــــاق ....... ريحه كما العنبر بـــــــالانفاس منشوق
دقـــه بنجر يسمعه كــــل مشـــــتاق ....... راعي الهوى يطرب لـــــيا طق بخفوق
والــقم بدلة مولى كنـــها ســـــــــاق ....... مصبوبة مربوبة تــــــــــــقل غرنـــوق
خلها تفوح وراعي الكيف يــــشتاق ....... ليا طفح له جوهر صـــــــــح لــه ذوق
اصفر قــموره كالزمرد بالاشعــــاق ....... واكبارها الطافح كمـــــــــــــــا الـموق
زله على وضحا بها خمسة ارنـــاق ....... هيل ومسمار بـــــــــالاسباب مسـحوق
مع زعفران والشمطري إلى انساق ....... والعنبر الغالي على الطاق مــــــطبوق
فــليا اجــــتمع هذا وهذا بـتـيـــــفاق ....... صبه كفيت العوق على كل مخـــــلوق
بفنجال صيني زاهي عند الارمـــاق ....... يغضي بكرسيه كما اغضاي غرنـــوق
ليا انطلق من ثعبته تقل شـــــــبراق ....... أو دم جـــوف امزع مــــنه معــــــلوق
خـــــــمر اليا منه تسلسل بــالارياق ....... وعلـــــــيه من ما صافي الورد مذلوق
راعـــــيه كنه شـــارب ريق تريــاق ....... كاس الطرب وسرور من ذاق له ذوق

فتى التويم

11/07/2007, 01:27 AM

الكبوس عطايا الله

مقام البدر

16/07/2007, 04:32 AM

السلام عليكم ورحمة الله وبركاته جميعاً

ابقولكم شي بس لا احد ينقد علي
من واقع تجربه شخصيه الكيف بالقهوه يعتمد 99% على اليد اللي تسويها وواحد بالميه على نوعها .
اعرف ناس كثار ماياخذون الا اطيب واغلى انواع القهوه ولا شربتها ماتكمل فنجالين وناس تاخذ ارخص نوع قهوه بالسوق واذا ذقتها مايردك عنها وتقول بس الا الحيا ...
اما الشاهي فأنا من الناس اللي ما اثبت لي على نوع كل كم شهر لازم اغير بين هالثلاث انواع ليبتون والكبوس وربيع .

ودمتم سالمين

سامي العنزي

16/07/2007, 04:52 AM

مشاركة: أفضل أنواع القهوة والشاهي لديك !؟! ادخل وعطنا رأيك
السلام عليكم ورحمة الله وبركاته
الله يعطيك العافيه اخوي المطلق على الموضوع الجميل
.... طبعا افضل قهوه لدي طال عمرك الهرري ( الخير )
تكون الحمسه بني غامق يعني ماهي محترقه وتخليها تطبخ ربع ساعه
وتدق الهيل بالنجر تكسره شوي مهو تطحنه مثل الطاحونه وقرنفل
بعد تحط شوي مايذكر على شان ما يمرر الدله وتقهوه لين تصحصح .
.... اما الشاهي براد ابو سهم وشاهي ربيع ابو علبه
خل البراد يطبخ وبعدين حط السكر واذا طبخ وخر البراد عن النار وحط
الورق واتركه 5 او 6 دقايق .

مصب المرزام

16/07/2007, 04:54 AM

والله يا خوي مقام البدر جبتها على الجرح وانا اول واحد بصراحة معجب با كلامك الرائع ولا اننقد عليك با العكس كلامك درر من الذهب
بصراحة القهوة لابد من فنان يفن فيها ويتكتكها عشان تعدل المزاج .

يعطيك العافية .

تقبل مروري اخوك مصب المرزام .

قناص مكه

20/07/2007, 08:21 PM

ابو جــــــــــــــــــــــــــــــــــــــبل

راعي الخطوط

21/07/2007, 05:06 AM

إذا قالوا الشاهي قلت ربيع (تلقيمه)
وإذا قلت القهوه خولاني والإ هرري

برق بريده

21/07/2007, 05:30 AM

انا واعوذ باالله من كلمة انا
اميمتي هي الي تقهوين الله يخليه لي
بس وشو الي تزينه با القهوه والشاهي ما ادري
كل شي منه زين لادامي عزوبــــي ههههههههه

ذيب حضن

23/07/2007, 07:31 AM

ربيع
هرري باشنفر

saeed ali

23/07/2007, 03:02 PM

السلامعليكم

افظل انواع القهوه خولاني محموسه حمرا تطب على نار هاديه لمدة 10 الي 15 دقيقيه ثم ترفع من على النار وتترك اده دقيقه حتي تركد ثم تصبها في الدله وتضع عليها الهيل وقليل من الزعفران ثمن تحطها عالى النا مره اخرى حتي تغلي غليه واحده وبعد ذالك تتقهوى مع الرطب الاخلاص بلعافيه

كل القصيد

11/08/2007, 01:43 PM

والله ما بعد الخولانيه بالهيل والزعفران

والشاهي شاهي العروسه من مصر نجيبه لاااااا يعلى عليه

ولد العمده

14/08/2007, 01:11 PM

من أفضل أنواع الشاي اللي ذقتهم في حياتي
1- شاي توننج ويباع في كارفور وجيان والعثيم واليورو مارشيه سعره حاليا 29.75 ريال يعد الزياده سابقا 21.50
2-شاي آسام الهندي ويباع في العزيزية مول بالرياض هذا طبعا يجي تلقيمه عليه طعم كايف غير طبيعي يخلي الواحد يخش جو بقوه (المحل اسمه تي شويندر ألماني المنشأ معروف بأوربا والشاي عنده بأرقام موحده عالميا) يبيع الشاي بالكيلو بس لزخ دراهم شوي لكن كلش يهون عند الكيف

بالنسبة للقهوه:
أعتقد الخولانيه هي الأضل من وجهة نظري الشخصيه
بالنبسة للهيل:
الهيل اللي يجي من جواتيمالا اللي تجيك طوال ويحته قويه هو الأفضل في السوق

قصرصالح البديوي

15/08/2007, 10:56 AM

السلام عليكم
القهوه الهندية ام احبال
الشاي الوزه ( قوطي احمر ) .
والله ولي التوفيق

سعد السعود

16/08/2007, 11:00 AM

السلام عليكم مساكم الله في الخير
الشاهي
ما فية مثل ابو جبل و ربيع تلقيمة بس لازم الماء ممتاز مثل ماء الزلفي او الماء الي حول بقعا
ون ما حصل فيه ماء شهد والمنهل حقيقة يحكر الشاهي غريبة الإخوة ما تكلموا عن الماء في الشاهي مع العلم ان
الماء صفاوتة واملاحة مهمة ونا جربة الاملاح الي في الماء ولقيت ان ما يتراوح ما بيت 100 _ الى 300
ممتاز لشاهي
وطريقة تسواتة مثل ما ذكروا الشباب بعد ما يفوح الماء ضع السكر وحركة في الملعقة ثم ضع الشاهي وبعدة عن النار حتى يطيح الورق
القهوة
ارى ان كل نوع لة حمسة خاصة مثل
الخولانية لازم تصير خفيفة الحمسة حتى تخرج ريحتها وطبعن لازم تكثر شوي لان الحمسة خفيفة ممتازة ريحتها قوية
باهادي الهرري خفف الحمسة بعد وكثر ممتازة
المستنير أم أحبال جيدة الحمسة ثقيلة أو متوسطة
القهوة اليمنية ممتازة وصفة مع الخولانية وباهادي تبي حمسة خفيفة
قهوة هرري با شنفر ممتازة و تصلح كل الحمسات
لقمتي ما تعامل معها لأني ما جربتها ويقولون إن لقمتي مرة وهري حلوة
الهيل لا تدور غير ريحانة ممتاز وترى جالة تقليد تربحانة وما دري ويش أسامي كثيرة

ابو شيخة

16/08/2007, 12:14 PM

افضل شاي عندي شاي الربيع

حادي العيس

16/08/2007, 12:37 PM

أفضل شاهي للرحلات أبو كبوس ( وحط رجلك ) .. أم للمخمخه عند المعزبه مثلاً وجريواتك يتناقزون حولك مالك ( الا شاهي آوسام ) :D :D :D

ايضاً هنالك قهوة أسمها قهوة ابوصالح ( رجل شايب سعودي يقوم بخلطها بعده نكهات جداً مميزه ) من جربها معاد ذاق عقبها قهوه .. وهي موجوده في نقطتين بيع في محمصه في محافظه الدوادمي واسواق السنبله في شارع الامير سلطان بالعليا بالرياض .. وجعلكم سالمينّ..

أبو الحارث 4

16/08/2007, 12:58 PM

أما مشاركتي بالنسبة للشاي فقد جربت أنواعاً كثيرة ولم أجد ما يناسب إلا الشاي الكيني وأفضله أبوخيط وكيله بن مزروع كرتونه أخضر. نقعة واحدة جربه بعض طلاب العلم ممن يقرأ كثيراً فأدمن عليه بشرط أن يكون الماء حلوا كما في فلتر سمنان أوغيره . جرب وتدعي لأخيك. لكن عيبه أنك إذا أدمنت عليه لم يجز لك أي شاي في العالم وقد يكون الكبوس هو الاحتياطي الأول لأنه كيني يجمع في اليمن.

راعي الروضة

21/08/2007, 06:04 AM

رغم تقديري لكل الاراء الا انني سأسوق نوع من الشاي قد لايكون الكثير من الاعضاء يعرفه 000 هذا الشاي طحت فيه صدفه في احد محلات بيع القهوة اللي عى طريق سدير وبالتحديد اللي قبل مخرج قوات الامن الخاصة بالتحديد الشاي يصمد الراس وتحس انك تشر الشاهي من ثلاثين سنه قبل مايغشونه بنشارة الخشب 000 المهم المحل يشتغل فيه اندنوسيين ومن كثر ما كنت اطلبه عفوني وطلبت منهم كرتونه وعطوني اياه وقالو انه يباع في كارفور الا انني ذهبت ولم اجده 000 هو شاي انجليزي حسب مايقولون الا ان كرتونه المستطيل لايشير الى ذك وهو في كس مستطيل مثل انواع الشاي الاخرى الا انه لايتدلة من الكيس اي شعار والكيس مستطيل والشاي عندما تضعه في الكاس اوراقه اكبر من اوراق الليبتون او الربيع وبه رائحة شاي نفاذه 000 المهم اني تعبت في الشرح جربوه وعلموني وين القاه وللمعلومية ترى لهم فرع في طريق الامير سلطان بن سلمان في حي الورود

حادي العيس

21/08/2007, 06:07 AM

اذ كان لون كرتونه اسودّ .. فهو شاي آوسام ..

قصرصالح البديوي

28/08/2007, 10:37 AM

ابوعبدالعزيز6

12/02/2009, 10:16 PM

.
.
.
الي جرب أم حبال القمة يعلمنا زينه والا نستمر على الهرري

الدبل الثقيل

12/02/2009, 10:21 PM

أم حبال تصلح للحمسه الثقيله ... تتحمل حمس ماتنحرق بسرعه ..

شنطة عده

12/02/2009, 11:01 PM

بالنسبة للقهوة فيمدحون قهوةابو صالح في اسواق السنبلة
كذلك الهيل عندهم مره ممتاز

اما الشـــاهي ........وهل يخفى على كييف الشاهي
انه ربيع ابوعلبة حديد

أبو عيسى 770

13/02/2009, 12:27 AM

السلام عليكم
القهوة الهراريه لا تعداه
والشاهي ربيع ورق بعلبة حديد
أعتمد على حاسة الشم هل رائحة القهوة أو الهيل قويه أم لا

اسهيل

13/02/2009, 12:32 AM

افضل قهوه هي باشنفر مستوية شوي وتخليها تطبخ وكما طبخة صارة احسن وافضل شاهي هو شاهي لبتن تلقيمه وشاهي الاكياس شاهي ممتاز لا يرخص عليك وخلك من البتون كله صبغ

مسامرالليل

13/02/2009, 12:33 AM

اشكر الاخ : المطلق على هذا الطرح الجميل للموضوع

والحقيقة الموضوع ذو شجون لانه يمس الخاطر وراحة النفس
وماتثمله القهوة والشاي من عادات جميلة ومتوارثة
والجميع ماقصروا كلا ادلى بدلوه , واستفدت كغيري من تجارب الاخوان من باب العلم بالشي
ولدي تجارب مع القهوة فقد جربت الهرري وهي طيبة لاباس بها ولكن لاتعجبني , وجربت الخولانية البرية الحبة الصغيرة
وهي قهوتي المفضلة ولكن
بشرط اذا بغيت الكيف صح فلا تاخذ الا الخولانية و خذها بقشرها حتى لايقول واحد وشلون اعرف الزين منها , وعاد االله يعينك على تعبها ودقها بالهون دق خفيف لاخراج البن من القشر .
ثم بعد ذلك اغسل البن غسل خفيف وبعد ان ينشف البن , تجي مرحلة الحمس طبعا حمس متوسط مع ورقتين من الشيبه ويعتمد ذلك على كمية البن المحموس وقبل ان ترفع المحماسة عن النار تضع حبه لبان مستكة الاصلي
لتبخير البن ويعطيه رائحة جميلة وبعد ان تبرد حرارة البن تقوم بطحن البن وتسوي قهوتك والزائد من البن تضعه فى قارورة زجاج
وتحفظه فى الثلاجة .
اماالشاي : فاالمحبب لدي شاي ربيع العلب المعدن القديم هذا طبعا فى البيت مع شرط ان تكون الاملاح معدومة من الماء يعني اذا عندك جهاز تصفيه للاملاح والشوايب زين يطلع شاي عالي المزاج
اما فى البر فشاهي ابو جبل لايعلى عليه مع ابريق كوري على النار .
وسلامة الجميع
محبكم : ابو ثامر

سالومي99

13/02/2009, 06:45 AM

القهوه ما عندي علم بها
اما الشاهي فلا تعدى الكيني ابو كرتون اخضر

شاص1988

13/02/2009, 03:36 PM

احسن انواع القهوه وهي من الانواع القديمه وهي ام حبال اشهد انه تجيب الراس والشاي ينتليز

بلاتين

13/02/2009, 06:12 PM

بالنسبه لي افضل القهوه البريه تحمس وتدق قبل كل دله مع شوي هيل وشوي مسمار

والشاي ربيع تلقيمه والنعناع كارهه من كثره في المدينه الله يحفظها ..

الضوء الرقمي

13/02/2009, 10:27 PM

التنويع بين الاصناف مفيد ويوسع افاق المتذوق

صدق النوى

13/02/2009, 11:18 PM

القهوه خذ لقمتي هذى كيف الشايب لقمتي وبس الشيبان أبخص بالكيف
الشاهي تلقيمه ربيع مثل ما قالو أخواني أبعده عن النار لين طبخ السكر مظبط وحط الشاهي لين معاد تشوف الورق فوق همن تقهو وخذلك شاهي
أما البتن عندك الكبوس ـــ ولورد ــ ممتاز ــ هذا أفضل شي عندي
ولا يهينون الربع يمكن هم أبخص مني

شتيوي2009

13/02/2009, 11:50 PM

انا مع الاخوان الي مدحو الكيني الي كرتزنه اخضر مكتوب عليه سفاري بالانجليزي وهو وارد المزروع
بس هذا الشاهي من جد
مشكلته فعلا انك تدمن عليه مدري وش حاطين فيه ههههههه
عيب ثاني صبغته قويه مره تصفر الاسنان

تبكاوي

14/02/2009, 12:20 AM

بالنسبة للقهوة
بالنسبة للقهوة هرري نص حمسه + حمسه على الاخير = ونخلطهم مع بعض ( انت الحكم).

بالنسبة للشاى

انا افضل الربيع فيه طريقه حلوة اسمها (ابريق مخدر ) بعد ما يغلي السكر نوخرالابريق عن النار ونضع الشاي( يفضل التلقيمه علبه حديد ) في الابريق ( على السكر المغلي ) وننتظر ربع ساعة وبعدين تقوها زي ما تبغى .

بو علي العلوي

14/02/2009, 05:00 AM

الشاي المغربي وارفع ايدك...

عاشق القمرة

14/02/2009, 10:00 AM

السلام عليكم ورحمة الله وبركاته

بالنسبة للقهوة ... لاتتعدى الخولانية والبرية وبالنسبة لي الخولانية افضل

الشاهي .. والله المشكلة صحيح .. عليك باأبو جبل واذا بغيت تدلع اعمرك عليك بشاهي الكبوس وراد اليمين من مزارع كينا ( التلقيمة ) قسم بالله شاهي ولا في الأحلام

بالنسبة لشاهي ابو جبل لازم يغسل بماء سريع سريع رش بس مهوب تنقعه بالماء صار زعفران مهب شاهي .. وبعدين عقب ماتغسله بالماء سريع سريع خله بالمشخال الين مايفوح الماء وبعدين حط الماء بالبريق مع السكر وخله يطبخ عقب مايطبخ حط الشاهي طال عمرك وخله على ا لنار خفيفة 3 دقايق اربع الكثير وعاين وقيس

مالي شغل اذا مسكت غلط عقب اول رشفة .. بالعافية والله يحفظنا ويحفظكم ان شاءلله من كل مكروه

سماء النسيان

14/02/2009, 10:12 AM

أفضل انواع الشاهي = هي أبو جبل وبعدها على طول ربيع + بريق نحاس + الماء مع السكر وعلى الضوية لين يفوح بعدين حط الشاهي واتركه يخدر بعيد عن الضوية وسد مرزامه ببياله لين يخدر على راحته وخذ بياله وادعلي ..أفضل أنواع القهوة = هي هرري باشنفر تكون محموسة خمسة ماتكون محترقه ولا تكون فاتحه تكون بين وبين والقهوة ما تحلى الا بدلة رسلان حط الماء وحط مقدار من القهوة خلها تطبخ من 15 دقيقة ماتتعدا 20 دقيقة على نار هادية وبعدها حط الهيل والزعفران ونارها خفيفة ولا تطول بعدين تطلع ولا احلى

المريعي

15/02/2009, 08:20 AM

القهوة خولانية برية والشاي ربيع وابو جبل والقدوع سكري القصيم

ابو الشباب3

15/02/2009, 09:32 AM

اخوي تشكر على هذا الموضوع الجميل

بالنسبه للقهوه عندك الخولانيه او هرري هي الافضل اذا كانت نص حمسه واشرب الكيف

بالنسبه لشاهي شاهي ربــــــــــــــيـــــــــــــــــــــــع وبس فله اذا بغيت الطريقه اغل الماء حتى يفوح وبعدها اضف السكر على مزاجك واذا غلا مره ضع الشاهي الربيع بقدر مزاجك وطف النار على طول وخله على الموقد لمده خمس دقائق .. واشرب واحكم......

سعود الجريسي

15/02/2009, 04:16 PM

الشاهي / تللقيمه الربيع - اما اللي بمربوط بخيوط اللبتون ممتاز ايضا
القهوة / الهرري باشنفر درجة اولى
الهيل / الامريكي درجة اولى
http://up111.arabsh.com/s/hcakjox18m.gif (http://up111.arabsh.com/)

صياد القويعيه

15/02/2009, 11:06 PM

انا افضل شاهي عندي ابوجبل خيال

جبل راف

15/02/2009, 11:37 PM

احسن قهوه الخولاني
واحسن شاهي ابو جبل للتلقيمه

الماجد102

17/02/2009, 12:42 AM

افضل انواع القهوه عندي هي هرري رقم واحد اشقر

ام الشاهي هو الربيع

مشكووووووووووووور على الطرح الطيب
وتقبلو تحياتي اخوكم الماجد 102

Al Ain

24/02/2009, 02:12 PM

الشاي الشمشيري الهندي ( أبو سيفين ) علبة حمراء أفضل انواع الشاي بدون النكهة
وتقدر تضيف عليه كمية قليلة جداً نكهة الشاي Twinings الانكليزي الاصلي

http://www.mekshat.com/pix/upload03/images102/mk107213_tea2.jpg

http://www.mekshat.com/pix/upload03/images102/mk107213_untitled.jpg

http://www.mekshat.com/pix/upload03/images102/mk107213_twin.jpg

يضبط الكيف ويضرب فالرأس

Al Ain

24/02/2009, 02:16 PM

أما بالنسبة للقهوة أنا أدمج القهوة الاماراتية ( تحميستها زايدة) بالقهوة السعودية ( تحمسيتها خفيفة ) وتضيف الهيل ولا تنسى الزعفران

وبعد تضرب فالرأس

للصحاري ملك

26/02/2009, 10:41 AM

انا افضل شاي الكبوس والقهوة الخولاني

عمرمطر

02/07/2009, 11:22 AM

القهوه على الحمس والتصليح وتبغى نفس حتى تضبط

الكييف

15/09/2011, 03:37 AM

شاي تنجل الكيني صراحة خطير وغير والشاي الكيني تحس انه شاي اصلي ونكهته صدق مميزه :f

كنت اوصي عليه دايما من كينيا

والحمدلله اخيرا تعرفت على واحد يعرف شخص يوفره لنا بالسعودية

http://www.mekshat.com/pix/upload05/images227/mk222746_tanjal%20tea.jpg

صديق اليوم

15/09/2011, 08:28 AM

شاي اسام هندي يعتبر افضل شي خصوصن رقم 160 روعة ويجي بعدة رقم 155 حقيقة شاي ابداع بيلة وحدة وتعرف الفرق بين الانواع الاخرى ودمتم

القعقاع

15/09/2011, 08:33 AM

شاي ربيع تلقيمه
والقهوة الهرري
واهم شئ يكون الهيل مطحون في وقت الاعداد

تركي الخنفري

15/09/2011, 10:33 AM

القهوة البرية حبة ضغيرة
الشاهي :علاق ممتاز او الكبوس

Hamdi_an

15/09/2011, 11:17 AM

أفضل شاي أحمد إنكلش نمبر ون
وأيضا ديلما إيرل غراي كان يجي في علب فاخرة من خشب المطاط والآن لا يوجد إلا أكياس للأسف
هذه للكيف والمزمزة من وقت لآخر
لكن الأساس يبقى ربيع وشاكر وأبو جبل
القهوة: للحمسة الخفيفة الأنواع اليمنية
للحمسة الثقيلة: البرازيلي

أبو نـآيف

15/09/2011, 11:32 AM

من ناحية الشاهي
ابو جبل يعقد بسررعه يعني ثالث بياله ماتنشرب

فيه الكيني سفاري ممتاز جدا
وبنتليز يجي بعد الكيني مباشره روعه
والوزه الاخيرر اذا ماحصلت الاثنين الي فوق

اخوي الكيف وين احصل الشاي الي ذكرته تنجـل ؟ يبيلنا نجربه

عبدالله بوعلي

15/09/2011, 02:17 PM

الي ما شرب شاي شاكر ماشرب شاهي

http://www.mazarathy.com/upload//uploads/images/domain-8e955ede88.jpg

جربت معظم انواع الشاي تجربها فترة ثم تملها زي الكبوس وربيع وابوجبل
شاي شاكر حقيقة غطا على جميع الشواهي

الكييف

16/09/2011, 07:54 PM

هلا اخوي ابو نايف

عندي رقم الرجال

هل اقدر احطه هنا بالعام او ممنوع

الوافي 02

16/09/2011, 08:52 PM

افضل شاهي ليبتون حبيبات

راعي السليله

16/09/2011, 10:49 PM

ربيييييييييييييييييييييييييييييييييييييييييييييييي ييييييييييييييييييييييييييييع

برق البشاير

16/09/2011, 11:36 PM

موضوع موفق أخي الكريم لتبادل التجارب والخبرات
البن أساس القهوة العربية لا تختلف خصائص أنواعه عن بعضها كثيرا خاصة مع كثرة ما يضاف إليها من إضافات أخرجتها عن مسمى القهوة إلى مشروب أقرب إلى الأدوية الشعبية ومضادات البرد !!! . والحقيقة أن القهوة العربية عندي هي البن وما يضاف إليه من هيل وقرنفل وزعفران فقط ! وأفضل القهوة لدي ما كان بنها ـ مهما كان نوعه مما يتوفر في حوانيت العامة ( حلوه حوانيت ) مستوٍ غير نيء ولا محروق إي ذا لون بني غامق وطبخ على نار هادئة ـ متأثر ببرامج الطبخ ـ لمدة عشرين دقيقة تقريبا وليس هنالك فرق في الطعم سواء وضعت البن على الماء مباشرة أو بعد الغليان والمسألة ذوق ومزاج فقط !
أما الشاي فأبو جبل مزاج رايق وكان ( لورد ) العلب الاسطوانية ولكنه اختفى .
ومقومات الشاهي ـ اللي يعدل الراس ـ ماء عذب وسكر باين وكمية شاي تجعل اللون متوسط ليس بالخفيف كعصير التفاح ولا الثقيل كعصير العنب الأحمر . ( يعني شاهي أحمر على اسمه)
أما الشاهي الأخضر وأكتب عما كان سعره في متناول عامة الناس فوارد با هيثم أراه جيدا والطريقة المثلي في إعداده بعد غلي الماء تغسل كمية الشاهي في البراد ويصفى فيضاف إليه السكر والنعناع ( المغربي ) ويصب عليه الماء ويترك ثلاث دقائق وبالهناء والعافية . وسامحونا سولفنا زياده شكلي مشتناق لكم .

احلى نواف

19/09/2011, 12:16 AM

القهووووه البريه درجه اولى

اما الشاي

ابو جبل ولا تدور غيره والله انه يفر راسي

فيصل التميمي

19/09/2011, 12:22 AM

افضل شاهي عندي شاهي ربيع او الوزة

الكييف

20/09/2011, 04:21 PM

شاي تنجل الكيني صراحة خطير وغير والشاي الكيني تحس انه شاي اصلي ونكهته صدق مميزه :f

كنت اوصي عليه دايما من كينيا

والحمدلله اخيرا تعرفت على واحد يعرف شخص يوفره لنا بالسعودية

الصامل1

20/09/2011, 05:17 PM

قهوة هرري هيل الهند كيسة برتقالي والشاي ابوجبل ربيع وسلامتكم

سليمان 10

20/09/2011, 05:27 PM

افضل شاي ربيع بعد ان انقطع لورد التلقيمه ابو قوطي اخضر والقهوه هرري الخير اخضر والهيل الامريكي الحار والفشق مايننشي الازرق والسلام 000

طير بيروت

20/09/2011, 06:55 PM

القهوه البريه القطما

عبدالله المنص

20/09/2011, 07:46 PM

افضل شاي الكبوس او ابوزه و القهوه السيلانيه

السيف الاول

22/09/2011, 06:05 PM

شاهي ربيع الجديد تغير طعمه ولاعاد يسوى شريت مرتين كرتون كبير ونفس االطعم السئ

Farag

23/09/2011, 10:46 AM

شاي ابوجبل لا يعلا علية والقهوة الهرري..... تحياااتي

profesional

23/09/2011, 10:47 AM

مشكور ما قصرت يا طيب

عاشق الفلوات

23/09/2011, 02:00 PM

باالنسبه للقهوه طحت بطريقه 1\لقط القهوه وابعادالحبات السود ومخلفات الحصاد2\غسل القهوه وتجفيفها مباشره عن طريق استشوار حق الشعر 3\الحمس حسب الرغبه والزفران والهيل الطيب ولن امدح نفسي ولله الحمد قهوتي الجميع ينتظرها الاخوان في الاستراحه والزملاء في العمل وعندزيارة الوالده اطال الله في عمرها

ابو كوكا

23/09/2011, 11:35 PM

هل القهوه البريه اليمنيه درجه اولى تسمى القهوه الخولاني
لان محسوبكم مايعرف للقهوه
لان اليوم رحت الديره وقال افضل بن عندنا الخولاني البري اليمني
يعني الخولاني بري ولاكيف تراني مدري وش السالفه
وسؤال هل البري فيه انواع
لان البايع قال الاسماعيلي اخس نوع وارخص شي
وانتم ايش رايكم

واخذت 5 كيلو وحمست شوي بس طعمه عايدي

أبو نـآيف

24/09/2011, 01:10 PM

هلا اخوي ابو نايف

عندي رقم الرجال

هل اقدر احطه هنا بالعام او ممنوع

اللي تبي على الخاص او هنا

بس كم قيمته ;)

ولد صقير

24/09/2011, 01:21 PM

القهوه ... الهرري
الشاي (ربيع باعشن ) التلقيمه

تحياتي

أبرق الحيا

24/09/2011, 07:35 PM

فعلا غسل القهوة يطلع طعمها الحقيقي لإنها تعبأ في ظروف سيئة وأكثر البلدان التي تنتج القهوة متخلفة من ناحية النظافة

بدر الشريف

24/09/2011, 08:00 PM

شكرا على المواضيع الحلوه

س.س.التميمي

25/09/2011, 03:14 AM

أنا أوافقكم الراي بالقهوه
لكن الشاي الأحسن واللي غطاء علي ابوجبل والكبوس
هو
ريد ليبول
لون كوتونو احمر روعه

دل البحار

25/09/2011, 03:23 AM

أفضل قهوه
قهوة محل ليماني في جده عنده قهوه تشم ريحت القهوه من على بعد
ماشاء الله عليه والقهوه من افضل البن في العالم وسعره لا غالي ولا متوسط اسمه البن خولاني يمني اللون وسط لاغامق ولا فاتح
الشاي الربيع دون منازع وبرضه شاي ابو جبل
وشاي يباع في المطارات ممتاااااااااز لكن غالي بالحيل
الشاي الاخضر الافضل الشاي في العلب الكبيره افضل من الشاي في الاكياس

سيف الظفير

25/09/2011, 09:05 AM

القهوة // شمالية هرري محموسة زود

والشاهي /// هاي تي احسسسن شئ

قناص شدا

25/09/2011, 10:32 AM

بالنسبة للشاي افضل شاي مر علي و مستحيل اغيره هو

شاي أسام

يعتبر من افضل انواع الشاي بالعالم و سعره غالي ولاكن ع قولة المثل الحالي غالي :)

ولكم تحياتي

الجو ربيع

25/09/2011, 02:32 PM

أخضر الشيح

25/09/2011, 04:15 PM

أبو جبل لا يُعلى عليه كشاي بس أهم شي طريقة إعداده
لابد أن يغلى الماء وبعد ذلك يضاف إليه السكر ويترك حتى تكتمل عملية ذوبان السكر ثم يضاف الشاي ( الكثح ) على قولة أحد الإخوان ويترك الإبريق بعيدًا عن النار إلى أن يخدر الشاي ثم خذ لك بيالة تقعد راسك
أما القهوة فأنا أفضل الهرري وتكون حمسته بلون أشقر مائل للبني وعلى قولة المرحوم محمد القاضي ( وبالك بالاحراق )
وياليت تكون الحمسة طازجة وبعد أن تترك لتبرد بعد الحمس يتم دقها في النجر ثم توضع في دلة اللقمة وتترك على نار هادية ما بين عشر دقايق إلى خمس عشرة دقيقة ثم تبعد عن النار وتترك إلى أن تركد ثم تصفى في دلة الزل وتوضع على النار ويضاف إليها البهار وتكون كمية الهيل معقولة وبعد أن تغلي قليلا مع الهيل تنزل عن النار وتترك حتى تركد ثم خذ فنجال وعلوم رجال
وفي الأخير
أعتقد أن الشاي والقهوة كيف ومزاج

برق جلاجل

25/09/2011, 05:05 PM

القهوة / خولانية ( حمسة وسط+ زعفران أصلي + نكهة زنجبيل + حبتين مسمار "قرنفل" + الطبخ نار هادئة 15دقيقة+ثم تهيل بهيل ريحانة+ في دلة معدن بغدادية ) = :good2:
الشاهي / أبوجبل.. ماله .. مثل+ إبريق استيل كوري أو معدن أصفر كوري على احطيبات رمث + ماء قراح "عذب " = :good:

ألطايه

25/09/2011, 05:24 PM

فيه شاهى باالكويت يذكرنا بشاهى من اول
يجى بصندوق وخيش اسمه 999
شكرآ لك

ديوان العرب

25/09/2011, 05:31 PM

فيه شاهى باالكويت يذكرنا بشاهى من اول
يجى بصندوق وخيش اسمه 999
شكرآ لكنعم كلامك صحيح هو افضل شاهي مر علي يجي بصندوق خشب ممتاز جدأ

صديق اليوم

25/09/2011, 07:01 PM

شاي ديلما روعة يجي منة خيط ويجي تلقيمة تنك صغيرة

faisal9999

25/09/2011, 07:32 PM

افضل شاي هو شاي بوه الماليزي الشاي الحقيقي لكن لايوجد بالسعوديه انا شريته عن طريق موقع الشركه الصراحه شاهي فاخر ولا يوجد له اي منتج شبيه

قيس بن شداد

26/09/2011, 02:28 AM

القهوة الخولانية أو البرية الحمسة الخفيفة الشقراء وأحط عليها المسمار وملعقة صغيرة هيل وأخليها على نار هادية لمدة ساعة وأحط ملعقتين صغيرة من الهيل وشوية زعفران في الدلة ونبدأ في المتعة

والهيل بدون منازع الهندي

والشاهي أبو جبل اللي ماله حل

سطام الدرعية

26/09/2011, 06:00 AM

انا افضل القهوة البرية حمسة ثقيلة

والشاهي ربيع الاول العلبة الحديد تلقاة بسوق الديرة بالرياض

ابو عبدالله 911

26/09/2011, 09:05 AM

G-X

26/09/2011, 09:40 AM

القهوه بن الخير او باشنفر

اما الشاهي فهو ابوجبل :good2:

والناس اذواق لاحرج اذا شربنا نوع آخر :)

faisel121

26/09/2011, 10:21 AM

السلام عليكم الشاى انجليزى وبس

faisel121

26/09/2011, 10:22 AM

شاي الفطور الانجليزى بس فيه غلا

omar salman

26/09/2011, 10:27 AM

وعليكم السلام
الشاي الكيني بلا منازع
والقهوة هرري الله لا يخلينا وبس .

الذويخ

03/10/2011, 10:05 AM

الهرري وارد باشنفر اجود انواع القهوة
الشاي شاي ربيع و ابو جبل

نـجم الـشمال

03/10/2011, 10:15 AM

احمد تي
والقهوة بن الخير الهرري
والله يوفق

سدئ المزن

03/10/2011, 12:32 PM

مشكور اخوي على الموضوع
بالنسبه لي انا القهوه هرري
شاي الوزه او كبوس

مراقب اكسبريس

05/10/2011, 10:53 AM

القهوة الهراري

شي الوزة الكيس الاحمر بلاستيك يجي اثنين كيلو خشن

الكدن1

05/10/2011, 11:07 AM

من وجهت نظري المتواضعة شاي الوزة

ورحت للكويت من فترة وجبت شاي يباع بالكيلو اسم ابو بطتين بصراحة خيال :good2::good2::good2:

وسعر الكيلو 14 ريال بصراحة لا يفوتكم للي يحب الكيف في الشاهي :D
العفو يا ابو عبدالله
شكلك غلطان في السعر
اشتريته من الموزع(المورد)عبدالجبار في سوق الصفاة في الكويت 2ك ب3.5 دينار ضرب 13.5 ريال
يصير الكيلو تقريبا 23 ريال سعودي هذا بالنسبة للبطتين
اما البطة ريال16 للكيلو ولا يأتي الا 10ك
اما جودته فهو عالي الجودة

شهراني وأفتخر

05/10/2011, 11:13 AM

افضل قهوه خولاني والشاهي ابوجبل او لبتون

وطريقتي الخاصه في القهوه تملي المفواح (براد القهوه) ماء وتخليه على الضو من 5 الى 10 دقايق وتحط عليه فنجالين قهوه وتخليه 20 دقيه او اكثر الين يفور وتحط في الدله شوي هيل مع شوي عويدي وزعفران اذافار البراد صبه في الدله وحطها على الضو لين تفور وعقبها قهو ضيفانك

اما الشاهي امل البراد ماء وخله الين يفور وحط عليه السكر بياله ونص او بيالتين حسب الرغبه اذافار حط عليه 3 او4 شاي ابوفتله وخله يخدر بعدها سقه على الضيفان

(هزاع)

05/10/2011, 11:31 AM

الله يرحم الحال بالخير الاخضر 150 ريال 5 كيلو

alhelali

09/10/2011, 01:46 PM

نجدد الموضوع
القهوه هرري باشنفر
الشاي كواليتي وأحمد تي

القصيم.بريدة

09/10/2011, 02:20 PM

بالنسبه لي القهوه هرري ماركة ابوغزال حمسة وسط
والشاهي ربيع اكسبرس

الكييف

13/11/2011, 02:43 AM

كل عام وانتم بخير مثل شاي تنجل الكيني بشهادة كل من ذاقة قل هذا الشاهي كايف اقوله انا هذا شاهي كيني واسمه تنجل تنجل و مكتوب عليه تنجل - العلامة الذهبية وتري صورته مرفوقه في مشاركه سابقه

http://www.mekshat.com/vb/showthread.php?t=47073&page=11

بن هدهود

13/11/2011, 07:42 AM

انا افضل القهوة الخولاني حمس ثقيل وشاي الوزه والربيع طبعا تلقيمه

راعي معلا

13/11/2011, 09:10 AM

القهوة فأنا ارى ان مافيه احسن من القهوة النيبارية وارد المستنير ولكن سعرها غالي
10 كيلو فوق 300 ريال تقريباً
اما الشاي فالتلقيمه مافيه مثل ابو جبل بس يبيله سعة صدر الين يخدر
و الاكياس عندي ان شاي احمد بالهيل هو رقم 1

هبوب العارض

13/11/2011, 11:40 AM

القهوه افضل البريه والشاهي الافضل شاي الوزه

saleh333

13/11/2011, 12:09 PM

القهوة لقمتي

والشاهي ربيع فرط

abu-turki2009

13/11/2011, 01:07 PM

أولاً فيه مثل يقول(القهوة حلاتها بأولها والشاهي حلاته بأخره)

أفضل قهوة بالنسبه هي قهوة هرري باشنفر والحمسه وسط يعني رقم(2) والهيل الأمريكي رقم(1) ولابد من وجود العم ابو شيبه(الزعفران)
أما الشاهي فهوا شاي ربيع السيلاني اللي يجي بصندوق خشب (وهذا يباع فقط في سوق المسوكف بعنيزه وسعرالصندوق 100ريال)

ذخر الصديق

13/11/2011, 01:15 PM

افضل انواع القهوه بنظري هو القطما اليمنيه
طبعا محصولها قليل ولا توجد الا في نجران
اما الهيل الهندي رقم 1 او هيل بافرط يجي اكياس 200 جرام ب 45 ريال
اما الشاهي فبعد عدة تجارب وجدت ابو جبل وبس طعم ولا اروع
انصح الجميع باستخدام السكر البني الطبيعي فررررررق وصحي

بعيدالمدالي

13/11/2011, 01:29 PM

اولا / لولا اختلاف الاذواق لبارت السلع
ثانيا /الدور الاكبر في مذاق القهوه او الشأي يعود ( للي مسويها ) وطريقته في الاعداد والطعم في لمساته
ثالثا/ اعتقد بأن افضل قهوه موجودة بالسوق1- البريه الخولانية 2-هرري باشنفر .... والشأي 1- شأي الغزالين تلقيمه منتج مستورد من فلسطين 2- شأي ربيع تلقيمه

ال-رايق

15/11/2011, 02:08 AM

السلام عليكم ,,,, وياصاحب الموضع مشكووووووووور
نبدأ بالقهوة وكل نوع له سعر وحمسة (تحميص) غير,,وطبخ ..واللي يحطون مع القهوة حاجات تغير طعمها يسمح لي ان قلت له انت راعي مرق مانت راعي كيف.
والقهوة المفضلة اليمنية الاصلية ولا تحصلها الا قليل ويخلطونها الا اني حصلتها وسعر الكيلو65.
اما الشاهي فابتعدوا عن اللي كنه روس قعوس والاكياس اللي يصقعون بها المرجج في السقف والشاهي الصح ما يسود على طول والا.. ترى فيه صبغة. عليك باللي اوراقه بعضها بني وفيه عودان والسيلاني احسن من الهندي لكن احسن الموجود ابو جبل بشرط تحطه بعد ما يغلي الماء والسكر- لاتحاول تغلي السكر كثير -وتركده بدون غلي شوي بالبراد الاصلي اللي ما يطلع له ريحه .مثل الاباريق الكورية الاستيل او الهندي اللي معدنه ثقيل.