ياخوان هل هذا هو الباث فايندر الجديد

[- النشمي -]

نبي اهل المعرفه يعلموننا هذا الجيب متى بينزل

http://trendingcar.com/wp-content/uploads/2011/10/Nissan-Pathfinder-2013-600x389.jpg


ووش قصة صور الموتر البوكس اللي كنه مازدا اسمعهم يقولون انه الباث الجديد :mad:


احد يكلم كارلوس غصن تراه عربي يعني من الربع ويقول له حنا اهل بر ومكاشيت

وفكونا من هالمواتر اللي ماتنفع ولا بريال

[راعي الpath]

السلام عليكم

هذا الشكل الحالي و بعيدا عن التعصب سياره ينشد بها الظهر واشهد انها سيارة القرن

اما الشكل الجديد فهو من موديل 2013 وهذا شكله

http://www.mekshat.com/pix/upload05/images239/mk210240_811212103383661600x1060.jpg


للاسف نيسان فضلت الزبون الامريكي على السعودي وصار الباثفايندر سيارة مدينه وخطوط

ما ادري وش يبغا هالزبون الامريكي تركنا له سيارته الامريكيه وعده لاحقنا في افضل سيارات البر الله يستر علا الباترول و البرادو و اللاند يا شيخ

[شامخ ألهيلا]

هذا ماصمم لنا هالموتر
مصمم للخوجات

[لجلك تعنيت]

ماشاءالله


يعطيك العافية

[الباثفندر 3.5]

الباثفندر انتهى من بعد ٢٠٠٥

[عاشق السيل]

بالنسبة لوجه الموتر الجديد أحلى بكثير ،، لكن المنظر العام الأول أجمل وأحلى وأنسب للبر !!!

[- النشمي -]

بعطيكم العافيه على التوضيح

وبصراحه انا جربت موديل 2003 ماشاء الله تبارك الله موتر قوي وخفيف بالنفود يعيبه الضيق

والموتر الجديد من موديل 2006 الى 2012 جمع بين القوه بالطرق الوعره وسعة المقصوره الداخليه

واعتبره موتر كامل والكامل وجه الله


اتمنى انهم مايغيرون شكله لو يبقى على هالشكل ماراح نمله ابد

[ليل الدجا]

المدينة والبر عندنا واحد
المدينة= حفر مطبات وقع في الفخ
البر =حفر مطبات منتبه
ابحث عن القديم لو وقع في الفخ مايتكدر خاطرك كثير

[رحال السراة]

طيب يا اخوان ليه ما نرسل لشركة نيسان برقية ؟؟؟؟؟؟؟
ماحد فكر فيها ؟؟
برقية توضح ان هذي المواتر الجديدة او اللي يفكرون ينزلونها ماتصلح عندنا وتطمر مثل النعااام ؟
ويخلون الأولة أو يشفون لهم حل يعني لازم تنزل السيارة من الأمام ؟؟ ارفعها شوي وعدل في المكنيكا لأجل الثبات !

[أبو أسامة]

للاسف الباث فايندر راح والغريبه ان شركة نيسان مركبه له نظام دبل خفيف وثقيل يعني موتر بر ولكن ارتفاعه كانه من مواتر فئة ضيعت اسمها لكن يعني مثل المورانو والمازدا اكس 9 لكن يمكن ما تاكدت من مواصفاته انه في حالة تشغيل الدبل يرتفع الموتر لانه في نظام هيدروليك ويمكن يكون نظام الهيدروليك الي فيه مثل البترول ماله علقه بالدبل لكن مبدأيا الباث يطلب هل البر الحل