خبر جديد عن الاند كروزر

[algnas11]

بسم الله الرحمن الرحيم

السلام عليكم ورحمة الله وبركاته

ندعوا الله سبحانه وتعالى أن يبعد عنى كل شر ومصيبه

وهذا الخبر من صحيفة سبق عن لاند كروزر موديل 2005

http://sabq.org/sabq/user/news.do?section=5&id=36166

[- النشمي -]

لاحول ولاقوة الا بالله


هذا تابوت متحرك الله يكفينا شره

[SAS2]

لاحول ولا قوة الا بالله الظاهر اني صرت اكثر من يتابع هالاخبار:j

[algnas11]

وأنت الصادق يا sas2 والله إن الموضوع أشغل العالم

[Magellan]

الله يستر من هالتوابيت
صارت مثل العدوى تنتقل للموديلات الاقدم
انا استغرب مثل يحدث في هذا الموديل لكن يعد ماشفت مقطع الكامري اظنه 2006 رجع للخلف بسرعه جنونية في امريكا
ايقنت انها مشكلة عامة ليست محددة بموديل معين

[abadi1]

لاحول ولاقوة الا بالله


هذا تابوت متحرك الله يكفينا شره

ههههههههههه

الله يوفقك يا شيخ أنت وقلبك الأبيض


الاند جايبلك الرعب

هههههه

[مجنون نحم]

بيجيك مندوبهم اللي يدافع عن تويوتا تقول كانه من مواليد طوكيو و يبدا يدافع و يتخبط يمين ويسار ما اقول الا الله يخلف عليك وهو عارفن نفسة

[volcano]

خلوكم حيادين وبلاش تعصب ياباشا

ننتظر نتيجة التحقيق وسبق مجرد وسيلة اعلامية لا ناخذ كلامها على انها القاضي . . موب حق الخيام

[FORD1969]

http://www.iraqup.com/up/20120109/S5Xhr-dK80_243592637.jpg



الأعراض متفشيه في أغلب انواع التيوتا وموديلاتها

التايوتا الى موديل 2005 شيخ وبعدها الله يرحم الحال

[الصيهد.......]

الله يكفينا وإياكم الشر
والله انها سياره لاتستحق هذا الحجم
واعطيت اكثر مما تستحق
تتقدم بكل موديل بزياده سعر وبأقل فخامه
كان لايقارن بأي سياره
مع كل الشكر والتقدير

[خيال الغلبا]

ان شاء الله هذي قاصمة الظهر للاندنوسي عبداللطيف جميل

[مخطط 2008]

مشاء الله شغل عدل

[النشمي11]

هالخبر من جريدة الجزيرة

حادث جديد من تابوت تويوتا

http://archive.al-jazirah.com.sa/2012jaz/jan/8/ln63.htm

[النشمي11]

هالخبر من جريدة الجزيرة

حادث جديد من تابوت تويوتا

http://archive.al-jazirah.com.sa/2012jaz/jan/8/ln63.htm

[ساري 111]

ارحمو عقولنا يااشيخ .. بدت تطلع سوالف زادت ثقتنا بتويوتاا ..

وقتنعناا انها حمله منافسين لتشويه سمعه السياره .. بدري عليكم

كل من دعس ع البنزين بدال الفرامل بالخطاء قال السياره علقت عشان يطالب بتعويض

السياره لها اكثر من عشر سنوات ومالقت تنطلق الا عام 2012 ؟؟ او مع الخيل يااشقراء ؟؟

تويوتا فندت كل الحالات الساابقه اذا واحد فيهم صاادق باللي حصل معه يطلع للاعلام ويقول تويوتا نصاابه ..

[مواسي الطعوس]

- الله يديم ها الثقه .هههههههههه. انتظر دورك بالتعليق ان كان معك تابوت او تايوت

- السمعه دمرتها امريكا ماهو هنا ..............وتراجعها من المركز الاول الى الثالث ,,,,

- الله من القصص بس كل ساكت والان بانت الامور كل رايح يطرح مشكلته ....العالم منغشه من الموديلات القديمه الناجحه ....والان توابيت ...ومنغشه من اللي يمدحون على عماها الله لايوفقهم ...وهقوا العالم .

[ساري 111]

الله من القصص بس كل ساكت

قصدك بقواطي تيسان




العالم منغشه من الموديلات القديمه الناجحه

مهب انت اللي تحكم بيننا الشاارع والمعاارض
كثرة السيارة وااسعارها
او غالب الناس ماتفهم اوا نت اللي فاهم


والله ماامشى سوق تيسان الا اسعاره والا يوم غلي مااصرناا نشوفه بالشوارع وهذي ولدت رده فعل عنيفه متوقعين يضرب السوق هههههه وبالنهايه يسون عليه عرض ادفع نص السعر والباقي متى مااتسهلت امورك هههه ومع ذالك ماافيه احد يشري ههههههه

[مواسي الطعوس]

وش قال قال تشويه سمعة السياره ......يقال :مابعد الكفر ذنب .....وهنا نقول :مابعد قتل الركاب والمسافرين تشويه .....كل الكلام اللي يقال مدح ....السياره هي من شوهة نفسها بنفسها .....والاقبح منها من يدافع عنها ....خلاص مأيؤخذ له كلام ولايصدق ....

[ابونبيل]

شدخل 2005 !!

هذا عطل ميكانيكي من سوء الاستعمال اكيد

انا كان معي سياره شفر مليبوا 98 كانت تدعس بالحالها عشان فيها خراب والله يرحم ذاك اليوم ماجوني سبق يصورون.!

[مواسي الطعوس]

- القواطي معروفه : تويوتا هايلكس كامري ........الخ .

- نعم العالم مثلك منغشين بموتر تعليق ...وتحاول تكذبها راحت عليك ....والكذب خله لك واللي عندك .

-- النيسان ((عمك)) مايغدر ويمشي 200 ويقال افتح الخط وتشهد ....

- النيسان انتشاره واحد ماتغير .مع ان وكيله زفت الا ان نجاحه من اعتماديته ....ماهي دعايه بكل تلفزيون وجريده .

- التعليقه والموت المنتظر لملاك تابوتا مايرده كذبك هنا .

[ساري 111]

وش قال قال تشويه سمعة السياره


عطني واحد من الحالات اللي علق عليهم البنص
وينهم ماايطلعون ؟؟

وينهم بعد تفنيد تويوتا لمشااكلهم ماايطلعون ويقولون عبدالطيف كذاب ؟؟

داود الشريان امس قال لصااحب المشكله بالحفر اطلع معي ع البرنامج ورفض ليه ؟؟

اذا له حق ليش مااطلع والفرصه متاحه امامه ؟؟ او يمقن خاف يجيب العيد وتطلع السالفه ملفقه ؟؟

[مواسي الطعوس]

جميل ماتلحق معه لاحق ولاباطل .....مضيعه للوقت مطالبته ......الحل : تركه وسيارته ام المهالك .....

[ابو مليحان]

بيجيك مندوبهم اللي يدافع عن تويوتا تقول كانه من مواليد طوكيو و يبدا يدافع و يتخبط يمين ويسار ما اقول الا الله يخلف عليك وهو عارفن نفسة

اي والله انك صادق
:good2:
المشكلة مستمر ع هذا المنوال .... مانقول الا الله يصلحه ويخلي عنه ذا التعصب

[الصحافة 15]

ياجماعة أنا معكم في الموديلات الجديدة لكن الموديلات القديمة هل من المنطق من 2005 توه يطلع العيب المصنعي

[مواسي الطعوس]

- تويوتا ماكذبت ....تقول : اكسر الزجاج الخلفي علشان يوقف الموتر ((والا جايبها المقدم الجبلي من عنده))

- جميل ((ماكذب)) ولايقدر يكذب ..يقول الموتر خليجي ....ولاقبح منه من يعتذر له هنا ((ساري جميل))

- من حضرتك ياصاحب ال....ههههههههههههه علشان يجون يعلمونك ؟؟؟؟؟؟
- ادع بالرحمه على من مات من ها العله ........وتحليل الحادث ((غافل_ نايم _ مرتفع ضغطه)) والله اعلم سبب موتهم ((تايوت التابوت))

[ابونبيل]

ياجماعة أنا معكم في الموديلات الجديدة لكن الموديلات القديمة هل من المنطق من 2005 توه يطلع العيب المصنعي

يارجال في ناس مدري شلون تصدق هالاشياء الجدد امنا بالله السالفه صدز

بس القديمه معليش دورو غيرها 2005 صار له 7 سنين ونص معقوله توه يعلق .!!!

[كم كيلو باقي]

القديم مع احترامي لصاحبه بس ماصدقت الخبر

[hightech]

ياخي أنا مدري ليه بعض الناس تزعل اذا احد تكلم في مشكلة تايوتا

هذه مشكله ومعروفة من زمان بس كل من قال علقت على الدعسة قلنا هذا يبي

يشوه سمعة تايوتا بس هالحين الامور صارت مثبته صوت وصورة خلاص مافيه

مجال للدفاع عن تايوتا ولعلمك معي تايوتا لاندكروزر وبعد هالاخبار صرت اتوقع

في اي لحظه تجيه الحاله الله يبعد الشر عن الجميع

[آبونآصر]

- القواطي معروفه : تويوتا هايلكس كامري ........الخ .

- نعم العالم مثلك منغشين بموتر تعليق ...وتحاول تكذبها راحت عليك ....والكذب خله لك واللي عندك .

-- النيسان ((عمك)) مايغدر ويمشي 200 ويقال افتح الخط وتشهد ....

- النيسان انتشاره واحد ماتغير .مع ان وكيله زفت الا ان نجاحه من اعتماديته ....ماهي دعايه بكل تلفزيون وجريده .

- التعليقه والموت المنتظر لملاك تابوتا مايرده كذبك هنا .


هههههههههههههههههههههههه
اللهم لا شماته

كم راتبك عند الحمراني ؟؟؟
وليه السب كله عشان حديد الله لايكثره
لولا إختلاف الأذواق لبارت السلع
موترك نيسان ؟ [ معجبك ] الحمد لله
واللي يعجبه تويوتا يشتري ولا أنت ولا غيرك تقدر تجبره يغير رايه ويشتري نيسان
هي حريه شخصيه
:(
هذا حالنا اليوم الله لايغير علينا

[خيال الغلبا]

سبحان الله

الحمق والجهل يتجلى هنا في حوار البعض

لا انت صانع تويوتا ولا هو صانع نيسان

انت واياه مستهلكين تعرفون وش معنى مستهلكين يعني استحو على وجيهكم

النيسان والله مايسوى الفلوس اللي نحطها فيه

والتويوتا بعد هذه الكوارث مايسوى مجرد التفكير فيه

ومن اليوم ورايح الله يعيني ابغى اشيل معي رشاش حتى اكون جاهز عند خيانة اللاند لي

[أبوعذااب707]

الواحد لا ركب موترة يقول بسم الله ويقرأ الاذكار ويتوكل على الله

[مواسي الطعوس]

ويتشهد .....اهم شي

[شمالات نجد]

الله لا يكثر البزران

2005 يعني له سبع سنين شكله مخزن ماشي 300 ألف فقط

يا صبر الارض

[- النشمي -]

الله لا يكثر البزران

2005 يعني له سبع سنين شكله مخزن ماشي 300 ألف فقط

يا صبر الارض


وش رايك باللي يجيب لك لاندكروزر موديل 2002 مخزن :good2:

مامشى الا 36 الف ماشاء الله تبارك الله

والموتر جديد وراعيه عرض عليه جيب لكزس موديل 2010 ورفض يبيعه

[بن سليمان]

شدخل 2005 !!

هذا عطل ميكانيكي من سوء الاستعمال اكيد

انا كان معي سياره شفر مليبوا 98 كانت تدعس بالحالها عشان فيها خراب والله يرحم ذاك اليوم ماجوني سبق يصورون.!


معقولة ماليبو 98 تعلق وتدعس لحالها؟
انا مادري ليش الماليبو تعلق وتدعس من حالها والاند ما يعلق ولا يدعس من حاله
بتقول الماليبو خراب فيها اقولك حتى الاند خراب فيه
بتقول ما سمعنا احد يشتكي من الاند القديم
اقول حتى ما سمعنا احد يشتكي من الماليبو الا أنت

وعلى فكرة عيوب التويوتا مع تعليقة الدواسة في امريكا من عام 2003 ولكن ما ظهرت على السطح الا بعد ما مات ضابط امريكي بسيارة لكزس
تحياتي لك

[مركز الثقل]

الحين يجيك من يدافع عن التويوتا كان اسهمها ملك لبوة من الغباء اللي في شعبنا المغفل

[مواسي الطعوس]

لا ...ويزعلون اذا قلت التابوتا معلق .....يشوفون الخطاء قدامهم وقدام العالم جميع .....ويقولون لاتقولون معلق ....با لله وش نقول ؟؟؟؟ نمدح موتر قنبله او لغم مايدرى متى ينفجر ..

[Al-harbe]

أنا أقول ياخواني خلونا نتساأل هل هو عيب مصنعي؟ او طريقه مبتكره من ضعاف النفوس في الشركه للقضاء على ثلة من المجتمع؟؟ لأن كثير مأسمع من الناس كذا.....اللهم ارحم من مات واستر على المسلمين

[بدوي جنوبي]

((كل ما يتعلق بقضية تعليق دعسة الوقود تجده هنا يمنع طرح موضوع جديد )) (http://mekshat.com/vb/showthread.php?t=474214)

يغلق الموضوع