المساعد الشخصي الرقمي

مشاهدة النسخة كاملة : جنوط Gx على الشاص


قناص الرمله
02/04/2006, 09:09 PM
بسم الله الرحمن الرحيم

يااخوان اللي ركب جنوط GX (الهلل) على الشاص يخبرني كيف لأن حاولت اركبها على الكفرات الاماميه ولكن

تحك في كليبر البريك وفي ذراع الدركسون. نرجوا من اهل الخبره الرد مشكورين.
الرسسسام8808
02/04/2006, 09:15 PM
السلام عليكم فيه في الغرابي جنوط معدله اسال عنها وتلقا خبر ان شا الله
الدبل الثقيل
03/04/2006, 12:55 AM
نريد الاجابه يااخوان عن كيفية خرطها من اي جهة وكم مقدار الخرط... و وين الورش الممتازة بالقصيم او الرياض وكم ياخذون على الجنط الواحد؟
ملاعب الريح
03/04/2006, 07:27 PM
الخرط من 250 إلى 300 لأربع كفرات
تقريباً
الدبل الثقيل
09/04/2006, 08:49 PM
يا اخ قناص الرمله يمال الصيد الوافر... لقيت الحل .. لقيت جنوط هلل بحايل صنع ياباني تجاريه ماهي وكاله تركب على طول يعني مصنوعه للشاص والصالون الديزل سعر ال4 جديده ب1000 ريال في البناشر اللي بصناعية حايل... والله ييسر للجميع..
ستيشن
09/04/2006, 09:34 PM
اخوي القناص
فيه بالغرابي عند محلات الجنوط المستعمله تحصل عندهم شي اسمه ( التبريزه ) طبعا هي دائريه قبل ما تركب الجنط تحطها قبل وبعدين الجنط فوقها راح تبعد الجنط ولا يحك كان عندي باترول موديل 97 وطاحو الناس بجنوط البرازيلي القديم وركبتها ونفس المشكله اللي قدام تحك وركبتها وزالت المشكله " سعرها مابين 70 الى 80 الثنتين " على حسب واذا ما فادت تقدر تدبلها . عسى اكون افدتك
قناص الرمله
12/04/2006, 01:42 PM
بيض الله وجيهكم جميعاً ولاهنتوا
ص و ب 800
13/04/2006, 12:25 AM
مساء الخير

تبغى الحل كلمني وتلقى الحل الوافي لاني انا شاريها من وكالة تويوتا وركبتها على ال ص و ب 800
0555585919

والله يسرك امرك وعليك بحاذ فارس وانت راجع لا اوصيك تمر ام العبل والا مع الحمره اسهل لك

وباي
راعي ال 8100
13/04/2006, 02:34 AM
اخوي الغالي اتوقع يبي لها خرط او تركب تباريز .,.,.,.,.,.,.,.,.,.,.,.,.,
هاوي قصيده
15/04/2006, 01:44 PM
ابي اعرف وش تفرق جنوط الهلل عن جنوط الشاص الشد بلد

انا معي جي اكس هدد وجنوطه هلل..وببيعه هاليومين واشتري شاص..تشور علي ابيع الموتر دونهن..واركبهن عالشاص؟؟

بس بيني وبينك اذا انت بالمدينه..الشاص وجنوط اللكزس ماعليه كلام..وقفت عذرى بوضح النهار :)

<<جاب العيد

جد والله يا خوي قناص الرمله..سبب تغييرها لـمنظر فقط..او لها نوافع ثانيه

وشكرا
الدبل الثقيل
19/04/2006, 03:07 AM
للمنظر والخفه وماهي بشنابر..
هاوي قصيده
19/04/2006, 10:29 AM
وش قصدك انها مهيب شنابر؟
عريدان
19/04/2006, 10:43 AM
المرهم في المخارط خطر جدا لأنه مفكوك وملحم مره ثانيه هذا غير الرجه والترصيص الزائد ، والتبريزه حل مؤقت وغير مأمون لأن فيه تأثير على المسامير والصواميل.
بس فيه أصلي بارز شد بلد "تويوتا" يعني أنس شي أسمه رجه أو صدا بس سعر طقمه 4 حبات 2400 ريال
ملاعب الريح
19/04/2006, 01:11 PM
اللي يفرق ان جنوط الهدد تيوبلس وليست لستك زي الشاص شد بلده وما شاء الله عليها نظره حلوه

وبالنسبه للتجاريه اللي تجي تركب على الشاص على طول سعرها لقيتها بـــ800 بأم الحمام بالرياض مع التركيب والترصيص
الدبل الثقيل
19/04/2006, 10:22 PM
يا اخ عريدان الجنوط اللي تقصد كيف شكلها وكم عرضها ... واذا كانت تباع عند الوكاله كم رقمها ... الرقم الطويل حق قطع الغيار ... تكفى الله يجزاك الفردوس.....
عريدان
06/05/2006, 08:57 AM
آسف جداً على تأخري بالرد عليك (يالدبل الثقيل ) ولكن رقم القطعة ليس لدي وبإمكانك الذهاب لأبوجميل فرع قطع الغيار وإخراج رقم الجنط من كتالوج اللاند كروزر الخاص بقطع الغيار لديهم ومن ثم سيطلبونه لك مباشرة بعد ان تدفع ويصل خلال ثلاث أسابيع وأنا مجرب هالموضوع مع فرع العليا.