رحلتي الى الصمان

[ابوفهد1234]

يوم الاربعا 30\2\1427 مشينا من الرياض مرور ب الثمامه الطوقي الدوار وفللنا البترول وبعد 90كم لفينا يسار وبرمج وامش 0 (واحد من الشباب بيتميلح وقال بمشي بدون الجهاز قلتله ترانا بمشيه الله اول ما نوصل بنضبط العشا ولا حنا محترينك ) وصلنا قبل المغرب نزلنا العزبه والشاهي والقهوه وبدينا با العشا الساعه 8 تعشينا والاخ ما جا 0 لقيناه من بكره 0 الغريب تلقا فياض خضرا وهي قليله والبقيه جردا 0 حسنا السبق فيها مويه وخفاس غير طبيعي انتبهوا يوم الجمعه رجعنا والصور مستقبلا انشا الله 0

[الشقردي]

يامال العافيه

ليتك تذكر لنا الفياض اللي مريتوها ووش ترشح أحسن وحده من ناحية الربيع.

وهل المحلات اللي رحتو لها ممطوره ولا لا؟

[رمال الصحراء]

كل هذا كلام طيب والله يجزاك الف خير 00 00
بس ممكن الوصف بيدقة اكثر وإذا كان فية احداثية ياليت
والسلام عليكم ورحمة الله وبركاته

[ابوفهد1234]

الاخ العزيز الشقردي تحيه طيبه مثل ريح الخزامى وبعد 0 با النسبه للفياض اللي مرينا عليها اغلبها جرد لكن حسنا السبق يوجد بها مويه 0يوم الاربعا ليله الخميس كنت نايم با القرب من حسنا وجانا هواء قوي وعج وكذللك مطر قليل وكانت البروق شمال 0 الارض ممطوره لكن مطر شوي 0وكما تعرف ان الصمان يبغا لها ديمه با الساعات عشان تاثر على الارض لكن الله كريم 0الاخالعزيز رمال الصحراء اذا انك من سكان الرياض تروح الى الثمامه ثم تطلع الطوقي الى الدوار الثاني تلف يمين متجه للصمان 90 كم 0 تلف يسار 0 الاحداثيات بكره انشاء الله 0بمشيه الله الاسبوع القادم ساذهب للصمان فيه فيضه اسمها بربك دغيم ممتازه وشجرها كبير واقرب من حسنا بكثير وانصح بها للعموم 0متغدي فيها يوم الجمعه 0وفيه ملاحظه مهمه جدا وهي اذا لفيت من عند الدوار متجه للصمان انتبه للبعارين تقابلك وجه لوجه