وش الكفر المناسب للجنوط الهلل وكم اسعار الكفر

[فلقه]

السلام عليكم
قررت اركب كفر وجنوط
بس باخذ جنوط هللل افضل شكل بذات لا الربع باترول تطلع نظره
بس احترت بالكفر مدري وش اختار اللي يقول بالون اللي يقول هانكوك واللي يقول برجستون واللي يقول شواهين والحجريه الكفر واجد وتحتار
الوكاد مابي اطول عليكم
وش افضل كفر مناسب للجنوط الهلل وكم سعر الكفر وش رايكم بكفر الشاص شد بلد اللي تجيك تقول بالون :(
عطوني رايكم يالشابب بس اهم شي يعطي نظره :good2:

[وحش القفار]

الدنلووووووووووووووووووووووووووووب

[sgl2002]

والله ياخوك انا ما اداني البالون

البالون يصلح للي ما يطلع من النفود وكذلك يسبب رجه بعد ومشاكل اخرى

اذا انت مصمل ركب دنلوب حقت الشاص بس تراها لستك ماهي تيوبلس

[youssf]

شاهين من شركة سموتومو بالتوفيق

[abo mani3]

شاهين من شركة سموتومو بالتوفيق


كم سعرها لا هنت

[فلقه]

ابو جمل وش رايكم فيهن

[فلقه]

وينكمممممم

[أبوعجه]

شوف اخوي حزون الطير
البالون لها نظره على الهلل
بس يبيلك شغله
اذا ركبت البالون لازم ترصص ارضي
وبالتوفيق

[ابو مؤيد_944]

بالنسبة لي انا افضل الشواهين لا يعلا عليها للامانه
ان بغيت نفوذ وان بغيت خط
وسعرها الآن 650 ريال للحبه مغييرها قبل اقل من شهر.
وعلى الهلل ما يبغالها كلاااااااااااااام

[ابومناع]

الشاهين افضل بكثير من البالون ان بغيته بخط او ببر مركبه قبل اسبوعين بالغرابي 600

[ROOSHDE]

ركب ميشلان ونم اربع سنوات انكانك راعي حجره

[جيبي جايزلي]

شاهين من شركة سموتومو بالتوفيق


كفر ماعليه كلام واصلي ياباني

من واقع تجربه

[V 8]

بالون ماكسس (ابو جمل)

نظرة + ليونة

ولافيه زود رجة مثل البوالين الثانية

والبالون عموما حلو في الخط ولا به زود فرق عن الكفر العادي في الرساوة

بالعكس افضل لانه يمتص المطبات اكثر

لكن عيبه الثقل ويطيح العزم نوعا ما

اسعار الـ 16 في بحر 500 ريال
اسعار الـ 17 في بحر 600 ريال

آخر علمي بالسوق قبل شهر وزود

الله ييسر امرك

[ماجد الثبيتي]

مساء الخير للجميع
اخوي حزون الطير


ركب كفر هانكوك دعسة شاهين صناعه كوريه
السعر حدود 590 _ 620 ريال تقريباً
اشهد شهادة حق انها عمليه جداً وللغايه في الوعر او النفد
وخفيف وزنها وشكلها جميل على جنط الهلل ..
اما كفر دنلوب حقت الشاص أو برجستون أو ميشلان كلها غاااليه فالسعر
الدنلوب ما تفرق كثير عن الهانكوك في الشكل أو الدعسه


ملاحظه : احرص احرص على آخر اسبوع من الصنع

تقبل مروري بموضوعك ,,,,

[حايلي شقردي]

الله ييسر لك كل مصّعِب ..

يفيدونك الاخوان وانا اعتقادي الدنلوب افضل ولكن السعر ..

تحياتي :D

[Power-hours]

كفرات ماكسس ابو جمل فيتنامي 8 غاط 375 ريال
كفرات ماكسس ابو جمل فيتنامي 6 غاط 365 ريال

وتعطي سكبه للسياره وتطرب راعي البر والمكاشيت

[najd star]

لو سمحتوا عندي شروكي جنط 16 هل تركب عليه البوالين وإذا تركب كم سعرها.

[فلقه]

مشكووووووووووورين

[Ra3e]

الكفرات اشوف مكسس افضل

وان تسانك ماشريت هلل بوه جنوط عندي جدييده لهن 6 شهور بالحوش كان النيه نشري جيب لاكن مااراد الله ان كان لك نظره والفاتوره موجوده ..

طبعاً الجنوط 17 فضيه قيمت الفاتروه 1080 خمس جنوط :)

[فلقه]

وشي الجنوط ولا هنت صورهن