!!معرض العمر ونيسان دبي!!

[هلي ديزل]

بسم الله الرحمن الرحيم
السلام عليكم ورحمة الله وبركاته
أخواني الأعزاء في مكشات،،
حبيت اسألكم سؤاال الصراحة محييير!!!
واحد من الربع يبي يشتري اكستيرا 2011 جديد ومافيه الا عند معرض العمر في معارض النسيم بالرياض وسعره اقل من الوكالة بــ 10 الاف تقريبا لكن يقول راعي المعرض انه بدون ضماان و وارد دبي !!!!طبعا كثير من السيارات يجيبونها من الامارات بدون الضمان وتكون رخييصة مثل الددسن دبل 2011 بــ 75!! وليس معرض العمر فقط من يأتي بهذه السيارات كثير من المعارض ومنها معرض نجد
فــ ماهو السر بهذا السعر؟؟
هل السيارات بها عيب؟؟
أتمنى نعليقكم عالموضوع!!

[مواسي الطعوس]

- ابد مافيها عيب ولاشي ....ولن تحتاج ان شاء الله الى الوكاله ...الموتر مشى معي ومع غيري الى 200 الف ولاشفنا منه شي .

-- الوكيل كثير من سيارات 2011 ماجابها ابد وبعضها دفعه بسيطه...لانه احتمال كبير يشيلون الحمراني ....شركة نيسان مو راضيه عنه .هذا سبب عدم وجود سيارات عنده حاليا وسابقا .

- الوكيل الجديد رافض يكون معه الحمراني ....والشركة تريد الاثنين معا .

[شهاب فارس]

وبعدين المعرض كم ممكن ياخذ من الوكالة ...

بياخذ جملة , فعشرات السيارات بياخذهن .. السعر يكون غير ... أخبر حنا شرينا من وكالة 5 سيارات ورخصوا لنا 5 آلاف لكل سيارة ,, فما بالك لو هي عشرين أو ثلاثين

[sgl2002]

انا استغرب من اللي يهتم بالضمان

يعني اذا خرب بيغيره الوكيل وبيصلحه بلاش

يارجال انا ماعمري اخذت ضمان والضامن الله ولو فيه عطل مصنعي بيصلحونه الوكالة من فلوسك

خذ الموتر دامه ارخص وخل ضمانهم لهم عاد الله واكبر من زين خدمة الحمراني

[ددسن 2008]

هذي والله اعلم انها دفعات كانت لدول اخرى مثل سوريا والعراق وغيرها والوضع الامني جبرهم على البيع بأقرب سوق

اذكر اني اخذت صني من دفعة كانت رايحه سوريا ولا تمت .. فل تماتيك وارخص من الوكيل بوقتها بحول العشره
واستعملتها سنتين وعطيتها اخوي واستعملها حول سنتين وبعناها ما اشتكت من شي لا ضمان ولا تشييك ..

انت شف الموتر اذا ما فيه صدا ولا صدمات .. توكل على الله وانفع روحك بالفرق

الله يسهل امرنا وامرك

[فيصل التميمي]

توكل على الله وخذ الموتر لان ضمان الحمراني نقص ومامنة فايده

[هلي ديزل]

اشكركم جميعاااااااااااااااااااااااااااااااااااااااا والله يعطيكم العافية ماقصرتوا،،
لكن انا ماهمني الضمان!!
اللي اخاف منه انه تكون السيارة جايها شي من غرق او مشاكل او..... او....الخ
اما الاكستيرا معروفة وماتحتاج شهادة انها صبورة وتكررف هذا اذا كانت حقا جديدة،،
اليوم رحت للحمراني وعطيته رقم الشاصي حقها قال هذي خليجية وماندخلها بالضمان الا اذا كان دفتر الضمان حقها مختوم من وكيلها اللي جابها!!! وهي دفترها ماهو مختووم!!!!!!

[هلي ديزل]

لا اله الا الله

[SAS2]

شكلك حريص بزياده يالغالي ياخي طول عمرنا نشتري خليجي ما شفنا منه شي

واهل القرى مثلنا وش ينفعنا الضمان الموتر الجديد لو انه اردى صناعه يكمل فتره

الضمان من دون مشاكل لاتخاف المصانع ماخذين بالهم من هالناحيه وانا واعوذ

بالله من كلمه انا ماخذ لاند بحريني بقيمه السعودي ومبسوط وما تحسفت على

السعودي وكلها من مصنع واحد والله يكتبلك الي فيه الخير ×