مساعدات الهايلكس

[R M A D]

السلام عليكم ورحمة الله وبركاته


أسعد الله أوقاتكم بكل خير


اخواني


عندي هايلكس غمارتين موديل 2006 بدون دبل
ناوي في القريب العاجل ادخله الفحص الدوري لأجل تجديد الاستماره


وعندي استفسار بخصوص المساعدات


وهو متى يتم تغيير المساعدات ؟ وكيف اعرف انها انتهت وتحتاج تغيير ؟


الموتر فاكه على يدي قبل 6 سنوات
وماجيت مساعداته نهائيا


ومالاحظت على الموتر اي سلبيات .. سوى وجود صوت
يجي من تحت الصندوق اذا رقيت أو نزلت من مطب على شوي شوي
صوت "عطعطه" و اشك ان الصوت منها


سبق وقيل لي اذا لقيت عليها اثار زيت
بهالحاله تكون المساعدات تعبانه وتحتاج تغيير
ولكن لاوجود لأي اثر زيت عليها حتى الان !


بانتظاركم

[ابونبيل]

ارحب رماد كيف حالك هع


تعرف انها خربانه اذا شفت زيت طالع من المساعد اما اذا كان مافي زيت معناه انه منتاز

[R M A D]

هلا وسهلا ابو نبيل

مشكور على الرد .. ولاتوجد اثار زيت عليها حتى الآن

لكن 6 سنوات استخدام .. ماهيب كثيره على المساعدات ؟

لأن فيه كثيرين اشوفهم تقعد معهم بالكثير 3 سنوات

[الجني العبد]

شف إذا كان موترك يناقز بشكل غريب أو المساعد عليه زيت فهو يحتاج تغيير
هذا العلم اللي عندي

[ابونبيل]

شف ترا مساعدات الهلي قويه بس مايخربها الا الماطمر بالنفود وانت شكلك ماتطلع عليه بر

فانا اقولك خله ينجح من الفحص بعدين كيفك اذا تحس انه صار اقسى من اول غيره يعني سوق هلي 2009 وفوق وشف الفرق

كان فرق معك بالمطب غير المساعدات

[حبل الوريد]

اذا موتركـ ينابط منابط عجيب مساعداتكـ منتهيه