فزعة ياشباب بخصوص تحويل الجيب من كلبريتر إلى بخاخ [الأرشيف]

مشاهدة النسخة كاملة : فزعة ياشباب بخصوص تحويل الجيب من كلبريتر إلى بخاخ

راعي المجهم

14/01/2012, 03:52 AM

عندي جيب ربع 94 كلبريتر

مايتعدى سرعة 170 كم

غيرت له

بواجي راسين +أسلاك بواجي + وزن ديلكو + تنظيف كلبريتر + شديت له واير البنزين

ومع ذلك لا يتعدى سرعة 170

أريد تحويله إلى بخاخ عشان يصفق 200 كم !!!!!

هل ممكن حل مشكلته بدون تغيره إلى بخاخ أم يلزم تحويله عشان يمشي 200 ؟؟؟؟

سيف وقلم

14/01/2012, 04:07 AM

الحين 170 مهيب واجدة اركد شوي وترى فيه ساهر...

الحربي555

14/01/2012, 04:08 AM

السرعه ماهي زينه وناخوك

أبو أسامة

14/01/2012, 04:10 AM

الله يعطيك خيره ويكفيك شره يا خوي وش لك وللميتين ترى الميه وسبعين على ربع التايوتا انتحار الموتر يقلب من حصاه وهو مهدي وانت تقول تبي الميتين نصيحتي لك استخدمه على حاله واترك السرعه مافيها خير واذا الا ومصر اشترلك مكينة 4500 بخاخ اوفر لك من التعديل لعدة اسباب لانك تبي تغير الثلاجه والراس وتركب كمبيوتر وتغير الظفيره لتتناسب مع الكمبيوتر و نصيحه من بعيد انسى الموضوع وموترك فيه خير واستخدمه للبر وبيعزك وخل الخطوط للصغيره

راعي المجهم

14/01/2012, 04:15 AM

170 ماهي شئ إذا سافرت 1400 كيلو

نبي نطوي الخط طووووي يا شباب

أبو أسامة

14/01/2012, 04:23 AM

الله يستر عليك طيب تذكر شيء انت ودك تطوي الخط لكن فكر ان الخط يمكن يطويك الله يدفع عنك الشر وانتبه

5200

14/01/2012, 08:24 AM

غير الكلبليتر كامل بجديد بس الله يعينك على سعره

ابوماجد-1

14/01/2012, 08:35 AM

170 ماهي شئ إذا سافرت 1400 كيلو

نبي نطوي الخط طووووي يا شباب

عسى ربي يستر عليك ويحفظك وجميع شبابنا

الركاده زينه واترك عنك السرعه ترا مافيها خير

وسرعة 120 اعتقد طيبه وتستمتع بالرحله وتوصل مرتاح

وفقك الله

أحمد محمد1429

14/01/2012, 09:35 AM

الله يستر عليك مافكرت في غيرك تسبب له مصيبه شلل أو فقد وعي . وش يكون موقفك وأنت تشوف شخص غير قادر على الحركه وأنت السبب . أو أولاد يتيمن إنت كنت السبب فيهم . الله يحفظ ويخليك لوالديك ويهديك من عنده . آمين

قناص*07

16/01/2012, 12:11 AM

اولا انا انصحك بالركاده والسرعه ماهي بزينه والله يحفظك من كل شر.

الحمد لله قنيت 92 و 94 و95 و 97 و98 وكانت ما تمشي اكثر من 170 و ضبطها وخليتها تمشي 195 وتاصل 200 بعض الاوقات.

البواجي ابو راسين فاشله وتصرف بنزين عليك ببواجي NGK وتلقاها عند الحاج حسين رضا وخذ النوع ابو راس بلاتينيوم قيمت الواحد حول 15 او 20 ريال

جدول بواجي السيارات وما يقابلها من NGK ووداعا للعب (http://mekshat.com/vb/showthread.php?t=399012)

و غير فلتر البنزين واوزن الكلبريتر عند واحد فنان وفاهم شغله.

الكربريتر الجديد فاشل ولا ينفع الا اذا الله صدفك في شيء حظ
غيره ما يحتاج غير انك تعود السياره وتنفظ كربونها بشكل مستمر.

ابوراكان تبوك

16/01/2012, 12:57 AM

انتبه بواجي رأسين تعدم البساتم وانا متأكد من ذلك
تأكد من الكربريتر - صفاية البنزين - فلتر الهواء - الكنداسة الخلفيه بالذات اللي فوق الدفرنس دائم تسوي كتمه للسيارة فكها وجرب السيارة بدونها ما انت خسران شيء الا الإزعاج الله يعينك
مرت معي نفس مشكلتك سابقاً ونفس الموديل مايتعدى 170 لو تطير غيرت كل شيء من اسلاك بواجي وصفايه وبواجي وفلتر هواء ونفس المشكلة ( الا الكربريتر ما غيرته ) نزلت به مع نزله طويله ويادوب بالقوة طبق 200 ويوم وقفت لقيت الصوفة الخلفية للدفرنس رايحه فيها
وديته لورشه وغيرت الصوفة عند ميكانيكي كتلوج تويوتا كله بمخه قال لي الكرونه ماهي له حقت 82 !!!!!!!
ماصدقته قلت هذا يستهبل بعته وراعيه غير الكرونه وطلع 100%
ونصيحة انتبه من السرعة لو يضرب عليك بنشر لاقدر الله والجيب ربع بالذات دبرهاااااااااااااا

مواسي الطعوس

16/01/2012, 01:21 AM

راعي الطلعات

16/01/2012, 01:49 AM

انا مكينتي بخاخ 4500 واحسدك ماشاءالله انه يجيب 170كم

نصيحه خله على حاله البخاخات عله

ابوراكان تبوك

16/01/2012, 02:33 AM

ياليتها على 170 .....فيه شي ثاني لو دريت عنه ضيق صدرك ؟؟؟؟؟

- الربع 92 الى 99 هو والباترول اللي جنطه 15 اكذب موترين في الممشى .

- كان معنا واحد 98 عليه كفرات بلد (رفيعه) نمشي حول 190 والقارمن يكتب 167.

القارمن ليس دقيق في قراءة السرعة ولا تقيس بالقارمن قيس بالسيارات الأخرى

الباترول السلق القديم الى 97 وهو مركب عليه فرارات يمشي اكثر من 200 لا يغرك طبلونه 180 بوديه خفيف وانا مجرب لا اقولك سمعت ولا توقعت

قناص*07

16/01/2012, 02:53 AM

القارمن ليس دقيق في قراءة السرعة ولا تقيس بالقارمن قيس بالسيارات الأخرى

الباترول السلق القديم الى 97 وهو مركب عليه فرارات يمشي اكثر من 200 لا يغرك طبلونه 180 بوديه خفيف وانا مجرب لا اقولك سمعت ولا توقعت

هلا با الطله

كلامك سليم يا ابو راكان في كلا الردود.

السياره الشد بلد ممكن تاصل 195 على حسب النظافه.
موتري 95 ماشاء الله اليوم طابق به الـ 195 وفوقها طقه وانا رايح للدوام و الموتر بدون فررار والحمد لله ستاندر وشد بلاد وماشي 235000 كم.

وعلى فكره يا صاحب الموضوع ترى نوع الكفرات و الجنوط لها دور بعد كبير.

جنوط هلل وكفرات دنلوب 750 ولا احلى

عبرود الودي

16/01/2012, 03:07 AM

انا موتري بخاخ ومتوهق به

خلك على ابو كلبليتر النشمي ...

البخاخ حساسات وكهرب وكمبيوتر ومشاكل

شعيب الحزيمي

16/01/2012, 03:16 AM

الله يهديك

فكر شوي وانا اخوك الفرق بين 200 و170 = 30 كيلو بس

لو تحسبها بالوقت ما تسوى

وترى السرعه تدمر السياره في وقت قصير وانت موترك قديم

مزدهر

16/01/2012, 10:29 AM

القارمن ليس دقيق في قراءة السرعة ولا تقيس بالقارمن قيس بالسيارات الأخرى

الباترول السلق القديم الى 97 وهو مركب عليه فرارات يمشي اكثر من 200 لا يغرك طبلونه 180 بوديه خفيف وانا مجرب لا اقولك سمعت ولا توقعت

بالعكس أخوي القارمن هو أدق شي في قياس السرعة أغلب السيارات عداداتها فيها فرق حسب نوع السيارة
أضربلك مثال شف الباثفندر القير عادي يفصل على 200 و بالقارمن 180
الباثفدر القير تماتيك على 200 بالقارمن 194
طبعاَ كفرات بلد
شف السيارات المعدلة لبغوا يقيسون السرعة فيها يقيسونه بالقارمن لإن السيارة تتجاوز سرعة الطبلون
السيارات الإمريكة مطابقة تماماَ للقارمن أو قريبة جدا له ( الكابرس اللومينا )
الباترول القديم مافية أمل يجيب 200 بمحرك البلد طبعا بالقارمن أقصد يعني بالعربي تمشي 200 بالطبلون حقك يجك كابرس يمشي 180 يتجاوزك من اللي أصدق اللحين أنت ولا راعي الكابرس اللي طبلونه متساوي من القارمن

مزدهر

16/01/2012, 11:09 AM

أذكر واحد من الشباب كان معه هايوكس 99 غمارة يقول تمشي 200 قلت له كيف عرف أنها جيب السرعة ذي قال إن الطبلون ياقف على عداد الزيت قلت طيب وأجيب القارمن وأحطه فوق الديكور قلت حط رجلك يوم دقر الطبلون على عداد الزيت كانت السرعة بالقارمن 169 أخذنا المشوار ورجعنا الرجال قال ماني معشق الخامس وخلاه بالرابع والله وأقلعت الهايوكس وتجيب 172 بالقارمن
أنا شطحت عن الموضوع تبي تركب مكينة على بمكينة GXR من مديل 98 وفوق أو مكينة الربع من مديل 2000 وفوق مكينة ما عليها كلام لولا صرف البنزين شوي

ابوراكان تبوك

16/01/2012, 11:13 AM

هلا با الطله

كلامك سليم يا ابو راكان في كلا الردود.

السياره الشد بلد ممكن تاصل 195 على حسب النظافه.
موتري 95 ماشاء الله اليوم طابق به الـ 195 وفوقها طقه وانا رايح للدوام و الموتر بدون فررار والحمد لله ستاندر وشد بلاد وماشي 235000 كم.

وعلى فكره يا صاحب الموضوع ترى نوع الكفرات و الجنوط لها دور بعد كبير.

جنوط هلل وكفرات دنلوب 750 ولا احلى

حياك الله والمهلي ما يولي:D وينك عن غايب عن الحارة ( اقصد الرابطة ) مالها مزاج بدونك ولا يهونو الأعضاء

بالعكس أخوي القارمن هو أدق شي في قياس السرعة أغلب السيارات عداداتها فيها فرق حسب نوع السيارة
أضربلك مثال شف الباثفندر القير عادي يفصل على 200 و بالقارمن 180
الباثفدر القير تماتيك على 200 بالقارمن 194
طبعاَ كفرات بلد
شف السيارات المعدلة لبغوا يقيسون السرعة فيها يقيسونه بالقارمن لإن السيارة تتجاوز سرعة الطبلون
السيارات الإمريكة مطابقة تماماَ للقارمن أو قريبة جدا له ( الكابرس اللومينا )
الباترول القديم مافية أمل يجيب 200 بمحرك البلد طبعا بالقارمن أقصد يعني بالعربي تمشي 200 بالطبلون حقك يجك كابرس يمشي 180 يتجاوزك من اللي أصدق اللحين أنت ولا راعي الكابرس اللي طبلونه متساوي من القارمن

كلامك سليم يالمزدهر انا مجرب قارمن الجوال على فورد والقراءة 100% حتى يوم ارفع رجلي عن الدعسة يطلع نفس العداد بس ما كل الأجهزة تعطي قراءة صحيحه جربت القارمن والنوفي اغلبها ماتعطي قراءة صحيحة الا قارمن الجوال طلعها صح بالأمريكي والسيارات الأخرى ينقص حول 10 في السرعه

مواسي الطعوس

16/01/2012, 12:59 PM

القارمن ليس دقيق في قراءة السرعة ولا تقيس بالقارمن قيس بالسيارات الأخرى

الباترول السلق القديم الى 97 وهو مركب عليه فرارات يمشي اكثر من 200 لا يغرك طبلونه 180 بوديه خفيف وانا مجرب لا اقولك سمعت ولا توقعت
****************************************

- القارمن هو الدقيق ...والا الشعير هههههههههههههههه. لو فرق فرقه بسيط .

- الباترول الربع ايهم اثقل وزن هو والا الربع تويوتا ؟؟؟؟

ذيب النجيل

16/01/2012, 01:03 PM

الله يهديك وش تبي بالسرعه

انا جيبي الي بالتوقيع بخاخ

وفيه زر يفك الفصله ويمشي الى 210 تقريبا

لكن

مااتعدى سرعة 140 كم مع الخط السريع

وحتى زر الفصال استخدمته مره وحده للتجربة فقط اول مااشتريته

مواسي الطعوس

16/01/2012, 01:39 PM

سرعة 210 يمكن اذا نزلت مع طلعة الغاط او القديه ,

- الربع حده 180 .....خاصه موديل2009 وتحت . على القارمن ..لكن بسبب مركب الربع المرتفع يخيل لك انك مسرع .

ابوراكان تبوك

16/01/2012, 04:41 PM

سرعة 210 يمكن اذا نزلت مع طلعة الغاط او القديه ,

- الربع حده 180 .....خاصه موديل2009 وتحت . على القارمن ..لكن بسبب مركب الربع المرتفع يخيل لك انك مسرع .
هههههههههه اعرف انك نيساني متعصب
وش رايك الهدا مو احسن بلكن الربع يجيب 180:D

مواسي الطعوس

16/01/2012, 04:48 PM

الهدا لو مافيه ملفات كان حلو .....انا نيساني وكنت تويوتا وابخص الاثنين ....انت شغل القارمن وجرب وعلمنا .

- ولاتنسى تعلمنا ايهم اثقل وزن ؟؟؟

ابو مروان 201

09/05/2013, 08:00 PM

السلام عليكم ياأخوان انا جيبي ربع 97الكبليتر جنني بصرف البنزين والدخان الاسود مع العلم اني غيرت طقم الاصلاح ومافيه فايده اكدر مثلاً اغيره الى بخاخ

باوزير

09/05/2013, 08:30 PM

بدال التعديل و الخساير اشتري موتر نظيف صالون للخط اكثر امان و صرفية

حمزةعبدالمطلب

09/05/2013, 09:29 PM

الله يحفظك ويحفظ جميع المسلمين السرعة انتحار يالغالي