أحتاج أن تدلوني على ورشة ممتازة لأتمكن من فحص السيارة سوبربان 2009

[سوبرمان]

إخواني المكاشيت
السلام عليكم ورحمة الله وبركاته
أخوكم من الشرقية وبإذن الله عزوجل أبشتري سيارة من الرياض سوبربان موديل 2009 وذلك بعد التنسيق مع صاحبها يوم الخميس 18/2/1433 هـ إن شاء الله .
سؤالي أحتاج أن تدلوني على (كراج أو ورشة ممتازة )لكي أتمكن من فحص السيارة بالكامل ، وأيضاً أين توجد مكاتب (البسامي) لكي أشحن السيارة إلى الدمام .
وجزاكم الله خيراً ،،،،،،،

[.أبوعبدالرحمن]

وعليكم السلام ورحمة الله وبركاته


ما شاء الله تبارك الله

الله يكتب لك إللي فيه خير

من ناحية البسامي تلقى فرع عند معارض النسيم وفرع عند معارض الشفاء

ومن ناحية الفحص إن شاء الله الشباب يفيدونك وإذا كان موعدكم في النسيم

انتبه من محل فحص كمبيوتر اسمه ( كارتك ) لأنه لا يقدر العميل بالصدق معه

كما حصل للكثير في هذا المنتدى وكما سمعنى الكثير من أقربائنا ومما نعرفهم

[ابوو زيد]

اخوي اول شي الله يوفقك ويتمم عليك ويجعها من نصيبك

اذا تبي تفحص لا تتعداء البريدي على شارع المعارض بعد الاشاره الاوله على اليسار

[عبدالعزيز-1]

انا فاحص كم سياره عند كارتك وبالعكس كانو جدا رائعين وصادقين بالذات فحص البودي

[سوبرمان]

أخي الكريم ابوعبد الرحمن الصفيّان
جزاك الله خير وماقصرت ، وهذا أملي فيكم ياإخواني الأعزاء .
ولك ودي وتقديري ،،،،،،،



أخي الكريم ابوو زيد
جزاك الله خيراً ، بس ياأخوي ترى ماني أدل الرياض كثير ، لو توضح لي وش المقصود بشارع المعارض .
ولك ودي وتقديري ،،،،،،،



أخي الكريم عبدالعزيز-1
جزاك الله خير وماقصرت ، وهذا أملي فيكم ياإخواني الأعزاء .
ولك ودي وتقديري ،،،،،،،

[FORD1969]

الرياض فيها
1- معارض النسيم شرق الرياض طريق خريص (الدمام ) وهي اكبر المعارض ويوجد قريب منها مراكز واجد للفحص والمشهور منها البريدي مكانه واضح واي شخص بيدلك عليه على شارع الغافقي شرق المعارض
2- معارض الشفا جنوب غرب الرياض نهايه طريق الملك فهد من الجنوب وفيه عده مراكز متخصصه للفحص وارخص من النسيم وفيه جهاز فحص السمكرة لاتنسى اطلبه منهم .........

ولاتنسى الأستخاره وجرب الموتر على خط 10 كيلو اقل شي ومبروك مقدما

واذا احتجت معلومات أكثر ارسل جوالك على الخاص وابشر بسعدك بتواصل معك

[سوبرمان]

الأخ الكريم FORD1969

جزاك الله خير وماقصرت وبيّض الله وجهك ، ولا خلا ولاعدم .