تعرف تسلك كهرب وماعندك شغل ادخل!!

[يزيد 999]

بسم الله الرحمن الرحيم
السلام عليكم ورحمه الله وبركاته
اخواني ركبت للسياره شد مع افياش ولمبات وخلافه المهم اللي ركبت عنده طلعلي جميع الاسلاك حقت اللمبات والافياش وعليه جرجور يعني تحتاج فقط توصيل بالبطاريه ولاحبيت اخلي احد يوصلي خصوصا لاني سمعت انه لازم فيوزات فهل فيه طريقه تقدرون تدلونئلن كيف انا اقدر اوصله
وعندي عده اسئله
البطاريه الاضافيه تجهد المولد (الدينمو)؟؟؟
منظم
وايضا حاب اركب بطاريه اضافيه لاكن مافيه مكان بالكبوت يعني لازم احطه بالشاصي فودي احديعلمن الطريقه والقطع اللي احتاجه ووين احصله واسعاره انا لقيت اكثر من موضوع لاكن عجزت افهم لانهم يستعملون مصطلحات اول مره اسمعه والطريقه سريع سريع والقطع مايوضحون بالظبط كم احتاج اسلاك واطوالهن ولا يوضحون طريقه عملهن بعد الانتهاء فياليت اللي يقدر يوصلي هالمعلومات بالتفصيل اكون شاكر له
الشحن وش فايدته؟؟؟
سياراتي مجهزه بافياش في الشد 220 فهل احتاج محول او لا؟؟؟
في النهايه اللي يبي يشرح لي جزاه الله خير يدري ان اللي قدامه عليمي
طبعا السياره فورد F150 2004
مشكورين وماجا منكم قصور

[لاتكب البيالة]

السلام عليكم
نصيحتي انك تسلك الكهرب عند واحد مختص

[الصمان 2]

اعطي الخباز خبزه لو اكل نصه .


لذلك أدفع القليل .... ولا تخسر موترك .



موفق يالغالي .







.

[المهاجر انا]

فيه موضوع مكتوب في مكشات كيفية التوصيل

[يزيد 999]

افا ياشباب من اوله تحطيم وين اللي يقولون نشتغل يايدينا عالعموم يعطيكم العافيه على النصايح بس لو فيه احد يفيدن عن هل اسئله
وش فايده منظم الشحن؟
سياراتي مجهزه بافياش في الشد 220 فهل احتاج محول او لا؟؟؟
هل فيه احد يسلك بالقصيم سعره زين وشغله نظيف ولا عنده زحمه؟؟