أستفسار عن الاندكروزر موديل 97 ونازل

[مخاوي العشه]

بسم الله الرحمن الرحيم

السلام عليكم ورحمة الله وبركاته

كيف حالكم وش خباركم

يا أخوان أنا عندي عدة أستفسارات عن الاند كروزر (Vxr-vx-gxr-gx-g)
من موديل 90 إلى 97

1- مكينة البخاخ تأتي على موديل كم ؟
2- مكينة الكربريتر عمليه؟
3- كيف الموتر بالنفود؟وكيف دبلات الموتر؟؟
4- ال g والgx وال gxr يجي فيه ونش ودفلك وفتحه ومكينة بخاخ؟
5- أسعارهن؟؟

آسف على الاطاله وكثرة الاسئله

بارك الله فيكم

في أمان الله

[مخاوي خوياه]

وعليكم السلام

1- مكينة البخاخ تأتي على موديل كم ؟
من موديل 96 تقريبا وطالع

2- مكينة الكربريتر عمليه؟
جدا ممتازه

3- كيف الموتر بالنفود؟وكيف دبلات الموتر؟؟
عندك 90 و 91 هذا ياطويل العمر مكينته 12 بلف وثقيل مره بالاسفلت والنفود
لكن مكينته جبااااره وعمليه
وعندك موديل 92 حتى 97 هذا 24 بلف خفيف وعزمه حليو وافضل وااااجد من 12 بلف
بالنسبه للدبل عملي نوعا ما مهب راعي خراب واجد..

4- ال g والgx وال gxr يجي فيه ونش ودفلك وفتحه ومكينة بخاخ؟
اعتقد لا
لكن البخاخ ممكن من 96 وفوق

5- أسعارهن؟؟
النظيف ماله سعر محدد
لكن في اسوء الاحتمالات اذا كانت المحركات جيده والبدي وسط
من 20 الف وطااااالع


اتمنى اني جاوبت لو على جزء بسيط من استفساراتك ،،

تقبل تحيااااتي
ابوراكان

[الحاكم000]

بالتوفيق والله مااعرف شي عنه

[أبوصالح9]

97 GX مبيوع بـ
120 الف
الممشى 14 الف فقط
واذا تبي الشي النظيف مر على معارض بريدة ويمكن تلقاهن ماراحن خبري باثنين مسيومات 102 الف والثاني 104 الف

[أبوصالح9]

اذا خاطرك بواحد شوري عليك لاتتردد خذ 96 او 97 جي اكس بس اهم شي لا تعبي الا بنزين 95 وخصوصا للكربريتر - وتراها بالجنوب رخيصة وصلك احد يتشوف لك من هناك ولا تشيل هم للممشى
بالنسبة لأسالتك
1 - بخاخ موديل 97 وهذا قليل جدا سعودي متوفر بكثرة خليجي
2-المكينة جبارة 24 بس لاتقرب بنزين 91 عزمه ردي معه
3- الموتر نشيط بس مهب زي نشاط مكينة البخاخ - الدبلات على حسب الاستخدام
4- الفتحة تجي على الخليجي- جي اكس + جي اكس آر-الونش والدفلك غير متأكد
5- السعر على حسب الموتر ونظافته وممشاه ( ومكان البيع ) وافهم يافهيم من اللون الاحمر
بالتوفيق

[أبوصالح9]

احب اضيف نقطة اخيرة
اللي مايعرف الصقر يشويه

[Mr.GX-R]

احب اضيف نقطة اخيرة
اللي مايعرف الصقر يشويه


:D:Dهههههههههههههه:D:D

الله يقطع شيطانك ابو صالح

[مخاوي العشه]

مخاوي أخوياه

ابو صالح 9

الحاكم 000

Mr.gx-r




بيض الله وجيهكم بيض الله وجيهكم بيض الله وجيهكم

كفيتو ووفيتو

أنا لقيت بالمعارض في حائل
موديل 97 gx أشهب مسيوم ي 57 الف
ولقيت موديل 94 Gx فيه ثلاجه ومن داخل نظيف وممشاه الظاهر قليل حاده راعيه ب 61 الف

وش رايكم

[العنابي 616]

من 95 الى 97 كلهم نفس الشي و لكن 97 يتغلون فيه دائما خذلك مديل 95 سعره مناسب
طبعا الجيب ما يبغاله كلام موتر عملي جدا يجمع بين القوة و المتانة و الوسع
أنا عندي كربريتر ممتاز و ما عليه خلاف و يمشي باي مكان تبغاه
و لكن أنصحك بالبخاخ أريح و أقوى
إذا بتشتري عليك بالفكسار بخاخ + دفلك أمامي خلفي + ونش + فتحة = موتر بر من الدرجة الأولى

[ذعار الغامدي]

حتى انا والله متردد عليه ولقيتلي gx 96 نظيف حييل بسس مدري كيف تنصحونابه للبر وللقنص والوعر ؟؟؟؟؟؟
اش رايكم وهل الجكس 96 يجي بخاخ ؟

[GMC4Ever]

يا إخوان اللي يعرف جيب لاند كروزر موديل 97 نظيف للبيع بالشرقية يعلمني الله لا يهينكم...

هذا الموتر بالنسبة لي آخر أساطير جيوب تويوتا، بعده سحبت على اللاند كروزر.

[ابو محمد السهلي]

عزالله انهن مواتر البر بماتعنيه الكلمه من ٩٢ الي٩٧

[العناد3178]

والله لو تشوف الجيب 94gx المسكت اللي بديرتنا غير تعاف كل الجيوب
جيب اخر اساطير صناعة تويوتا
قوي للبر وانت راكبه بعد الله ماتخاف
كيف انزل لكم صورته احد يفهمني

[عاشق بوضه]

مخاوي العشه عطني رقمك ولايصير خاطرك الا طيب

[شيخ المواتر]

-ملاحظة, جي إكس 96 السعودي ما يجي بخاخ.

و مكينة الكربيتر ماعليها كلام لكن يبغالها وقت اكثر تحمى و يمكن البخاخ يكون أنشط .

الله يوفقك

[دونان]

أشهد أنها مواتر من الطراز الأول
على فكرة عندي vxr أسود نظيف كربريتر 93 للبيع ماشي 260 الف فقط

[أبوصالح9]

اي واحد من الموترين خذه تراهن تحفة والله يكتب لك اللي فيه الخير-بس تأكد من المكينة هي 4500 ولا لأ

[سليمان 10]

جربو vxr 98 قير عادي فمافوق وان شاء الله ستتغير نظرتكم للقديم 000