هل الفرارات تزيد من عزم الموتر ؟؟

[الليل السرمدي]

مرحبا يااخوان

عندي جيب سفاري 97 بخاخ واحس عزمه مو ذاك الزود اذا ركبت له فرارات (فصل وشبك الدبل )
هل يزيد ذلك من عزم الموتر ام لاء ؟؟

[مكشات واحد]

تخفف من سوة العمود الامامي وصرفية البنزين وكذالك العزم
روح النيسان البواجي وفلتر الهوا

[sgl2002]

لاتوقع ذيك الزيادة

لكن ترى النيسان اذا غيرت شي عن وكالته يقوم يعاكس

أنا معي 98 ربع ماغيرت فيه شي من وكالته

والحمد لله اسابق الربوع بالمراقى وفي الخط يمشي 210 وطبلونه 180

[المنيعي1]

نعم يخف شي بسيط بالمدينه بالخط في السرعة يزيد خمس كيلوات يعني أذا موترك كان يمشي أخر شي 180 يصير 185 ويقتصد من البنزين يوفر 50 كلم زيادة في كل تانكي .

ولكن أنصح أذا تبي تركب فرارات برازيلية ركب السوداء لأنه ما تحتاج تشحيم

[الليل السرمدي]

ماقصرتوا يااخوان

لاكن يوم مافيها زياده بالعزم ليش كل اهل الباترول وخصوصا القديم 97 وتحت مركبين فرارات ؟؟

انا والله توقعت اني لما اغيرها يخف الموتر ويزيد عزمه بس تفاجأت بردودكم !!!

وين الي جرب الفرارات قبل وبعد يفيدنا لاهنتم ؟؟؟

[العبله]

هلا بك اخوي
انا معي ربع 2001 ومركب له فرارات ما يزيد عزمه لن الفرارات توقف دوران عمود الدبل ما يدور ويصر دفع خلفي فقط يعني حتى لو شبكت الدبل.
لكن قومته تخف ويصيرخفيف في اللفات والممشى وطبعا هذا ينعكس على صرفية البنزين طبعا مهوب بشكل كبيرلكن يوفر شي بسيط اذا بتركب ركب مهوب حسوفه .

[خبايا انسان]

كلام الشباب سليم 100%

ومن فوائد الفرارات ,, انها تقلل استهلاك عمود الدبل والدفرنس الامامي ومايحويه ,, واكثر الي مركبين فرارات يعانون من رجة عمود الدبل .. فنصيحتي دام عمود الدبل عندك سليم , ف سارع بتركيب الفرارات وحافظ على عمود الدبل

[ك ن ق 222]

السلام عليكم ورحمة الله وبركاته
لي قصه مع الفرارات وبختصرها (اسئل مجرب ولا تسئل طبيب)
الي يقولك ركب فرارات لا طيعه نصيحه أنا خرب علي عمود الدبل ورحت شريته من الوكالة 2500 ريال قالو لونك مركب فرارات محصل الشي هذا معك وماخرب عمودالدبل معك ركبت الفرارات مع عمود الدبل وخرب علي ماتم شهر وجاء لي الكفرات رجه قالو يبيله ترصيص جنط رصصت ومافيه فايده قلو يبيله ترصيص كفر برضه مافيه فايده قلو اجل يبيلك صليبات دبل ركبت ومافيه فايده ونصحني شايب من الشياب بني اشيل الفرارات وتظبط اموري شلته والحمد لله ظبط الموتر مقول الا غير(ياليتنا من حجنا سالميني)

[الذيب511]

طيب الفرارات المريكيه ممتاز

[لاتكب البيالة]

جربته توفر زيادة تقريبا 50 كيلو بالخط لتانكيين

[التعـ King ـديل]

الفرارات تخفف ممشى السياره لانها توقف دوران عمود الدبل .. كما تعلم ان عمود الدبل يدور بوش مع السياره مما يزيد الضغط على المكينه وتكون السياره ثقيله

ولكن بعد تركيب الفرارات عمود الدبل يوقف عن الدوران بوش ويخف الضغط على المكينه وتخف الصرفيه ويزيد العزم