المساعد الشخصي الرقمي

مشاهدة النسخة كاملة : انتبه تغير زيت الدفرنس 00 والي عنده اعتراض يدخل


عقاب طويق
26/03/2006, 12:22 AM
قبل كم سنه كانت عندي سيارت جيب جراند شيروكي شبه جديدة وكنت وقتها جدا سعيد مابقى بر مارحت له وسافرت عليها لسوريا والامارات وعدة سفرات داخليه وبعد سنتين في ذاك اليوم ماأدري وش لقفني أغير زيت الفرنس بأخر جديد يومها قال لي البنشري وكان والله فاهم تراك غلطان تراهو ينزاد بس وما يتغير قلت له غير ولا يهمك ومن يومها وبديت اسمع أنواع الاصوات ولا ماني معترف انها من الدفرنسات حتى رحت لوشه فيها معلمين قالو لي الدفرنسات عندك تلفانه يبغالها توضيب وبعدها هات يا توضيب كلفني اكثر من تسعة الاف ريال لا وما طلعت مثل اول يعني لصمقه 0 بعدها سألت ناس كثير من أهل الخبره قالولي غلطان الدفرنس ينزاد بسسسسسسسس وللللللا يتغير أبد ورحت للوكاله قال لي مهندس الدفرنسات تقدر تغير زيت الدفرنس بوقت لايزيد عن سنه بس ولايزيد يعني اذا طافت سنه وماغيرت لاتغيره ابدا ليش لان الدفرنس أخذ على الزيت الموجود وتأقلم معه وما ينفع معاه الا الزياده حتى لو بعد ثلاثين سنه مايضر وبعد يقول اصلا مافي داعي يتغير ابد خلال سنه أو غيره بالاضافه انه يحتاج زيت خاص مع اضافات سوائل اخري وهذه عند الوكاله فقط ماهي عند البنشري والوكاله اصلا ما تغير الزيت الافي حالت توضيب الدفرنس 0
بواسامه
26/03/2006, 06:50 AM
صدقت وهذا المعروف وللشروكي بزود

وانا زد غيرته مره للباث ولا سمعت شي من صوت او خلافه بس كلا لامني على التغيير

واتوقع الشيروكي ليش بزود لاني سمعت انه في تروس الدفرنس كلاتشات ولها زيت خاص لاهذا تضرر موترك

والحقيقه سلمني على الياباني اظن ما يتأثر بالتغيير الا ماندر
عزيز نجد
26/03/2006, 02:09 PM
السبب الاكبر هو نوع الزيت اللي يحطه لك راعي البنشر

اذا كنت مغيره مغيره (لسبب صيانه مثلا ) لازم تجيب نفس الزيت الخاص من الوكالة مهما كان نوع سيارتك والله يعوضك خير
باترول 4×4
26/03/2006, 05:16 PM
الله يعافيك على النصيحة ويعوضك خير على ماحصل .
salehhd
27/03/2006, 10:51 AM
السلام عليكم

جزاك الله خير ومشكور على النصحية وهذا كلام صحيح

وقبل مدة كان موتري ماشي 20 الف بس وهو باث وقالي البنشري النصاب يحتاج تغيير زيت الدفرنش بصراحة استغربت لاني اعرف انه ينزاد

والحمد لله اني ما غيرته لما سألت اكدو اعتقادي بانه ما يتغير

والله يعوض عليك
الطير المهاجر
27/03/2006, 11:37 AM
السلام عليكم
انا من الناس الي كلوها
اول ماشريت الشيروكي وفرحان فيه
خذت السيارة من المعرض ووديتها البنشري غيرت زيت الماكينة
وقلت له شيك على زيوت الدفرنشات بالمرة وقالي انه الخلفي ناقص اشوي بس
قلت له يزيده وحط لي زيت 140 وطلعت من البنشري ورحت المغسلة وبعد المغسلة
طلعت الدمام علشان اجرب السيارة وماوصلت بقيق الا الونة يسمعها الي في الرياض
وبالتالي خسرت دفرنش كامل وغيرته مستخدم بعد ب 1900 ريال
والحين بعد قاعد أسمع فيه صوت اذا صرت ماسك الخط ووقفت عند محطة اذا لفيت الدركسون ومشيت اشوي مع اللفة اسمع صوت
صرقعة خفيفة بس اسرع اشوي تروح او اذا عدلت الدركسون تروح ومو دائما يطلع هالصوت
بس انا مو فاضي اوديها ورش ولا لي خلق عليها اصلا
تحياتي لك فتحت لنا هالموضوع الواحد اشوي يبرد قلبه
المرقاب
27/03/2006, 12:49 PM
جزاكم الله خير جميعاً........
"يب أنا عندي ونيت دفرنسين 2002 وماشي فوق 100 بشوي, أغيره الزيت والاّ أزيده وشش الراي الله يعافيكم
ابوسليمان119
27/03/2006, 01:22 PM
مشكورين والله على هالمعلومة الثمينة



.
أبو عزوز
27/03/2006, 02:31 PM
* من واقع تجربة بشرح لكم بالتفصيل ليش الزيت ما يغير يزاد بس


إذا جيت تغير الزيت وش يسوي البنشري :

أول شي يفك الصرة اللي تحت الدفرنس صح

ثان شي يبدأ الزيت ينزل لين تفضى الدائر صح بتقول

بقولك هنا المشكلة ليش أنا أقولك ليش

إذا نزل الزيت كله , العكوس اللي داخل الدفرنس

ماراح يكون عليها زيت أو مادة لزجة صح

بيسكر الصره وبيملى لك زيت دفرنس أين كان نوعه

أول ما تشغل السياره راح تدور العكوس بدون زيت

ليش لأن الزيت تحت ما بعد ارتفع وهذي هي المشكلة

زيت الوكلة تجي فيه مادة تجلس على العكوس تمنع

الصد وتمنع الزيت يبعد عن العكوس بينما الزيوت

اللي في البناشر ما فيها هذي المادة

إذا زيت الدفرنس مايغير تزيده بس

أرجو أني أفدتكم
عقاب طويق
27/03/2006, 10:37 PM
شكرا للجميع على المشاركه

وبالنسبه لخوى المرقاب لا ياأخي لاتغير ( زيد بسسسسس ) وتبي تتأكد أسال اهل اللموزين الي يمشون بالسياره فوق المليون وسأل أهل التريلات الي يحملون اطنان ويمشون أكثر بكثير من اللموزين كل ذولي يزيدون بس ولايغيرون ابد لو بعد 30 سنه مايضر ابد 0
بو خليفه
27/03/2006, 11:30 PM
جيب الشروكي يوجد زيت خاص و معه زيت إضافي يباع في الوكالة فالخطأ منك أنت

و بعض السيارات يتم تبديل الزيت عادة عن 40 ألف أو مائة ألف و البعض لا يبدل الزيت مثمل اللاندروفر
جمران
28/03/2006, 11:23 PM
تشكرون جميعاً على المعلومات التي استفدت منها

أكثر من فني ذكر لي نفس المعلومات لكن أبو عزوز

جزاه الله خيرا أفادني كثيراً بمعلوماته...

تشكر ياعقاب طويق على التنبيه والشكر موصول

للجميع...

تحياتي