تجهيز الموتر بعد شرائه مستعمل

[بدوي سعودي]

اخواني اعضاء مكشات
مساكم زين ، واخوكم توه شاري موتر هايلوكس 2007 والموتر دبل والماكينة ديزل ،
ابي اغير القطع الاستهلاكية الموجودة ،
اش الاشياء الي اغيرها ، غير زيت الماكينة والفرامل والكفرات والسيور
الموتر بالكووووود ياصل 140 وما تعداها ، وش منه المشكلة
فيه صاايات تتغير
افيدوني

[فنجال ورجال]

على البركة أخوي
أهم شيء غير الفلاتر ويضبط العزم فلتر الهواء فلتر الديزل وسيفون المكينة فلتر الزيت
وبيفرق العزم إن شاء الله

[متمني خير]

اهم شي تغير فلتر الديزل عشان الطربه تطول اكبر قدر ممكن وشيك الكفرات ولاتنسي اللتأمين الله يبطي بساعة الشر :):)

[بدوي سعودي]

يعطيكم العافية يا اخوان
البوم مريت على ميكانيكي وقال التيربو لازم يتغير ، لأنه كل سنتين يحتاج تغيير ، وما ادري صادق هذا
ويقول طرمبة الزيت لازم تتغير كل ثلاث سنوات
اش رايكم
وكيف اعرف ان انهن متعطلات