يالخامسي حيثك رموع ( جديد )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغز يحمل اسم حبيبنا ابو نايف والمعذره ماهو قد المقام

يالخامسي حيثك رموع =من قبل ماترمع تبوع
اللغز عن اسمٍ يشوع =اسمٍ مركب تسمعه
أبوٍ وله ذكرٍ قديم=مع بنته يدرج يافهيم
وليانطقته بالسليم =سبعة حروفٍ يجمعه
البنت بنتٍ مقرفه=والكل منا يعرفه
ولياعددنا احرفه =عدّة حروفه اربعه
حياة ابوها انطفت =من ساع مابنته لفت
ون قلت وصافه ماكفت =بالزود يضبط مصرعه
لو جيت لوصافه ازود=في وقتنا ماله وجود
والبنت نوباتٍ ترود=في ضيق ربي يقلعه


مع تحيات ابو ماجد

منتديات مكشات 0 خيمة الالغاز

[صقر السديرات]

اقبل سلامي ولتحية
ذيب لاهجم جاب الشوية
ابو ماجد حظ منهو خوية
والا الراس مابه شي ارمعه

[مقرنس الشيهان]

عليكم السلام ورحمة الله وبركاته
هلابك ابو ماجد وصح لسانك
تسجيل حضور واعجاب واجب علينا لك
وتعرف اليوم بداية امتحانات
وعندي امتحان على صيغة الغازك وشكلي
ماتقنت المهارات الى الان

[ابو ماجد 2]

اقبل سلامي ولتحية


ذيب لاهجم جاب الشوية
ابو ماجد حظ منهو خوية
والا الراس مابه شي ارمعه

هلا ومليون هلا
هلا بك يابو فيصل
مرورك شرفني يالغالي
والرمعه تحضر ان شاء الله

[ابو ماجد 2]

عليكم السلام ورحمة الله وبركاته


هلابك ابو ماجد وصح لسانك
تسجيل حضور واعجاب واجب علينا لك
وتعرف اليوم بداية امتحانات
وعندي امتحان على صيغة الغازك وشكلي

ماتقنت المهارات الى الان


هلا بك يابو محمد
صح بدنك يالغالي
حضورك عطر مشاركتي
واليوم بداية الامتحانات ولو ان الامتحانات كانت وقتنا الكل يتجند لها من قبل اسبوع ايام لم ينجح احد وقتنا شح النجاح ووفرة الوظائف
اما هالوقت تسهل النجاح وشحت الوظائف
الله يعين ابنائنا ولكن لعل الفرج قادم ان شاء الله

[ال-رايق]

وعليكم السلام ورحمة الله وبركاته::
صح لسانك وعشت وعاشت ابداعاتك المتجددة
رميعه قبل الصلاة ومشاوير المدارس::::::::::::----------------

طرى علي ولعكم الغير ملامين فيه((الجموس-والهنقلين---أبو عقرب)))
وصح لسانك ومن يقرا

[حمد؟؟]

صح لسانك ابو ماجد
ماقولك في
شعيب ابوكروش

وذ1 منتج
بقول ابوفاره <من عندي

[النبهاني]

وعليكم السلام ورحمة الله وبركاته
صح لسانك يا زعيم
والله يمسيك بالخير
رمعه جت بالبال
سراج ( ابو تفله ) تكرم ومن يقرا

[راعي مرزوقه]

صح لسانك ابوماجد
انا مع رمعة النبهاني شكله ذبحه

[مقرنس الشيهان]

ابو ماجد
خذ هالرميعه
وش رايك بالمحراث القديم اللي يربط على البقره
ويحرثون به الارض للفلاحه

[الخامسي1]

السلام عليكم ورحمة الله وبركاته وبعد اشكر ابوماجد وارتجل هذه البويتات:
بدية بسم اللي علم
وسلمة والسامع سلم
يا نار من تحتك علم
والراس باسمك نرفعه
لغزك يابوماجد وصل
متسلسل(ن) ماهو وصل
واللي طلبته قد حصل
ولكل شئي(ن) مدمعه
ومشكور يا وافي الشبور
ياللي مجرب ومخبور
يا عام وحنا لك شهور
وجمع النشامى مطمعه
مكشات له فضل( ن) كبير
من بعد مولنى القدير
اللي جمعنا وبه يصير
حب وتعارف من سعه
لا ضاق صدر مع فضاي
صوت يا مكشات جاي
وين الربع وين اخوياي
وبعض المواقع صومعه
الناس ما تهوى الجديد
تبحث عن الشئي المفيد
والنت ما سلسل بقيد
وطيبك بيدك تزرعه
الشيخ قوقل دوم فوق
عنده هدي والا فسوق
ابحث على كيفك وروق
وإبليس راسك مطمعه
واليوم فرصه للوصاة
قلبك ترى ما هو حصاة
لا تتبع درب العصاة
والخير حلو( ن) مرتعه
جاكم جوابي والسلام
في المبتدأ قبل الختام
وصلو على سيد الأنام
والله يجمعنا معه

[ابو ماجد 2]

صح لسانك ابو ماجد
ماقولك في
شعيب ابوكروش

وذ1 منتج
بقول ابوفاره <من عندي

صح بدنك اخوي حمد
مالك لوى يالغالي
تحيتي لك

[ابو ماجد 2]

وعليكم السلام ورحمة الله وبركاته::
صح لسانك وعشت وعاشت ابداعاتك المتجددة
رميعه قبل الصلاة ومشاوير المدارس::::::::::::----------------

طرى علي ولعكم الغير ملامين فيه((الجموس-والهنقلين---أبو عقرب)))
وصح لسانك ومن يقرا

هلا بك يابو مهند
صح بدنك والابداع عندكم ينابيعه الله يزيدك بواسع فضله
مالك لوى
تحيتي لك

[ابو ماجد 2]

وعليكم السلام ورحمة الله وبركاته

صح لسانك يا زعيم
والله يمسيك بالخير
رمعه جت بالبال

سراج ( ابو تفله ) تكرم ومن يقرا


هلا بهالطله
هلا بك ملايين
وصح لسانك ملايين
لله درك يابو سالم مالها الا شيبانها
ههههههههه
امزح وال انا شايفك شباب الله يزيدك
نعم
ابو تفله
سراج قديم سمعت فيه من الختيار وانا ماشفته
ياليت من يملك صوره له يضعها مشكورا

[ابو ماجد 2]

صح لسانك ابوماجد


انا مع رمعة النبهاني شكله ذبحه


صح بدنك وصح لسانك
واي شي من امور الشباب اللي اعمارهم 27 لاتعدى الشيخ مسكين والنبهاني
تاييد بمحله بيض الله وجيهكم

[ابو ماجد 2]

ابو ماجد


خذ هالرميعه
وش رايك بالمحراث القديم اللي يربط على البقره

ويحرثون به الارض للفلاحه


هلا بك يابو محمد
والحل عند ابو سالم النبهاني

[ابو ماجد 2]

السلام عليكم ورحمة الله وبركاته وبعد اشكر ابوماجد وارتجل هذه البويتات:


بدية بسم اللي علم
وسلمة والسامع سلم
يا نار من تحتك علم
والراس باسمك نرفعه
لغزك يابوماجد وصل
متسلسل(ن) ماهو وصل
واللي طلبته قد حصل
ولكل شئي(ن) مدمعه
ومشكور يا وافي الشبور
ياللي مجرب ومخبور
يا عام وحنا لك شهور
وجمع النشامى مطمعه
مكشات له فضل( ن) كبير
من بعد مولنى القدير
اللي جمعنا وبه يصير
حب وتعارف من سعه
لا ضاق صدر مع فضاي
صوت يا مكشات جاي
وين الربع وين اخوياي
وبعض المواقع صومعه
الناس ما تهوى الجديد
تبحث عن الشئي المفيد
والنت ما سلسل بقيد
وطيبك بيدك تزرعه
الشيخ قوقل دوم فوق
عنده هدي والا فسوق
ابحث على كيفك وروق
وإبليس راسك مطمعه
واليوم فرصه للوصاة
قلبك ترى ما هو حصاة
لا تتبع درب العصاة
والخير حلو( ن) مرتعه
جاكم جوابي والسلام
في المبتدأ قبل الختام
وصلو على سيد الأنام
والله يجمعنا معه



مبدع يابو نايف
مبدع بالغازك
مبدع برمعاتك
مبدع بتواصلك
مبدع باخلاقك
والمنتدى ماشاء الله ومن فضل الله محظوظين فيه مايغيب زملاء الا ونحظى بزملاء آخرين لهم نفس الثقل بالالغاز
فأنت وابو ذيبان ومقرنس السمقان وامادجي وغيرهم مما لايحضرني اسمائهم مكسب نفخر بتواجدهم معنا

[النبهاني]

هلا بك ترليون وصح لسانك مليارات
والله يرفع قدرك ويوسع صدرك يابو ماجد
انا اشهد انك زعيم والله يزيدك من نعيمه
والسراج تراي ما شفته بس الختيار سولفلي عنه يعني تغشيش
دمت ياخوي بالف خير

[ابو ماجد 2]

هلا بك ترليون وصح لسانك مليارات

والله يرفع قدرك ويوسع صدرك يابو ماجد
انا اشهد انك زعيم والله يزيدك من نعيمه
والسراج تراي ما شفته بس الختيار سولفلي عنه يعني تغشيش

دمت ياخوي بالف خير


هلا بك يابو سالم
صح بدنك وصح لسانك ملايين
ماشاء الله عليك ماقصرت يالغالي
والختيار الله يطول بعمره على الطاعه غششنا كلنا ياهالشباب

[حمد؟؟]

اوووووومااااااااااااا طلع ابو تفله؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عزالله طرت علي بس مارضيت اقوله لاني بالاساس ماعرف شي ابو تفله
سامع في الكلمه بس وشو مدري ومارضيت اقوله
وشكرا لك يابو ماجد