()()فزعتكم ارغب في تركيب مرايا كهربائية على سيارة ددسن نيسان ()()

[اسلس]

مساكم الله بالخير يالربع عساكم بصحه وعافيه
انا عندي ددسن دبل 2008 وتعرفون ان المرايات الجانبية عادية
ولقيت في التتشليح مرايات كهربائية حقت ددسن عادي ودي اركبها
في ناس تقول ممكن تسوي لك ماس كهربائي وناس تقول ما تركب .... الخ
السؤال
هل احد قد ركب مرايا كهربائية والا لا ؟؟؟
ابغى نصايحكم وتجاربكم ومشورتكم يالربع الله لايهينكم
وشكرا

[شمالات نجد]

يا رجال هذي هي في موتري على كهرب وقبل هالموتر كم موتر ولا اذكر اني حركتها الا مره وحده عشان اوزنها هي ومرتبة السواق

يعني في السنه مره وشوله الخساير

الا في حاله وحده ان كان الموتر اللي يسوقه اكثر من واحد في هذي سو اللي تبي

وفقك الله والجميع

سلام

[قرم العيال]

نصيحه اذا موديل الددسن 2005 وتحت لا تركب كهرب ما غير تقرقع ..

العاديه الاصليه ما احسن منه

[اسلس]

يا رجال هذي هي في موتري على كهرب وقبل هالموتر كم موتر ولا اذكر اني حركتها الا مره وحده عشان اوزنها هي ومرتبة السواق



يعني في السنه مره وشوله الخساير


الا في حاله وحده ان كان الموتر اللي يسوقه اكثر من واحد في هذي سو اللي تبي


وفقك الله والجميع



سلام

والله انك صادق وبيض الله وجهك
بس زهقني الغسال كل ما غسل الموتر لعب في المرايا
شكلي بجلده عشان ما يحركها
بس بصراحه للاسف في حركات في السيارة غبيه تقهر مثل المرايا قفل الابواب بدون ريموت
لنبت السقف الله يعين
شاكر مرورك

[اسلس]

نصيحه اذا موديل الددسن 2005 وتحت لا تركب كهرب ما غير تقرقع ..

العاديه الاصليه ما احسن منه

والله انك صادق
شورتك طيبه
شاكر لك مرورك

[التعـ King ـديل]

ركبها بدون توليف كهرباء وواوزنها مره باليد وخلاص

[fawwaz1]

لا تركب العايديه
بالنسبه للريموت اتوقع موترك خليجي يجي ابواب كهرب بدون ريموت ركب ريموت اشتره ب 50 ريال وركبه انت تركيبه سهل جدا ً يجي معه ورقه فيها طريقة التركيب

ولمبة السقف رح التشليح واشتر لمبة سقف حقت السوناتا اللي تجي بالوسط بالشكل القديم 2009 وتحت قيمته بحدود 50 ريال يزود او ينقص حسب التشليح وركبه انت بنفسك فيه واحد من الشباب منزل موضوع فيه طريقة التركيب سهله مايبيله شيء
خلك ذيب يا بعدي اذا احتجت اي شيء كلمني وابشر بعززك

[fawwaz1]

عفواً بالبدايه اقصد ( لا تركب العايديه احسن لك )