محتار بين كفرات قوديير و برللي وميشلان

[عبدالله الغربي]

أخواني المكشاتيين

محتار بين كفرات قوديير و برللي وميشلان

ايهما الافضل
وبماتنصحوني

[الباثفندر 3.5]

الميشيلين بدون تفكير هو الافضل
طبعا لاتنسى تشوف مواصفات التاير

[ابوسليم]

انصحك اخي بالمشلان ...اذا حصلته لأن واحد من الزملاء بحث عنه ماحصله لليوكن .

[وادي النخلة]

أبعد عن قوديير.. إذا صلخ معك لا سمح الله يشيل لك الرفرف كامل ضربته قوية.

أسأل مجرب.. حرمت أركبه على سيارة...

[مقناص10]

يا هلا اخوي ...عندك الميشلان ممتازه ...ومواصفاتها افضل من القودير والبرللي

لكن لو تحدد نوع السيارة واستخدامك لها مثلا غالبا بر ولا خط وخفيف بر ...

والميشلان ميزته لين وممكن ينخاف منه من الصخر الحاد
لكن انت إذا استعمالك اوديه وشعبان وبر ورمله اصبر ولاتستعجل وابحث عن اللي يستاهل تدفع قيمتك فيه بدون ندم ...لأن عندك نوعين كوبر مستر كرفت والبي اف جورديتش A/T والثاني شبه مقطوع إلا مقاسات معينه وهذي دعستها خشنه والحرارة B لكن يمدحونها وممتازه خاصة إذا حصلت النوع A/T اللي هو لكل التظاريس

وموضوع الكفرات موضوع طويل ويحير

[أمير العجمان]

.

لا تتعدى الميشلان
توني مركبها على سوبربان ,,
ما شاء الله راسيه و لينه ,,
ما تحس بعيون القطط


موفق ...

[ALBDRANE]

الميشلان على سيارتي الفتك وما أرتحت الا بعد ما ركبتها وقبل كان برجستون ودنلوب كلها لك عليها طبعاً ما فيه كفر ما فيه عيوب مثلا الميشلان كاتم صوتها ولينه وشكلها جميل وثباتها في المنعطفات خيالي ولكن لا تتحمل الصخور مثل كفرات البرجستون

اما الدنلوب أم الزلقات والانقلابات .

لذلك الميشلان طيبة وحتى لوكانت تايلنديه مثل الي عندي .

[ابوانس20111]

مششششششششلان ضمان مفتوح ومواصفات عاليه وره يجي فرنسي ومره يصنع في بلد غير

[المرتهي]

حياك الله اخوي

بعطيك فكرة عن البيرللي

انا مركبها على باثفندر

عيوبه


قاسي

ضغط الهواء اقل من 35 يبداء يتقطع

بالنفود ترفع الضغط

سعره غالي

مميزاته

اذا نقص الهواء ماينزل يبقى واقف

ثباته قوي جدا

[هبــ حريملاااء ـبوب]

الميشلان افضل بس ما فيه فرنسي ..
انا موتري عليه ميشلان امريكي
اهم شي الاحتكاك A والحراره A

عيبه غالي .. اذا ما تفرق معك عطها اولويه

واذا تبي ارخص عندك الهانكوك كوري ممتاز مركبهن على موتر ثاني عندي من سنتين تقريبا
لا تنسيم ولا رجه بتاتا ولينات وثبات جيد ..

الله يوفقنا واياك ومن يقرا

[المحمادي1]

ميشلان امريكي LTX جربتها على أف جي صراحه ما بعدها سنتين ونص والدعسه كنها جديده بس للأسف دورت مثلها لمدة ٤ شهور ولا لقيتها×

[ابومشعل3]

المشلان الفرنسي دورة حتي تتعب اذا مالقيتة خذ امريكي ونم تحياتي

[قايد النيسان]

انا بقولك الي مجربه والي جربته هو ميشلان
الصراحه حلو ولا يرج ولا شي ومريح المطبات الصغيره

[عبدالله الغربي]

لي عودة مع كل تعليق

وأشكر الجميع.

[بيك اب 4X4]

انتبه من المشلان الكندي
قاسي مطبه و يتنتف من اطرافه مع كسر الطاره
مع اني مو راعي تفحيط او اي شي