"خلل فني" يزيد سرعة مركبة إلى 200 كلم و"نفاد الوقود" ينقذ الموقف

[العابر2222]

http://sabq.org/sabq/misc/get?op=GET_NEWS_IMAGE&name=news64664227.jpg&width=512&height=320


خالد السليمي- سبق- حائل: سجّلت منطقة حائل، مساء أمس السبت، حالة جديدة من حالات الخلل الفني الذي تعرّض له أخيراً عددٌ من مركبات تويوتا في المملكة, حيث فقد قائد مركبة جيب شاص موديل 2012، السيطرة على مركبته، إثر ما وصفه بأنه "خلل فني بدواسة البنزين"، مشيراً إلى أن محاولاته لإطفاء محرّك المركبة، لم تنجح في إيقاف المركبة التي تزايدت سرعتها فجأة من 130 كلم إلى 200 كلم على طريق الجوف - حائل، كما أن محالات إيقافها عبر "ناقل الحركة" لم تجدِ نفعاً، حيث تحطم بيد السائق.

وقال لـ "سبق" قائد المركبة راكان المحياني: "إبّان توجهي من الجوف إلى حائل برفقة أحد الزملاء، فقدت السيطرة على المركبة عند سرعة 130 كلم، ولاحظت تزايد السرعة حتى وصلت إلى 200 كلم.

وأشار إلى محاولاته إيقاف المركبة عبر إطفاء محركها أو "ناقل الحركة"، باءت بالفشل، فيما تحطم "ناقل الحركة" في يدي".

وأضاف: "أبلغت أمن طرق حائل الذين أعلنوا حالة الاستنفار، وأبلغوني بفتح الطريق حتى منطقة القصيم مروراً بحائل, فيما رافقتنا مركبات الهلال الأحمر، والدفاع المدني والتي لم تقل سرعتها عن سرعة مركبتي".

وأفاد بأن أحد ضباط أمن الطرق تواصل معه على هاتفه النقال, مبيناً له المنحنيات الخطرة في الطريق.

وقال المحياني: بعد 130 كلم تقريباً من حدوث الخلل، توقفت السيارة، إثر نفاد الوقود.

وعن المركبة المعنية، قال قائدها إنه قام بشرائها بنظام التأجير المنتهي بالتمليك من شركة عبد اللطيف جميل - فرع حائل، مشيراً إلى أنها لم تتجاوز 5 آلاف كلم.

وأكّد عدم إضافته عليها أي إضافات، من الممكن أن تكون خلف ما حصل للمركبة من خلل.

إلى ذلك، تسلّمت شرطة مدينة جبة (شمال حائل)، المركبة, لتسليمها إلى جهات الاختصاص.

ووجّه المحياني شكره وتقديره للجهات الأمنية والصحية التي رافقته فيما وصفها بـ "أصعب اللحظات".

المصدر سبق http://sabq.org/sabq/user/news.do?section=5&id=36501

والله يالربع السالفه طالت ... لا تعليق

[ابوماجد-1]

الله يستر والسؤال اللي يطرح نفسه ليه تويوتا ماتسوي حركة شفروليت

اللي هي ربط السرعه على 170 كحد اقصى واعتقد هذي حركه جيده

[مخ سعودي]

خلهم يجيبون الصندوق الاسود الله يسود وجيهم ويقلون مافيه مثبت المشكلة أكيد من دائرة المحرك
والحمد لله على السلامه

[volcano2]

الحمدلله على سلامة الرجال والله يعوضه خير


ننتظر التحقيق دام الخبير الياباني بعده ماراح وان شاء الله صاحب السيارة يتعاون مع المحققين ..

[بدر الشويلعي]

ياناس بالله كيف يتحطم ناقل الحركه حدث العاقل بما لا يعقل بعدين فيه شي اسمه كلتش يعني وين حنا فيه

والله ما علي من تويوتا ولا غيره بس عاد مسخوها كل شوي يطلع لي واحد يقول صار كذا وكذا

والله اشك انهم مهربين وشاردين واذا امسكوهم قالو السياره علقت

هل الشاص فيه مثبت سرعه وهل الشاص يوصل للسرعه هذي ؟؟

[راعي السيل]

ما تنبلع وانا اخوك ، السيارة قير عايدي، أقل شي يسويه يضغط على الكلتش ، إلا اذا كان الكلتش كهرب فهذا شي ثاني !!

[ابوراكان تبوك]

ههههههههههه بكرة بيطلع كاتب في الجريده بخط يده ان الخطأ منه وبعدين تنقطع الاتصالات معه بسبب اغلاقه جواله

[صفحة تربوية]

بعد هذه

آن الأوان لتدخل الجهات الأمنية والمباحث

الموضوع ليس بالسهولة

والله يستر

[- النشمي -]

بارك الله فيك وانا كتبت نفس الموضوع مادريت عن موضوعك اتمنى المشرفين يحذفون موضوعي


تحياتي

[العابر2222]

والله يا أخوان شي يحير .... الناس توجهت لمثبت السرعه

ومن الوقائع المتتاليه يتضح ان مثبت السرعه ماله علاقه .... الخلل في دواسة البنزين (لأن دعسته كهربائيه)

نفس حادثة امريكا

وابو جميل انكر .. وقال ان مثبت السرعه سليم وجاب خبراء لمثبت السرعه لتشتيت الانتباه عن المشكلة الأساسيه

[الصمان 2]

لاحول ولاقوة الا بالله .











.

[ابو ف]

والله مشكله الصراحه بعدين يعلق ليش لا ويتحطم القير كلها طبيعي الدعوى نظام كمبيوتر

[عاشق مكشات]

ما تنبلع وانا اخوك ، السيارة قير عايدي، أقل شي يسويه يضغط على الكلتش ، إلا اذا كان الكلتش كهرب فهذا شي ثاني !!

ايه والله انك صادق التماتيك مشينها ام العايدي مااصدق ابد رص الكلتش وانتهينا

[ولد روووق]

كثرت مشاكل السيارات بينقص سعرة

[ابو محمد السهلي]

دامه مامشي الاخمسه لالاف يعطونه واحد بداله وينتهي الموضوع........والشركه معروفه بفعل الخير.... سرا وجهرا ....ولايحاكمون الشمري تراه رجال طيب .... ويستاهل التكريم .......ولاعاد هوب متكلم ابد..... وبالنسبه لاعتذار امام الكونغرس...عشان موديلات قديمه يمكن ٩٨ .... وكل الكلام اللي تسمعونه وتقروانه في وسائل الاعلام ... مهوب صحيح ... لان تيوتا ماتغلط ابد ... واحسن شركه فالدنيا...والفبركات من شركات منافسه
والخ.......

[Magellan]

صعبه تدخل مزاجي
انا مع اخونا عبدالله بن نعيس الطوالة
حادثته هي الحقيقية والواقعية
أما غيرها فيحتاج الأمر لإثبات
عجزت استصيغ هالسالفة بتعليقة الشاص ابد ابد ابد

[sgl2002]

ياناس بالله كيف يتحطم ناقل الحركه حدث العاقل بما لا يعقل بعدين فيه شي اسمه كلتش يعني وين حنا فيه

والله ما علي من تويوتا ولا غيره بس عاد مسخوها كل شوي يطلع لي واحد يقول صار كذا وكذا

والله اشك انهم مهربين وشاردين واذا امسكوهم قالو السياره علقت

هل الشاص فيه مثبت سرعه وهل الشاص يوصل للسرعه هذي ؟؟







انا اقولك

اول شي لاتنسى ان الدعسه كهربائية بنزين وكلتش

يعني ادعس كلتش لين تدخل رجلك المكينة ماينفع دامه معلق على البنزين وماعطى امر للكلتش

ومع السرعه الزايدة القير يكون ماسك الترس الخامس وعاض عليه

يعني بتسحبه بتنكسر العصا وهو باقي في النمرة

صراحة بديت اصرف نظر عن الشاص 2010 مع اني ادور هاليومين

ياحسرتي يال2009 اللي كان معي


تحليلي يحتمل الخطا والصواب وننتظر المشرف اصيل والبقية يفسرونها تفسير منطقي ما مدى صحتها؟؟!!×

[sgl2002]

^^^
اضافة ولو طفاه وهو يمشي وباقي معلق بينتع ويكمل الا ان كان يسحب المفتاح خارجا

لكن المشكلة ان الشغلة كمبيوتر يعني تسحب المفتاح والاخ باقي ماطفى ولا جاب لك خبر

[XML FLASH]

هذي الاشاعات تنشرها تويوتا عشان الناس تكذب الخبر الجديد و القديم ........ افهموها

[قرم تميم1]

هذه الايام الناس فاضية خلهوم يتسلون كل يوم بيجيكم خبر تعلييق السرعة في جميع انواع سيارات تويوتا لا تستعجلون ( قال انكسرت عصا القير في يده وش دخل القير في سرعة المكينة نفس كلام الاخوان إذا افترضنا الخبر صحيح وهذا مستحيل والله اعلم؟؟؟؟؟؟؟)

[sgl2002]

^^^
جرب اسحب عصا القير وانت داعس للموتر

[صفحة تربوية]

لان الكذب بلاش

طلعوا المهايطية


ولدي توي مشتريله سيكل عشان النجاح

يقول علق السيكل ومقدر اوقف بالشارع لين بنشر الكفر

هههههههههههههههههههههههههههه

[صفحة تربوية]

الجواب واضح

جميع الشركات عجزت تساير تويوتا بالفخامة والقوة
قالو خلنا نخربها مع الشركة

حملة مدعومة من
نيسان - الجميح - فورد - سوزوكي - ميتسوبيشي - ايسوزو -الحاج حسين - هونداي

[noor4noor]

هذي الاشاعات تنشرها تويوتا عشان الناس تكذب الخبر الجديد و القديم ........ افهموها
:good2::good2::good2::good2::good2::good2::good2:: good2::good2::good2::good2::good2::good2::good2::g ood2::good2:

أكد للمرة المليون الناس ليسو مغفلين يبو جميل يبي يشتت الفضيحة
يستخدم سالفة الراعي والذيب يوم يصيح الراعي جا الذيب ويفزعون ربعة طلع يمزح عليهم وكررها كذا مرة لين صار مايصدقونة وبعدين جات الطعة في الراس جاة الذيب وكلاه الذيب ابو جميل ....

[sgl2002]

طيب ياللي تقولون اشاعات وتشويه سمعه

خلهم يشوهون وش محرق رزك

حنا بنستفيد انها بترخص

والا عشان ابو جميل ضاحك على البعض وبايعه بسعر غالي ووده انه يضحك علينا بعد

عجيب

ملاك تويوتا كانهم ياخذون عمولة

انا ابشتري تويوتا وانتظرها ترخص ما بي ابو جميل يضحك علي زيكم

[البرنس الليبي]

حدّث العاقل بما لايليق فإن صدّق فلا عقل له ...مابقى إلا القير العادي..ياخوي ادعس الكلتش لين تنفجر الماكينه..قال ايش تحطم القير ؟!

اتقوا الله ياصحافه ..الصحافه امانه لكن الامانه ضاعت .

[شاص99]

بسم الله وعلى بركة الله
بعد الانقطاع نعود من جديد>>>>>>>>> اكيد مشتاقين لي

بالنسبه لسالفت الجكسار يمكن تنبلع وهي اقرب للحقيقة

اما الشاص يعلق>>>>>>الظاهر انه به نظام جديد يخليه يطير ويضغط زر ويصير لكسز وغيرها من الفخامه


الشاص---من مجرب----- لايعلق واذا صارت السالفه حقيقه فهناك اختراع اسمه كلتش وبالنسبه للي يقولون الكلتش كهرب فلو كان يشتغل بالنيه بس فانت تقدر تمتل القير وتفضيه تذكرو انه على الخامس فتفضيته بدون كلتش بسيطه ولو كان على الاول يمكن يعجز يفضيه لكن هو على الخامس







بعدين السؤال الي يطرح نفسه..!?.


لماذا ماجت الاخبار وتعيقات المثبت والبنص الا بالشهرين هذي. قصدي اننا
عشنا 2007مالقينا اي خبر تعليق مثبت الى2010 يعني معقوله ثلاث سنين ماسمعنا حادثه وحده وفي خلال اشهر تنهال عشرين حاله!!!!! وكذلك الحوض والهلوكس..



اطرح لكم السؤال وعليكم الاجابه

[.أبوعبدالرحمن]

تم تخصيص موضوع خاص لهذه المشكلة

((كل ما يتعلق بقضية تعليق دعسة الوقود تجده هنا يمنع طرح موضوع جديد )) (http://www.mekshat.com/vb/showthread.php?t=474421) ‏

يغلق