المساعد الشخصي الرقمي

مشاهدة النسخة كاملة : يالكشاته ..مايصير الكلام هذا :(


الكامن
28/12/2011, 07:09 PM
السلام عليكم ورحمة الله وبركاته
يالربع الله يرضى عليكم بغيت اركب شاشة لسيارتي وسألت عن خرايط البر
جميع من أفادني قالوا ان الشاشة اللي تركب على السيارة مايجي لها خرايط بر
ولاتنفع للبر يعني حقة بلد فقط ..قلنا حلو وشرينا يدوي لان مالنا لزوم في المدن
اليوم لقيت موضوع يقولون فيه بعض الاعضاء ان شاشة السيارة تركب لها خرايط البر
وش العلم الصحيح ؟؟ مع اني يوم رحت للغرابي في الرياض ابي اركب شاشة سيارة
قالوا بعد ماتنفع للبر لان مايجي ارسال !!!!!!!
الفزعه يالربع ان كان تركب خرايط البر ويجي ارسال لها وهي في البر لاتبخلون علينا
وخلونا نزت اليدوي في رقبة واحد من الزكرت ونحسبها عليه جماله :D
عبرود
28/12/2011, 07:20 PM
اخي تركب على ممري خارجي وتشغله في الشاشه تأكد عند اختيار الشاشه ان يكون فيها gps ومكان ممري


وانا عندي لك واحد يركيب خرائط الصحراء والسياري ويشغله لك بحقه
برق الشتاء
28/12/2011, 11:36 PM
وعليكم السلام ورحمة الله وبركاته :
بصراحة لست خبير بالشاشات ولكن بعض الشاشات يركب عليها برنامج القارمن وتعمل عليها خرائط البر . فالقارمن بفضل الله ثم بفضل شروحات الشباب تم تشغيله على الأجهزة الصينية ومن ضمنها بعض شاشات السيارات وبرنامج القارمن يتعامل مع الخرائط بصيغة img وخرائط البر بهذه الصيغة .
وتجد شروحات تركيب القارمن على الاجهزة الصينية هنا
http://www.mekshat.com/vb/showthread.php?p=3869543#post3869543

كذلك يوجد برنامج جديد اسمه Navitel-v5.0.0.907 يشغل برامج البر مثل خريطة الصحراء للسياري والصحراء لدار موجة وتجده على هذا الرابط
http://mekshat.com/vb/showthread.php?t=449682


الآن بقيت الصيحة :
لو كنت تملك شاشة وتعمل عليها خرائط البر فلن تستغني عن القارمن اليدوي فهو حسب وجهة نظري افضل بكثيييير من الشاشة حيث تستطيع نقله لأي سيارة وليس حكرا على سيارة واحدة . كذلك لو اردت المشي سيرا على الاقدام فهو رفيق لك . ومهما تم التحايل على برنامج قارمن لتركيبة على الشاشات فلن يكون بالجودة ومرونة التعامل معه مثله بجهاز قارمن اليدوي ودقة قراءة للخرائط وكتابة أسماء الشوارع وكذلك معالم البر .

نصيحتي لا تفرط بجهازك ولو زتيته في رقبة واحد من الزكرت تراه هو الكسبان

ويبقى الخيار لك
موفق خير
الكامن
29/12/2011, 02:24 AM
حيا الله عبرود

الا ماعندك واحد يركب الشاشة بكبرها وخرايطها مره وحده
الكامن
29/12/2011, 02:25 AM
اخي برق الشتاء شكرا على النصحية :) وهوننا من الزته
بس انا ودي بشاشة سيارة لاني احس انها افضل واكبر من اليدوي واليدوي نحطه احتياط مايضر
عبرود
29/12/2011, 08:12 AM
اخي روح للغرابي وتجد جميع الانواع وختر حسب فلووووووووسك ارخ الريال وتركب الطيب
الكامن
30/12/2011, 12:04 AM
انا ماجاني بلاي يابن الحلال الا من الغرابي
الغرابي كل المحلات اللي جيتها يقولون ماتركب خريطة الصحراء :(
doshf
30/12/2011, 12:56 PM
فكر في فرق السعر والنصيحة جهاز جارمن من فئة ال 2x5 شاشته 4.30 بوصه سعره من 500-600 ريال بالعربي وكثير من اللغات يغنيك عن الملاحة بالشاشة وتستريح من البحث.
وكذلك مستقبلا تريد تحديث للشاشة ولن تجدها بسهوله بينما تحديثات خرائط الجارمن متوفر في المنتدى.
ولك الخيار