ابو جميل حرامي؟ طيب وينك عن هذا؟؟

[العبله]

بسم الله


اسعد الله اوقاتكم بكل خير يا الربع
طبعا انا انقل لكم اللي شفته امس واللي فقع مرارتي طبعا الان الناس شانه حمله على ابو جميل وانه حرامي وان مواتره غاليه على غير سنع لكن تبين ان فيه ناس اخس منه اعلمكم الان
طبعا الموضوع بتكلم فيه عن عدة اشياء وهي كانت جوله استكشافيه وسؤال عن الاسعار في عدة وكالات.
طبعا الوكالات موقعها طريق الملك عبدالله البدايه كانت عند البازعي دخلت سألت عن الاسعار بديت بالgxr 8v الفل كامل قالي سعره 252الف اذا كاش وتاخذ الاجراءات يوم واحد فقط سألته عن الفرق بينها وبين الvxr قال الفرق في الشاشه يختلف التصميم والمكينه اقوى في الvxr وسالت عن الهدد قال ما عندنا هدد.
بعدها طلعت لابوجميل وسألت عن الgxr قالوا لي سعره 217 ويبيله اسبوع لين يطلع سالته عن الفرق بينه وبين ال vxr قال المكينه تختلف مع ان كلهم v8 قال ال vxr اقوى مكينه و فيه جلد وقال الشاشه تختلف الgxr شاشة معلومات مهيب شاشة ملاحه وسألتهم عن الهدد قال سعره 170 وعلى كلامه ان الفتحه والونش ما يجتمع ابد الا يمكن في الvxr والاجراءات تاخذ اسبوع اذا الموتر متوفر واللون متوفر. طلعت من عندهم على الجميح وسألت على التاهو يتراوح بين ال 140.500الى 189 الف طبعا دبل وبدون دبل ينقص عن هالاسعار 10.000 ريال على كل نوع طبعا الانواع اللي سألت عنها هي ls.lt.ltz والاجراءات تاخذ اسبوع .
لان نجي للزبده ونجي للخبر الصاعقه
رحت لتوكيلات الجزيره وعلى المدخل كراون فيكتوريا مديل 2012 توها ناااازله طبعا ما تغير شي في شكلها لكن اللي تغير فيها سعرها بعد ما كان في 2008 تقريبا 73 الف وبعد ما كان في الثمانينات الان سعرها 99الف وكسور يعني 100.000 للمعلوميه ترا هذا الستاندر.
بوصولي للفكتوريا ومشاهدة هذي الاسعار عرفت اننا ملعوب علينا من جميع الوكالات بلا استثناء لا ابو جميل ولا غيره لكن ما ادري ليه ابو جميل حصل على نصيب الاسد في الحمله.


السيارات في ارتفاع كبير هل السبب في الوكلاء او في عملتنا وتردي الدولار طيب اذا تردي في الدولار ليه الامريكي يرتفع ؟؟ وهل الشركة الام في غفله عن تلاعب بعض الوكلاء او هو من الشركه الام الارتفاع؟ او هو من ارتباط الريال بالدولار؟؟
وفي النهايه وش الحل؟


واخيرا المعذه على كثرة الكلام وطول الموضوع واتمنى ان تكون فيه فائده في الموضوع ..
وسلامتكم...

[طير شلوى نجد]

حسبنا الله ونعم الوكيل

[فارس الدوسي]

ياخوك من امن العقوبة ساء الادب
وذولا لا حسيب ولا رقيب
وما احد قد وقفهم عند حدهم يعني بكيفهم
فكيف لا يتلاعبون بالاسعار
وحماية المستهلك في سبات دائم

[العبله]

لاحظوا ان الفكتوريا لها حوالي 14 سنه تقريبا من 98 الى 2012 ولا فيها اي تغيير .
طبعا لا تقولون لي مسائله وما ادري ايش لان الموضوع اكبر من اسماء الوكلاء لكن نبي جوده في النوعيه وجوده في الصيانه وجوده في قطع الغيار واسعار مناسبه نبي خدمات ما بعد البيع ونبي خدمات لا حطيت موترك عندهم للصيانه المفروض يعطونك بديل اول يتكفلون باجار سياره لك نبي ترتيب اكثر نبي ثقه فيهم الان يحط الواحد سيارته في الوكاله وهو يدري ان الوكاله مهيب ثقه ممكن يغيرون لك شي زين او يشيلون شي وانت ما تدري عنهم ..
امور كثيره مفقوده للاسف واسعار مبالغ فيها حتى في الخليج مبالغ فيها واسعار نار حتى ولو كانت بعض المواصفات افضل لكن تبقا غاليه جدا.


وشغله ثانيه ومهمه الا وهي السيارات المستعمله الان تنافس الجديده في السعر!!!
اذا المستعمل المكروف وغير المكروف يبي يبيع بغالي فلا نلوم الوكالات اللي تعطيك اياها جديده وعليها ضمان ولو بالاسم.

[شاص المقناص]

ياخوي حقنا ومجانا الواحد يشوف الاسعار مرتفعه ويقول ليش وهو يشري قل ليش ولا تشري
بعدين مع احترماتي للشعب ؟؟؟؟؟؟؟؟ يشوف الفكسار مثلا ٢٩٥ الف ويدز ويشري باي طريقة كاش اقساط
ونرجع للسالفة الببسي اول مارتفع تلحظ الجميع يدخل البقالة يقول بكم الببسي يقول العامل بريال ونص يقوله ليه يقول شركه يقول طيب مهيب مشكله نص جيب كرتون ودويس واتوقع وعادي يوصل الببسي ١٠ والشعب جيب�� ولارقيب ولا حسيب وكلن ماخذ راحته لا ابوجميل ولا غيرة��������
والعالم بغلا والرواتب هي هي

[Jeep 2005]

تعليق بسيط !!

الكراون فيكتوريا مرتفع سعره لأنه بينقطع .. هذي آخر سنه ينزل فيها .. 2013 مافيه كراون

واما مسأله رفع الأسعار .. اذا انا وكيل سيارات .. ولا فيه احد يحاسبني .. اكيد برفع السعر كيف ما ابي

الله يخلف بس

[العبله]

حسبنا الله ونعم الوكيل

هلا وغلا بطير شلوى
لله المشتكى.

[volcano4]

الله يعين الغلا صار في كل شي مارخص عندنا غير الاوادم :(

لكن خلنا نتفائل عشان عيالنا على الاقل.

تحياتي

[العبله]

ياخوك من امن العقوبة ساء الادب
وذولا لا حسيب ولا رقيب
وما احد قد وقفهم عند حدهم يعني بكيفهم
فكيف لا يتلاعبون بالاسعار
وحماية المستهلك في سبات دائم
ارحب يا فارس
لكن من يتابع هالامور هل هو حماية المستهلك او وزارة التجاره او مين بالضبط؟؟

[العبله]

ياخوي حقنا ومجانا الواحد يشوف الاسعار مرتفعه ويقول ليش وهو يشري قل ليش ولا تشري
بعدين مع احترماتي للشعب ؟؟؟؟؟؟؟؟ يشوف الفكسار مثلا ٢٩٥ الف ويدز ويشري باي طريقة كاش اقساط
ونرجع للسالفة الببسي اول مارتفع تلحظ الجميع يدخل البقالة يقول بكم الببسي يقول العامل بريال ونص يقوله ليه يقول شركه يقول طيب مهيب مشكله نص جيب كرتون ودويس واتوقع وعادي يوصل الببسي ١٠ والشعب جيب�� ولارقيب ولا حسيب وكلن ماخذ راحته لا ابوجميل ولا غيرة��������
والعالم بغلا والرواتب هي هي
يا هلا بشاص المقناص
يا خوي الناس ملزومه تشتري سيارات تقضي اشغالها وتفتك من القرنبع منحده وش تسوي؟
اما اللي يشتري مثل ما تفضلت فكسار بالقيمه اللي ذكرت تشخيص وهو طفران ماخذها دين فهذا يضر نفسه اولا واخيرا.
يعني لازم يكون في كل شي مقاطعه؟؟ ليه ما تكون هناك قنوات للوصول لحل؟

[SAS2]

ياخي الي ما معه لا يشتري ومد رجليك على قد لحافك واشوف المهايط بدا

بالعالم من بعد ام رقيبه كل واحد بيكشخ لو يحط الي وراه والي دونه

عشان يترزز قدام الناس واذا تذكرون من 2008 مزاين القبايل صار كل

واحد مشفوح على اللاند الشكل الجديد ولحد يقول شريته بهالقيمه عشان

يوديني ويجيبني طبعا فيه ناس منعم الله عليها وشراء بهالقيمه عادي عنده

بس المصيبه الي اقساط تكسر ظهره 4 و 5 سنين عشان يكشخ وانا طولتها

وهي قصيره وكلكم فاهمين هالكلام بس من باب التذكير والفضاوه عندي :D

[العبله]

تعليق بسيط !!

الكراون فيكتوريا مرتفع سعره لأنه بينقطع .. هذي آخر سنه ينزل فيها .. 2013 مافيه كراون

واما مسأله رفع الأسعار .. اذا انا وكيل سيارات .. ولا فيه احد يحاسبني .. اكيد برفع السعر كيف ما ابي

الله يخلف بس
هلا اخوي بالنسبه لانقطاعه مهوب سبب في انه يرتفع هالارتفاع تراه فكتوريا لا راح ولا جاء .
ياخي الكراسيدا انقطعة وال 200L و سيارات كثيره انقطعت والدنيا ماشيه والحياة حلوه.

اذا الوكيل يرفع الاسعار فاللي اعرفه ان له سقف ما يتعداه من الشركه الام ولا يقدر يزيد ريااال واحد ولو فرضنا زاد الشركه الام تبي تشارك في اللي خذته زياده.
الله يخلف علينا بخير

[العبله]

الله يعين الغلا صار في كل شي مارخص عندنا غير الاوادم :(

لكن خلنا نتفائل عشان عيالنا على الاقل.

تحياتي
حياك اخوي وشرفتنا
الرسول صلى الله عليه وسلم يقول (تفائلوا بالخير تجدوه) الله يصلح الاحوال.

[العبله]

ياخي الي ما معه لا يشتري ومد رجليك على قد لحافك واشوف المهايط بدا

بالعالم من بعد ام رقيبه كل واحد بيكشخ لو يحط الي وراه والي دونه

عشان يترزز قدام الناس واذا تذكرون من 2008 مزاين القبايل صار كل

واحد مشفوح على اللاند الشكل الجديد ولحد يقول شريته بهالقيمه عشان

يوديني ويجيبني طبعا فيه ناس منعم الله عليها وشراء بهالقيمه عادي عنده

بس المصيبه الي اقساط تكسر ظهره 4 و 5 سنين عشان يكشخ وانا طولتها

وهي قصيره وكلكم فاهمين هالكلام بس من باب التذكير والفضاوه عندي :D

ارحب تراحيب المطر

يا خيي حقين ام رقيبه يبيع ناقه بقيمتها يشري معرض كامل كل جيوب هذولا ما دروا عن الغلاء ما شاء الله والله يزيدهم ويبارك لهم في مالهم وحلالهم.
لكن زي ما قلت الطفرااان اللي ياخذه قسط وهو مو محتاجه لوه محتاجه ما يخالف ياخذه لكن كلامنا عن ارتفاع الاسعار بغض النظر عن الحاجه له.
لان البعض يحتاج سياره.

[الجندي2005]

مسئلة التفائل ،،،،،،،،،،،

الواقع مرير والمستقبل ....................................... ما ابي اقول مظلم ،،، لكن حولها



،

[mody s9]

يعطيك العافيه اخوي عالموضوع . وبالنسبه للوكلاء النصب منهم كلهم انا عمي اشترى فورد كراون فكتوريا من التوكيلات اللي بمنطقة تبوك بشهر 8 سنة 1432 موديل 2011 استاندر ب 86000 الف وقبل يومين انا مريت عندهم بشوف الشكل الجديد وقالي الاستاندر موديل 2012 ب 99000 الف والمشكله انك تجي للسيارتين 2011 و 2012 وماتفرق بينهم لكن الشكوى لله .

[owwn]

بس اول من بدأ برفع الاسعار هي شركة تويوتا وش طبيعي تسحب معها جميع الماركات
لان الي مايقدر يشري تويوتا يتوجه للبديل مع كثرة الناس والي توجهت للبديل والطلب المتزايد
البديل زاد سعره سواء كان امريكي ولا كوري
يعيني الله يبارك فيك
كل مازاد الطلب زادت الاسعار
التاهو كان ب 110000 يوم كان الجي اكس 180000

[مزدهر]

بسم الله


اسعد الله اوقاتكم بكل خير يا الربع
طبعا انا انقل لكم اللي شفته امس واللي فقع مرارتي طبعا الان الناس شانه حمله على ابو جميل وانه حرامي وان مواتره غاليه على غير سنع لكن تبين ان فيه ناس اخس منه اعلمكم الان
طبعا الموضوع بتكلم فيه عن عدة اشياء وهي كانت جوله استكشافيه وسؤال عن الاسعار في عدة وكالات.
طبعا الوكالات موقعها طريق الملك عبدالله البدايه كانت عند البازعي دخلت سألت عن الاسعار بديت بالgxr 8v الفل كامل قالي سعره 252الف اذا كاش وتاخذ الاجراءات يوم واحد فقط سألته عن الفرق بينها وبين الvxr قال الفرق في الشاشه يختلف التصميم والمكينه اقوى في الvxr وسالت عن الهدد قال ما عندنا هدد.
بعدها طلعت لابوجميل وسألت عن الgxr قالوا لي سعره 217 ويبيله اسبوع لين يطلع سالته عن الفرق بينه وبين ال vxr قال المكينه تختلف مع ان كلهم v8 قال ال vxr اقوى مكينه و فيه جلد وقال الشاشه تختلف الgxr شاشة معلومات مهيب شاشة ملاحه وسألتهم عن الهدد قال سعره 170 وعلى كلامه ان الفتحه والونش ما يجتمع ابد الا يمكن في الvxr والاجراءات تاخذ اسبوع اذا الموتر متوفر واللون متوفر. طلعت من عندهم على الجميح وسألت على التاهو يتراوح بين ال 140.500الى 189 الف طبعا دبل وبدون دبل ينقص عن هالاسعار 10.000 ريال على كل نوع طبعا الانواع اللي سألت عنها هي ls.lt.ltz والاجراءات تاخذ اسبوع .
لان نجي للزبده ونجي للخبر الصاعقه
رحت لتوكيلات الجزيره وعلى المدخل كراون فيكتوريا مديل 2012 توها ناااازله طبعا ما تغير شي في شكلها لكن اللي تغير فيها سعرها بعد ما كان في 2008 تقريبا 73 الف وبعد ما كان في الثمانينات الان سعرها 99الف وكسور يعني 100.000 للمعلوميه ترا هذا الستاندر.
بوصولي للفكتوريا ومشاهدة هذي الاسعار عرفت اننا ملعوب علينا من جميع الوكالات بلا استثناء لا ابو جميل ولا غيره لكن ما ادري ليه ابو جميل حصل على نصيب الاسد في الحمله.


السيارات في ارتفاع كبير هل السبب في الوكلاء او في عملتنا وتردي الدولار طيب اذا تردي في الدولار ليه الامريكي يرتفع ؟؟ وهل الشركة الام في غفله عن تلاعب بعض الوكلاء او هو من الشركه الام الارتفاع؟ او هو من ارتباط الريال بالدولار؟؟
وفي النهايه وش الحل؟


واخيرا المعذه على كثرة الكلام وطول الموضوع واتمنى ان تكون فيه فائده في الموضوع ..
وسلامتكم...


لاكن وكيل عن وكيل يختلف
الفورد رخيصة إذا قارنته بالكورولا 80 ألف

[الصمان 2]

اسعار مبالغ فيها ...



لاحول ولاقوة الا بالله



وبارك الله فيك على هذا الموضوع











.

[همس الغدير]

ما نقول الا حسبنا الله ونعم الوكيل

[Messerschmitt]

يا اخواااااااان

يا احبائي

ويا اعزائي

اللي يقول انه ما فيه حسيب ولا رقيب فهذا غلطان , فيه حسيب ورقيب ولكن ما له اي حق يتدخل

لان السوق عرض وطلب والناس تشتري وما فيه مجال للاعتراض.

الوحيد الذي يتحكم بالسوق هو المواطن .

عمر بن الخطاب رضي الله عنه اعطاكم الدرس قبل 14 قرن لكن الشعب للاسف جاهل.

جاء الناس إلى عمر بن الخطاب -رضي الله عنه - وقالوا : (غلاء اللحم فسعره لنا،فقال: أرخصوه أنتم ؟ )
فقالوا :نحن نشتكي غلاء السعر واللحم عند الجزارين ونحنأصحاب الحاجة فتقول :أرخصوه أنتم ؟ وهل نملكه حتى نرخصه ؟وكيف نرخصه وهو ليس فيأيدينا ؟)قال :اتركوه لهم..)

وهذا رد على اخونا اللي يقول



يا خوي الناس ملزومه تشتري سيارات تقضي اشغالها وتفتك من القرنبع منحده وش تسوي؟

هل تقارن سياره الان بقطعة لحم في وقت فقر وموت ؟؟

ما يستفاد من هذا الاثر هو انه مع وجود عمر رضي الله عنه ( أقوى الخلفاء الراشدين )

إلا انه لم يملك الحق في اجبار الجزارين على إرخاص اللحم ولهذا ترك الخيار للشعب

وللناس .

[جيب ربع]

الله يطلف بحالنا ..
ابقولكم سالفة صارت لولد عمي قبل أسبوع..
سيارته أوريون 2011 ومحتاجة فحمات فرامل سأل محلات قطع الغيار في الرياض وماحصل شيء
راح للوكالة ورفضو يبعونه قالو دخل السيارة للصيانة ونركبهالك قال ابشتكي قالو سو اللي تقدر عليه
قيمة الفحمات 1000 ريال والتركيب ب 800 وبعد التخفيض 500 ريال

[التعـ King ـديل]

عزيزي انا معك ان الوكلات كلها سواء

لكن سؤالي هل تشتري فكسار من عبداللطيف جميل ولا فكسار من البازعي ؟؟؟ هنا مربط الفرس

البازعي قالك يوم لان الموتر شد بلد ويعطيك اللون اللي تبي فورا .. عبداللطيف ياخذ فلوسك ويلطعك اسبوع ثم يدق عليك ويقولك اللون اللي تبي مب موجود ويدف عليك اي موتر يبي هذا شي واذا قالك الموتر موجود كل المواصفات اللي فيه مركبه في مصنعه في جده وليست شد بلد مثل البازعي انا معك ان الفكتوريا ماتستاهل هالارتفاع ولكن عزيزي طالما مافي رقابه وكلن يبيع على كيفه والشعب مب راضي يقاطع الوكلات لاتنتظر شي يتغير بالعكس الاسعار بتطير وبتزيد .. انا جلست مع رجال شرواك يتكلمون عن المقاطعه والمهايط وبسؤال سريع عن موديلات سياراتهم اقدم واحد فيهم 2010 ..؟؟ الشعب بيده كل شي ولكن مايجروء على شي الشعب المصري اجبر حسني مبارك على التنحي والتونسي اجبر بن علي على الهرب الحكم في يد الشعب وليس الوكيل متى مااتحد الشعب ضد الوكلاء وقاطعهم بتنزل الاسعار وبتشوف لكن حنا عرب اتفقنا ان لا نتفق

[الخيمة والذرا]

موضوع في غاية الأهمية

متابع معكم ولي عودة إن شاء الله

[بربنجي]

زي ما قالوا الاخوان من أمن العقوبة اساء الادب
سواء بالغش او ارتفاع الاسعار او في اي امور اخرى
حفظك الله ورعاك

[العبله]

والمشكله انك تجي للسيارتين 2011 و 2012 وماتفرق بينهم لكن الشكوى لله .

لو تقارن بين 98 و 2012 ما تحصل فرق..

[العبله]

بس اول من بدأ برفع الاسعار هي شركة تويوتا وش طبيعي تسحب معها جميع الماركات
لان الي مايقدر يشري تويوتا يتوجه للبديل مع كثرة الناس والي توجهت للبديل والطلب المتزايد
البديل زاد سعره سواء كان امريكي ولا كوري
يعيني الله يبارك فيك
كل مازاد الطلب زادت الاسعار
التاهو كان ب 110000 يوم كان الجي اكس 180000


هلا بك اخوي وكلامك صحيح ولا عليه خلاف بس هل تقارن نسبة ارتفاع اللاند بالتاهو؟
وهل هذا مبرر لرفع الاسعار ؟

[العبله]

لاكن وكيل عن وكيل يختلف
الفورد رخيصة إذا قارنته بالكورولا 80 ألف

هلا بك مزدهر
هذا بلا ابوك يا عقاب يعني حنا راضين على سعر الكورولا عشان نتقبل الفورد المقصد من الموضوع ليه رفع الاسعار ولا فيه اي خدمه؟؟؟؟؟؟؟؟

[العبله]

الصمان 2 حياك ربي وعسا الله يخلف علينا خير

همس الغدير لله المشتكى

[العبله]

يا اخواااااااان



يا احبائي


ويا اعزائي


اللي يقول انه ما فيه حسيب ولا رقيب فهذا غلطان , فيه حسيب ورقيب ولكن ما له اي حق يتدخل


اذا ما له حق يتدخل معناته ما فيه حسيب ولا رقيب


لان السوق عرض وطلب والناس تشتري وما فيه مجال للاعتراض.


ليه ما فيه مجال الاعتراض؟ ليه ما يكون فيه عدة وكلاء مثل السيارات الامريكيه؟
وحتى لو كان فيه عدة وكلاء سعيد اخي مبارك..

الوحيد الذي يتحكم بالسوق هو المواطن .
كيف يتحكم بالسوق وانت تقول ماله مجال للاعتراض؟؟


عمر بن الخطاب رضي الله عنه اعطاكم الدرس قبل 14 قرن لكن الشعب للاسف جاهل.
مالك حق تعمم على الشعب لانك واحد منهم وانا واخوي واخوك ولو الشعب جاهل ما تكلم ولا حس لكن لكن الناس منحرقه من كل مكان.


جاء الناس إلى عمر بن الخطاب -رضي الله عنه - وقالوا : (غلاء اللحم فسعره لنا،فقال: أرخصوه أنتم ؟ )
فقالوا :نحن نشتكي غلاء السعر واللحم عند الجزارين ونحنأصحاب الحاجة فتقول :أرخصوه أنتم ؟ وهل نملكه حتى نرخصه ؟وكيف نرخصه وهو ليس فيأيدينا ؟)قال :اتركوه لهم..)


وهذا رد على اخونا اللي يقول




هل تقارن سياره الان بقطعة لحم في وقت فقر وموت ؟؟
انا اللي قلت الكلام اللي اوردته لكن لو فيه فقر وموت مثل ما ذكرت لما سكت عمر بن الخطاب والله لو فيه ضرر على المسلمين لمنعهم وارخصه رغم انوفهم لانه هو الخليفه وهو امير المؤمنين.


ما يستفاد من هذا الاثر هو انه مع وجود عمر رضي الله عنه ( أقوى الخلفاء الراشدين )


إلا انه لم يملك الحق في اجبار الجزارين على إرخاص اللحم ولهذا ترك الخيار للشعب


وللناس .


طيب وش المانع انه ما يكون هناك شركه تطرح للمساهمه بشرط انه ما يدخل فيها اصحاب الاموال والنفوذ وتكون متخصصه لتوريد جميع السيارات من الشركه الام؟؟



واخيرا حياك ربي وبياك واسعدني مرورك.

[العبله]

هلا بك جيب ربع شرفتنا
يعني احتكار للسلعه ؟
طيب اللي اعرفه ان الاحتكار محرم في بعض الحالات هل يدخل هذا ضمنها؟

[العبله]

هلا بمشرفنا العزيز كنق التعديل شرفني مرورك
يا خيي محد هايط يعني لا تكلمنا باللي يغبنا يصير هياط؟
انت تقول اترك السيارات لا تشترون طيب انا بسالك انت تقدر تستغني عن السياره؟
طيب ما تحب يكون معك موتر زين وتتكل عليه بعد الله سبحانه ما تحب تشخص مشكلتنا ان عندنا ناس تشري عشان تشخص بس حتى ولو كان على الدين يبي يترزز .
فيه ناس تشتري لو السياره بمليون ما يهمها لكنان حنا نتكلم عن شريحه كبيره تتاثر بارتفاع الاسعار حتى ولو كانت طفيفه.
لا تقولون لي لا تشتري الجديد ياخي القديم يغثك ويبلشك بالخرابات ويعطلك ويضيع وقتك ويمرمطك بالورش ولا تضمنه لا في سفر ولا في بر وقبلك تصلح فيه اكيد الناس تبي تشري الجديد تبي ترتاح لكن كلامنا يا اخوان نبي خدمه خلاص الاسعار زينه بس نبي خدمه بعد البيع وفي الصيانه وفي اي امر متعلق بصيانة السياره وقطع غيارها والوقت المستغرق في صيانتها ما الوم الناس اللي تشري جديد وعلى قولة المثل وش حدك على المر قال اللي امر منه.

[العبله]

موضوع في غاية الأهمية



متابع معكم ولي عودة إن شاء الله




هلا وغلا حياك ربي
انتظر عودتك ومتشوق لطرحك

[العبله]

بربتجي شرفتنا وحياك ربي

[Messerschmitt]

اذا ما له حق يتدخل معناته ما فيه حسيب ولا رقيب

النظام الدولي يمنع احتكار الحكومة للاسعار ( ما عدا السلع الغذائية المدعومة ).


ليه ما فيه مجال الاعتراض؟ ليه ما يكون فيه عدة وكلاء مثل السيارات الامريكيه؟
وحتى لو كان فيه عدة وكلاء سعيد اخي مبارك..

اقصد ما فيه مجال ان الرقيب يتدخل عشان السبب اللي قلته فوق. مع دخولنا لمنظمة التجاره العالمية

ألغيت وكالات السيارات (حتى ولو كان عبداللطيف لا يزال يدّعيها) وأصبحت هناك عدة شركات لتويوتا مثل البازعي

واليحيى وغيرهم , بل تستطيع انت بنفسك فتح سجل تجاري واستيراد سيارات من الخارج.


كيف يتحكم بالسوق وانت تقول ماله مجال للاعتراض؟؟

أقصد الرقيب وليس المواطن وهنا اتحدث عن الاسعار ( سبق الاجابة على السؤال ).


مالك حق تعمم على الشعب لانك واحد منهم وانا واخوي واخوك ولو الشعب جاهل ما تكلم ولا حس لكن لكن الناس منحرقه من كل مكان.

يا عزيزي اسمح لي اذا عممت, لان جميع الشعب اللي مثل حالتي معهم سيارات جديده وانا ما زلت

مقاطع ولا زلت احتفظ بسيارتي ( موديلها 94 ) ومو بس مقاطع للسيارات , مقاطعتي وصلت لقطع الغيار.

عشان كذا انصحك بشرائها من الخارج عن طريق الفيزا .


انا اللي قلت الكلام اللي اوردته لكن لو فيه فقر وموت مثل ما ذكرت لما سكت عمر بن الخطاب والله لو فيه ضرر على المسلمين لمنعهم وارخصه رغم انوفهم لانه هو الخليفه وهو امير المؤمنين.

لو سألتك أيها اهم الاكل او السياره ؟؟

راح يتبيّن مقصدي من خلال اجابتك .


طيب وش المانع انه ما يكون هناك شركه تطرح للمساهمه بشرط انه ما يدخل فيها اصحاب الاموال والنفوذ وتكون متخصصه لتوريد جميع السيارات من الشركه الام؟؟

يا عزيزي والله انا وانت وفلان وعلان نقدر نفتح شركات ونستورد سيارات من برا وحتى نقدر نستورد اللي نبي

لكن الخوف من الخساره والكسل هو اللي يجبرنا على البقاء ساكنين. لو قلت لك ان الهايلوكس في قطر ارخص

من اللي عندنا بـ 7 الاف ريال ( وهذا الواقع ) وطلبت من واحد انه يروح يجيبها كان قال لا والله عجّاز وما لي خلق

اطق مشوار لقطر عشان 7 الاف ريال !!! اذاً هذا هو الكسل .

تشرفت يا استاذي برؤية ردك وتفاعلك بالموضوع واشكرك جزيل الشكر على حرصك.

انا ( واعوذ بالله من كلمة أنا ) لا أدافع عن احد ولا ازكّي احد ولكن أريد إحداث بعض التغييرات في مجتمعي

ولن يتغير الامر إلا بتكاتف الشعب ضد التجار وجشعهم ومقاطعتهم.

[أبوعابد 22]

الله يعين بس الارتفاع مهوب بس في السيارة
في المواد الغذائيه وفي مواد البناء الاسمنت كان يباع
بـ13 ونص والحين في اسبوع واحد ارتفع الى 17 ريال ةلهةب متوفر
حركات مفهومه احتكر السلعه وارفع السعر وبعدين نزلها في السوق

[ديفون]

انا عن نفسي اخذت درس ولن اشتري سيارة من السعودية . اي سيارة جديدة بشتريها اما من الكويت او الامارات والفرق كبير تقريبا من العشرين وفوق مع الجمرك

[قرم العيال]

خلنا من الكراون

قارن سعر التويوتا بالامريكي وشف العدل بالسعر والمواصفات والراحه

[التعـ King ـديل]

هلا بمشرفنا العزيز كنق التعديل شرفني مرورك
يا خيي محد هايط يعني لا تكلمنا باللي يغبنا يصير هياط؟
انت تقول اترك السيارات لا تشترون طيب انا بسالك انت تقدر تستغني عن السياره؟
طيب ما تحب يكون معك موتر زين وتتكل عليه بعد الله سبحانه ما تحب تشخص مشكلتنا ان عندنا ناس تشري عشان تشخص بس حتى ولو كان على الدين يبي يترزز .
فيه ناس تشتري لو السياره بمليون ما يهمها لكنان حنا نتكلم عن شريحه كبيره تتاثر بارتفاع الاسعار حتى ولو كانت طفيفه.
لا تقولون لي لا تشتري الجديد ياخي القديم يغثك ويبلشك بالخرابات ويعطلك ويضيع وقتك ويمرمطك بالورش ولا تضمنه لا في سفر ولا في بر وقبلك تصلح فيه اكيد الناس تبي تشري الجديد تبي ترتاح لكن كلامنا يا اخوان نبي خدمه خلاص الاسعار زينه بس نبي خدمه بعد البيع وفي الصيانه وفي اي امر متعلق بصيانة السياره وقطع غيارها والوقت المستغرق في صيانتها ما الوم الناس اللي تشري جديد وعلى قولة المثل وش حدك على المر قال اللي امر منه.



انا معك كلن يبي الجديد لكن لو قاطعنا الجديد لمده سنه وشرينا سيارات اقل بموديل ولا اثنين مستعمله صدقني راح تتغير امور كثيره انا من الناس اللي الحمدلله املك سعر باترول جديد 2012 بس صابر على الفتك اللي معي 2005 لعل وعسى نلاقي احد يقاطع معنا ونشتري الباترول الجديد بسعره الحقيقي مانبي نقول ب 100 الف على الاقل ب 150 بدل من 300 الف :good2:

[يريور عيمان]

المشكلة ان نحن ناس مظاهر
نزل موديل جديد نروح نبيع سياراتنا القديمة علشان الموديل الجديد
و المصيبة ان الموديل الجديد ما تغير فيه شي
ونتكلم في المجالس ولد فلان عنده السيارة الفلانية الموديل الجديد و...و...و....و

[العبله]

النظام الدولي يمنع احتكار الحكومة للاسعار ( ما عدا السلع الغذائية المدعومة ).

الحكومه ما تحتكر الحكومه ممكن تعطي سعر ارخص من الوكيل مثل ما صار في وقت على ما اظن الملك فيصل الله يرحمه يوم ارتفع سعر الرز على ما اعتقد قال الحكومه تشتري مزارع رز في باكستان والهند وتورده للناس بسعر التكلفه وبذالك نزلت الاسعار يعني ممكن الحكومه تسويها ولا تعتبر احتكار لان الاحتكار هو ان يحجز الشخص سلعة ماء عنده حتى يحتاجها الناس ويبيعها بضعف سعرها هذا اللي اعرفه عن الاحتكار.



ألغيت وكالات السيارات (حتى ولو كان عبداللطيف لا يزال يدّعيها) وأصبحت هناك عدة شركات لتويوتا مثل البازعي

واليحيى وغيرهم , بل تستطيع انت بنفسك فتح سجل تجاري واستيراد سيارات من الخارج.


اللي متعارف عليه والى الان ان الوكلاء اللي ذكرتهم يجيبون سيارات بمواصفات خليجيه ولا يجيبونها من المصنع يجيبونها من الوكلاء الي في الخليج ومسألة انك تفتح سجل وتورد سيارات انسها لان اللي الاقوى مني ومنك ما قدر يسويها.

يا عزيزي اسمح لي اذا عممت, لان جميع الشعب اللي مثل حالتي معهم سيارات جديده وانا ما زلت

مقاطع ولا زلت احتفظ بسيارتي ( موديلها 94 ) ومو بس مقاطع للسيارات , مقاطعتي وصلت لقطع الغيار.

انا مثلك والله معي 2001 ومستعمل بعد و محتاج سياره بديله لكن مقاطع والله لا يحدنا على المشترى بغلاء.

لو سألتك أيها اهم الاكل او السياره ؟؟

اكيد الاكل ولا فيها كلام لكن السياره لها ضرورتها الان لانها هي رجلك اللي تنقلك.

يا عزيزي والله انا وانت وفلان وعلان نقدر نفتح شركات ونستورد سيارات من برا وحتى نقدر نستورد اللي نبي
والله ما نقدر وانت تعرف السبب.

تشرفت يا استاذي برؤية ردك وتفاعلك بالموضوع واشكرك جزيل الشكر على حرصك.

انا ( واعوذ بالله من كلمة أنا ) لا أدافع عن احد ولا ازكّي احد ولكن أريد إحداث بعض التغييرات في مجتمعي


ولن يتغير الامر إلا بتكاتف الشعب ضد التجار وجشعهم ومقاطعتهم.




الشكر لك وللاخوان المشاركين و والله القصد من الموضوع هو ان نخرج بحل او معلومه تنفعنا وتنفع المجتمع ومشاركتك والله تثري الموضع و والله الفائده في ردودكم وطرح ارائكم ليست في موضوعي.

[العبله]

ابوعابد 22 حياك ربي
كلامك صحيح الغلاء شاب في كل شي مهوب بالسيارات فقط
الله يزين الامر

[العبله]

انا عن نفسي اخذت درس ولن اشتري سيارة من السعودية . اي سيارة جديدة بشتريها اما من الكويت او الامارات والفرق كبير تقريبا من العشرين وفوق مع الجمرك

اللي ما عنده وقت وش يسوي؟

[العبله]

خلنا من الكراون

قارن سعر التويوتا بالامريكي وشف العدل بالسعر والمواصفات والراحه

هلا بقرم العيال
والله كلها سوا لكن نسبة الارتفاع في الامريكي اقل من الياباني
صح الامريكي راحه بس ما يصبر مثل الياباني...

[العبله]

انا معك كلن يبي الجديد لكن لو قاطعنا الجديد لمده سنه وشرينا سيارات اقل بموديل ولا اثنين مستعمله صدقني راح تتغير امور كثيره انا من الناس اللي الحمدلله املك سعر باترول جديد 2012 بس صابر على الفتك اللي معي 2005 لعل وعسى نلاقي احد يقاطع معنا ونشتري الباترول الجديد بسعره الحقيقي مانبي نقول ب 100 الف على الاقل ب 150 بدل من 300 الف :good2:

ما شاء الله تبارك الله الله يرزقنا واياك والقراء من واسع فضله
يا اخوي الناس قاطعة قبل فتره وكانت هناك حمله اللي هي خلوها تصدي وش النتايج ؟؟
الدوريات دعمة بجيوب ربع نيسان وتويوتا حتى النيسان مار ما يناظرونك ولا تلقا شي اصلا لان الجيش سحبها كلها ودعمة الدوريات بجيوب اف جي وكوامري ولاند و ربوع ويوكن وشارجر هذي الدوريات بس.
وامن الطرق مثل وحرس الحدود مثل يعني بشكل عام تم شرائها من قبل الدوله يعني مقاطعتنا ما فادتنا والى الان فيه ناس مقاطعه ولكن الاسعار في ازدياد!!

[العبله]

يريور عيمان كلامك صحيح الناس لعبت فيها المظاهر والترزز