حسب التجربة ما هي أفضل مساعدات للباثفندر الجيل القديم

[تكانة]

بسم الله الرحمن الرحيم


السلام عليكم ورحمة الله وبركاته

عندي باثفندر 2003 وأرغب بتغيير المساعدات

فلما سألت إللي يقول مورنو وإللي يقول جبريال وإللي يقول الوكالة

وغيره الكثير مع العلم أني مركب يايات استرالية قدام و ورا

وفيه واحد قالي ركب قدام مساعدات KUP و ورا مورنو

فلو تكرمتوا تفيدونا بالأفضل خصوصا أغلب استخدامي لها بالمدينة وبالبر رواحاتي وسط

ما هيب كثيرة ولا هيب قليلة

طبعا ما أحتاج القاسي إذا فيه وسط أو زي حقت الوكالة يكون تمام

[ح ح و 693]

السلام عليكم

بالنسبة للأماميات ركب kyb ، أما الخلفية فنصيحتي لك ابتعد عن مونرو لاعبه فموتري لعب قاسية

ركب يايات استرالية الصفر لكنها غالية شوي (الرياض : الرماية في شارع التخصصي ) .

وبالتوفيق

[تكانة]

السلام عليكم

بالنسبة للأماميات ركب kyb ، أما الخلفية فنصيحتي لك ابتعد عن مونرو لاعبه فموتري لعب قاسية

ركب يايات استرالية الصفر لكنها غالية شوي (الرياض : الرماية في شارع التخصصي ) .

وبالتوفيق

حياك الله أخوي

طيب وش البديل للمساعدات الخلفية مع العلم أني ركبت يايات خلفية استرالية
وبركب اليوم إن شاء الله يايات أمامية استرالية

[ح ح و 693]

عليك بالمساعدات الاسترالية الصفر ، حسب مشورة الناس اللي سألتهم ومجربينها
وهالرابط بيفيدك ويفيد الاعضاء ان شاء الله للنابغة ( قرم )
http://www.mekshat.com/vb/showthread.php?t=52025

[روح المملكة]

طيب مونرو يقلون نفس الوكاله لينه ..

وانا مركيبها في موتر ثاني فورد مركبها في الخلف حلوه اقسى من حقت الوكاله بشي بسيط في التحميل حلوه ما ينزل هذا في الفورد ..

بس من كلامك في الباث امكن تفرق امكن انت مركبها على ياي الاسترالي والياي يقلون قاسي وكذا راحت خدمه المساعد في الراحه لن ياي الوكاله مرن مره ...

[ابراهيم 2003]

السلام عليكم
ابي استفسر ايهم افضل لللبر والى تكد

[x.ls1.x]

اخوي اذا انت راعي بر او تحميل خذ لك جبريال افضل شي بالسعر والتحمل ,, الاسترالي ممتاز بس غااالي

الجبريال الخلفي ب110 والامامي ب 370 .. في نوع انجليزي جيد جدا للامامي قيمته 180 ريال عملي وكمل اكثر من سنه معي مع مكاشيت وطلعات كثير

[PATHFINDER 4]

وش اسمه اخوي ووين يباع في الرياض وهل نحصله عندابوابراهيم

[سااااري]

اخوي اذا انت راعي بر او تحميل خذ لك جبريال افضل شي بالسعر والتحمل ,, الاسترالي ممتاز بس غااالي

الجبريال الخلفي ب110 والامامي ب 370 .. في نوع انجليزي جيد جدا للامامي قيمته 180 ريال عملي وكمل اكثر من سنه معي مع مكاشيت وطلعات كثير

الله يعطيك العافيه
يا ليت تفيدنا وين فيه يباع المساعد الإنجليزي