واحد من اخونكم احتار بين سيارتين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مسمار شداد]

احتار بين هدد 2002 تماتك اشهب خلفيه ماشي 250
وبين لكزس 1998 ذهبي نضيييييييييف ماشي 247

هو راعي كشتات وغالب وقته في المدينه وهل في كبيوتر الكزس القديم عيوب
ومتساويات بالسعر75 الف حد كل واحد منهن

[volcano]

لا تحتار ولا شي الموترين ممتازين لو تقدر تاخذ الاثنين ابرك .. قبل لا تزيد اسعارهم ..;)

بالتوفيق

[HAS5SAN]

خذ اللكزس لأن مكينته 8 سلندر

[مسمار شداد]

بيض الله وجهك يا فالكون

[مسمار شداد]

بيض الله وجهك كذالك يا اخونا حسان

[ابوسند9]

اخوي مسمار
فيه فرق كبير بين السيارتين
الحين الهدد قير عادي ثقيل ووطب فما بالك بالتماتيك!
واللكزس تعرف 8 سرندل وخفيف ولا فيه مقارنه بينه وبين الهدد
تبي نصيحتى لك شوف اذا جيب اللكزس نظيف وبدي سليم واسفل السياره كويسه يعني من ناحية الربلات والعكوس والسياره مليانه توكل على الله وخذها وانا اشوف ممشى اللكزس على موديله كويس اذا كان حقيقي وكذالك اللون جيد
وقبل تشتري جرب الهدد واللكزس وراح تعرف الفرق!
اما بالنسبه للعيوب كل اليسارتين معرضه للعيوب وخاصة القير لانه معروف دائم خراب القير التماتيك سواء اللكزس واللاند با انواعه
اما الكمبيوتر والاسعار ماعندي علم وان شاء باقي الاعضاء يفيدوك

[شقران نجد]

اللكزس يا خلفهم سياره عريقه وماركه مسجله وفخامه ومكينه يعني مافي مقارنه ,,,,,,

[ددسن72]

والله انك قوي عين تقارن لكزس بهدد

والله ولا يقارن {{لكزس}}

[ابو رسيل2]

شوف لاسعار قطع الغيار .. لان السعر بتدفعه مره وقطع الغيار بتدفع فيها كل مره

[بن جابي]

انا ضد الاخوان اقول خذ الهدد لان اللكزس قطع غياره غالي والهدد مهما كان موديله قديم مرغوب

الهدد مرغوب بالحيل لذلك لا تبعد عنه واللكزس لا تقرب حوله

[العنابي 616]

خذ الهدد لأنه أجدد و صيانته أرخض و خراباته أقل
و بالنسبة لي الجيب ما يملى عيني إلا اذا كان قير عادي :)

[مشعل العيسى]

هدد 2002 تماتك اشهب خلفيه ماشي 250

لان وانا اخوك موديله افضل من موديل اللكزس

وخراباته وجميع اموره زينه ...

ونصحية استخر وبعد الاستخارة ربك بيسر لك كل شي


الله يطعمك من خيرها ويكفيك شرها

[السنع كله]

الهدد ولا تتردد

[sgl2002]

اذا ما كان الجيب عايدي والا مانزله من الزفلت

[مسمار شداد]

جزاكم الله خير على المسانده والشور الطيب

[دحيم الفزعة]

أنا برأيي أنك تقارن بينهم من ناحية توفر قطع الغيار الجديده والمستعمله وسعرها والصيانه والتحمل
وانت تحكم بنفسك
ومن ناحية الأحسن أنا أفضل الهدد بالرغم من انه تماتيك بس المشكله بيتعبك بالثقل وطقة القير
ولو حصل تدور لك هدد قير عادي أفضل لك
ودمت بود ===

[المنيعي1]

انا ضد الاخوان اقول خذ الهدد لان اللكزس قطع غياره غالي والهدد مهما كان موديله قديم مرغوب




الهدد مرغوب بالحيل لذلك لا تبعد عنه واللكزس لا تقرب حوله

صحيح
قطع الكزس غالية والموتر قديم

[lahoop]

السيارتين متقاربتين
لكن شوري عليك .استخر اللي ماتنام عينه وسوف يهديك باذنه الى مافيه الخير لك

[المميـز]

:

الهدد ميزته موديل اجد من اللكزس

اللكزس ميزته مكينه اقوا وفخامه اذا كان يدور على الفخامه


وعليك بالاستخاره بعد الاستشاره والله يكتب لك اللي فيه الخير

:

[محطم عنيد]

انا اشوف انهم زادوك حيرة عشان كذا بلزم الصمت

والله يكتب لك الخير فيما يختاره

[ابو عكلي]

كل انسان وميوله,,
لو انا مكانك اخترت لكزس,,
لان الفرق كبير بالمواصفات والنوع,,
اما بالنسبه للموديل انا اشوفه انها متقاربه حتى بالشكل,,

لكن الفرق واضح بين الاثنين,,لكزس وبس

[مسمار شداد]

ابشركم شريت الكزس والله يجزاكم خير ماقصرتو في المشوره

[سيف وقلم]

على البركة والله يطعمك خيره ويكفيك شره

[- النشمي -]

خذ الهدد ولاتشاور هذي مايبيلها نشدة شيخ



واللكزس هذا موتر مدينه ودلع مهوب موتر بر

[- النشمي -]

ابشركم شريت الكزس والله يجزاكم خير ماقصرتو في المشوره


توني اشوف ردك


الله يعطيك خيره ويكفيك شره

[ابوسند9]

الله يبارك فيه
والله يطعمك من خيره ويكفيك شره
خير ما اخترت
قوه وفخامه وفرق بين الثراء والثريا
وصدقني على ممشاه يعتبر جديد
بس اهم شيك عليه من والى وخاصه فلتر وزيت القير
واذا انت راعي بر وطلعاتك واجد شف لك جنوط 16 وركب بالون وانبسط
تحياتي لك وبالبركه