جيب تويوتا معلق على 200 كم يمر بنقطة تفتيش ... نسأل الله السلامة

[أبو فيصل 99]

TLYlm7SLWCA

[Mr.GX-R]

يالله انك تستر عليهم
تعبنا كل يوم الواحد يده على قلبة من اللي نسمعة ونشوفة من تعليق الدعسة

[ولد روووق]

لسيارات علامها
الله يستر على العسكري يغرم ليش يصور في النقطة

[xCHUPx]

الله يسلمه ويستر عليه

[صياد الجبل]

الله يستر عليه والله شي يخوف انا هنا والله اني خفت فما بالك تكون في المركبه وانت والموت واحد

لا اله الا الله

[الخزاعي2010]

والله مهزله

متى نقدر نوقف تويوتا عند حدها

[الخيمة والذرا]

نبي الخبيرالمتحدث volcano2 يعلق على الموضوع الله لا يهينه

ودنا نضحك شوي عللى هالصبح

[ALBDRANE]

ممكن الرابط

[الأسير]

لا حول ولا قوة الا بالله

مهو بس الجي اكس ار


حتى الشاص


هذا رابط موضوع الشاص 2012


http://www.mekshat.com/vb/showthread.php?t=476485

[- النشمي -]

لا خلاص الوضع لايحتمل


المفروض الحكومه تتدخل وتوقف استيراد مثل هالمواتر الين تنحل مشاكلها


هل شركة تويوتا فوق الحكومه السعوديه اذا الشي هذا صحيح بنعذرهم على السكوت !!!!!

[نايف رشدان]

ههههههههههههههههههه
مره عجبني الي يقول حماية مستهلك هاذي حمايه تاجر وعادي يموت مواطن اثنين عشره ميه
عاااادي اهم شي التاجر ما يزعل علينا الله يخلينا ابو جميييل

[volcano4]

نبي الخبيرالمتحدث volcano2 يعلق على الموضوع الله لا يهينه




ودنا نضحك شوي عللى هالصبح


ياحبك للسخرية :p فولكانو 2 و3 واليوم 4 تم حذف الردود والمعرفات نزولا عند رغبة سيادتكم المتعصبين..;)

اول شي نقول الله يستر على الرجال ومن معه وان كان صادق الله ياخذ له حقه:good2:اوكيششششش

ثاني شي المقطع غير واضح ولا يبين شكل الموتر ممكن يكون نيسان جي ام سي هوندا ميتسو وحتى العسكري ما طرى تويوتا ... الحين اضحك ياعسل :D

والخبيرررررر يسلم عليك وحي الله الخبير

شاي شاي عـطـ ـ ـوه شـ ـ ـ ـااااااااااااااااي :D

[فيصل التميمي]

لابد من تدخل سريع لايقاف هذه المهزلة وطلب جميع السيارات التي فيها خلل وتعويض اصحابها او اصلاحها

[S3llo]

لابد من تدخل سريع لايقاف هذه المهزلة وطلب جميع السيارات التي فيها خلل وتعويض اصحابها او اصلاحها
ابشر طال عمرك












من تحاتسي انت ما عندك احد

[abu-d7eem]

هذا نفسه راعي الحفر ..

الطواله ..


ابشركم فحصوا الاخصائيين اللي جو من اليابان موتره وسوو له 50 اختبار ولا تبين لهم المشكله وقالوا مافي شيء ..

سبحان الله يعين فجأه جاه خراب وراح << يعني خلاص عيب مصنعي ..

والشرطه وامن الطرق والمرور وقعوا ع التقرير ان السيارة مافيها شيء ,,

[medo112]

الله ستر عليه ,,
وفيه تعليق صاحب المقطع .. بعد ما تلكمو الشباب وقالو كذب واشاعه ..


مشينى معاه بنفس سرعته وتقدمته الدوريه وصدم الدوريه من الخلف وبعد توقفه المركبه والحمدلله علي سلامته والبعض منكم يقول مهرب ارد والله بعد ماوقفناه ان المسكين وديناه المستشفي تشنج محله وتم تفتيش المركه بلكامل

[أبو أسامة]

الله يستر علينا وعليه والله أني خفت من منظر سيارته وهي تشطف النقطه بها السرعه ياربي سترك على المسلمين ....... لا حول ولا قوة إلا بالله يالله الرحمه ..................

هذا الجيب لونه أبيض و موتر الطواله ذهبي والنقطه كأنها من نقاط طريق الرياض القصيم .........

[ولدآآآدم]

ياشباب انا لي وجهة نظر اخرى
بعد الفحوصات والاختبارات التي اجريت لسيارة راعي الحفر
والاقرار اللي كتبة صاحب سيارة ثانية ماأذكرها
يبدو لي والله اعلم اما أنها احدى اساليب التهريب التي يلجأاليها المهربين ومااااااااكثرها
أو هؤلاء الاشخاص يسعون الى البروز والشهرة ولو بالمخاطرة بأنفسهم

[أبو أسامة]

ههههههههههههههههههههههههههههههههههههه حلوه تهريب يا أخي تهريب وأكلم أمن الطرق يفتحون لي الخط ويطردوني هههههههههههههههههههههههههههههههههههههههههههههههههه ههههههههههه ليش تخالف توقيعيك خلك على راي واحد سبحان الله يهرب ويطلب الفزعه من الأمن هههههههههههههههههههه

[الجني العبد]

ياشباب انا لي وجهة نظر اخرى
بعد الفحوصات والاختبارات التي اجريت لسيارة راعي الحفر
والاقرار اللي كتبة صاحب سيارة ثانية ماأذكرها
يبدو لي والله اعلم اما أنها احدى اساليب التهريب التي يلجأاليها المهربين ومااااااااكثرها
أو هؤلاء الاشخاص يسعون الى البروز والشهرة ولو بالمخاطرة بأنفسهم


مستحييييييل تكون أحد أساليب التهريب ، وإن كانت فسيكون مهرب غبي إلى حد الثمالة
لأن نهاية اللي معلقة السرعة معه إن ياقف ، وإذا وقف ستكون الدوريات الأمنيه متواجده وبكثرة ،
كيف يهرب الآن ؟

[الباهي]

الشرهه على وزير التجاره قليل الحيا

[a-s-i3]

الله يستر عليه والله العظيم انه شي يخوف . عيالنا يرحون بسبب أستهتار وكيل سيارات لأجل المال أرواح أبناء هذه البلد لا تقدر بثمن سمعت وكالة تويوتا كانت لاتقارن بأي وكيل في مملكه من نفس الدوله الموجوده بها هذه الصناعات المختلفه من مصانع السيارات والأن أصبحت تويوتا تشكل خوف وخطر على المستهلك لماذا ؟؟؟؟؟؟؟

[التعـ King ـديل]

الحل بمقاطعه جميع السيارات الجديده

لان الضرب الجماعي يؤلم ويجعل التصحيح شي اساسي

[التعـ King ـديل]

لا خلاص الوضع لايحتمل


المفروض الحكومه تتدخل وتوقف استيراد مثل هالمواتر الين تنحل مشاكلها


هل شركة تويوتا فوق الحكومه السعوديه اذا الشي هذا صحيح بنعذرهم على السكوت !!!!!



تقدر تقول هيك شي :good2:

[التعـ King ـديل]

هذا نفسه راعي الحفر ..

الطواله ..


ابشركم فحصوا الاخصائيين اللي جو من اليابان موتره وسوو له 50 اختبار ولا تبين لهم المشكله وقالوا مافي شيء ..

سبحان الله يعين فجأه جاه خراب وراح << يعني خلاص عيب مصنعي ..

والشرطه وامن الطرق والمرور وقعوا ع التقرير ان السيارة مافيها شيء ,,

رزق العيال ياخالي .. مافي احد يبي يضيع مستقبله :good2:

[ملك الإحسآس]

اي جيب يالحبيب
الموتر اللي مر صغير !!!

[volcano4]

اي جيب يالحبيب
الموتر اللي مر صغير !!!



لاحظت الشي هذا ممكن يكون جيب وممكن فان لكن المقطع مايدل على نوع السيارة ;)

[التعـ King ـديل]

اي جيب يالحبيب
الموتر اللي مر صغير !!!


موتر ماشي 200 ومصور بكاميره جوال فديو تبيه يطلع واضح مثلا ؟؟؟؟

ترا الشوف بالعين غير الشوف بالتصوير

ادري بتقول مافي اثبات انه تويوتا بس ركز بالمقطع واسمع التبليغ وش نوع السياره اوكي :good2:

وسلم على الخبير صديق فالكانو

[أبو أسامة]

كل ها اللي مر وصار صغيره ههههههههههههههههههههههههههههههههههههههههههههههه ملك الأحساس ردودك السابقة تدل على تعصبك للاند وما أقول غير الله يهني سعيد بسعيده ........

[عبدالعزيز بن احمد]

لا حول ولاقوة الا بالله

انا وانا جالس في البيت ارتعت اجل وشلون ذا الضعيف مسكين.


الله يكون فيالعون

[بنزرت]

حسبي الله على المسؤل
ياجماعه انا ماقدرت اشوف السياره من السرعه
انا الحين صدقت ان بوجميل فوق القانون

[abu morya]

الحل ياجماعة الخير ,,,

(((((((((( تعدد الوكلاء ))))))))))


المقاطعة لوحدها ما تكفي ,,,


بيجيني واحد مثل أحد المنتديات ( يقول اللي ما يطول العنب ) ,,,

أنا استغرب من اللي معه تويوتا أياً كان نوعها من اليارس إلى VX-R

ويمشي ما تقول إلا رئيس شركة تويوتا ,,, يا حبيبي تراه تويوتا

يعني تراك ماطمرت باقي وراك مرسيدس و BMW و بورش وووو الخ


وللمعلومية عندي 3 سيارات تويوتا أقلها 2010 ,,,


لكن حياتي وحياتي غيري غالية ,,,


والموتر مجرد وسيلة للتنقل ,,, فيه غيرها أبرك منها ,,,


ولا ننكر ( تميز تويوتا بالجودة ) ,,, ولكن المشكلة في الوكيل اللي عندنا ,,,

العيوب المصنعية تحدث في جميع دول العالم وفي جميع الشركات ماهوب ( تويوتا ) فقط ,,,


ولكن الوكلاء يستدعون السيارات اللي فيها العطل ( ويصلحونه على حساب الشركة ) ,,,




الحل ((((((((((( تعدد الوكلاء ))))))))))))

[شاي اخضر]

والله اني كنت بقول لا يجي واحد مطفي النور
ويقول مهرب



طلع االي فاصلين الكهرب كثير


اجل مهربين

يا اخوان خافو الله

هذي ارواح
يعني السياره اقل شي فيه اربعه
ولو صدمت بتصدم سياره ولا بتنقلب وتاخذ ارواح ناس في سياره او سيارات اخرى
يعني نتكلم عن عشره انفس مسلمه
تهدر

ويجي واحد مطفي النور
ينافح عن تايوتا
لانه يحبها


ياخي دماء المسلمين متى تكون احب اليك
من تايوتا
الي لا صنعته انت ولا انتجته

!!!!!!

[شاي اخضر]

لاحظت الشي هذا ممكن يكون جيب وممكن فان لكن المقطع مايدل على نوع السيارة ;)


يمقن سيكل يمقن لا

[.أبوعبدالرحمن]

((كل ما يتعلق بقضية تعليق دعسة الوقود تجده هنا يمنع طرح موضوع جديد )) (http://www.mekshat.com/vb/showthread.php?t=474421)

تم وضع هذا الرابط لكل ما يتعلق بهذه المشكلة


يغلق