سؤال عن يايات ومساعدات استرالية للاند

[الدرع العربي]

إخواني الكرام
تعرفون أن المساعدات واليايات التي تأتي من الشركة ربما مخصصة حقيقة للسير على الطرق المعبدة والحمل المعتدل لكنها ما إن تخرج إلى الصحراء أياما إلا وينكسر مساعد أو عندما يزيد الحمل ينضغط الياي .
سؤالي : لو أردت تركيب يايات ومساعدات خلفية أسترالية لللاندكروزر الجديد ، فما هو الرقم الأفضل الذي لا ضرر ولا ضرار ، حيث يكون معتدلا في التحميل والتحمل هذا في اليايات أما المساعدات فلا أدري هل هي من نوع المفتوح رأسه أو المغلق ، يعني لن أعرفها إلا بعد الفك .
هل لو قست الياي شد بلاده وطلع 45 سنتيمتر مثلا ، هل هناك يايات أقوى وهي 45 سنتي أم يكون 47 أو48 أو 50 وهكذا ؟
جزاكم الله خيرا

[.أبوعبدالرحمن]

حياك الله أخوي


فيه يايات استرالية أتوقع أنها ستكون الأفضل لك

وهي تباع عند الرماية ، وكذلك المساعدات

طبعا اليايات والمساعدات استرالية

ومن ناحية الإرتفاع لا بد أن تكون مرتفعة عن ارتفاع الوكالة

والمقاس والله أعلم هو يجي ثلاث مقاسات أنت خذ الوسط

وإن شاء الله يفيدونك الأعضاء المجربين أكثر مني

[الدرع العربي]

حياك الله أخوي




فيه يايات استرالية أتوقع أنها ستكون الأفضل لك


وهي تباع عند الرماية ، وكذلك المساعدات


طبعا اليايات والمساعدات استرالية


ومن ناحية الإرتفاع لا بد أن تكون مرتفعة عن ارتفاع الوكالة


والمقاس والله أعلم هو يجي ثلاث مقاسات أنت خذ الوسط



وإن شاء الله يفيدونك الأعضاء المجربين أكثر مني


بيض الله وجهك في الدارين
أشكر لك نصيحتك

[volcano]

اذا غيرتها بنوع ثاني بتفقد الراحة .. لكن تدبيل المساعد يمكن يكون حل افضل بحيث يخفف الضغط على السبرنغات.

بالتوفيق ان شاء الله

[الدرع العربي]

اذا غيرتها بنوع ثاني بتفقد الراحة .. لكن تدبيل المساعد يمكن يكون حل افضل بحيث يخفف الضغط على السبرنغات.

بالتوفيق ان شاء الله

جزاك الله عني خير الجزاء
وبيض الله وجهك

[ابو محمد 2011]

يا الغالي بالنسبة للمساعد المناسب فعندك بالرماية

ما فيه الا مقاس واحد للمساعد وومتاز جدا وانا مركبه على موتري

وبالنسبة لليايات عندي مقاسات فيه :

720 ويرفع 2,5 سم
721 ويرفع 4 سم
723 ويرفع 7 سم

والصرراحه حسيت بفرررق كبيررر بالراااحه

وخاصة بالنفود ارتحت كثيرررر

[مد البصر]

التقارير واجد وانا اخوك بالنت وبالتفصيل الممل الممل والانواع كلها
وجيت ارسلك روابط بتفيدك على الخاص طلع مقفل عندك

تجربتي وبعد بحث كثير بمنتديات عربيه وأجنبية
الأفضل بالنسبه لي واللي يفي باحتياجاتي هو الأسترالي Old Man Emu Suspension
وأنصحك باللي مصنوع للسيارات ومجرب من سنين لأن
موضوع التدبيل والقص والتوسيع وهالامور ما انصحك فيها ابد
فك شد البلد وركب مكانه اللي يناسبك من دون قصقصه وهالترهيمات

تجربتي هي:
المشكله كانت نزول السياره من الخلف لان من يدخل الشتاء والعزب والعفش ماينزل من السيارة وزود إذا عبيت التناكي وخذلك يا مهابد بالطريق تحسه يلعب بالخط ونازل.
ركبت ياي استرالي خلفي 721 من الرمايه نهاية طريق التخصصي من جهة الشمال
ارتفع الموتر وصار احسن وارسى لكن حسيت مهابد الواجهيه مازال موجود
رجعت لهم وركبت ياي امامي 700 مع مساعد استرالي امامي لان مساعد الوكاله مايركب ويحتاج توسيع وتسخين قلت لا ركب مساعد استرالي

الفوائد
أرسى بالخط وبالمسحيات وبالنفود
ما ينزل مع العفش والركاب
انسى يحك لا واجهيته ولا خلفيته

العيوب
قسى المطب اشوي

علما ً إني ماني راعي مطامر ولا طرد ولا مطاعس ولا صيد ولا جلد......إلخ ولا كل هالامور
كشتات فقط لا غير ممكن شعبان او نفود او حزوم ولا جبال

فيه موضوع يتكلمون عنه في المنتديات وهو انه تطلع ونه للموتر ويقال انها من الكرونه وخلافه
لكن يقولون ان هالمشكله تطلع إذا كان الفرق بين الارتفاع الامامي والخلفي واجد ويسبب ضغط على العمود
في كتلوج اليايات اللي عند الرمايه يقولك لا يكون الفرق بين اللي قدام وورا اكثر من 3سم

وكتبت لك ردي على عجل والمعذرة على القصور
وياليت تفتح الخاص لان التقارير اللي بمنتديات متخصصه بالاندكروزر أفضل من ردي وبيجاوبون لك على كل استفساراتك


بود دمت
وعين الله ترعاك

[الدرع العربي]

يا الغالي بالنسبة للمساعد المناسب فعندك بالرماية

ما فيه الا مقاس واحد للمساعد وومتاز جدا وانا مركبه على موتري

وبالنسبة لليايات عندي مقاسات فيه :

720 ويرفع 2,5 سم
721 ويرفع 4 سم
723 ويرفع 7 سم

والصرراحه حسيت بفرررق كبيررر بالراااحه

وخاصة بالنفود ارتحت كثيرررر

بيض الله وجهك
ما قصرت مليتها عدل ، لكن الـ7 سم قلب سيارتي لاندكروزر 2002 كان رقمه 963 شر مستطير
لا هنت

[الدرع العربي]

التقارير واجد وانا اخوك بالنت وبالتفصيل الممل الممل والانواع كلها
وجيت ارسلك روابط بتفيدك على الخاص طلع مقفل عندك

تجربتي وبعد بحث كثير بمنتديات عربيه وأجنبية
الأفضل بالنسبه لي واللي يفي باحتياجاتي هو الأسترالي Old Man Emu Suspension
وأنصحك باللي مصنوع للسيارات ومجرب من سنين لأن
موضوع التدبيل والقص والتوسيع وهالامور ما انصحك فيها ابد
فك شد البلد وركب مكانه اللي يناسبك من دون قصقصه وهالترهيمات

تجربتي هي:
المشكله كانت نزول السياره من الخلف لان من يدخل الشتاء والعزب والعفش ماينزل من السيارة وزود إذا عبيت التناكي وخذلك يا مهابد بالطريق تحسه يلعب بالخط ونازل.
ركبت ياي استرالي خلفي 721 من الرمايه نهاية طريق التخصصي من جهة الشمال
ارتفع الموتر وصار احسن وارسى لكن حسيت مهابد الواجهيه مازال موجود
رجعت لهم وركبت ياي امامي 700 مع مساعد استرالي امامي لان مساعد الوكاله مايركب ويحتاج توسيع وتسخين قلت لا ركب مساعد استرالي

الفوائد
أرسى بالخط وبالمسحيات وبالنفود
ما ينزل مع العفش والركاب
انسى يحك لا واجهيته ولا خلفيته

العيوب
قسى المطب اشوي

علما ً إني ماني راعي مطامر ولا طرد ولا مطاعس ولا صيد ولا جلد......إلخ ولا كل هالامور
كشتات فقط لا غير ممكن شعبان او نفود او حزوم ولا جبال

فيه موضوع يتكلمون عنه في المنتديات وهو انه تطلع ونه للموتر ويقال انها من الكرونه وخلافه
لكن يقولون ان هالمشكله تطلع إذا كان الفرق بين الارتفاع الامامي والخلفي واجد ويسبب ضغط على العمود
في كتلوج اليايات اللي عند الرمايه يقولك لا يكون الفرق بين اللي قدام وورا اكثر من 3سم

وكتبت لك ردي على عجل والمعذرة على القصور
وياليت تفتح الخاص لان التقارير اللي بمنتديات متخصصه بالاندكروزر أفضل من ردي وبيجاوبون لك على كل استفساراتك


بود دمت
وعين الله ترعاك

مرحبا
اللي كتبته فيه كفاية ، وأنا أشهد انك اجتهدت لكن الله يكتب أجرك
وشايفين معروفك
لا هنت