اخيرا حققت الحلم وشريت الشاص :)

[khayyal]

مرحبا شباب ،

من زمان وانا اسمع الكل يمدح في الشاص ولي فتره محتار بين شاص النيسان والجمس والهايلكس وال..وال .. وال ..

بس من منتدانا الغالي شفت ان اكثر اهل المكشات ما يعدون الشاص التيوتا للبر والطلعات .. انا طبعا عندي والحمدلله لاندكروزر بس ابي شئ للخيل والطلعات يكون حوض وقلت اخيرا باتكل بالله واشتري ملك المكشات الشاص.

المهم قولوا ماشاء الله وباركولي بالشاص الابيض جديد .. كنت باخذ 2012 بس اغلب اهل الشاص قالوا فيه مشاكل وحصلت واحد بكل مواصفاتي 2011 وخلصت عليه.

انا عندي في اللندكروزر الونش ما مره استخدمته فقلت خلاص دام اني مالقيت شاص بونش ودفلك الا خليجي بزياده كثير ، بفك الونش من اللند واحطه على الشاص .. احد عنده تجربه في كيفية تركيبه على الشاص يعطيني خبر.

انا ابي اجهز الشاص للبر وابي نصايحكم شسوي فيه .. طبعا اهم شئ عندي خزان المويه والبطاريه الاضافيه ، عطونا نصايحكم!

طبعا انا من الاحساء في الشرقيه واكثركم يتكلم عن محلات في الرياض .. اذا احد عنده محلات في الاحساء او على الاقل الشرقيه لتجهيز السيارات حق البر ، يعلمني.

اشكركم واتمنى كل طالب مراد يلقى مراده قريب :good2:
تحياتي
الخيال

[راشد الشطيطي]

الف الف الف

مبرووووووك

الله يعطيك خيره ويكفيك شره

اتمنى لك التوفيق

حبيت اباركلك اخي العزيز

[جمس دينالي]

مبروك والله يوفقك

ويعطيك خير هالموتر ويكفيك من شره

ويفيدونك الشباب بخصوص الونش

[volcano]

الف مبروك الله يعطيك خيره ويكفيك شره


نبغاك تنضم لحمة المقاطعة من موديل 2013 عشان ينزل سعره :good2:

[galawy1]

مبرررررررروووووووك

[وسيع البال]

مبروك الله يعطيك خيره ويكفيك شره

[زاحف بحر]

وش رايك تجرب قوته في ساحة العيون لفة وحدة بس ههههههههههههه امزح يالغلا ,,

الف الف الف مبروك ..

يعطيك خيره ويكفيك شره ,,

[القناص 2008]

الف مبروك الله يعطيك خيره ويكفيك شره

[ميدان التحدي]

الف الف مبرووووك والله يعطيك خيره ويكفيك شره

إرسلت من GT-I9100 باستخدام برنامج Tapatalk

[ولد روووق]

مبروك الله يعطيك من خارة ويكفيك شرة

[الجو ربيع]

الف الف مبرووووك والله يعطيك خيره ويكفيك شره

والله ياحبيب الشعب انا من الاحساء ولا خبرت في محل
ونفس الكلام اسمع من الشباب والمنتدى الغالي اكثر المحلات في الرياض
وقولك الله يعينك على يوم كذا يوم خميس تطلع من بعد صلاه الفجر على الرياض
وضبط الموتر من و الى وشغل مرتب افضل من تروح ورشه اول مرى وطبب في موترك
الله يباركلك
وان شاء الله الوعد قريب معك طلعه .........

اخوك بوعبدالرحمن

[سليمان الراشد]

ماشاء الله
الله يعطيك خيره ويكفيك شره يارب

[GMC4Ever]

الله يعطيك خيره ويكفيك شره

نصيحة لوجه الله، دق السلف الأربعاء للرياض ومر الغرابي واشتري وركب كل اللي براسك أرخص لك من الشرقية بنسبة 30-40%

على سبيل المثال:

تلبيسة يوكن بالدمام 650 ريال - بالرياض 400 ريال
صدام اليوكن بالدمام 1100 ريال - بالرياض من 650 إلى 700 ريال.
سلة سقف فيها فتحات للكشافات وكفر سبير: 900 ريال بالدمام - بالرياض 600 ريال.
براد شاهي تركي صغير هنا بـ 88 ريال والكبير بـ 150 ريال - الرياض الكبير بـ 60 ريال.
والأمثلة كثييييييييييييييرة

أنا شخصياً توبه أشتري شئ من الشرقية، كل السوق محتكرينه فئة معينة ولاعبين بالأسعار لعب.

وبالتوفيق إن شاء الله تعالى،،،

[جنرال حرب1]

مبروك

هذا اللي اقدر اقوله


والغرابي ارحملك

[تميم2222]

^_^ الف مبرووك ومن حصل شي يستاهله :good:

[من شمر]

الف مبروك .. الله يوفقك .. والله يكون بعون ظهرك...

[khayyal]

هلا بالشباب ومشكور لكل ردودكم الحلوه وانشاء الله ينال مراده كل اللي تمنالي خير .. صحيح الرياض الظاهر لازم اروح انسب انشالله .. المشكله ان كثير من الشغلات لازم تنسيق مع المحلات وبعضها حتى تاخذ يوم او اكثر في المحل يعني اروح الرياض اسبوع هههههه

طيب اسألكم .. اشوف البعض يقول احسن شئ السياره وهي جديده تعمل لها تضمين عشان ما تتفكك .. هل يحتاج الشاص لهالشغله؟

اشكركم
الخيــَـال

[ابوسند9]

الله يعطيك خيره ويكفيك شره
وبالنسبه للتضمين ما يحتاج ولا تلعب فيه
ضمن ظهرك اهم شي ههههههههه

[Mr.GX-R]

مبروك ما شريت والله يطعمك من خيره ويكفيك شره
آمين
====
يازين الاحساء واهل الحسى ان اشهد انها ديره

من غير قصور في باقي الديار

[باترول للأبد]

مبروك عليك الشاص وأنا من الحسا وتبي الصراحه ما عندنا شي كثير شغلات أسافر عشانها !!

[khayyal]

الله يبارك فيكم .. انا بديت اضمن ظهري .. لي كم يوم انام على السيراميك عشان اتعود ههههههه

هلا مستر جي اكس .. والله من طيب اصلك والاحساء ديرتك واحنا اهلك وحياك الله في اي وقت

يعطيكم العافيه
الخـيـَـال

[FORD1969]

مبروووووووووووووووووك ماشريت

وعندك قطر فيها تجهيزات حلوه للموتر

يالبى الحسا وأهلها لنا فيها ذكريات حلوه

قهوة الســـــــــــــــــيد الجلسه فيها ترد الروح عليهم فطاير وجدو في المخ

حدد وش تبي بالضبط وراسلني على الخاص وبفيدك بالأماكن واسعار العزب

موفق ولا تنسى تشتري حزام ظهر وكانك منت راعي تحميل اسحب لك كم سسته وتوسدها على السراميك ههههه

لازم نمركم قريبا

[لجلك تعنيت]

الف الف الف

مبرووووووك

الله يعطيك خيره ويكفيك شره

اتمنى لك التوفيق

[wafian]

ما شاء الله تبارك الله

الله يبارك لك فيه و يعطيك من خيره و يكفيك شره

[أبوعابد 22]

مشاء الله تبارك الله تكسره بالعافيه

[sgl2002]

مبرووك

لكن اخوي ترى الشاص تفرق سواقته على اللاند

حاول انك تعرف كيف تتعامل معه

يعني مثال بالنفود لو واجهك قص وبغيت تتلافاه بيكون صعب لان لفته طويله
وكذلك انتبه تراه يثولث بسرعه لانه طويل
وانتبه تنكسه مع القصوص النازلة مره عشان لايقلب ولاتوقف وانت في ميلان قوي

وان شاء الله مع الوقت بتعرف له وحبيت افيدك من تجربتي له

[ابو تركي9]

مبروك
الله يعطيك خيره ويكفيك شره

[اشتاء الشمال]

الف مبروك والله يعطيك خيره ويكفيك شره والله أنا منيتي بعد الشاص بس العين بصيره واليد قصيره عسا فالك التوفيق والخير منه انشاء الله

[khayyal]

يعطيكم العافيه اخواني ..

ابو عابد ايه هذي الكلام الحلو .. اكسر بالعافيه ماهو الشباب اللي يقولوا بيكسر ظهرك ههههه ... انشاء الله انا اللي بكسره

SGL2002 مشكور عالنصايح واشهد انها عالصميم .. فعلا وانا الف فيه لاحظت انه ما يدور بسرعه واتذكرت كلامك. وسالفة الوقفه وانت مايل كلامك ميه الميه .. واحد من الشباب قبل فتره في باترول ربع مليان شباب بيسوي نفسه فنان ووقف والسياره مميله على جنب ودحرجه من فوق الطعس الى تحت وشبت المكينه نار بس الحمدلله طفوها بدليل القهوه والشاي والرمل بس الحمدلله الله سلمهم كلهم.

اخوي شتاء الشمال ، والله ما كنت اتوقع اني يجي وقت اشتريه بس توفيق الله والحمدلله على نعمه الكثيره .. انشاء الله الفال لك بعدي على الشتويه الجايه يكون عندك واحد بس انت اتكل على الله وسوي اللي عليك

هلا فيك اخوي فورد .. هلا بأهل قطر ربعنا والنعم والله .. الاحساء بلدك الثاني وحياك الله في اي وقت.