شاهين للمتميزين فقط

[مكشاتي سابق]

ما نوع الطير : شاهين بحري بكر
ما(قياسه او وزنه)؟ 15.75عرض/15.50طول
أين مكان الطير حاليا (المنطقه / المدينه)؟؟:الخبر
هل يوجد توصيل داخل اوخارجدولتك؟؟:تعال وشوفها بعينك الله لا يهينك
ماهيالحاله الصحيه للطير؟؟ :سليم
علوم الطير ؟؟ (للقرانيسالبيتيه)
هل صاد الطيرالحباري؟؟نعم
هل صاد الطير الكروان؟؟نعم
هل صاد الطيرالارنب؟؟لا
هل الطير طلاع على الحباري؟؟لا هل الطير يرغب الحمام؟؟ نعم
هل الطير راكد على التكايه ؟؟لا
بـدون بـرقـع ( مفرع) ؟؟بالبرقع
هل الطير يمسح على التلواح او يلاعب الشلو(خالي ) ؟؟نعم
هل توجد في الطيرعيوب (الارتفاع,الكوشه,نقلالعلف,الصياح)؟؟لا
هل توجد عيوب اخرى لم تذكرها؟؟ حاذفه موس من عدة أيام وباقي الثاني
ماهو حدك في الطير أو اخر سومه للطير؟؟؟ وصل السوم خارج المنتدى 15000ريال
ملاحظات اخرى :الطير صايد الصلال وأيضاً صايد بالدميل أو بالدميج ... والمتميز في الشواهين يعرف معنى إنها تلحق بالدميل وتعلقه مع احترامي لباقي الأخوة .


أترككم مع الصور


http://im16.gulfup.com/2012-01-10/1326187075531.jpg (http://www.gulfup.com/show/Xuepmuyad5vxr)


http://im10.gulfup.com/2012-01-10/1326187762631.jpg (http://www.gulfup.com/show/X13feki48op8)



وهذه صورة بالدميل أو بالدميج اللي صادته
http://im14.gulfup.com/2012-01-10/1326187858721.jpg (http://www.gulfup.com/show/Xufjyctnfed0k)


نسمع من الوجيه الطيبة
الله يرزقنا وإياكم الجنة

[حمود الصعيبي]

تبي تبدلني بحر طيب اتصل علي 0559141809

[مكشاتي سابق]

حيّاك الله يا أخوي حمود
الله يبارك لك في طيرك .. لا والله عندي من فضل الله حر طيب على حد طيرك وعسى الله يبارك لنا في حالنا وحلالنا

[ابو عبدالله84]

الله يرزقك انشالله
وحط رقم تلفونك الله لا يهينك

[مكشاتي سابق]

أبو عبدالله
لك رسالة على الخاص

[معسف العاصي]

ماشاء الله.
تلحق الزاجل. او الحمام السارح حق الدحول؟

[راكان1000]

الله يرزقك لياقتها كامله والا للحين ما دعيت

[ابو عبدالله84]

صايد بالدميل أو بالدميج العام يوم انها فرخه ولا هالسنه ؟ ؟

[راعي الفزعه.]

أقولك اخوي الطيره للحين ماصفت ولا غسلت ريشها ؟؟

ولا اللحين تنقل ثنو .؟

[مكشاتي سابق]

الطير توه منقول ولا بعد دعي .
يوم إنها فرخ ما هد لها حمام قوي بسبب صغر مساحة المدعى . لكن هدت على كروان على حد مزرعة ما بينه وبينها غير 200م . الكروان عازم يبي يزبن المزرعة يوم شاف الطيره لكنها صادته قبل لا يدخلها . أنا ما أدري هلى تعتبر سبوق أمل لا . أنتم قرروا !
بالدميل أو بالدميج صايدته العام وهي فرخ .

[مكشاتي سابق]

حياك الله با خوي يا كحيلان والله يرزقني وإياكم الجنه
يا مرحبا بخوي الاماراتي حيا الله الغالين ... وفالك طيب

[النداوي2010]

اسلام عليكم اخوي كم حدك في اشهانه×

[مكشاتي سابق]

هلا يا النداوي
من حد لد ... وسومتها بينه ولي له خاطر يزود على السوم .
شاكر مرورك

[عبدالله بن الشيخ]

مداخلة بسيطة وتوضيح

( بالدميج ) على لهجة أهل الشرقية بالسعودية
( بالدميي ) على لهجة أهل قطر والبحرين , لأنهم يقلبون الجيم إلى ياء .
( بالدميل) لم نسمع بها في الأولين ولا في الآخرين , وأتوقع أنها خطأ مسمعي .

والله يرزقك البيعة الطيبة , والطيرة ماشالله عليها تستااهل الزود .

[مكشاتي سابق]

يا هلا بك اخوي المدبغ
كلامك اقرب الى الصواب حنا في الشرقيه نقول له بالدميج والظاهر إني سمعته خطأ من اخوتنا في البحرين شاكر لك التصحيح
والله يرزقني واياك الجنه

[(هزاع)]

ماشاء الله على الطير وراعيه
الله يرزقك البيعه الطيبه والزبون الصامل
الطير مقاس فوق الطيب ورزه
ماشاء الله
ثم عندي استفسار بسيط عن بالدميج هونوع من النوارس ولا بط لاني دورة صورته بقوقل ومالقيتها
وهل هو من الطيور اللي تواجد على سيف البحر
اتمنا لطيرك البيعه الطيبه والزبون اللي يستاهله
ولك الرزق والبركه

[مكشاتي سابق]

ماشاء الله على الطير وراعيه

الله يرزقك البيعه الطيبه والزبون الصامل
الطير مقاس فوق الطيب ورزه
ماشاء الله
ثم عندي استفسار بسيط عن بالدميج هونوع من النوارس ولا بط لاني دورة صورته بقوقل ومالقيتها
وهل هو من الطيور اللي تواجد على سيف البحر
اتمنا لطيرك البيعه الطيبه والزبون اللي يستاهله

ولك الرزق والبركه



حياك الله والله يجزاك خير
بالدميج ينقاله عقاب البحر او صقر البحر وهو طير جارح بتغذى على الاسماك وبوجد على السواحل

[راكان1000]

السلام عليكم الطير طيب لاكن انت حطيت سوم من خارج المنتدى في بداية الموضوع لذا الأعضاء محد سام الطير ولم تدع مجال للمزايده على الطير والله يرزقك ويوفقك وانا لو عرضت طير في المنتدى لن اذكر اي سوم من خارج المنتدى واذا احد سام من الاعضاء اذكر اسمه او (الاسم المستعار) ورقم تيلفونه لاكن سوم بدون رقم لاغي هذا رائى ويجوز انى غلطان

[اقدم صقار]

السلام عليكم
الله يرزقك اخوي البيعه الطيبه
ولاكن المنتدى له سوم وخارج المنتدى له سوم
هذا على حد علمي ، الله يرزقك فيها عدد ريشها
تقبل مروري
اخوك ابو منصور

[عبدالله بن الشيخ]

السلام عليكم ................. مداخلة /

إذا كانت السومة جديدة , فما المانع أن يحطها الرجال ؟
ومالفائدة من سومة المنتدى إذا كانت أقل من سومة خارج المنتدى ؟
ومن الأسئلة المذكورة لعرض الطير ( كم حدك أو آخر سومة ؟ ) وهذا يعني أنك تذكر آخر سومة سواءاً في المنتدى أو خارجه .
وآخراً ... من أهداف هذا المنتدى الشامخ خدمة الصقارين وتيسير أمورهم .. وليس تعقيدها .

والسلام عليكم يا أخواني

[مكشاتي سابق]

إخواني (( راكان و أقدم صقار )) وجهت نظركم غاليه علي واحترمها وردي عليها قام به الله يجزاه خير أخونا (( المدبغ )) حيث إنه كفى ووفى . وكلامه مطابق 100% لمفهومي بذكر السومه , إذ أن المعنى بذكر السومه هو المقصود به من خارج المنتدى، ولا كيف تحط سومه من داخل المنتدى وأنت بعدك ما عرضت الطير فيه ,
على فكره السومه حصلت قبل عرضه في منتدانا بيوم .
غالين وعزيزين والله يرزقني وإياكم الجنة

[عبدالله بن الشيخ]

للرفع والمتابعة

[مهاوش]

السلام وعليكم ورحمة الله وبركاته

[مهاوش]

السلام وعليكم ورحمة الله وبركاته أخوي الفاضل ممكن تتصل علي أو ترسلي رساله لسبب الشاهين أنا إن شاء الله شراي بسعر اللي يرضيك ويرضيني ولاكن عندي بعض الاسئله عن الشاهين لم تبيلي بضبط لو ماعليك أمر 0096599475500 أبو علي

[مشعل العازمي]

سلام عليكم
مرحبااا اخوي مكشاتي سابق الشيهانه موجووووده او انباعت ؟؟

[سمرت سوالف]

الله يرزقك البيعة الطيبة

[ابو راشد 911]

الله يرزقك البيعه الطيبه والرجال الصامل ماشاء الله تبارك الله الطيب مافيه كلام

[قرناس شماالي]

الله يرزقك بزبون الصامل

[خيرها بغيرها]

الله يرزق البايع والشاري