مشكلة التعليق باللاند كروزر بالقير العادي >>>

[ذيب النجيل]

السلام عليكم ورحمة الله وبركاتة

اخواني بغيت اسأل عن مشكلة التعليق باللاندكروزر

اذا كان القير عادي هل يتجاوب معاي اذا دعست الكلتش وفضيت القير وهو معلق ؟؟

او مثله مثل القير الاوتوماتيك لايتجاوب اذا كان معلق

[- النشمي -]

والله ياخوك هذي لابد تسال فيها الوكاله

لاني سمعت عن هايلكس علق عليه الدعسه بس مدري كيف كان تصرفه


اتمنى من الاخوان اللي عندهم خبر تعليق دعست الهايلكس ينزلها عشان يتاكد الرجال



الله يحفضنا واياك والسامعين آمين

[- النشمي -]

هذا الخبر لقيته لك ان شاء الله يفيدك

http://www.mekshat.com/vb/showthread.php?t=428706




واذا تبي لاندكروزر قير عايدي عليك بالموديلات من 2004 وتحت هذي الموديلات ماشفنا منها الا كل خير

ومواتر بر مهيب مثل التاليات اللي كثرت مشاكلها وقلت جودتها وقوتها بالبر

[تيربو المطيري]

آنآ سمعت بتعليق الهايلكس كانت طالعه من الرياض متجهه للقصيم وعلقة السرعه معه وكلم آمن الطرق وفتحوا له طريق القصيم وواصل ع طريق المدينه لين آنقطع البنزين معه والي سمعته آنه كان يبي يفظي القير ماقدر ولاتمسك بريك والحمدلله ستر عليه

[- النشمي -]

^^^

وراعي الافالون اللي علقت عليه الدعسه ولا استجاب القير الين خويه ماشاء الله عليه رفس القير برجله لين كسره


القير يعلق تقول صبه واذا جيت تفضيه بالقوه تنكسر عصا القير

[ذيب النجيل]

ياساتر وش فيها السيارات الجديده

شكل كل سيارة فيها جني يتحكم فيها

[sgl2002]

لا عاد القير العايدي اذا فضيته بيستجيب معك اكيد

[مواسي الطعوس]

- اذا فيه تصوير للهايلكس ابجبيه .....هو يقول اذا شغلناها على طول تقطع ...تدعس الى الاحمر ....لكن ماسألته فيه تصوير او لا ....ولو هي مفضيه كان وقفها .

[ساري 111]

اخوي ذيب لاتصدق كل ماايقال ..

هاللي تشوف حمله تشويه لااقل ولااكثر



الحالة رقم : 2 المصدر : صحيفة الجزيرة.
التاريخ : 2011/8/3
المركبة: هايلكس 2011
الموضوع : “امن الطرق تلاحق سيارة اصيبت بخلل فني متجاوزة السرعة 180 كم/ساعة“
التحقيقات : استاطاعت شركة عبد اللطيف جميل الحصول على معلومات قائد المركبة عن طريق ادارة المرور وتواصلت معه لتتفهم موضوع شكواه
كما قام طاقم من مهندسي الشركة بالتوجه الى مدينة بريدة ولقاء قائد المركبة وفحص مركبته حسب الموعد المتفق عليه معه
بعد أن اطمأن سائق المركبة لممثلي الشركة قام باخبارهم بانه يتحمل مسؤولية الحادثة كونه قام بتركيب مثبت سرعة غير أصلي على سيارتة الغير مجهزة أصلاً بهذا النظام وقام.
قمنا بعد ذلك بمخاطبة الأمن العام و وزارة التجارة ودائرة المواصفات والمقاييس بتفاصيل الحالة .

http://www.toyota.com.sa/images/Q2-2.jpg
http://www.toyota.com.sa/images/Q2-3.jpg


هذي هي ياامواسي

[sgl2002]

^^
طيب خلها تكتمل حملة التشويه اذا هي تشويه فعلا وترخص مواترهم


والا بيدخل جيبك شي؟

[ساري 111]

والله مااداخلن جيبي ريال

بس الاستخفاف بالعقول ماا يقبل ..

وابشرك مااراح ترخص رح للمعارض اليوم وشف اقياامه

[ذيب النجيل]

هذا الخبر لقيته لك ان شاء الله يفيدك

http://www.mekshat.com/vb/showthread.php?t=428706




واذا تبي لاندكروزر قير عايدي عليك بالموديلات من 2004 وتحت هذي الموديلات ماشفنا منها الا كل خير

ومواتر بر مهيب مثل التاليات اللي كثرت مشاكلها وقلت جودتها وقوتها بالبر

يعطيك العافية

ويعني من كلامك ان من موديل 2004 وتحت مافيها مشاكل

وان من موديل 2005 فيها مشاكل

ياخسارة كنت ناوي ابيع الربع الي بالتوقيع واشتري GXR 2007

[آبونآصر]

يعطيك العافية

ويعني من كلامك ان من موديل 2004 وتحت مافيها مشاكل

وان من موديل 2005 فيها مشاكل

ياخسارة كنت ناوي ابيع الربع الي بالتوقيع واشتري GXR 2007

المفخره ماطلع إلا من 2008
2007

مثل هالشكل
http://www6.0zz0.com/2011/11/15/05/330589471.jpg

بالتوفيق

[sameer_1798]

اعتقد مافيه فرق بين العادي والتماتيك ماهي كلها قير وانت تحركه بيدك ........ أذكر مرة علق علي الابنص دعسة البنزين حقت هايلكس 84 وفضيت القير ولبقت على جنب صوت الدعسه عالي صحيح لكن بخاخ مزيل الصدا عند بنشري حل المشكله