اطلع شباب اول بعدين عائلة ( ايش تنصحوني )

[عاشق ذهبان]

السلام عليكم ورحمة الله وبركاته



سوال عن اندونيسيا



انا اول مره في حياتي ابغا اطلع برا المملكة

وابغا امشي الاهل لاندونيسيا بس لان ما عندي خبره في السفر للخارج

تنصحون اطلع لوحدي اول

بعدين اطلع العائلة ؟

ارجو التوجيه من اهل الخبره

علما باني ما اعرف وين الله حاطي

يعني حتى الجواز ما ادري وين اختمه قسم ههههههه

[الزويكي1]

وعليكم السلام ورحمه الله وبركااته


شوف ياخوي اذا تعرف للغه الانجليزيه اخذ معاك الاهل باول سفره لك

اذا ماتعرف اللغه لاتاخذ الاهل هاذا من وجهت نضري

روح استكشف وتعلم الاماكن وبعدين اخذ معاك الاهل لان تكون تعرف بعض الاشياء

مثل الختم و الفيزا و كيف تتفاهم مع السواقين و ..الخ

هاذي وجهت نضري وكلن له وجهت نضرر


واي استفسار انا حاضر



سبق وان ذهب الى اندونيسيا الى منطقه الجبل فقط!


اعطيك بعض المعلومات على الطائر

العمله الروبيه الريال السعودي يساوي 2400 الف روبيه

الفيزا بـ25 دولار لشخص الواحد اعني اذا بتصرف لازم تصرف معاك دولار

والشقق على حسب الاماكن بالجبل على حسب عدد الغرف حنا استأجرنا فله مع مسبحها غرفتين ومطبخ وحمامين وانتم بكرامه وصاله وجلستين جلسه على المسبح وجلسه على البالكونه

بـ400000 الف روبيه اربع مئه الف روبيه

بمايعادل 166 ريال سعودي تقريباا

والسائق باليوم من الصباح الى الساعه 9 بالليل بـ450000 الف روبيه تقريبا شامله البنزين

يوديك الاماكن الي تبغاها

والتيس وانت بكرامه بـ400000 الف روبيه بمايعادل 166 ريال سعودي

واماكن السياحه بمنطقه الجبل

هي 1- منتزه سفاري

2- حديقه الزهور

3-حديقة إتشبوداس

4- منطقه الباراشوت

5- الشلالات



اما اللغه كلمات عامه وسهله

مثل

1- صباح الخير تنطق بالعربي ومعناها بالاندنيسي سلامات باقي

2- مساء الخير تنطق بالعربي ومعناها بالاندونيسي سلامات مالم

3- كيف الحال تنطق بالعربي ومعناها بالاندونيسي اباكبار

4- شكرا تنطق بالعربي ومعناها بالاندونيسي تريما كاسيه

5- عفوا تنطق بالعربي ومعناها بالاندونيسي كومبالي

6- بخير تنطق بالعربي ومعناها بالاندونيسي بايك



واي استفسار واكون عارف له ابشر من عيوني


تقبل مودتي واحترامي
اخوك الصغير الزويكي