الباب فيه صدمة خفيفة كيف أقدر أنجح بالفحص الدوري

[العنابي 616]

السلام عليكم

حيى الله أعضاء مكشات
يا جماعة قدر الله و حكيت بسياج الطريق السريع ما كنت منتبه له الباب انطعج و الصدمة واضحة بس الباب يفتح و يصك طبيعي
و سبحان الله بعد ما صارت الحكة بكم يوم انتبهت بالصدفة إن الاستمارة منتهية

فالان اريد اجدد الإستمارة و لازم أسوي فحص دوري و لكن المشكلة إنهم يسقطون السيارة المصدومة
فودي يا اخوان انكم تفيدوني إذا في طريقة أعدي الفحص أو اجدد الإستمارة بدون ما افحص
خصوصا إن الفترة هذي مشغول و ما ودي اصلح الصدمة الان

و جزاكم الله خير

[ماجد الحايلي]

حياك الله اخوي العنابي
أدخل على هالرابط لعل الله يسمح أمرك
http://www.mekshat.com/vb/showthread.php?t=299459

[HAS5SAN]

قبل تروح لهم دبر لك
(و)

[العنابي 616]

أخوي ماجد ما قصرت بس المشكلة إن الصدمة أشد من إنها تتصلح بالبخاخ و لكن بجرب الطريقة إن شاء عساها تنفع

أخوي حسان الحقيقة إني دورت بالفيتامينات و ما لقيت فيتامين ضد الفحص الدوري :)

[volcano]

جددها في النعيرية بدون فحص

[العنابي 616]

اخوي فولكانو انت متأكد إني اقدر اجدد بالنعيرية بدون فحص
و لأني كأني قبل فترة بالجريدة قاري انهم صاروا يلزمونهم يفحصون باقرب مكان

[.أبوعبدالرحمن]

إذا كان هذي النقطة الوحيدة بالسيارة توكل على الله ودخلها ولا راح يرجعونك إن شاء الله


لأنه في حال رسوب السيارة في نقطة واحدة تجتاز وإذا كان ما أجتازت نقطتين هينا يقول لك أرجع

وبإذن الله يفيدونك الأعضاء أكثر

[القناص-sniper]

اذا السيارة نظيفه يخترعون لك خراب

علشان تعيد الاختبار

الله يعينك

[You Like Me]

والله كان عندي سيارة السواق فيها اصوات وقربعه وبلاوي
راح اجازة قلت فرصه خلني اشيك على السيارة كلها واربطها
وكان في الرفرف الامامي الايسر صدمه مشوه السيارة وواضحه
بس قلت انا عارف السيارة ماراح تنجح ابد كنت واثق ومصدومه بعد .. لكن خلني ادخلها الفحص
واشوف وش بيرسبونها فيه واصلحها ..
والحمد لله نجح ههههههههههه هذا الكلام العام الماضي

رح وماعليك بإذن الله
هم يركزون على اسفل السيارة والكفرات والانوار والاشارات والشبابيك

لا واسطه ولا غيره
قبل تدخل اقرأ عليهم
(وجعلنا من بين أيديهم سدا ومن خلفهم سدا فأغشيناهم فهم لا يبصرون )

سورة يس

وقلنا وش يصير معك
بالتوفيق لك يارب

[مسير عليهم]

سبق اني فحصت موتري قل كم سنه وفيه صدمه بالباب الايمن وواضحه والباب يفتح ويتسكر طبيعي

ماقالو عنها شي بالعكس نجح الموتر والحمدلله

[سيف وقلم]

أعرف واحد توه فاحص وعنده رفرف وواضح ولا عدله ونجح
شيك على الفحمات والأنوار والمساحات والاصطبات
أفضل وقت الصبح مبكر 7

[أمير العجمان]

أعرفلك مصري بمعارض الشفاء يفحصها لك بـ50 ريال
وهي واقفه عند المعرض :)

[العنابي 616]

بيض الله وجيهكم يا جماعة ما قصرتوا
رفعتوا معنوياتي :)
بدخلها الفحص و إن شاء الله إنها تنجح

و جزاكم الله خير

[volcano]

اللي اعرفه ليومك تعدي ولا ردو احد اقصد مرور النعيرية.

الله يسهل دربك

[volcano]

أعرفلك مصري بمعارض الشفاء يفحصها لك بـ50 ريال
وهي واقفه عند المعرض :)


هذي الرشوة الله يبعدنا عنها :mad:

[الشهابة]

و الله الفحص الدوري ما تقدر تحكم عليهم و أحس إن السالفه بالبركه و حظ و نصيب ..

قبل 3 شهور دخلت الفحص الدوري بتويوتا لاندكروزر 2003 على يدي من الوكاله و نظيف و لا فيه إلا العافيه ماشاء الله و سقط بحجة الكربون زياده ..

و قبل اسبوعين تقريباً يعلمنا واحد من الزملاء عن سيارة ولده صني 2006 و يقول إن ولده ما يعرف إلا يعبي بنزين بس و الباقي يخلف الله و من كل جهه فيها حكه و ضربه و مخش و نجحت في الفحص من اول مره ..

و النتيجه .. انت توكل على الله و رح للفحص الدوري و بيسرها ربك بإذن الله ..

[BLA6K]

اللي اعرفه ليومك تعدي ولا ردو احد.

الله يسهل دربك

يارجال وش تعدي ولا يردونك أذكر ان الموتر فشل بالفحص 3 مرات
وخذ لك زحمه والسبب بسيط (زيادة كربون ) مع أن الموتر مايطلع ريحة ولالون
أخر شيء رحت لـ يماني وفصل لي أحد أسلاك البخاخات والموتر لاجيت تقومه
كأنك مقومه بـ الخامس ههه
(الشكوى لله مالنا غير الحيله)حاطين لنا ورش ماهي متخصصه
واللي يزيدك غبن شكامين الشاحنات (يالله حلها )هم لو يجمعون دراهم الفحص ويسوون رفع لشكامينهم اللي سدت حلوقنا ويجيبون ناس متخصصه يوم تفشل بالفحص على الأقل تدخل للفحص متطمن وتكون كسبت أنك عالجت المشاكل بموترك

أعتذر من صاحب الموضوع والله يسهل عليك

[ددسن72]

دخلها الفحص وان شاء الله مايدرون عنها

انا كان معي فور مونديو وكانت لمبة الفرامل ماتشتغل

وقلت:

(وجعلنا من بين أيديهم سدا ومن خلفهم سدا فأغشيناهم فهم لا يبصرون )

والله مادروا عنها.

[أمير العجمان]

هذي الرشوة الله يبعدنا عنها :mad:

شكلك ما قد جربت تفحص موتر ,,
وتشوف وشلون يطلعون براسك الشيب
و يشفطون مخباتك ...

[zoom10]

ياخي مر من جنب الفحص أكيد تلقى ورش راح يفيدونك أكثر ويقولون لك إذا تحتاج إصلاح ولا لا

موفق خير

[راعي الرملة]

أخي الحبيب دورلك أقرب محافظة لايوجد فيها فحص وجدد استمارتك فيها مايطلبون الا تأمين فقط أرجو أني افتك

[محمد الدعيجان]

انا من رأيي يلغون شي اسمه فحص دوري
والله ما له لازمه

والسلامه تكون من رجل المرور يخالفك اذا فيه لمبات مطفيه

وايضاً اذا ماعندك فرامل اقرب جدار واكيد الواحد يخاف على نفسه

اما بالنسبه للكفرات فكفرات جديده شاريها 2011 ضرب علي

وايضاً سيارات جديده حصل فيها اعطال

الحافظ رب العالمين

واعتقد ان الفحص الدوري ليس له اي داعي

حسبي الله ونعم الوكيل والله هم

والواحد اذا قربت سيارته ينتهي فحصه يضطر يبيعها عشان مايشغل نفسه بالطابور الي ماله داعي