وبعدين مع عبداللطيف جميل ؟؟ [الأرشيف]

أمير العجمان

01/01/2012, 11:58 AM

:Dالسلام عليكم ورحمة الله و بركاته ..

اليوم الوالد الله يطول بعمره
قالي رح اشتر فحمات للاوريون
منتهيه اللي عنده ،،
علما انها ما كملت الا 35 الف كيلو:mad:

المهم وادق سلف للصناعية و افرفر محل محل ابي فحمات اماميه ،،

ما حصلت :D

قلنا ممكن صناعية العاصمة :good2:
و ادور عليهم محل محل ابي فحمات اماميه،،

ما حصلت :D

قلنا ي ولد مالك الا الوكالة اللي بمخرج 25 :good2:

وندق سلف للوكاله ،، سلام عليكم
،،وعليكم السلام
عندكم فحمات اماميه اوريون 2010 ;)
لا ماعندنا :confused:
يا ولد عدل بدل !!
ابد ، قلتلك مافيه :no2:
شكيت اني داخل وكالة تاتا ولا جاك:D
قلت يا ولد انتم الوكالة ولا عندكم
وش اسوي ؟؟

قال وبكل بساطة :
رح للاخوان بالصيانة ممكن يفيدونك :rolleyes:
(( طبعا قصده ممكن يزرفونك :D ))

الشكوى لله ,,
هذا اللي لقيناه من عبداللطيف جميل :(

اخيرا شكلي ابقص قطعة رخام واحطها بدال الفحمات :p

>> مطلوب فحمات اوريون اماميه 2010 اصلي <<

ههههههههههههههه

الباثفندر 3.5

01/01/2012, 12:49 PM

الله يعين اسعار خياليه و ما يوفر قطع الغيار!!!!

أبوعذااب707

01/01/2012, 01:11 PM

نفس الشي ما حصلت اقمشه كامري اماميه الا بعد شهر بمحل قطع غيار الوكاله ما عندهم

طبعا الصيانه بالوكاله قالوا لازم تغير الاقمشه منتهيه بعد معاناة شهر يوم حصلت اقمشه رحت لورشه يوم فك الاولى جديده ما استخدمت الا 20% يعني الي بالصيانه كانوا يبون يسرقوني

المهم اقمشة الكامري تركب على الاوريون ومو شرط موديل 2010 عندك من 2007-2011 كلها نفس الشي

عشق البر

01/01/2012, 01:12 PM

والله مشكله ذي غير ان الفحمات اللي يجيبهن خايسه كلها تقضي بسرعه
وانا اخوك اللي اعرفه ان فحمات الكامري واللكزس es350 يركبن للاوريون بس تأكد قبل تشري

طيب ماقالوا لك متى يجيبونهن ؟؟

أمير العجمان

01/01/2012, 01:34 PM

ابوعذاب :-
فحمات الاوريون حسب كلام اكثر المحلات 2010 و طالع تختلف عن اللي قبلها وانا ماني متأكد

عشق البر:-
تأكدت بالنسبة للكامري و طلع صحيح ، لاكن ما حصلتها
لأنها لو موجوده كان عطاني اياها لانها وحده سواء للكامري او الاوريون

اشكر كل من علق على الموضوع،،

أبو محمد 3113

01/01/2012, 01:38 PM

جاني علم اليوم يقول ان فحمات كابرس 2008 تركب على الاوريون تأكد فك فحماتها الاوله ورح لاقرب محل امريكي وطابق الفحمات مع فحمات الاوريون وان شاء الله انها بتركب

k-7

01/01/2012, 01:58 PM

السلام عليكم ورحمة الله وبركاته

ركب هوبات وفحمات سيراميك صناعة امريكي لك وللزمن وللسلامه

دل البحار

01/01/2012, 02:03 PM

أش سوالك عبد اللطيف جميل

لا تخليني أروح له أكرهه عيشته

ناس ماعندها دم ولا ظمير

لاتكب البيالة

01/01/2012, 03:06 PM

السلام عليكم اشتر فحمات من برى تكلفك واصله يمكن اقل من 200 ريال وسراميك احسن من اللي عند الوكيل
اذا مثل ما قال الشباب يركب عليه حقات الكامري عندك ذي
http://www.carparts.com/results/?Ntt=Brake+Pad+Set&searchType=global&N=0&uts=true

التعـ King ـديل

01/01/2012, 05:16 PM

الله يرحم الحال والمشكله نجد في هذا المنتدى من يستميت دفاعا عن ابو جميل ولا الحمراني

أمير العجمان

01/01/2012, 09:13 PM

بالنسبة للشباب اللي يقولون سيراميك
ولا فحمات كابرس ,,

للأسف الوالد حريص و مايحب الخربطه
ولا كان طقيت تجاريات :D

على فكره استفسرت عن سعرها لقيته حول الـ300
للأماميات فقط :eek:

علطول جاء على بالي الشعب السعودي اللي كل مواترهم تويوتا
ويقولون لا تأخذ ميتسوبيشي قطعه ناااار :mad:

وانا قبل اسبوع شاري فحمات باجيرو اصلي وكاله
بـ 290 ريال فقط ;)

اشكركم على التفاعل ,,

ماون ماركز

01/01/2012, 09:20 PM

عشق البر

01/01/2012, 09:26 PM

الحمدالله .. بطلنا شغل وكلات وغش وتلاعب

والله يخلي لنا أرامكس والأنترنت .. اي طلب من اي دولة يوصلونه للباب

مشتري لحد الأن أكثر من 20 طلبية قطع غيار .. حتى اللمبات أم ريالين أطلبها من برا

يزود علي قيمة التوصيل .. ولا يلعب علي وكيل بسعر 3 أضعاف و تجاري او مغشوش او يطنش

مع قيمة التوصيل وقيمة قطعة الغيار من برا = ما وصلت سعر الوكالة عندنا

تحياتي

بس المشكلة وشلون تعرف مقاس الفحمات اللي ابيهن؟؟ او قطع كثيره زي كذا
انا معي باترول وامريكا ماعندهم باترول عشان كذا ماقدر اعرف اللي يركب على موتري :(

أمير العجمان

01/01/2012, 09:31 PM

الحمدالله .. بطلنا شغل وكلات وغش وتلاعب

والله يخلي لنا أرامكس والأنترنت .. اي طلب من اي دولة يوصلونه للباب

مشتري لحد الأن أكثر من 20 طلبية قطع غيار .. حتى اللمبات أم ريالين أطلبها من برا

يزود علي قيمة التوصيل .. ولا يلعب علي وكيل بسعر 3 أضعاف و تجاري او مغشوش او يطنش

مع قيمة التوصيل وقيمة قطعة الغيار من برا = ما وصلت سعر الوكالة عندنا

تحياتي

بس مهما يكون ,,,
القطعة اذاتوفرت عندك بديرتك ارييييح بكثير

افرض لا سمح الله القطعة ما ركبت
وش السواة ؟

بس الحق يقال ، تجارنا ما يرضون بالقليل
قمة الجشع و الطمع عندهم :mad:

دل البحار

02/01/2012, 12:01 AM

بس مهما يكون ,,,
القطعة اذاتوفرت عندك بديرتك ارييييح بكثير

افرض لا سمح الله القطعة ما ركبت
وش السواة ؟

بس الحق يقال ، تجارنا ما يرضون بالقليل
قمة الجشع و الطمع عندهم :mad:

ما يقنعون لأنهم مالقوا من يعطيهم على خشتهم وألا الناس بالسعوديه لو تطالب بفتح قنوات حكوميه تطالب عن طريها حقها ضد التاجر الجشع
التاجر من لايوفر الاشياء المتعهد بوكالتها
بارتفاع الاسعار
توفير اماكن التوزيع تابعه للوكيل حتى لايتلاعب الموزع للوكيل بلاسعار
في الاماكن المكتظه بالسكان كون الموزع ماخذ راحته يسحب من الوكيل بسعر جملة الجمله يعني القطعه ابو 300 ريال ياخذها الموزع للوكاله ب 150 ريال وأقل
ويبيعها مثلا ب 400 ريال

سلام المودع

02/01/2012, 12:17 AM

الله يصلح الأحوال أنا قبل أسبوع بالقوة لقيت سيفون كورولا 2011
يطورون في السيارات فقد لتكثر قطع الغيار ولا وشله يغير السيفون ؟؟؟؟؟؟؟؟!!!!!!!!

((ابوملاك))

02/01/2012, 12:24 AM

تدري وش الضيم صح

انا موتري شاص ٢٠١١ ويوم وصلت ١٩.٠٠٠ كيلو الموتر الفحمات اللي قدام انتهن خلاااص مع ان كل وقفاتي بنمره

اصفق الوكاله ولا وش اسوي انا

عشق البر

02/01/2012, 01:39 AM

تدري وش الضيم صح

انا موتري شاص 2011 ويوم وصلت 19.000 كيلو الموتر الفحمات اللي قدام انتهن خلاااص مع ان كل وقفاتي بنمره

اصفق الوكاله ولا وش اسوي انا

ماهو معقول ابد الكلام ذا 19الف بسسسس والله لو انك تمشي ورجلك على الفرامل
الله يلعنه هالمجرم يجيب قطع صينيه رديه ياخي دور لك بديل شي غير فحمات تويوتا

المرتهي

02/01/2012, 03:00 AM

حيا الله الجميع

ياخوان كلنا نتكلم عن الوكلاء وندري ان هناك سرقة واضحه

وتفنن بالسرقات

ولا نعقل نرجع لهم ونشتري

خصوصا هالعبداللطيف الله لا يلطف بحاله

سيارات رديئة لدرجة انا تاتا صارت جودتها جيده وتويوتا جودة سيئة جدا جدا جدا

السيئ أمام تويوتا راقي

ردائة جودة

ردائة خدمات

ردائة خدمة عملاء

ردائة سياسة

كل شي رديئ

والبعض الله يهديهم لو معه 100 الف

كنها جمرة بيدة

مايوقف الا عند ابو جميل

وسلمة هالمبلغ والباقي دفعة اخيره

ويطلع مع اقرب مخرج يعلق دعسة البنزين وصدم

صراحة أغلب الشعب السعودي خصوصا

الاحظ فيه تخلف ( العذر من هالكلمة )

لان البعض ماقاعد يفهم من الي يصير سوأ عليه او قريب له او صديق

الواحد يقول تويوتا والا نيسان والا فلان والا والا

كلها رديئة بصراحة

وعلى راسهم ابو جميل

شباب هالزمن صار فكره مثل ابائنا وجدادنا

تويوتا وبس

تويوتا كان ولا يمكن يكون ولا زال

تقبلوا تحياتي

أبوهشام2

02/01/2012, 03:49 AM

أخوي أنا طالب من عندهم قطعه الأسبوع اللي راح
قال لي الموظف إنهم قاعدين يسوون جرد على المستودعات وتقفيل حسابات آخر السنه
وراح يوفرون القطعه خلال هالأسبوع

سيف وقلم

02/01/2012, 09:24 AM

الله يصلح الحال والله يكفينا شر الوكلاء ونصبهم واحتيالهم

يا أخوان لا أحد يلعن ويسب الرجال قد أفضى إلى ما قدم والله يرحمه

- النشمي -

02/01/2012, 10:21 AM

الله يعينك اخوي

ماشاء الله على التاهو واليوكن قطعه بكل مكان هذا غير ان له ثلاث وكالات مهوب وكاله وحده

التعـ King ـديل

02/01/2012, 04:43 PM

للتوضيح عبداللطيف جميل صاحب الشركه توفي عام 1997 الله يرحمه وكان مثال للتاجر النظيف سياراته لايعلى عليها جوده واكسسوارات
وبعد وفاته رحمه الله عليه عياله لعبو في الدنيا قص ولصق بالمواتر وشركات على حساب المواطن المسكين وبقولكم معلومه انا شايفها
شخصيا عبدالمجيد ولد عبداللطيف جميل وهالكلام كان عام 1998 وعند وكاله تويوتا اللي بطريق العليا كان معه باترول موديل 98 زيتي وبيج
واحد الموظفين عندهم قالي ان سيارته السابقه كانت فكسار 97 بس بعد نزول الموديل الجديد بدله بباترول والكل عارف ان بدايه دحدره تويوتا كانت 98

عاشق وولهان

02/01/2012, 04:45 PM

من يوم عرفت السيارات والوكالات والناس تسب وتذم في ابو جميل وحملات واخره حملة خله تصدي...الخ
ولا صار شي ولا صار تغيير وانما حدث العكس تماماً..زاد الاقبال على ابو جميل وغيره وارتفع سعر السيارات ارتفاع خيالي جدا جداً...
الله يرحم الحال

((ابوملاك))

08/01/2012, 07:24 PM

ماهو معقول ابد الكلام ذا 19الف بسسسس والله لو انك تمشي ورجلك على الفرامل
الله يلعنه هالمجرم يجيب قطع صينيه رديه ياخي دور لك بديل شي غير فحمات تويوتا

والله ثم والله هذا اللي صار ومنيب حالف كذب عشان حديد

والمشكله لو غيرت الفحمات ورهمت

الموتر توه جديد ممكن يطلعونه من الضمان تخبر يدورون الزله هم عاد:(

والفرامل رح جرب شاص وشف الفرمل الزفت وانت بكرامه

لو تنزل رجلك وتحطه بالارض ازين لك ياقف اسرع