لو كنت مكانه

[المصباح السحر]

لو افترضنا انك لوحدك مسافر


لو معك زوجتك وعيالك او اهلك وخواتك ووالديك وكنت مكان هذا اللي علقت عليه السياره
ونجاك الله منها

ورحت للوكله وش بتقول لهم ؟؟؟؟؟؟؟؟؟؟؟؟؟؟؟؟

ابي تفاعل تكفوووون

[Xterra11]

والله شي يقهر مره سياره الناس حاطين فيها ثقه عمياء وبعدين يصير فيها شي خطير جدا جدا جدا
لو صارلي الموقف الله لايرينا مانكره ابروح للشركه الام يعوضوني والوكيل طبعا
والله كانت هالسياره من افضل السيارات بالنسبه لي لكن هالحين والله ماتسوى شي والمفروض ينزل سعره مره ونيسان قادمه بقوه بس الوكيل لك عليه ولا هي متقدمه وللمعلوميه تويوتا كانت شركه بسيطه مره زي هونداي قبل عشر سنوات ولكن تقدمو فلذلك اتوقع ان هونداي ايضا لها مستقبل وفكرة ان التايوتا مايخرب ومن هالكلام راح تزول والايام راح تثبت ذلك

[- النشمي -]

وشوله اشتري السياره اصلا دام البديل موجود وبجوده افضل وسعه ارحب



حنا نصحنا اصحاب العوايل كل من استشارني في سياره جديده اقول له ابعد عن اللاندكروزر والسيكويا لانها توابيت موت

اذا تبيها لنفسك انت حر بس لاتعلق احد في رقبتك وتركبهم معك

[راعي المجهم]

???????????????

[رِجم]

لو ان منه

امشي طبلون الموتر وادخل اكسر قزاز الوكاله

واقول علق المثبت :)

[أمير العجمان]

.


ابقول ,,,
حسبي الله و نعم الوكيــل
لأن ما فيه احد راح ياخذ حقك للأسف ):

[volcano]

اقولهم الشور شورك يايبه والراي رايك يايبه

[sgl2002]

لو تطالب منا لي بكرة مابتاخذ حقك وبيعلق عليك المثبت الف مره وما راح توصل نتيجة لذلك

ابيع السيارة
اروح المسعود بالامارات واشتري بطل الدروب اللي الى الان مانتج عنه مشاكل وهو القادم وبتشوفون

وعندي معلومات بس غير اكيدة ان الحمراني قريبا راح يسلم الوكالة للعيسى
وانا اتوقع ذلك لانه تمادى كثير وشركة نيسان ماتبي تفقد زباينها خصوصا ببلد زي السعودية

[Ra3e]

لو تطالب منا لي بكرة مابتاخذ حقك وبيعلق عليك المثبت الف مره وما راح توصل نتيجة لذلك

ابيع السيارة
اروح المسعود بالامارات واشتري بطل الدروب اللي الى الان مانتج عنه مشاكل وهو القادم وبتشوفون

وعندي معلومات بس غير اكيدة ان الحمراني قريبا راح يسلم الوكالة للعيسى
وانا اتوقع ذلك لانه تمادى كثير وشركة نيسان ماتبي تفقد زباينها خصوصا ببلد زي السعودية


^
لو يسلمونه للعيسى كان اروح للحمراني واحب راسه وقال مابغيت تترك الوكاله ؟

بالنسبه للموضوع

كلن يخطي بالدنيا وهاذي مابه كلام لاكن اخطاء فادحه مثل عيب مصنعي بالمثبت فاهاذي كبييره

ولو كنت مكانه لاروح بالموتر لابو جميل بنفسه واقبعه واقول علق المثبت :D

[غاوي قهاوي]

^
ولو كنت مكانه لاروح بالموتر لابو جميل بنفسه واقبعه واقول علق المثبت :D

ههههههههه ياحلات من يواسيه بالزفلت :mad:

[المصباح السحر]

والله ان انكم حبيبين طيبين علشان كذا ماخذ راحته الوكيل لو يموت الشعب كله مافكر

عموما ارخص دم هو دم المواطن السعودي

يموت ما يموت ينشوي ينحرق مافيه نظام او قانون يحميه بس لو تنقلع نخله بالشارع استقعدوا لك استقعاد فلذالك نبي حمله شعبيه من خلالها نستضيف اي رجل قانوني نبحث معه كيف السبل لمحاسبة الوكالات التجاريه سواء سيارات او غيرها

حتى الاجهزه اقرب مثال المكيفات للي بالبيوت سبب الحرايق بالصيف ردائة الصناعه
وشكرا

[أطلال نجد]

الأمر لا يحتاج إلى استضافة رجل قانوني ولا غيره
حل هذه المسألة بأيدنا نحن وهو أبسط مما تتخيل
الحل - مقاطعة أي تاجر لا يلتزم بأنظمة الجودة وشروط وقواعد السلامة العالمية سواء في سياراته أو أجهزته أو منتجاته -
باختصار شديد عيبنا الكبير أننا غير متعاونين فيما بيننا ولا نستفيد من تجاربنا السابقة ولا حتى من تجارب الأخرين !
يجب على المستهلك هنا أن يغير من فكره وثقافته الاقتصادية، والشرائيه.
لكي تتحسن أمورنا علينا أن نحسن أختيارنا دائماً، وأن لا ندع غيرنا هو من يتحكم بنا ويشتري ويبيع عنا بأسم أن هذا المنتج مرغوب وذاك منتشر بين الناس وذاك شيك بالمخبى !
تحياتي لك

[YUKON_GMC]

ويمكن تأخذ اهلك وعيالك وشيبانك للبر للكشته في مكان مافيه ارسال جوال ومع المطبات يطيح الدافور على القزازهـ ويكسرها وتطفي السيارهـ ولاتشتغل ..

لأن نظام السيكورتي قفل ..؟؟ دبرها عاد .. رح اشتك على عبداللطيف بعد مايلقونك مدفون تحت الرمل .. الله يكفينا واياكم الشر

[عين حصنان]

بسم الله وعليه الاتكال

المفروض نتابع برامج التلفزيون

ونستغل اي برنامج مثل

حمايت المستهلك

حقوق الانسان

وزارة التجاره

وزارة الداخليه

المواصفات والمقاييس

واخرى كثيره

ونتصل عليهم على الهواء مباشرة

ونسرد موضوع هذا الخلل المصنعي

وما حدث عدّة مرات على مرأى من البشر

وخصوصا بحضور و تواجد جهات حكومية

الدوريات الامنية وامن الطرق

ومقاطع اليو تيوب

نسأل الله السلامة

بارك الله فيك على اثارة هذا الموضوع

[ابونبيل]

طبعاً برفع قضيه وبتعب واخرتها ماراح اسوي شي..وبس

[عبرود الودي]

ترا ربعنا الطروش واصلين .. لو تشتكي عليهم من هنا للعراق ماسويت شي :( للأسف

[المصباح السحر]

ترا ربعنا الطروش واصلين

الله يجزاكم خير على هالتفاعل طيب نبي موقع حماية المستهلك وحقوق الانسان نراسلهم ونشوف وش عندهم من حل

[o0oدوسريo0o]

شباب لاحد يقاطع التويوتا لان السبب في الوكيل:عبداللطيف جميل: يجيب السيارة من اليابان عريانة >>>>حديدة (هيكل) ويروح يركب لها قطع ابو كلب تجارية من جدة ويعطيها الناس يعني الموتر يسوى 200 الف مثلا تاخذة من عبداللطيف جميل مايسوى 80 الف

888888888888
للافادة

[YUKON_GMC]

ابوجميل نفى ان تكون سياراته معيوبه ..!!

http://sabq.org/sabq/user/news.do?section=5&id=36020

[المصباح السحر]

كلها من ابو جميل راس الحيه