المساعد الشخصي الرقمي

مشاهدة النسخة كاملة : أسئله عن الشيصان؟


الدبل الثقيل
31/03/2006, 08:36 PM
السلام عليكم ورحمة الله وبركاته... يااخوان ابشتري شاص جديد بنزين بريمي فل 11 سسته كم يكلف من بريمي عمان وانا من جدة هل يستاهل العنوه للبريمي ولى اشتريه من البازعي... وهل بيتغير 2007 وجزاكم الله خير
ندمان
31/03/2006, 09:04 PM
خذه من اليحيى وشوله تروح تجيبه من برا وقيمته فل 100 الف
شعوان السعدي
31/03/2006, 09:26 PM
حدد المواصفات
لاني حاليا في الامارات وراجع لقطر بعد باكر
ولكن عيال عمي هناك والعلوم عندهم
قل وش المواصفات وابشر بسعدك
اخوك شعوان القحطاني قطر
غضنفر
31/03/2006, 11:53 PM
من ناحية الشكل
خذها من عندي
الين 50 سنة قدام نفس الشكل بس يمكن تتغير المكينة
الدبل الثقيل
02/04/2006, 07:36 AM
جزاكم الله خير.... أخوي باث 3500 اليحيى ماعنده ضمان وفي اشاعات تحذر منه ماأدري ليش وهل هي صحيحه؟ أما البازعي يظمن وانا على باب الله خريج جامعه ولاتوظفت.. الله يرزقني واياك وجميع المسلمين من واسع فضله... وبعد التوكل على الله .. الأخذ بالاسباب ومنها الظمان.... أخوي شعوان السعدي القحطاني.. الله يجزاك خير... ويكرمك دنيا واخره .. المواصفات 2006 بنزين تانكيين 11 سسته وعمود توازن ونش ودفلك اللون بيج واذا حصل كفرات حجريه.. والله يجزاك خير... الاخ blak path جزاك الله خير...
الدبل الثقيل
03/04/2006, 12:59 AM
يااخوان الفزعه...
ندمان
03/04/2006, 08:42 PM
آمر وش تبي
شاص&نص
07/04/2006, 03:33 PM
عند البازعي او اليحيى و غرهم لا تدور

و ترى محاكيك كان دفع لليحي أول ما نزل لكن هونت بسبب أن اللي جابوهن 8 ريش
و لذلك خذته من البازعي 115000 أول ما نزل عندهم

و الضمان موجود + صيانة 1000 و 5000 و 10000 مجاناااااااااااااااااااااا


أخوك أبو عبدالكريم
------
و لو تبي أرقامهم + أرقام معارض في الخليج تراني مستعد

لكن التكلفة مساوية و لذلك انصحك تاخذه من الرياض و تريح راسك
الشريطي
08/04/2006, 12:54 PM
معرض اليحيى في الرياض نزل شاص مواصفات بريمي
مثل اللى أنت تريد وسعره بعد الخصم 100000
أما 2007 احتمال كبير انه بيتغير (على كلام الوكيل)
أخوك الشريطي
الدبل الثقيل
09/04/2006, 09:28 PM
جزاكم الله خير.. جميعا .. الاخ شاص&نص عطني ارقام المعارض بالخليج مع تحديد الدوله والرقم بالمفتاح لاهنت دنيا واخره..
شاص&نص
10/04/2006, 09:31 PM
السلام عليكم و رحمة الله و بركاته

أنا اليوم إستفسرت عن الأسعار و كانت كالتالي

1) الإمارات (أكثر من معرض) : 102ألف - 103ألف درهم

خذ بحسبانك اللوحات و التذاكر و السكن و فرق العملة

2) المسند : 110 ألف

3) البازعي : 108 ألف (ضمان 3 سنوات و صيانه مجانيه 1000و 5آلاف و 10 آلاف)

4) اليحيى : 96 ألف

الأسعار السابقه لل ( ونش و ديف لوك و 11 ريشه)


أخوك أبو عبدالكريم
غضنفر
10/04/2006, 11:22 PM
اذا تبي نصيحتي
بعد الأسعار التي ذكرها الأخ شاص ونص
خذ حق اليحيى لأنه ارخصهن واقربهن والشاص
ما يحتاج ضمان ولا صيانة غير زيت وسيفون بانتظام
ويمشي الموتر معك 10 سنوات باذن الله من دون مشاكل تذكر
ندمان
10/04/2006, 11:29 PM
من يقول ان الشاص اللي عند اليحيى بـ 96 الف اللي ونش ودفلوك قيمته 100الف
فصام
15/04/2006, 10:31 AM
السلام عليكم يأخوان عندي بعض المعلومات الي ودي أفيدكم بها :

1- العادي عند اليحي (88.000)
2- الدفلك عند اليحي (94.000)
3- الفل عند اليحي(96.000)

طبعا هاذي سنت الصنع 2005 و 2006 .

وفيه بعض التغير في الشكل سواء داخلي أو خارجي .
الداخلي :
1- مافيه تخشبه عند مساكة البيبان .
2- لايوجد فيه رموت فتح البيبان.
الخارجي :
1- مافيه شخال الكنداسه الدبه الأولي يعني مثل موديلات 99 وتحت .
الدبل الثقيل
19/04/2006, 03:05 AM
جزاكم الله خير...
هاوي قصيده
19/04/2006, 10:37 AM
طيب الليحي بـ 96 الف فل كامل؟؟

والتخشيبه تجي في ايش؟؟ وراد ايش؟؟

واليحيي او البازعي يستبدلون ويزيدون..بالمواتر ..لو عندي جيب من وراد اليحيي هدد 2005
ابو محالة
19/04/2006, 07:05 PM
الشاص وبس

http://www.mekshat.com/pix/upload/images16/mk17780_stone1.jpg
هاوي قصيده
19/04/2006, 07:20 PM
السلاااااااام عليكوووووووو

ياجماعه توي جاي من اليحيي

كالاتي


شاص فل كامل .. دف لوك .. ونش ... 11 ريشه (سسته) لون بيـج .. السعر 96.500 ريال سعودي

شاص ... دف لوك ... 11 ريشه ...بدون ونش ....... السعر 92.000 ريال سعودي

شاص خليجي 11 ريشه ...بدون دف لوك...بدون ونش ... السعر 88.000 ريال سعودي


واعتقد انها نازله ...

وجاني خبر انها باذن الله بالشتاء اللي يجي يالله الحياه تبي تصفق فوووووق.

فاعتدق انها اربح من الاسم خذ لك اثنين واكرفهم وبعهم بالشتاء :)




مراسلكم..هاوي قصيده
غضنفر
19/04/2006, 08:37 PM
هاوي قصيدة
مافيه مانع باخذلي وحيد
بس ابي منك سلف مية الف
ههههههههههههههههههههه
الدبل الثقيل
19/04/2006, 09:36 PM
التخشيبه والريموت والنيكل اللي على الاصطبات الخلفيه يركبه وكيل عمان والصراحه مالها داعي... وبعدين يا اخ هاوي قصيده من قال ان البازعي واليحيى يزيدون ويستبدلون في السياره... و وش اللي يزيدونه ويستبدلونه...... اليحيى انا مكلم ولد راعي المعرض قال اذا لقيت مسمار بالسياره مهو ياباني رجع السياره.... والاصل في المؤمن اذا تحدث انه صادق..... وبعدين كثير من المعارض وغيرهم يسبون اليحيى ويحذرون من سياراته والكثير منهم يشتري منه.. انا شفت سياراته جديده بمعارض اخرى في النسيم وحائل وخميس مشيط ... والله اعلم كل هذا التحذير من اليحيى دافعه الحسد لأنه ارخص الاسعار بقوه.... و والله اني ما اقوله دعايه ولا لي عند اليحيى مصلحه الا انها كلمة حق ..... ويا اخ هاوي قصيده الكلام الاخير لست مقصودا به ..وجزاكم الله خير...
هاوي قصيده
20/04/2006, 01:56 AM
بلاك باث....اجل سلف هههههههه...والا انا اقول لك...بع الباث واشتري لك شاص...والزود بع الاسهم اللي عندك..

<<ومن قال ان عندو اسهم..وثاني شي وش دخلك بخصوصياته (لا تعليق) لا عدمناك يا الغالي


يا هلا بك يا الدبل الثقيل

اما من ناحيه الاستبدال انا قلته لمجرد السؤال وعدم التاكد فقط..

واالا اذا هو يستبدل تسان ما شرتكم ههههههههه

كلكم خير وبركه

وشكلها راح ترسى عاليحيي انا شاري منهم جي اكس والشاص بيلحقه الظاهر

لاهانو الجميع

محبكم

هاوي قصيده...
الدبل الثقيل
21/04/2006, 03:29 AM
الله يسهلك... وانا كذلك بعد الاستخاره واكتمال المبلغ باشتري في وسط الصيف.... ان شاء الله ... الله يبلغني واياك وجميع المسلمين كل خير...