المساعد الشخصي الرقمي

مشاهدة النسخة كاملة : سؤال عن ونيت جمس 2006؟؟؟؟


خالدي نجد
02/04/2006, 05:42 PM
الــــســـلام عليكــــــمــ ورحمــــة اللـــــــــه وبركاتــــــــــه

بغيت اسأل عن ونيت2006 4×4 تنصحون به و الا لا ،،وش الافضل فيه قير توماتيك و الا العادي

هل الغمارة ونص أفضل ؟؟؟؟؟؟؟؟؟؟؟؟؟؟؟؟؟؟؟؟؟ ننتظر اجاباتكم على أحر من الجمر.................
عاشق ربـع
02/04/2006, 09:56 PM
هلابك اخوي

با لنسبه للونيت فهو قوي وما علية بس عيبة الشفط شفط بانزين

وانت وش تبي به للبر ولا لوشو....

ان كان للبر معروف مالك الا الياباني

والقير فهو يرجع للشخص الي يبي يشرية يبي يرتاح اوتوماتيك ويبي العزم والقوه فهو طبعاً القير العادي

اتمنى اني افدتك...
ابو باسل
02/04/2006, 10:34 PM
اخوي خالدي نجد
السلام عليكم ورحمة الله وبركاته ،،

انصحك اخوي ان تاخذ جمس غماره ونصف
انا معي جمس حوض غمارة موديل95 الحمد الله نشيط ولا فيه أي مشاكل وصرفية البنزين اقل من الباترول حاط عليه شراع نستخدم الصندوق خيمة لنوم ياخذ ثلاثة أشخاص مستخدمين فراش البر وعند الأمطار نلفيه وكذلك عند العجاج ومخليه دورين تحت توانك الماء كبيرة تاخذ ماء نطلع خمسة أيام ونحن ثلاثة أشخاص ونرجع وماخلص الماء وكذلك العدة وبعض الحطب:good:
خالدي نجد
02/04/2006, 10:53 PM
عاشق ربع ، ابــــو بــاسل

جزاكم الله خير و بالنسبة للجمس ابيه لثنتين البر و المدينة

و الله يكتب اللي فيه الخير .....
الفتى المجازف
03/04/2006, 01:35 AM
حيااك الله ياخالدي نجد


ترى الجمس الجديد غماره ونص من موديلات 2003 وطالع اقتصادي جدا جدا ويوفر بنزين اكثر من اللاند كروزر والباتروول وهذا نتاج تجربه.
وتراه موتر سنافي حطه على يمناك يبرد الكبد بس عطه ويعطيك يعني بعد كل موسم شتوي سو له تربيط وابشر بعزك
واحد من الشباب معه غماره ونص موديل 2003 ماشي 180الف كيلو اذا شفته تقول ماطلع به بر وهو حارث به كل البران والخدان والفياض والرياض والنفود والرمله ماخلى ديره ماوطاها مابقى الا السودان وموريتانيا.

الموتر فيه مواصفات وامكانيات ليست في الياباني موتر يعطيك ويقول ابشر بعزك وجرب وحاسبني
بغيته في الديره يوكن وفي البر جيب لايجاريه جيب.
طبعا اتكلم عن الدفرنسين وتحيتي
وعذرا للإطاله
العملاق النائم
03/04/2006, 01:54 AM
ايييييييييه !!
الله يرحم ايام البهبهاني.......
والله انك ولعتني فيه.
وانا مثلك ابحث عن عيوبه لكن الي جربوه قليلين لذلك لم ارتوي من المعلومات حوله.
ابحث في الموضوع وانا ابحث ..........

جاي البحث....:j
خالدي نجد
03/04/2006, 01:23 PM
الفتى المجازف ، الــبــزعــة

الله يحيــيـكم و يعطيكم العاافية

وجــــــــزاكــــــم اللــــه خير .......
Mohammad
03/04/2006, 03:07 PM
عزيزى اعتقد الشكل سيتغير كثييييييييييير! فى 2007

والله اعلم
خالدي نجد
03/04/2006, 10:04 PM
اخوي محمد : سألت عن 2007

وقالو بينزل بعد اربع شهور

لكن شكله (لك عليه) قريب للسكاليد (كدلك) و طقته

يعني مهووب للبر و لا البر له

شاكر لك مرورك ،،
عاشق الفياض
03/04/2006, 10:38 PM
للبيع
خالدي نجد: عندي أنا أثنين غمارة قطع عشرة دفرنسبن 2001م والله ميعرف المطبات على الطريق مهب مثل الشاص يقطع ظهرك 52ألف
الثاني غمارتين صندوقه قصير دفرنسين عليه شراع وتانكي وكفرات شاهين المطنيج مايعرفها وعلى فكره 2001م 65ألف
هاه..؟
04/04/2006, 04:32 AM
بالنسبة للشكل
فوالله ياهو رزة كنك راكبن مايباخ :)
باث2003
04/04/2006, 02:10 PM
هلا فيك أخوي عاشق الفياض ......
إلا ابي لي واحد من هالجموس اللي عندك كان ودك تتخلص منه؟هههه
إن كان عندك نية للبيع رد علي بالخاص الله لايهينك وعلمني (تسم) حدك فيه؟ حلووووه (تسم)= كم ؟
خالدي نجد
04/04/2006, 09:19 PM
اخوي عاشق الفياض كم تبي في الجمس (غمارة)
تــــوني
05/04/2006, 04:47 AM
عليك بالغمارة ونص وترى المكينة تهد جبال وتماتيك ازين لك لا في بر ولا في ديرة وبعدين الأمريكي ما يفرق التماتيك عن العادي بالعكس التماتيك افضل اي واحد يسوقة في الرمل وعليك بالجديد واحتر 2007 احسسسسن لك فيه مواصفات ممتازة وأمان اكثر واقل صرفيات من الي قبلها
خالدي نجد
06/04/2006, 12:56 PM
جزاك الله خير

و بيض الله وجهك
وقيان
08/04/2006, 01:15 AM
مازلنا بحاجة الى معلومات اكثر عن هذه السيارة الرائعة...
الطعس الذهبي
10/04/2006, 10:19 PM
الصرحة انت تبغاو لوش

1- البر مايصلح لك الا الغمارة كبير او صغير وسعر الكبير 70 والصغير63 طبعن قير عادي ودرايش عادي
2- عمارتين قير توماتيك كلش درايش بيبان وسعرة 160

اما الغمارة ونص فعلما اظن انه وقف
راعي ال 8100
13/04/2006, 03:35 AM
اخوي خالد ان كانك بتاخذ جمس لا تاخذ الا حوض غمارة وحده قير عادي دفرنسين زي اللي في الصورة وتراه مشاء الله يمشي ممشى موب صاحي

http://www.l22l.com/l22l-up-1/0a57dadffb.jpg
راعي الهدد 77
28/01/2009, 03:23 PM
من وجهة نظري انه افضل .. والله اعلم...
بـلـيـهـان 1
28/01/2009, 03:56 PM
ادخل رابطه ملاك الجمس الحوض
black denali
29/01/2009, 01:38 PM
ادخل رابطه ملاك الجمس الحوض


بليهان شف تاريخ الموضوع :)