ادخـــــــــــــــــل وصــــــــــــوت

[بدوي سعودي]

السلام عليكم
مساكم سعيد وأوقاتكم كلها سعادة بإذن الله تعالى

دلوني ايهم افضل وأي واحد اشتري لأني خلااااااااااص تعبت وانا أفكر ، وتعبت وأنا ألف المعارض

عموما اخواني
حط نفسك مكاني ،،، ايش رايح تختار من الموترين،، بغض النظر عن الاستخدام والاحتياج

بعد لف للمعارض حصلت لي موترين تناسب دراهمي ، ووانا اذا اشتريت ما ني بايع ابد
يعني ما يهمني اذا جيت ابيع الموتر

عشان ما أطول
الموتر الأول
جمس صالون 2500 موديل 2001 ماكينة 6000 - دبل - مثل الي بالصورة ولكن دون دعاسات
والباب الخلفي مفصول
http://www.mekshat.com/pix/upload05/images236/mk237699_1308943484781.jpg

ممشى هذا الموتر 77 الف كيلو
وبعد ما فحصت الموتر طلع لي العيوب التالية
ترشيح من صوفة عمود الماكينة
ترشيح من صوفة الدبل العكوس
يحتاج تغيير مساعد امامي
الباب الايمن مرشوش الامامي والخلفي والشنطة من نفس الجهة وبالذات الشنطة فيها معجون ولكن الشاص سليم ولمبة الايرباق شغالة بسبب االدقة الي جات في الجانب


أما الموتر الثاني
جمس سييرا غمارة ونصف ماشي 120 الف كيلو متر مكينة 4800 مثل الي بالصورة وطبعا بدون دبل
http://www.mekshat.com/pix/upload05/images236/mk237699_2006 gmc sierra 1500.jpg

وبعد فحص الموتر اتضح ما يلي
ترشيح من الصوفة الخلفية للماكينة
تغير المساعدات الأمامية
ترشيح من قاعدة الفلتر للزيت
الموتر جاته دقة في الباب الخلفي الايسر ومعدلة دون سمكرة
ودقة في الباب الخلفي الايمن مع الحوض ومعدلة ومرشوشة

وأنا والله احترت في الاثنين وما اخترتهم الا لأنهم على قد دراهمي
يا اخوان ياليت تفيدوني دون ما احد يقول شوف غيرها حسب استخدامك اذا ما عليكم امر
لي منكم الفائدة ولكم مني الدعاء بظهر الغيب

[أمير العجمان]

،،

والله اني اكتب ولا ودي احيرك زيادة على الحيرة اللي انت فيها
لاننا جميعنا جربنا الموقف اللي انت فيه

لاكن عن نفسي دامك تقول ما راح ابيع
اقولك دور على شيء افضل , لان هالموترين ما راح يخدمونك



انت عطنا ميزانيتك كم لعلنا نجد لك بديل

بالتوفيق

[الخزاعي2010]

والله يا خوى معندي فكره عن المواتر هذي

لكن نصيحتى استخير ربك قبل كل شي

ولا تستعجل السيارت طااااااااااااااااااارت فوق الله يرحمنا بس

ويفدونك الاخوان ان شاء الله

[HAS5SAN]

أسأل الله أن يرزقك من حيث لا تحتسب
بصراحة لا انصحك السوبر بان هذا بالذات
وترى مكينتة6100 مو6000
ولا اعلم أساساً وشو له ها الرقم
عموماً هذا استخدام امريكي ودبل ومصدوم
يعني شغلته تخوف
ولاتنسى تستخير الله بقلب صادق

[الباحث_6610]

كلهن مايصلحن لك
خاصة الجمس 6100 الصدمة اللي بالجانب الايمن تخوف فعلا

[(((.ابوتميم .))))]

كلش الا المصدوم وانا خوك نصيحه
اصبر شوي وبتحصل الي في خاطرك
مثل الي يصوم ويفطر على بصله .. اصبر شوي وافطر شكشوكه

[وحش القفار]

دور لك جمس صالون نظيف اطيب من الغمارة ونص ونصيحت مسلم لمسلم دور نظيف لو تزيد5000 ريال وانحش عن المصدوم لأن اللي بتوفره في ثمن المصدوم سوف تدفعه مستقبلا ثمن اصلاحات وربما الصدمه تكون اقوى ممايظهروتجبرك على البيع فتكون الخسارة مضاعفة ّ(وجهة نظر قابلة للأخذ والرد)

[المنطلدز]

طيب قلنا كم دراهمك ونجيب لك موتر رخيص وكويس

[sgl2002]

انحش عن المصدوم

بيعلك

[أبوهشام2]

أخوي نصيحه كلهن ما يصلحن

المواتر اللي زي كذا تعل الواحد ولا تضمنها
إذا جيت تدخل بر وإلا تمسك خط بتصير حاط يدك على قلبك

نقطتان سلبيتان:
الجمس الـ6100 يشفط البنزين شفط
والجمس الحوض إذا ماجاك دبل ماينبغى
وكلهن راح يشقطن دراهمك بطريقه أو بأخرى ولا راح ترتاح
وذيك الساعه بتقول يامن شرا له من حلاله عله



الله يرزقك الرزق الوسيع

[بدوي سعودي]

يعطيكم العافية جميعا على الدخول وعلى المشورة

وبالنسبة للميزانية فهي 25 الف

وبالنسبة للمصدوم بناء على كلامكم فأنا بأصرف النظر عنه
وبالنسبة للسيرا فصاحبه طالب مبلغ بعيد عني وهو 42 الف
والجمس طالب مبلغ 28 الف ويقول بيراعي


وأعتذر عن التأخير في الرد

[fahd1401]

اخوي بدوي سعودي


الجمس من موديلات 2000 الى 2006 اكثر مشاكلها عوامه بنزين


الجمس المصدوم انحش منه


والوانيت الجمس بدون دبل ماينبغى حتى في البيعه حتى سعره 44 مايستاهل فيه صدوم وبدون دبل


اخبر من فتره في دمام عرضت كميه من الجمس صالون ارامكو نفس الي في الصوره الفيابر اسود الي برفرف صغيره واضح بالصوره وتجي الوانها من الداخل فيراني واسعاره حلوه وفيه منها بدبل


مأدري للحين باقي منها ولا راحت


ان شاء الله ربي يرزقك بموتر بأحسن منهم

[عاشق وولهان]

السلم عليكم ورحمة الله وبركاته
نصيحه ابعد عن المصدوم..وبالتوفيق ان شاء الله

[التعـ King ـديل]

الصالون بيطيح بتسبدك ومع الوقت بيطلب قطع وتنسيم وغيرها

الونيت مهنا عزم وبتتعب وبتمل منه مع الوقت

نصيحه حدد ميزانيتك واستخدامك والعيال مايقصرون وانا اولهم

[التعـ King ـديل]

25 الف ؟؟؟ خذ لك باترول قديم نظيف لك وللزمن قطع غيار ارخص من المويه وصيانه كلن يعرفها ويتحمل الجلد

[المنطلدز]

افادك الكنق

[بدوي سعودي]

الله يعطيكم العافية ويبيض وجيهكم
ما قصرتم وفيتم وكفيتم
واما الباترول فموتر وما يحتاج بس كل الي حصلتهن بالسوق ماشيات واجد يعني من 300 الف وفوق

وش بقى في عمره مثل هذا ،،
بس والله ما غرني في هالجمس المصدوم إلا ممشاه قلت قليل وزوين

[التعـ King ـديل]

اخوي بدوي الباترول مايعيبه المشي اهم شي النظافه كان عندنا باترول 92 يوم ابيعه وممشاه فوق 700 الف على شد الوكاله محركاته

صدقني بتدعيلي .. اعرف لك واحد عاف فكسار 2008 ودايم مشاويره على باترول 94 والفكسار واقف وبالاخير باع الفكسار مع العلم

انه بالبدايه باع الباترول ثم رجع وشراه مره ثانيه بربح للمشتري ..

[العنابي 616]

إذا بغيت سيارة ما تطلب منك شي و على قد ميزانيتك
هايلكس 98 أو 99

و عموما لا يغرك ممشى السيارة ترا احتمال كبير يكون ملعوب فيه
و الله يدلك على الصالح

[بدوي سعودي]

مشكورين عسا السعادة دوم في ممشاكم وفي مسكنكم وفي حياتكم وفي اخرتكم

وفيه واحد توه مكلمني على جيب اول مرة اسمع عنه يقول اسمه لاندروفر دسكفري ما ادري وش من موتر قطع غيار خدمة
ويقول موديله 2003 وماشي 130 الف
وتصفحت النت اشوف شكله طلع مثل ذا بالضبط واش رايكم

http://www.mekshat.com/pix/upload05/images236/mk237699_land_rover_discovery_2003_01_b.jpg

[درب الصحراء]

مشكورين عسا السعادة دوم في ممشاكم وفي مسكنكم وفي حياتكم وفي اخرتكم

وفيه واحد توه مكلمني على جيب اول مرة اسمع عنه يقول اسمه لاندروفر دسكفري ما ادري وش من موتر قطع غيار خدمة
ويقول موديله 2003 وماشي 130 الف
وتصفحت النت اشوف شكله طلع مثل ذا بالضبط واش رايكم

http://www.mekshat.com/pix/upload05/images236/mk237699_land_rover_discovery_2003_01_b.jpg

وانا اخوك صح انه موتر زين ومركب شيوخ وV8 منه بطل لكن ما يصلح

لان تكلفة صيانته تعادل سعره ولا احد يصلحة الا الوكالة او بعض الورش الي تنعد على الاصابع وغاليه بعد

وبالتوفيق

[بدوي سعودي]

والله من يوم عرفت اسم هالموتر وانا اقرا وابحث عنه وشفت له مقطع في اليوتيوب
واخترت منها
http://www.youtube.com/watch?v=vbttHLNI_5c&feature=player_embedded
بااااااااااااقي رأيكم أنتم في الموتر من حيث التحمل والعلمية والخطوط وقطع الغيار

[فرخ قطا]

ياولد هيييييه فيه احد
ههه امزح عليك مب انت تقول ادخل وصوت
ههه رايي لاتشري ذا ولاذا
اشر هايلكس ازين من السييرا
وارخص وكل شي

[مخاوي العشه]

أخوي فيه باترول ربع
موديل 98
ممشاه 155 الف
سعره 29000 ريال

في موقع سعودي سيل
أدخل على هالرابط
http://www.saudisale.com/SS_a_mpg.aspx

وإن شاء الله أبدور لك الحين مواتر

[مخاوي العشه]

وفيه عندك جيب أكسبلورر
موديل 2002
ماشي 220 الف
بسعر 27000 ريال

وفيه جيب أكسبلورر ثاني
موديل 2003
ماشي 190 الف
بسعر 28000 ريال

[ابونبيل]

انا انصحك ماتحط قروشك بهالموترين لانهم بيتعبونك بالتصليح
خذلك اي موتر نضيف وموديل حديث لو النترا او اكسنت ع الاقل ماتصلح فيها

[بدوي سعودي]

اخواني
مخاوي العشة
فرخ القطا
درب الصحراء
ابو نبيل
ولا يهنون الباقين ، وفقكم الله وبسر لكم وأعطاكم ما تتمنون ، لا هنتم على وقوفكم معي وتقديم المشورة لي
والموقغ يا اخوي مخاوي العشه حلو والسيارات اسعارها حلوة وبأتابعه حتى نحصل الموتر الزين

[بن سليمان]

اخوي بدوي سعودي اذا فلوسك 25 الف انصحك تدور باثفاندر موديل 2000 أو 2001 بس احرص على النظيف والخالي من الصدوم واذا حصلت لك نظيف لا تفرط فيه

http://vlane.com/img/chrome/486.jpg
http://images04.olx.com.pe/ui/6/75/63/1274805433_92247263_4-REMATO-NISSAN-Pathfinder-2000-super-conservada-Autos-1274805433.jpg

[بدوي سعودي]

مشكور اخوي بن سليمان على المعلومة والافادة

[volcano]

شوفلك لاند قديم وممشاه قليل او باجيرو

الله يرزقك

[بدوي سعودي]

يا الربع تركنا المواتر كلها وزودنا الميزانية ،،، وبعد كر وفر في المعارض وجدت الموتر هذا
http://www.mekshat.com/pix/upload05/images236/mk237699_8d04b2cb66aeafa38cf508934278c821.jpg

هايلكس 2007 ديزل دبل ،، ماشي 130 الف كيلو قزاز هندل قير عادي مواصفات عادية
سقت الموتر الزين ، وفحصته
طلع ماخذه مكينته 93 بالمية والشاص سليم القير والدبل والمحركات وكلها ممتازة

بس كان مرشوش ، كامل ، وبحضور صاحب الموتر ذكر انه جاه حادث بالفرفرف الايمن ومغيره
وجاه في الباب الايسر الخلفي مع الحوض
وفحصته في اكثر من ورشة وباكثر من مكان وكلهم كلامهم واحد ( ماكينة محركات شاص سليييمة)
كم بنظركم بسوى مثل ذا ، لأني ما اخذت العلم الوكاد من صاحبه كم يبي بالضبط
وكيف المواتر مثل ذا تنصحوني به

[WWS]

25 الف ؟؟؟ خذ لك باترول قديم نظيف لك وللزمن قطع غيار ارخص من المويه وصيانه كلن يعرفها ويتحمل الجلد





اخوي بدوي الباترول مايعيبه المشي اهم شي النظافه كان عندنا باترول 92 يوم ابيعه وممشاه فوق 700 الف على شد الوكاله محركاته

صدقني بتدعيلي .. اعرف لك واحد عاف فكسار 2008 ودايم مشاويره على باترول 94 والفكسار واقف وبالاخير باع الفكسار مع العلم

انه بالبدايه باع الباترول ثم رجع وشراه مره ثانيه بربح للمشتري ..



:good2::good2::good2::good2:
يــآ ســلآم عليك يــآ آبؤ خــآلـد



يا الربع تركنا المواتر كلها وزودنا الميزانية ،،، وبعد كر وفر في المعارض وجدت الموتر هذا
http://www.mekshat.com/pix/upload05/images236/mk237699_8d04b2cb66aeafa38cf508934278c821.jpg

هايلكس 2007 ديزل دبل ،، ماشي 130 الف كيلو قزاز هندل قير عادي مواصفات عادية
سقت الموتر الزين ، وفحصته
طلع ماخذه مكينته 93 بالمية والشاص سليم القير والدبل والمحركات وكلها ممتازة

بس كان مرشوش ، كامل ، وبحضور صاحب الموتر ذكر انه جاه حادث بالفرفرف الايمن ومغيره
وجاه في الباب الايسر الخلفي مع الحوض
وفحصته في اكثر من ورشة وباكثر من مكان وكلهم كلامهم واحد ( ماكينة محركات شاص سليييمة)
كم بنظركم بسوى مثل ذا ، لأني ما اخذت العلم الوكاد من صاحبه كم يبي بالضبط
وكيف المواتر مثل ذا تنصحوني به




مرشؤش كـــآمـل !! آبعد عنه يـآ آخؤي تـرآ ذآ يخؤف مثل آللي قبله
آصرف آلنظر عنه نهآئيـآ

تشؤف لك بـآترؤل
ؤ الله يرزقك من ؤآسع فضله

[ملك الإحسآس]

ابعد عن الامريكي والله غير يبهذلك
خذلك باترول بالقيمة اللي معك
واذا معك قيمة التويوتا لا تشاور

[يريور عيمان]

اهم شي انك ما تستعجل
و اصبر و خذ وقتك
و الباترول زين بس مشكلتها انك صعب تلاقي نظيف اذا لقيت سعره راح يكون غالي

[بن سليمان]

يا الربع تركنا المواتر كلها وزودنا الميزانية ،،، وبعد كر وفر في المعارض وجدت الموتر هذا
http://www.mekshat.com/pix/upload05/images236/mk237699_8d04b2cb66aeafa38cf508934278c821.jpg

هايلكس 2007 ديزل دبل ،، ماشي 130 الف كيلو قزاز هندل قير عادي مواصفات عادية
سقت الموتر الزين ، وفحصته
طلع ماخذه مكينته 93 بالمية والشاص سليم القير والدبل والمحركات وكلها ممتازة

بس كان مرشوش ، كامل ، وبحضور صاحب الموتر ذكر انه جاه حادث بالفرفرف الايمن ومغيره
وجاه في الباب الايسر الخلفي مع الحوض
وفحصته في اكثر من ورشة وباكثر من مكان وكلهم كلامهم واحد ( ماكينة محركات شاص سليييمة)
كم بنظركم بسوى مثل ذا ، لأني ما اخذت العلم الوكاد من صاحبه كم يبي بالضبط
وكيف المواتر مثل ذا تنصحوني به

نصيحه لوجه الله تعالى انحش عن الهايلكس الديزل خذ اي سياره الا الهايلكس الديزل حتى لو تاخذ سياره صينيه
افشل شركه بمحركات الديزل هي تويوتا

[بدوي سعودي]

يا اخوان انا اسألكم عن الهايلكي الي وجدتها اليوم مرشوشة بالكامل بس الشاص سليم كم تسوى

[بدوي جنوبي]

25 الف ؟؟؟ خذ لك باترول قديم نظيف لك وللزمن قطع غيار ارخص من المويه وصيانه كلن يعرفها ويتحمل الجلد



:no2::no2: أرخص من المويه مررره قوية :D

[بدوي سعودي]

يا اخوان انا اسألكم عن الهايلكي الي وجدتها اليوم مرشوشة بالكامل بس الشاص سليم كم تسوى


اليوم كلمت صاحبها وتوه يقول يبي فيها 43 الف اش رأيكم ، والموتر نظيف بعد فحصه في عدد من الأماكن ، والعيب الوحيد فيه البدي بس ، وهذا ما يهمني ، اش رأيكم بسعره

[بدوي سعودي]

تكفون يا الربع نبي العلم الوكاد كم تسوى

[ساري 111]

افضل خيار اشوفه لك زي ماقال بن سليمان باثفندر 2000 الى 2002

هو اللي اشوفه مناسب لميزنيتك

[بدوي سعودي]

اخوي ساري زودنا المازانية الى 45 الف
ولا ادري هل هايلكس دبل 2007 مرشوش كامل ومحركات وشاصه سليم ونظيف 100 بالمية ماخذ بالفحص 93 يسناهل 43 الف
دلوني على قيمة الموتر زوينه والا ماهي بزوينه

[مخاوي العشه]

ألحين أدورلك مادام الميزانيه زادت

الله يرزقك

[Mr.GX-R]

مشرفنا الغالي
كنك ساحب الكلمة من لساني سحب ما شاء الله عليك
ابشور عليه بالباتروول القديم وسبقتني
يالله ياربي انك ترزقه وتفرج همة وتسخر له
( دعوة عجيز) ههههههههه
تقبل احترامي
اخوك ابوجنى

[مخاوي العشه]

فيه شفرليه سوبر بان
موديل 2005
قاطع 120 الف
سعره 46 الف ريال

لونه نيلي

[مخاوي العشه]

وفيه
دودج حوض 600
موديل 2005
لونه اسود
قاطع 150 الف
سعره 48 الف ريال

رابط لصوره ومعلومات عنه
http://www.saudisale.com/SS_a_car.aspx?carid=11620

وش رايك فيه

[العابر2222]

اليوم كلمت صاحبها وتوه يقول يبي فيها 43 الف اش رأيكم ، والموتر نظيف بعد فحصه في عدد من الأماكن ، والعيب الوحيد فيه البدي بس ، وهذا ما يهمني ، اش رأيكم بسعره


أخوي الهايلوكس غاليه مرشوشه كامل معناته صاير عليها حادث كبير

دامك وصلت للــ 45 فلوسك بتعطيك خيارات كثيره

باترول من 97 الى 2001
باثفندر من 2000 الى 2005
يكون دبل من 2002 الى 2003

وكلها سيارات متتازه وفلوسك بتجيب لك النظيف منها

[مخاوي العشه]

هذا طال عمرك
فورد اكسبلورر
موديل 2004
قاطع 117 الف
لونه ذهبي
سعره 38 الف ريال

شكله نظيف ماشاء الله

رابط للصور ومعلومات عنه

http://www.saudisale.com/SS_a_car.aspx?carid=3187

[بدوي سعودي]

اخواني

WWS
ملك الإحسآس
يريور عيمان
بن سليمان
بدوي جنوبي
ساري 111
مخاوي العشه
Mr.GX-R
العابر2222

بارك الله لكم وبارك فيكم وادام عليكم الخير كله واصلح لكم الذرية وكساكم ثياب العافية
اللهم امين
اشكركم على التفاعل والنصح والمشورة

والله يختار لنا ولكم ما فيه الخير ،
وأنا رايح للمعارض ان شاء الله وناويت على هايلكس دبل والموتر سقته واعجبني صراحة ونويت عليه ان شاء الله
[SIZE="6"][COLOR="Black"]وعشان ما انغش كم يسوى اسعار هالمواتر
الديزل النظيف من إلى
وكم يسوى الي البدي حقه مرشوش بس باقي الامور ممتاز
وكم يسوى البانزين النظيف من الى
وكم يسوى الي فيه البدي مرشوش والباقي ممتاز والموديل 2007

[مخاوي العشه]

مالي علم والله بأسعار الهايلوكس

طيب أخوي بدوي سعوديه
ليش ماتغير عن الهايلوكس

شف لك دتسن غمارتين دبل

فيه وحده
موديلها 2009
ممشاه 68 الف فقط
سعره 48 الف يعني حول ميزانيتك
ونوافذ كهرب
وبنزين بعد وشكلها أنظف من الهايلوكس
وفرق بالموديل

بالرابط هذا شف صورها وبعض المعلومات

http://www.saudisale.com/SS_a_car.aspx?carid=10435


أهم شيء لا تنسى الاستخاره

والله يوفقك

[بدوي سعودي]

اشكرك من اعماق قلبي اخوي محاوي العشة ،، وانهينا الموضوع بشراء الهايلكس يـ 42 الف بعد مجادلة واخذ وعطاء
الموتر الحمد لله ما يحتاج شيء قالوا عندم صوفة الماكينة الخلفية فيها ترشيح
والموضوع باطرحه بالرابطة

[مخاوي العشه]

اشكرك من اعماق قلبي اخوي محاوي العشة ،، وانهينا الموضوع بشراء الهايلكس يـ 42 الف بعد مجادلة واخذ وعطاء
الموتر الحمد لله ما يحتاج شيء قالوا عندم صوفة الماكينة الخلفية فيها ترشيح
والموضوع باطرحه بالرابطة




ماشاء الله

مبرووووووك

الله يعطيك من خيرها ويكفيك من شرها

والله يوفقك بطرح الموضوع

[محطم عنيد]

25 ألف خذ لك باترول نظيف 94 او 96

وتبي تدعيلي

واترك هالاثنين

[محطم عنيد]

العفو توي انتبة


مبروك والله يعطيك خيرة ويكفيك شره

[أبورنا]

استخر واستشر والله يرزقك الراي السديد