الجوالات وأجهزة التقنية الحديثه هل أفسدت حلاوة وطعم الطلعات البرية

[كرار]

http://www10.0zz0.com/2011/02/23/21/411503930.jpghttp://www.ibda3world.com/wp-content/uploads/2010/05/ipad-01.jpg


هذه الأجهزة الحديثه هل أفسدت طعم الرحلات البرية
في السابق كانت الطلعات البرية وجلسات السمر والسوالف من أجمل الأوقات
لكن هذه الأجهزه سرقت الوقت فمع وجودها ينشغل الكثير في العمل عليها ويمضي الوقت دون أن تشعر بأنك في رحله برية
المفترض أن الرحلات البرية يكون المقصود منها هو التخلص من هذه الأشياء ولو لبعض الوقت والهروب من كل مايتعلق بالتقنية والتمتع بالأجواء البرية والسواليف الشيقه
لكن الواقع يقول بأن الرحلات البرية فقدت حلاوتها مع وجود هذه الأجهزه والأدمان عليها
... هل تحمل معك أجهزة التقنية في رحلاتك البرية ..

[ابو زياد 90]

والله انك صادق اخوي كرار
بس المفروض الواحد يخلي الطلعات للاستجمام في الطبيعه ويخلي الاجهزة بالبيت
وموضوع شيق للنقاس وجبتها عل الجرح
ومودتي لك ,,,,

[ذيب النجيل]

اهم شي اكشت بمكان مافيه شبكة عشان مايلقون حقين هالاجهزه اتصال ويضطرون يسولفون معك


وانا بالنسبة لي اذا طلعت البر احط الجوال بعد مااقفله >>> طبعا جوالي N79 ومالي بالاجهزه الي تضيع الوقت


واحط مع الجوال المحفظة بدرج السيارة وماأخلي معاي الى المفاتيح واحس اني مرتاح نفسيا من المكالمات والقلق


واستمتع بالبر

[كرار]

والله انك صادق اخوي كرار
بس المفروض الواحد يخلي الطلعات للاستجمام في الطبيعه ويخلي الاجهزة بالبيت
وموضوع شيق للنقاس وجبتها عل الجرح
ومودتي لك ,,,,

شكراً لك ابو زياد

في السابق لم يكن جوالات أو أجهزة محمول وكانت الرحله من بدايتها إلى نهايتها من أروع الأوقات التي يقضيها الشخص مع ربعه وصحبته في الرحله .. سواليف .. شبه ... أجتماع .. تمشيه
لكن الآن والله لقد كرهت هذه الطلعات وأصبت بالأحباط ولم أعد أندفع لهذه الرحلات كما في السابق والسبب كما ذكرت من سيطرت هذه الأجهزه على رحلاتنا البرية

[بربنجي]

ما عليش انا اخالفكم الراي
ما يمنع اني اتمتع بالكشته ونفس الوقت استمتع بالتقنية مع بعض
وصدقني الجوالات ما تمنعنا باذن الله من السهر على النار والوناسة
متى تكرها اذا كان خويك ادمان عليها هذا شي ثاني
حفظك الله ورعاك

[مشقاح]

الكشته أصلآ لتغيير الجو فكيف نجيب معنا مثل ها الجولات ,,,ترن ترن ما وراها الا القلق ووجع الراس
استمتع بالطبيعة النقية وعيش حيآتك

[أبوعابد 22]

والله الحمد انزل من الموتر اخلي جوالي في الدرج
طبعن الجوال 95 نوكيا وما اخلي في مخباي الى السكين والمفاتيح
بس وكل الي اكشت معهم نفس النظام
وقيمة الجوالات الي بـ3000 الف احطها في موتري ابركلي
ولا اشتريلي بندق ورصاص ابرك من ها الخرابيط

[أبوساهم]

انا بعد اخالفكم الراي
اذا طلعت البر اخذ اجهزتي معي ويش المانع من انك تاخذ جهازك الجوال معك
موعشان الاتصال ممكن اروح لمناطق مافيها ابراج بس بعض الاحيان اوثق اللحظات الحلوه وبعض الاحيان اوقف الزمن في مكان معين والصور وبعض المرات اشوف الوقت كم باقي عن الصلاه لانني من الناس اللي مايلبسون الساعه وبعض الاحيان وانا جالس انتظر صيد والا شي اللعب لي لعبه اذا كنت لحالي هههههههههه
يعني مرفه نفيستي:D

[صبر السنين]

الجوال مهم اما التقنيات الاخرى لاااا

[مخيل السحابة]

زينة الكشتة تنقطع عن الدنيا في فضاء الجو الزين

[خيال الغلبا]

اللي مايستغني عن الاجهزة يترك البر لاهله

[لاتكب البيالة]

الصدق ان هالجوالات تسرق نصف الجلسة واحياننا كله
انا امس كنا كاشتين واقعد اسولف على الشباب وانا اشتغلي لي بشي يوم رفعت راسي اثر اللي يسمعن 1 من 5 فقط والباقين كل واحد مدنق على جواله
اما انا فاحط جوالي بالسيارة ولا انزله الا اذا ابصور وارجعه

[خالداللهيبي (ابو احمد)]

تسلم والله انها خربت الطلعات واشغلت الناس
وضيعت طعم الخرجه


شكراالك

[المسافر]

الحل كما ذكر الاخوة مكان بعيد ما فيه ارسال
او على الاقل ما فيه جيل ثالث
واللي مصمل بيطلع معك واللي راعي هالاجهزة مهوب رايح معك
بعض الاوقات اطلع للبر لوحدي احسن من هالشي

[ابو عابدّ]

اللي يبي يدنق بجواله فالكشته والسمره والسوالف يقعد بيت امه ابركله لانه ماهو بداري عن شي
ولا راح يستمتع بالكشته
ما بعد قابلت احد ولله الحمد بهالادمان اقصد بالطلعات والكشتات
اما انا جوالي بجيبي ولا اطلعه الا للاتصال او تصوير شيء ما
شكرا يا صاحب الموضوع

[gamo 85]

عن نفسي اذا طلعت كشتات اخلي جوالي معي-بلاك بيري- بس ما استخدمه الا للتصوير و بعدين اسلم عليه

[رعد تبوك]

لاغــنا عــنها ولامانع من حمــلها خرائط قارمن قبله الخ لاغنا عنها في هــذه الأجهزه الحديثه والمتطوره
وهــي حســب المســتخــدم

وبالفــعل اذا اساء المستخــدم ودنــق الراس غـــث الجلســـه

هــذي وجــهة نــظري

[أبوفيصل العمي]

السلام عليكم .في الحقيقة فعلا ان هذه الجولات سرقت طعم الجلسة في بعض الأحيان أنا ضدها .التقنية في البر لاكن مع الشبكة .لا تنسى أن فيه ناس تنتظرك .لا تصير بعد مره. ما تبي أحد يدري :good2:عنك .أو تحتاج تأخذ صورة. (مجرد رأي)

[حرنا بك]

"هذه الأجهزة الحديثه هل أفسدت طعم الرحلات البرية"

نعم نعم نعم

[شعاع الصبح]

اوافقك الرأي وانا مااستخدم جوالي الا جيت اصور
او شفت مكالمه مهمه او احط به منبه للصلاة واحياناً كشاف اذا جيت ادور شي ضايع
واغلب وقته بدرج السيارة ...

[منظر]

للماضي زمن ... وللحاضر زمن أخر
هذا العصر بتقنياته يلاحقكم اين ماكنت

[سفير الحيا]

يعطيك العآفيه ياكرآر على هالموضوع المميز وبالنسبه لي ولأخويآي لا جينا نطلع
أوّل شي نبحث عنه ! المكان اللي مافيه ارسآل . يعني الجوآل ماتستفيد منه أبد .
ويازين جوآل أبو كشآف:D

[مراقب المطر]

موضوع جميل

صراحة كل شي تستخدمه لازم يكون في الوقت المناسب

ومثل ماقلت البر ماهو حق جلسة على الجوال أو على الآيباد وغيره

لكن التقنية مهمة فالبر مثل خرائط GPS

عن نفسي لما أروح البر لازم يكون معاي الآيفون والكاميرا

لكن أهم شي مايشغلني عن الجلسة على الضو والسوالف الحلوة :)