اداة تنسيم الكفرات

[لاتكب البيالة]

السلام عليكم
ياجماعة انتم عارفين ان كفرات الجيب تاخذ وقت في التنسيم والمعايرة وايضا طريقة فك البلف فيها مشاكل من ان يطير البلف او تنسم اكثر من المطلوب
لذا فيه قطع توزن على ضغط معين وتركب على بلوف الهواء وتنسم بنفسه وتاقف عند الوصول الى الضغط المطلوب
وهذي صورته

http://i.ebayimg.com/t/Automatic-Tire-Deflator-Kit-offroad-4x4-deflators-/00/$%28KGrHqIOKiwE3D+u91-%28BN4RC7h5Kw%7E%7E_12.JPG
نبي راي اللي جربه ووشي افضل الانواع لاني وجدت هذي تكلف تقريبا 150 ريال
هل سعره مناسب وهل هي دقيقة بالتنسيم

[بيك اب 4X4]

اما 150 ريال
انا محصلها عند الرماية قبل كم شهر بـ 70 ريال و لا اشتريتها
لاني اشوفها غاليه
لو هي بـ 40 ريال اقول ان السعر معقول
بس بـ 70 ريال اقول اطرف مفتاح و نسم
بالتوفيق لك

[لاتكب البيالة]

اما 150 ريال
انا محصلها عند الرماية قبل كم شهر بـ 70 ريال و لا اشتريتها
لاني اشوفها غاليه
لو هي بـ 40 ريال اقول ان السعر معقول
بس بـ 70 ريال اقول اطرف مفتاح و نسم
بالتوفيق لك

بيض الله وجهك اللي عند الرماية ما يندرى وش صناعته والصدق احياننا تدخل البر بدون تنسيم لانه ياخذ وقت ذولي ركبهن وامش

[لاتكب البيالة]

يا جماعة ما احد جرب هالشئ يعلمنا عنه

[turkiq]

انا حاب اعرف كيف طريقة ضبطهن ..
يعني انا ادري ان لها حلقة تضبطها حسب الضغط المطلوب
بس وش الخطوات علشان تضبطها على 15 مثلا ؟؟

[لاتكب البيالة]

اللي قريته طريقة ضبطهن تنسم كفر 15 وتعايره مضبوط ثم تركب هالبلف وترخي صامولة الضبط اذا نسم يعني انه وصل 15 ثم تكرب القفل عليه
هذي الطريقة اللي قريته لكن نبي احد مجربه هل هو مضبوط او انه ماهو دقيق اوو او او

[SNIPER07]

لا لا لا تفكر فيها ابد

جربتها و اتعبتني ،، جربت افضل نوعين و كلها سيئة ،

يبيلك وقت توزنها على الكفرات و اذا دخلت البر ومع الكثبان و غيرها تنسم بحالها

و لازم ما جيها رمل عشان تنسم ، و بعديين ما حسيت لها داعي الوقفه لا بد منها تركبهم

و اذا واحد تغيرة السنه فيه او جاه رمل ما ينسم او تشوف الكفر ما فيه هواء ابد

لذا لا انصح باستعمال هذه الاشياء ابد ،،، تحياتي

[brhoom373]

يابن الحلال خذ لك بلف من البنشر اللي يفك الإبرة برياااااال ويمكن يعطيكيه ببلاش
وخذ من البنشر مجموعة إبر للبلف وحطها في الدرج الصغير حق الطبلون
وفي حال لو طارت الابرة يكون عندك بديل والمدة التي يستغرقها التنسيم لجميع الكفرات تقريبا 4 دقايق سيارتي هايلك دبل

وخل فلوسك في مخباك

ملاحظة/ في وقت التنسيم للكفر خل في يدك او فمك ابرة جاهزة في حال لا سمح الله طارة الابرة يكون البديل مووووجووود وقريب

وعذرا اخي لا تكب البيالة

[ALBDRANE]

أنا مع الراي الي يقول ما منها فائدة تذكر الوقفه فيك فيك وأحتمال يصير فيها خلل ويطيح هوا الكفر ومن ثم يتضرر الكفر وستكون قلق عند تركيبها ولن تستطيع الثقه فيها عندما يكون الهوى فيها 20 وتبي تمسك الخط لاقرب محطة .

[turkiq]

معليش شكلكم فاهمين الطريقة خطأ يا شباب
هذي تركبها وقت التنسيم بس ولا نزل الضغط للمستوى المطلوب تفكها
اكيد بتخرب عليك ويجيها رمل اذا خليتها معلقة بالكفرات.

[ثلج ساكن]

ياخي لاتكب البياله الدنيا ماخبقت بيوم وليله والدين والسنه بينو للعبد المسلم ان هنالك شي يقدتي به المسلم الا وهوو الصبر مايكلفك ريال ولو مسكت مفتاح او مفك ونسمت كل كفر بالجيب ماياخذ الكفر دقيقتين وزود يعني 8دقياق اربع كفرات وده بالزياده وبعد كل تنسيمه غطي البلف بالغطاء الاسود وانتهينا
وطار ونقز بالنفوذ وانبسط وريح بالك وومايردك ريح على قولت القايل تحياتي:good2::burnout2:

[عاشق السيل]

طع شووووووووووري ،، خذ اللي يمعط الابرة وريح راسك !!!

قسم بالله أقل من دقيقتين وتنسم أربع كفرات بالضغط اللي تبيه ،، وأنا طريقتي أفك ابرة الكفر الخلفي وعلى طول أروح للأمامي وأفك إبرته وأرجع للخلفي وأركبها عليه وأروح للأمامي أركب الابرة وأسوي كذا مع الجهة الثانية ويادار مادخلك شر !!!!!!!

[لاتكب البيالة]

الله يعطيكم العافية وما قصرتوا وشوركم على راسي
ممكن اللي ما مدحه جرب اللي هنا قليلت الجودة
وانا طلبت وحده من الخارج وان شاء الله اجربه واعلمكم عنه

[ابوقاسم]

اخوي اذا انت طالب من النت النوع الاسترالي تراه ممتاز
انا استعمل النوع الاصلي اللي هو الاسترالي ما خذه من المنتدى هنا من واحد اسمه ابو احلام
والحين ادور علي ماني لاقيه
الشباب عندي اخذوا من النوع اللي عند السنيدي ولا جازت لهم لان مشاكلها واجد
تنسم ولا توقف الين تفضي الكفرات او انها ما تنسم عدل
بس النوع الاسترالي الاصلي تتركه الين توقف محل اللي تبي
ولا تخاف عليه يخرب
بس يغيت منك شغلة يخوك
تعطيني رابط اللي طلبت منه هالقطعة لاني محتاجها ظروري
تحياتي