كفرات والتغريز

[قطوع]

السلام عليكم

شباب كيف الحال

بسالكم انا كفراتي 195 مقاسها نافارا

وودي اركب اعرض كفرات لدرجة اني بقطع نفود 150 كيلو بالنفود

وماودي اغرز واكلها فاهمين كيف وش اركب بالسيارة وعلى فكرة الفلوس ماعلي منها بس علموني وش اركب والسيارة حقت كشتات وطلعات وسفر واهم شي سفر بالاسبوع مرة او مرتين تتعدى 400 كيلو

[khaled706]

عليك بجنوط جي تي 8 انش
وكفرات دانلوب خذ اعرض شي 285 او 275 لانه لين في الزفلت واول ماتدخل البر والرمله نسم الكفر ودربك خضر :good2:

[مواسي الطعوس]

- حرام عليك تلعب على الرجال ....285 كبير على الباترول وش نافارا؟؟؟؟؟

- يمكن 245 مناسب .....دنلوب لانه كفر الرمل الاول .

- اهم شي التعليق الامامي يكون قوي ((تركب مساعد ))يمسك وجه الموتر ....اذا امكن مساعد مرسيدس قمه لايعلى عليه ....انا مجربه على ددسن دبل .

[HAS5SAN]

هذى الكفرات خل هواها (5) فقط
اهم شيء ماتكون محمل ثقل
وجرب في الطعوس

[سيف وقلم]

5 ما ينسلخ الكفر

[ربيع النفود6]

ياجماعة جربت سنين الدنلوب حلو والهوا ٢٠ لاننا بالشتاء يكون الرمل شاد شوي وماعليش ترا السواقة لها دور كبير جدا وشكرا

[شهاب فارس]

حبيبي خذ العلم من رفيقك

معي نفس الموتر وفعلا كفرات الوكالة تكسر الظهر ولا هيب حقت بر سنع

بعد استشارة عدد المحلات وعدد من المجربين

كلهم أجمعوا على أن أنسب مقاس 225 / 70 16

وركبت هانكوك اتش

صحيح ان هانكوك بعضهم ما يواطنه لكنه صراحة أنسب مقاس لأنسب سيارة وعسل على عسل ركبته ومسكت خط القصيم مباشرة فعلا غييييييييييير عن حقات الوكالة ومريح ويريح السيارة وما تغيرت اللفة ولا شي وبتحمل إلى فوق 210

حط الهوا 30 وما عليك , ووقت البرد حطه بين الـ 20 إلى 25 ولا تسأل عن الطعوس ..

هانكوك على السيارات الكبار من الحوض وفوق مناسب جدا

والحجم أكثر من كذا ما أظن مناسب ولا يريح السيارة ويخربه ويخرب اللفة

[شهاب فارس]

عفوا حتى وقت البرد لا تنزله عن 25 على كلام بعض الشباب

بينما التطعيس ما تحتاج تنزله أقل من 20

[مكشاتي 2005]

الهآآنكوك حلوه بالنفود ولينه .. لاكن ..

تنسلخ بسرعه .. اي .. يطلع الجنط من الكفر أذا نزلت من طعس على جنب

وانا انصحك باليوكوهاما 225 أرتفاع 70 او 75

ممتازه لنفود ووتحمل المكده والتحميل والجبال والبرد ..

جميع الظروووووف .. (أتكلم عن تجربه في مجال التطعيس .. والكشتات)

جربت الكفرين كلهن ..

وأم عن الجيتي جربتها .. ممتازه بالنفود فقط وهي افضل من ليوكوهاما والهانكوك

وما تتحمل البر والحصى والتحميل ..

اتمنى أنك استفدت .. وشكرآآآ

[شهاب فارس]

بالنسبة للانسلاخ لا تنسم واجد ويفيدك يكفي 25 واذا شي كايد 20 و 15

لكن السؤال :
اليوكوهاما أغلى سعر والا ؟

[لجلك تعنيت]

اهم شئ التنسيم

والله يوفقك

[مواسي الطعوس]

ياخوي هواء 25 هذا للخطوط ....النفود 10 اذا ماكنت مسرع مره ....واذا كنت في تغريز اقشر تكون 5 او حولها وهي ماتؤثر الا اذا تبي تسيف وتلف بسرعه وانت نازل فهذا خطره البنشر .

- اذا كان الكفر اعرض من البلد واجد فهذا يشيل الموتر ولايبين انه منسم .

[شهاب فارس]

سؤال جانبي :

الحين انتم مجربين 25 بخطوط طويلة ؟

الراحة معروفة ,, لكن ما يلعب بالكفرات ؟

والا البرد والحر له دور ؟

وأنا أتكلم عن الكفرات العراض يعني 225 وما فوق لو تنسمه إلى 25 ما تحس انه منسم أصلا

[عبدالعزيز بن احمد]

الشباب ما قصروا صراحه

وانا اضم صوتي الى (شهاب فارس) .
انا مركب على الددسن 2009

هانكوك 225 صراحه لا يعلى عليها

اما بالنسبة للنفود انا احط دائما 10 في الكفرات

--علما باني ما اطعس --

والكفرات جدا رائعه ومريحه جدا جدا عن الوكاله وانا مركبها على كفرات البلد

*ارجو اني افدتك*
(*.-)

[رفيع المقآم]

خذ النصيحة من مجرب

يوكوهاما 225 -70- 15

على كيفك وخل الهواء بالنفود على الـ 10 وشف

والله ماتحس انك بالنفود

انا على هايلكس الكفرات 215 قسم بالله ماتحس انك بالنفود

قطعت عليها اكثر من 70 او 80 كيلو نفود