صوره طازجه للجي 2012 من داخل ميناء جده

[عاشق البانيلي]

السلام عليكم
هذي صوره للجي 2012 وصلتني اليوم
عن طريق الوتسئب من احد الزملاء موظفي ميناء جدة
ماشاء الله الموتر نصبه وخصوصا بجنوط الهلل
اللي يدري عن سعره ياليت يعطينا خبر
http://i.imgur.com/f95Hf.jpg

[مشلخ الذيب]

ننتظر ابو جميل ونشوف وش بيزبرق فيه

[عاشق الاوتار]

كالعاده من عبداللطيف جميل
يجي الموتر بدون خطوط ويحط خطوط على كيفه ويقول هذا الموديل الجديد وأرفع في الأسعار والعالم نايمه

[مجالس الرجال]

هذا ٢٠١١
موجود نفس الشكل الاول عندنا بالقصيم

[- النشمي -]

هذي توابيت جديده


http://www.mekshat.com/pix/upload05/images237/mk21927_toyota.jpg

[أمير العجمان]

.

اسبوعين بس و تسمع خبر (( تعليق مثبت ))

الله لا يبلانا ,,,

[الباثفندر 3.5]

خلها تصدي
اعوذ بالله تعليق و خرابيط
خل ينفعهم الصيني

[ساري الصبح]

؟؟؟؟؟؟؟؟؟؟؟؟؟

[مكشاتي 2011]

بدون خطوط

بدون كشافات

جنوط هلل كلهن يغير

بدون مواصفات يجي يعدل عليهن عبد الدينار

كل شئ يركبه تجاري مش حالك

وبالاخير مشاكل وتعليق دعسه

وتابوت عائلي من النوع الاول

سبحان الله تايوتا كل مارقت فوق زادت مشاكلهوغثاه

لاكن لويعدلون الى باسر

ماراح ياصل مواصيل

97
و94

لا بالقوه والابالصبر ولا بالنشاط ولاشئ

واخرته يجيب 280 الف وهو يضحك

[HAS5SAN]

تسلم يمينك والله يعطيك العافيه
وياليت له صور من الداخل
.
اشوف شلة حافز شايلين حمله
هههههههههه
شدوا حيلكم لعله ينزل سعره وتركبونه

[turkiq]

من المجنون اللي بيركب "بلية" تسوقه للقبر سوق
وين اللي يحبون ينتحرون وبفلوس ؟؟ وينكم ؟؟ شوفوها فوق التريلات تنتظركم.



ما اقول الا الله يرزقنا العقل

[abo mani3]

تسلم يمينك والله يعطيك العافيه

وياليت له صور من الداخل
.
اشوف شلة حافز شايلين حمله
هههههههههه

شدوا حيلكم لعله ينزل سعره وتركبونه



اخوي من متى وهي وقفت على الفلوس :)

هي مسأله مبدأ

تخيل تشتري ببسي صغير بـ 5 ريال معقول المبلغ فيه او لا ..؟

نفس الحكاية هنا :)

[مسمار شداد]

النشمي اقول قال الرسول صلى الله عليه وسلم(دعوها فأنها منتنه)

[ابو سويلم]

بعد ما ينزلها من التريلة يوزع عليها g و gx و gxr و 1 2 3

[عاشق الاوتار]

تسلم يمينك والله يعطيك العافيه
وياليت له صور من الداخل
.
اشوف شلة حافز شايلين حمله
هههههههههه
شدوا حيلكم لعله ينزل سعره وتركبونه



لا تضحك ترا الدنيا تدور
(( أن الله عزيز ذو أنتقام ))
سبحان الله يعز من يشاء ويذل من يشاء وبيده الخير وهو على كل شيء قدير

اليوم تضحك على شلة حافز بكره أنت واحد منهم
أحمد ربك على الي انت فيه

[- النشمي -]

النشمي اقول قال الرسول صلى الله عليه وسلم(دعوها فأنها منتنه)


اللهم صل وسلم على نبينا محمد وعلى اله وصحبه اجمعين

اول شي جزاك الله خير


ثاني شي انا ارد على العنصري اللي يستهزيء بطبقه من المجتمع عزيزه علينا وهم اخواننا العاطلين عن العمل واللي الله سبحانه رزقهم بحافز وان شاء الله يغنيهم عنه بوظايف تسد حاجتهم



تقبل احترامي وتقديري

[دندون1]

السلام عليكم ورحمة الله وبركاتة
واسعد الله اوقاتكم بكل خير
انا متابع صامت لمنتدانا الغالي
وبصراحة يضيق الصدر يوم يجي واحد الله يهديه يتكلم في الرزق ويتريق على الخلق
بالنسبة لتويوتا عندنا وضعها غريب عجيب والمشكله محد يقول له شي
انا اكثر من مرة ومن سنين اشوف تريلات شايله ونيتات بدون شطرطون ولا تعرف لها موديل
واسأل عنها
قالوا كلها تتركب عندنا لانها تجي بدون شطرطون ولا مسجل ولا كشافات
والتركيب يكون هنا لانه ارخص
والاسعار في زيادة
كلنا يعلم يعلم مقولة سيدنا عمر بن الخطاب رضي الله عنه عندما اتوه الناس يشكون له غلاء سعر اللحم,
ماذا قال لهم ؟؟ قال: ( أرخصوه أنتم ) قالوا: وهل نملكه حتي نرخصه ؟ وكيف نرخصه وليس في ايدينا ؟ قال : اتركوه لهم.
تحياتي للجميع ودمتم بوافر الصحة
.

[KFC]

تسلم يمينك والله يعطيك العافيه

وياليت له صور من الداخل
.
اشوف شلة حافز شايلين حمله
هههههههههه

شدوا حيلكم لعله ينزل سعره وتركبونه

الله يحطك بمكانهم .. وتراكض تدور الهلل .. ياولد النعمه

[ابو محمد السهلي]

من المهبول اللي بيركبه ياخوي يوكن ولا لكززز ابرك كم سعر 11 لاند فكس اشتر بقيمته عشره لكززز ابرك واشتر سلامتك انت وعيالك ... تدري وش المشكله ... انك تصير عبره يتعضون منها الناس ... لذلك اتعض من اللي قبلك
واللي عنده نيه يستخير الله... يالربع والله ماتسوي الروعه لك ولاهلك...المفروض تسحب من السوق ... وترجع النوعيه من تلسيارات لعبد اللطيف مثل ماصار بامريكا واليابان وغيرها .. المفروض الشعب يناشد الملك عبدالله وتسجل جميع البلاغات من الجهات الامنيه... وتضبط في عريضه ... هدفها تثبيت الوقايع والمطالبه لسحب السيارات من السوق وتعويض الملاك ... من هم الذين يقودون السيارات اليسو ابأنا وابناء نا وخواننا ....وصاحب حافز اسال الله له الهدايه... واقول لا يبلك الله وتروح والسبب تعليق الدعسه بس

[volcano]

الوف اللاندات تباع سنويا ولما يطلع واحد فيه عيب مو معناها الكل معيبة .. النسبة اقل من 1 فيـ الالف .. المبالغة في المدح والقدح لها اثر سلبي .. لكن اعتقد العيب الوحيد السعر المبالغ فيه .. وان شاء الله مع المقاطعة والصبر راح ينزل سعره وتجي اكسسواراته اصلية شد بلد وتلقى كل بيت واقف قدامه VXR :good2:

مبروك مقدما :)

[قوقس]

مشاء الله مشاء الله
اشترو الموت بالغالـي

[مسفر الاكلبي]

كلن يقول سيارتي زينه ذكرتوني بالشيبان لولين كانوا يتحدون بعض (والله يا حمارتي انها اطيب الحمير )

اكرمكم الله

[قناص الصباخ]

مشكور ياصاحب الموضوع على النقل لاكن بيني وبينك منتدي مكشات وخاصة خيمة السيارات ماتستاهل ها السبق شفلك منتدي ثاني يقدر ويحترم المواضيع
هنا خلك مثل النشمي ومواسي الطعوس وكبيرهم كنق التعديل

[الخيمة والذرا]

تسلم يمينك والله يعطيك العافيه
وياليت له صور من الداخل
.
اشوف شلة حافز شايلين حمله
هههههههههه
شدوا حيلكم لعله ينزل سعره وتركبونه



ياخي اسمح لي اقول لك انت متغطرس ....وروح اشتر لك وحدة مناسبة لك بالحيل


يا قوي انت

ما اقول الا الله لا يبلانا بما بلاك به

عقلية صغييييرة لكن مانلوم احد

العتب على النت اللي كلن يكتب فيها


يا قوي انت

[ابو مليحان]

كلن يقول سيارتي زينه ذكرتوني بالشيبان لولين كانوا يتحدون بعض (والله يا حمارتي انها اطيب الحمير )

اكرمكم الله



ههههههههه

بالنسبة للموتر صراحه غلطان اللي بيشتريه لاامان ولا ضمان والامان الاول من الله سبحانه

وراعي حافز اللي يتمهزاء اقول احمد ربك ع النعمة

اتق الله ولا تتكلم بهالاسلوب اللي يعبر عن مدى احترامك للناس !!!

نسأل الله السلامه والعافية

[المميـز]

:

يغلق

لخروج الردود عن الموضوع

: