( جيب لكزس 2012 الشكل الجديد )

[ABU NOFAL]

صور من جيب لكزس إل-اكس 570 2012 بالتغييرات التجميليه الجديدة. وأول ما تلاحظه هو الشبك الأمامي الذي يشبه إلى شبك لكزس جي-اس الجديدة. وتشمل التغييرات الجديدة أضواء أل-اي-دي للنهار و المرايا الجانبيه الآن مع مؤشرات للانحناء وإعادة تصميم المصابيح الخلفية وتصميم جديد للعجلات حجم 20 بوصة. وهناك أيضا المزيد من التغييرات الطفيفة في الداخل

http://www.almuraba.net/2013/jeep-Lexus/01-2013-lexus-lx570-detroit.jpg
http://www.almuraba.net/2013/jeep-Lexus/02-2013-lexus-lx570-detroit.jpg
http://www.almuraba.net/2013/jeep-Lexus/03-2013-lexus-lx570-detroit.jpg
http://www.almuraba.net/2013/jeep-Lexus/06-2013-lexus-lx570-detroit.jpg
http://www.almuraba.net/2013/jeep-Lexus/08-2013-lexus-lx570-detroit.jpg
http://www.almuraba.net/2013/jeep-Lexus/10-2013-lexus-lx570-detroit.jpg
http://www.almuraba.net/2013/jeep-Lexus/12-2013-lexus-lx570-detroit.jpg
http://www.almuraba.net/2013/jeep-Lexus/14-2013-lexus-lx570-detroit.jpg
http://www.almuraba.net/2013/jeep-Lexus/16-2013-lexus-lx570-detroit.jpg
http://www.almuraba.net/2013/jeep-Lexus/17-2013-lexus-lx570-detroit.jpg


وذكرت شركة تويوتا المالكة لشركة لكزس والتابعة لها ان الاسعار قد تتراوح وتبدا من 460.000 الف ريال سعودي لدة وكالة عبداللطيف جميل

ليش السعر كذا ممبالغ فيه ( متى ينزل غزال 1 يغطي عليها كلها بـ 35.000 إلى 45.000 ريال )

تقبلو تحياتي و سامحونا على القصور
أخوكم أبو نوفل

[راعي المقانيص]

http://im13.gulfup.com/2012-01-12/1326335217381.jpg

[ابونبيل]

الله يرزقنا...


مشكور يالذيب

[غريب200]

يادافع البلا والله لونه الماني .. حسبي الله ونعم الوكيل ...

شكرا ابونوفل

[سعد القاسم]

جاي معه مسدس مجانا ؟؟؟؟

[نوماس1]

يقولون يعلق مثبت السرعة فيه انتبهو لا تشترونه انا ماني مشتري هالنوع من السيارات لانه يعلق فيها الابنص هههههههـ

[abu fares]

460000 الف يابلاش

احجزوا لي واحد فل كامل

يالله الجنة

جزاك الله خير يالحبيب

[volcano4]

سعره يالحبيب اقل من اللي ذكرته ... في حدود 390 الف تقريبا :mad:

بس موتر ما شاء الله تبارك الله :good:

[شمالات نجد]

ممكن سؤال:

يا اخوي انت كاتب في العنوان (عاجل).. وش السبب؟

[- النشمي -]

هالموتر عقب مشاكله الاخيره مايسوى التااليه من الغنم

[التعـ King ـديل]

460 الف

قيمه شقه ونص تمليك في الرياض

حسبي الله ونعم الوكيل

[شاي اخضر]

هل دواسة البنزين كهربائية ؟

وهل به مثبت سرعه ؟

وهل يمكنني ان اضحك ؟

[xCHUPx]

الله يرزقنا ويفكنا من تعليقته

ههههههههه

[راعي المقانيص]

سعره يالحبيب اقل من اللي ذكرته ... في حدود 390 الف تقريبا :mad:

بس موتر ما شاء الله تبارك الله :good:


قال ماهي منشقه لكن تخر

وش فرق 390 عن 460 الف

انت بنظرك وانا أخوك يستاهل احط فيه هالقيمة ؟ ؟ ؟

[عبدالعزيز بن احمد]

460.000 بس رخيص ياشيخ

بس 460.000 :looney:

يارجل زدها شوي واشتر لك دبلوكس

[شاص]

460 ألف!!! أعوذ بالله .. وإلى متى سيستمر هذا الإرتفاع الفاحش والمستمر في الأسعار ؟؟

[volcano4]

هل دواسة البنزين كهربائية ؟

وهل به مثبت سرعه ؟

وهل يمكنني ان اضحك ؟




الدعسة كهربائية توربو :good2:

مثبت يحبه قلبك على 200:good2:

راح تضحك بس كثر الضحك يميت القلب :D

[volcano4]

قال ماهي منشقه لكن تخر

وش فرق 390 عن 460 الف

انت بنظرك وانا أخوك يستاهل احط فيه هالقيمة ؟ ؟ ؟

الفرق 70 الف مو بسيط

يستاهل ولا ما يستاهل عاد هذي مايفتي فيها لا انا ولا انت و ما ياخذ الموتر هذا وامثاله الا واحد مقتدر ويقدر الجودة والفخامة ويقدر على تكاليفه ولا حنا ملزومين نشتريه بسعره المعروض ..:)

[عبدالعزيز10]

الله يصلح الاحوال ..طيب بعد عشر سنوات كيف بتكون الاسعار!!!!!!!!!!!!!

[صايد الوعل]

لوفيه قيرعادي ممكن ايش رايكم

[حبل الوريد]

انا استغرب منكم يهالموضفين تشترون سياره بكذا مبلغ 280 الف اجمعها واحطها بشقه اقل شيء امن فيها لعيالي لو رحت عنهم بعدين


هبال موتر بنص مليون وتعلق دعسته بعد السياره هذي قيمتها الفعليه 170 الف

[n556600]

بالله يا الربع اابي لي واحد بس ناقصني خمسة الاف ممكن سلف وديه مفتاح

[أبو هشام راشد]

لا تغيير جذري في الشكل او كبرنا ولا صرنا نحس بالتغييرات !!!!!!!!!!!

[ابو عقل1403]

الغزال ماولد الى الحين

[محرين باالخير]

مشكور اخوي
لاكن الي انت منزل صوره هذا امريكي ولاحض عداداته
وباالنسبه للطبلون والداخليه لم يتغير فيها شي نفس ا لموديلات السابقه
الله يوفق الجميع 00

[باسل نجد]

يا أخي والله لو ان فلوسه معي كاش ما احطها فيه
يا أخي هذا اهبااااااال 460 أو حتى 390 سياره زي اي سياره

يالله الجنه يالله
يا اخي الدنيا عبر ( انت مسافر في هذه الدنيا )
أما اشقى واتعب وآخرتها احطها في حديده من السيد ابو جميل ،،،، الله اكبر

[فارس الدوسي]

من امن العقوبة ساء الادب
وشركة عبداللطيف بدون حسيب ولا رقيب وما احد
حاسبهم ...
فعادي ما خذين راحتهم على حساب المواطن المسكين
ولاحول ولا قوة الا بالله

[حطاب الشمال]

ياالله ياربي انك ترزقني بلكزز واخذ لفه ومن بكره ابيعه 460الف

[شاي اخضر]

الدعسة كهربائية توربو :good2:

مثبت يحبه قلبك على 200:good2:

راح تضحك بس كثر الضحك يميت القلب :D



فرحتني بخبر الدعسه والمثبت

نسال الله ان يحفظنا ويحفظك ويحفظ المسلمين

ويكفيهم شر الطريق ومخاطره

وان يصرف عنا الرياء

و

النفاق ;)

[volcano4]

ياالله ياربي انك ترزقني بلكزز واخذ لفه ومن بكره ابيعه 460الف


كثيرين زيك يتمنونه والله يرزقك بعشرة قل آمين :good2:

[قناص الصباخ]

الزين يستاهل
الكزس سلعه ثمينه لرجال ثمينين راعي الولع يشريه لو باع ثوبه