المساعد الشخصي الرقمي

مشاهدة النسخة كاملة : ابي الشور في الكفرات ابركب اليوم ان شاء الله


برق تميم
30/03/2006, 08:19 AM
السلام عليكم
اليوم ان شاء الله جاي للرياض ابروح للغرابي ومحتااااااااااااااااااااااار وش اركب كفرات ددسن دفرنسين
محتار في شد البلد دون لوب والا كودير والا ميشلان والا تويو والا سموتومو

الله يجزاكم خير لا تطلع من الموضوع الا معطي اخوك رايك واتراني ما نيب راعي نفود راعي ضلع وشعبان
غضنفر
30/03/2006, 11:38 AM
كانك منتب راعي نفود اجل الكفرات اللينة ما تصلحلك (يوكوهاما , تويو , دنلوب)
انصحك انا ببرجستون صح انه غالي بس يستاهل سعره اقسى كفر قد شفته في حياتي
القناص
30/03/2006, 11:44 AM
وانا انصحك وبشده وعن تجربه بالميشششششششلان
طحنون
30/03/2006, 12:41 PM
التجربه خيربرهان
والله العظيم لوالكفريتكلم كان علمك وش كنت انا اسوي بالكفروالسياره ونا متأكدراح يقول سكروجميع مصانع الكفرات اللي بالعالم لان صاحب السياره مايصلح انه يسوق سياره مجرم
طبعا التويووالدنلوب والله انها افضل كفرات مرت علي لقياده وخبره قياده 19سنه
kamalxp
30/03/2006, 12:51 PM
طيب وش رايك بالماشيلان ؟
ندمان
30/03/2006, 01:07 PM
انا انصحك بالدنلوب
المطلق
30/03/2006, 02:02 PM
لن أتكلم عن الكفرات من زاوية (يقولون)

ولكن سوف أتكلم عنها من زاوية (تجربتي)

أنصحك بكفرات (برجستون) لها على جمس حوض 6 سنوات

وتصلح للضلعان وللكثبان

أما اليوكوهاما فيكفيك فخراً أنها جت شد بلد على (الهايلوكس)
شبح الصحراء
30/03/2006, 04:29 PM
ركب فايرستون مقاس 255/70 ممتازة جداً للددسن وتجي الخطوط ملونة على الجنب مثل كفرات الجيوب وأصلية يابانية واهم شي وزنها خفيف علشان ما تأثر على عزم الموتر .
برق تميم
31/03/2006, 03:10 PM
جزاء الله خير كل من دخل وعطاني رايه ورحم الله والديكم يا الاجاويد

الحمد لله ركبت ميشلان كل اجرب اول مره اركبها والحمد لله طلع شكلها طيب على السياره صح انها غاليه الواحد 360 ريال
شبح الصحراء
31/03/2006, 07:25 PM
360 ريال على ميشلان رخيصة مرة اظن ارخص كفر عندهم دون الخمسمية بشوي :confused: ... على العموم مبرووووووووووووك وتسحلها بالعافية :D .
شقردي ثاني
02/04/2006, 09:37 AM
السلام عليكم

مهوب مهم الشركة الصانعة اخوي أنها تكون شركة مشيلان او برجستون او غيرها

اهم شي استخدامك للكفر فان كان تبي تشريه علشان سفريات وروحات وجيات مقبل عليها

فأهم شي درجة تحمل الكفر فبعض الانواع خاصة كفرات سيارات التحميل جموس او جيوب او ونيتات تحسب بالغاط وكفرات سيارات الخاصة مثل الفرودات والكوابرس تحسب الدرجة الحرارية A B C

فالكفرات اقل من 8 غاط هذي خفيفة للاستعمال داخل البلد يعني ما عليها حمل لكن كل ما كان الغاط اعلى كل ما كان تتحمل الضغط والشغل الجامد أكثر مثل التحميل والحصيان اذا راعي بر يعني ما تتقطع بسهوله لكن اسعارها اغلى

وبالنسبة للسيارات الخاصة اذا كانت للاستخدام داخل البلد تاخذ C هي ارخص الانواع لكنها لا تصلح للسفر واما A فهي تعني تحمل الكفر للحرارة وهي اغلى من السي والبي ولكنها آمنة جدا في السفر حتى في عز الصيف بإذن الله والرموز اي وبي وسي درجات التمبرتشر = الحراري
خالدي نجد
02/04/2006, 06:03 PM
على البركة يا التميمي تقطعها بالعافية